ໄຂກອງປະຊຸມຄັ້ງທີ 8, ຄະນະບໍລິຫານງານສູນກາງພັກ ຊຸດທີ 11
(ພາບ: Trí Dũng/TTXVN).
(vovworld) - ກອງປະຊຸມໄດ້ໄຂຂຶ້ນຢ່າງສົມກຽດໃນຕອນເຊົ້າວັນທີ 30/9 ຢູ່ຮ່າໂນ້ຍ ເພື່ອປຶກສາຫາລືຫຼາຍບັນຫາສຳຄັນກ່ຽວກັບເສດຖະກິດ, ການເມືອງ - ສັງຄົມຂອງປະເທດຊາດ. ກ່າວຄຳເຫັນທີ່ພິທີໄຂກອງປະຊຸມ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ່ຈ້ອງ ໄດ້ຊີ້ແຈ້ງ 5 ໝວດບັນຫາທີ່ມີລັກສະນະເຈາະຈິ້ມກ່ຽວກັບບັນດາເນື້ອໃນເຊິ່ງກອງປະຊຸມຈະພິຈາລະນາ, ປຶກສາຫາລື ແລະ ຕັດສິນໃຈ. ກ່ຽວກັບສະພາບພັດທະນາເສດຖະກິດທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ:
“ເພື່ອຮັບຮູ້ສະພາບການຕົວຈິງກ່ຽວກັບເສດຖະກິດ - ສັງຄົມປີ 2013 ຄວນອີງໃສ່ຂໍ້ສະຫລຸບຂອງສູນກາງ, ມະຕິຂອງສະພາແຫ່ງຊາດທ້າຍປີ 2012 ແລະ ພຶດຕິກຳຕົວຈິງຂອງປະເທດຊາດ, ຂອງກະຊວງ, ຂະແໜງການທ້ອງຖີ່ນບ່ອນພວມປະຕິບັດງານ, ໄຈ້ແຍກສະພາບການຢ່າງລະອຽດ, ຊີ້ແຈ້ງບັນດາໝາກຜົນທີ່ບັນລຸໄດ້ໃນ 9 ເດືອນຕົ້ນປີ ແລະ ຄາດຄະເນທັງປີ 2013.”
ກ່ຽວກັບການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ, ຮອບດ້ານ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ຕ້ອງປະກາດໃຊ້ມະຕິສູນກາງທີ່ເໝາະສົມເພື່ອຊີ້ນຳ, ນຳພາພັດທະນາຂົງເຂດ ທີ່ກໍ່ໄດ້ຮັບຖືວ່າເປັນລັດຖະນະໂຍບາຍອັນດັບໜຶ່ງນີ້. ສຳລັບຮ່າງລັດຖະທຳມະນູນປີ 1992 ສະບັບປັບປຸງ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ສູນກາງໄດ້ກຳນົດຫຼາຍເທື່ອແລ້ວວ່າ ນີ້ແມ່ນໜ້າທີ່ສຳຄັນພິເສດຂອງພັກ, ລັດ ແລະ ທົ່ວລະບົບການເມືອງ:
“ເວລາຜ່ານມາ, ພວກເຮົາໄດ້ເສີມຂະຫຍາຍຈິດໃຈປະຊາທິປະໄຕ ແລະ ສະຕິຄວາມຮັບຜິດຊອບຢ່າງສູງສຸດ, ປຸກລະດົມປະຊາຊົນເປັນຈຳນວນຫຼວງຫຼາຍເຂົ້າຮ່ວມປະກອບຄຳເຫັນໃສ່ຮ່າງລັດຖະທຳມະນູນ. ສະເໜີໃຫ້ສູນກາງສືບຕໍ່ສະຫງວນເວລາເພື່ອຄົ້ນຄ້ວາ, ປຶກສາຫາລື, ປະກອບຄຳເຫັນລະອຽດເຂົ້າໃນແຕ່ລະພາກ, ມາດຕາ. ພ້ອມທັງປະກອບຄຳເຫັນກ່ຽວກັບການຊີ້ນຳ, ນຳພາຍື່ນສະເໜີຕໍ່ສະພາແຫ່ງຊາດພິຈາລະນາ, ຮັບຮອງເອົາ”
ກ່ຽວກັບວຽກງານກໍ່ສ້າງພັກ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໃຫ້ຮູ້ວ່າ: ທີ່ກອງປະຊຸມນີ້, ກົມການເມືອງຄະນະບໍລິຫານງານສູນກາງພັກ ພິຈາລະຈາ, ຕົກລົງ 2 ເນື້ອໃນສຳຄັນແມ່ນ: ປະກາດໃຊ້ກົດລະບຽບການເລືອກຕັ້ງໃນພັກ ແລະ ຂໍ້ຕົກລົງການສ້າງຕັ້ງບັນດາອະນຸກຳມະການກະກຽມກອງປະຊຸມໃຫຍ່ຄັ້ງທີ 12 ຂອງພັກ. ຕາມລາຍການແລ້ວ, ກອງປະຊຸມສູນກາງຄັ້ງທີ 8 (ຊຸດທີ 11) ຈະເຮັດວຽກຮອດວັນທີ 9/10.