ທ່ານ ຫງວຽນຟູ໋ຈ້ອງ ເລຂາທິການໃຫຍ່ ຄະນະບໍລິຫານ
ງານສູນກາງພັກກອມມູນິດຫວຽດນາມ
ຕອນເຊົ້າວັນທີ 4/7, ຢູ່ຮ່າໂນ້ຍ, ກອງປະຊຸມ ຄັ້ງທີ 3 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 7 ໄດ້ໄຂຂຶ້ນຢ່າງສົມກຽດ. ທີ່ກອງປະຊຸມຄັ້ງນີ້, ສູນກາງປຶກສາຫາລື ແລະ ຕົກລົງກ່ຽວກັບ: ຂໍ້ກຳນົດການເຮັດວຽກ ຂອງ ຄະນະບໍລິຫານງານສູນກາງ, ກົມການເມືອງ, ຄະນະເລຂາທິການ; ຂໍ້ກຳນົດ ກ່ຽວກັບວຽກງານ ຂອງຄະນະກຳມະການກວດກາສູນກາງ; ຂໍ້ກຳນົດກ່ຽວກັບການປະຕິບັດກົດລະບຽບພັກ; ຂໍ້ກຳນົດ ກ່ຽວກັບວຽກງານ ກວດກາ, ຕິດຕາມກວດກາ ແລະ ການປະຕິບັດວິໄນ ຂອງພັກ; ເລື່ອງ ແນະນຳ ບຸກຄະລາກອນ ການນຳຂັ້ນສູງ ຂອງບັນດາອົງການແຫ່ງລັດ ແລະ ບາງບັນຫາສຳຄັນອື່ນໆ
ໃນບົດກ່າວປາໄສທີ່ພິທີໄຂ ກອງປະຊຸມ, ທ່ານ ຫງວຽນຟູ໋ຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ຊີ້ແຈ້ງ ບັນດາ ເນື້ອໃນສຳຄັນ ເພື່ອໃຫ້ ສູນກາງ ປຶກສາຫາລື ແລະ ໃຫ້ຄວາມເຫັນ. ກ່ຽວກັບ ຂໍ້ກຳນົດການເຮັດວຽກຂອງຄະນະບໍລິຫານງານສູນກາງ, ກົມການເມືອງ, ຄະນະເລຂາທິການ ແລະ ຄະນະກຳມະການກວດກາສູນກາງ, ທ່ານ ຫງວຽນຟູ໋ຈ້ອງ ເລຂາທິການໃຫຍ່ ເນັ້ນໜັກວ່າ: “ກົມການເມືອງ, ຄະນະເລຂາ ແລະ ຄະນະກຳມະການກວດກາສູນກາງຊຸດນີ້ ຄວນມີບັນດາຂໍ້ກຳນົດລະອຽດ, ແໜັ້ນແຟ້ນ, ສອດຄ່ອງກັບພຶດຕິກຳ, ຮັບປະກັນການເສີມຂະຫຍາຍປະຊາທິປະໄຕໃນການດຳເນີນຊີວິດຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາ, ຄະນະກຳມະການກວດກາສູນກາງໃຫ້ດີກວ່າ. ຍົກສູງກຳລັງຄວາມສາມາດ ແລະ ປະສິດທິຜົນການຊີ້ນຳນຳພາຂອງພັກ, ພ້ອມທັງເສີມຂະຫຍາຍຄວາມເປັນເຈົ້າການ, ມີຫົວຄິດປະດິດສ້າງ ແລະ ຄວາມຮັບຜິດຊອບຂອງບັນດາອົງການອື່ນໃນລະບົບການເມືອງ, ການປ່ຽນໃຫມ່, ປັບປຸງລະບອບ, ແບບແຜນການເຮັດວຽກ, ວິທີການວຽກງານຂອງບັນດາອົງການຊີ້ນຳນຳພາຂອງພັກ.”
