ໄຂກອງປະຊຸມຜູ້ ບັນຊາການທະຫານ ບົກບັນດາປະເທດ ອາຊຽນຄັ້ງທີ 15
(ພາບ: AFP/TTXVN))
(vovworld)- “ຍົກສູງຄວາມສາມາດສົມທົບລະຫວ່າງທະຫານບົກບັນດາປະເທດອາຊຽນຮັບມືກັບບັນດາສິ່ງທ້າທາຍແບບໃໝ່“ ແມ່ນຫົວເລື່ອງຂອງກອງປະຊຸມຜູ້ບັນຊາການທະຫານບົກບັນດາປະເທດອາຊຽນຄັ້ງທີ 15 ຈັດຂຶ້ນແຕ່ວັນທີ 26-29/11 ຢູ່ຮ່າໂນ້ຍ. ກ່າວຄຳເຫັນທີ່ກອງປະຊຸມ, ທ່ານພົນໂທໂດ້ບາຕິ, ເສນາທິການໃຫ່ຍກອງທັບ ປຊຊ ຫວຽດນາມ, ລັດຖະມົນຕີຊ່ວຍວ່າການກະຊວງປ້ອງກັນປະເທດຫວຽດນາມ ຊີ້ແຈ້ງວ່າ: ສານຂອງກອງປະຊຸມແມ່ນຢັ້ງຢືນລັກສະນະແນ່ນອນຂອງການເພີ່ມທະວີການຮ່ວມມືລະຫວ່າງທະຫານບົກບັນດາປະເທດອາຊຽນ ແລະ ຕັດສິນໃຈຊອກຫາບັນດາຂໍ້ລິເລີ່ມ, ມາດຕະການລະອຽດເພື່ອຊຸກຍູ້ການຮ່ວມມື. ທ່ານພົນໂທໂດ້ບາຕິ ຊີ້ແຈ້ງວ່າ:
“ກ່ຽວກັບບັນຫາການປ້ອງກັນຊາດ, ປ້ອງກັນຄວາມສະຫງົບ, ໃນສະພາບທີ່ວ່າໂຄງປະກອບການເມືອງ-ຄວາມສະຫງົບປອດໄພຂອງພາກພື້ນພວມໄດ້ຮັບການສ້າງຂຶ້ນ ແລະ ຕໍ່ໜ້າບັນດາບັນຫາຍຸດທະສາດກ່ຽວຂ້ອງເຖິງສັນຕິພາບ, ຄວາມສະຫງົບປອດໄພ, ສະຖຽນລະພາບ ແລະ ການຮ່ວມມືໃນພາກພື້ນນັ້ນ, ບັນດາປະເທດອາຊຽນໄດ້ເດັດດ່ຽວຍູ້ແຮງການຮ່ວມມື ແລະ ໜູນຊ່ວຍຊື່ງກັນ ແລະ ກັນເພື່ອແນໃສ່ແກ້ໄຂບັນດາສິ່ງທ້າທາຍທີ່ວາງອອກຢ່າງມີປະສິດທິຜົນ, ທັງໃນລະດັບຊາດ, ພາກພື້ນ ແລະ ສາກົນ, ເສີມຂະຫຍາຍບົດບາດແມ່ນປັດໄຈຮັບປະກັນສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ“./.