ກ່ຽວກັບຂໍ້ກຳນົດ ການປະຕິບັດກົດລະບຽບພັກ, ຂໍ້ກຳນົດ ກ່ຽວກັບວຽກງານການກວດກາ, ຕິດຕາມກວດກາ ແລະ ການປະຕິບັດວິໄນຂອງພັກ, ທ່ານ ເລຂາທິການໃຫຍ່ ຫງວຽນຟູ໋ຈອງ ໄດ້ຊີ້ແຈ້ງ: ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 12 ຂອງພັກ ໄດ້ຮັບຮອງເອົາບົດລາຍງານສະຫຼຸບ ວຽກງານປະຕິບັດກົດລະບຽບພັກ ຊຸດທີ 11; ຂໍ້ກຳນົດບໍ່ປັບປຸງ, ເພີ່ມເຕີມກົດລະບຽບພັກ ທີ່ປະຕິບັດ ກອງປະຊຸມໃຫຍ່ ຄະນະບໍລິຫານງານສູນກາງພັກ ຊຸດທີ 12 ແນະນຳ, ກຳນົດຢ່າງລະອຽດ ແລະ ເພີ່ມທະວີການກວດກາ, ຕິດຕາມກວດກາ, ຮັບປະກັນການປະຕິບັດກົດລະບຽບຢ່າງເຂັ້ມງວດ, ເປັນເອກະພາບໃນທົ່ວພັກ.
ກ່ຽວກັບການສະເໜີ ບຸກຄະລາກອນການນຳຂັ້ນສູງ ຂອງບັນດາອົງການລັດ ອາຍຸການ 2016-2021, ທ່ານເລຂາທິການໃຫຍ່ ຫງວຽນຟູ໋ຈອງ ເນັ້ນໜັກວ່າ: ນີ້ແມ່ນວຽກງານສຳຄັນທີ່ສຸດ. ທີ່ກອງປະຊຸມຄັ້ງນີ້, ກົມການເມືອງ ສະເໜີ ຄະນະບໍລິຫານສູນກາງພັກ ພິຈາລະນາ, ສະເໜີບຸກຄະລາກອນ ຕາມທິດ: ສຳລັບບັນດາຖານະຕຳແໜ່ງປະທານປະເທດ, ນາຍົກລັດຖະມົນຕີ, ປະທານສະພາແຫ່ງຊາດ ແລະ 34 ຖານະຕຳແໜ່ງການນຳອື່ນ ຂອງບັນດາອົງການລັດ ເຊິ່ງກອງປະຊຸມສູນກາງ ຄັ້ງທີ 2 ຊຸດທີ 12 (ເດືອນ 3/2016 ປ່ອນບັດສະເໜີ ຫຼື ມີຄຳເຫັນຮັບຮອງເອົາ ດ້ວຍບັດໄວ້ວາງໃຈສູງ (ຕ່ຳສຸດ ກໍ່ຫຼາຍກວ່າ 72%, ຄະນະບໍລິຫານງານສູນກາງ ຈະບໍ່ດຳເນີນການປ່ອນບັດສະເໜີ ຫຼື ຮັບເອົາຄຳເຫັນຄືນ. ສຳລັບ 13 ຖານະຕຳແໜ່ງທີ່ຍັງເຫຼືອ ຍັງບໍ່ຮັບເອົາບັດສະເໜີ ຢູ່ກອງປະຊຸມສູນກາງ ຄັ້ງທີ 2 ແລະ ບັນດາຖານະຕຳແໜ່ງ ທີ່ຄາດວ່າຈະປ່ຽນແປງ ເມື່ອທຽບກັບຄັ້ງກ່ອນ, ກົມການເມືອງ ຂໍຄຳເຫັນຈາກສູນກາງ ດ້ວຍບັດກ່ອນທີ່ສະເໜີຢ່າງເປັນທາງການ ເພື່ອໃຫ້ສະພາແຫ່ງຊາດພິຈາລະນາ, ເລືອກຕັ້ງ ຫຼື ໃຫ້ສັດຕະຍາບັນ ຢູ່ກອງປະຊຸມຄັ້ງປະຖົມມະເລີກ, ສະພາແຫ່ງຊາດຊຸດທີ 14.
ຕາມລາຍການ, ກອງປະຊຸມເຮັດວຽກ ເຖິງ ວັນທີ 8/7/2016.