ບັນດາຜູ້ແທນເຂົ້າຮ່ວມກອງປະຊຸມ
|
(vovworld) - ພິທີໄຂກອງປະຊຸມຮອງລັດຖະມົນຕີການເງິນ ແລະ ຮອງຜູ້ວ່າການທະນາຄານສູນກາງ APEC 2017 ໄດ້ໃນຕອນເຊົ້າວັນທີ 23/2, ຢູ່ນະຄອນຍາຈາງ, ແຂວງ ແຄ໋ງຮ່ວາ, ດ້ວຍການເຂົ້າຮ່ວມຂອງຜູ້ແທນປະມານ 150 ທ່ານທີ່ຕາງໜ້າໃຫ້ 21 ພື້ນຖານເສດຖະກິດສະມາຊິກ APEC ແລະ ບັນດາອົງການສາກົນ. ນີ້ແມ່ນການເຄື່ອນໄຫວທຳອິດຂອງວິວັດທະນາການລັດຖະມົນຕີການເງິນ APEC ໃນບັນດາເຫດການປີ APEC 2017 ຂອງຫວຽດນາມ. ກ່າວຄຳເຫັນໄຂກອງປະຊຸມ, ທ່ານຮອງລັດຖະມົນຕີກະຊວງການເງິນ ຫວຽດນາມ ເຈີ່ນຊວນຮ່າ ເນັ້ນໜັກວ່າ:
“ວິວັດທະນາການຮ່ວມມືດ້ານການເງິນ APEC 2017 ດ້ານໜຶ່ງແມ່ນຕິດພັນກັບຫົວຂໍ້ແຫ່ງຊາດ, ດ້ານອື່ນຕ້ອງສືບຕໍ່ບັນດາຜົນງານໃນປີ 2016, ພ້ອມທັງສືບຕໍ່ຜັນຂະຫຍາຍແຜນການເຄື່ອນໄຫວ Cebu ບົນພື້ນຖານການສະຫລຸບຂອງກອງປະຊຸມລັດຖະມົນຕີການເງິນຄັ້ງທີ 23. ໃນເວລາ 2 ວັນ, ກອງປະຊຸມຈະປຶກສາຫາລືຕີລາຄາສະພາບການ ແລະ ແງ່ຫວັງເສດຖະກິດທົ່ວໂລກ ແລະ ພາກພື້ນ, ສັງເກດບັນດາກາລະໂອກາດ, ສິ່ງທ້າທາຍລວມ, ຈາກນັ້ນ, ມີບັນດາມາດຕະການຮ່ວມມືຢ່າງແທດຈິງ, ມີປະສິດທິຜົນເພື່ອແນໃສ່ຫລຸດຜ່ອນຄວາມສ່ຽງ, ພັດທະນາແບບຍືນຍົງ, ເພີ່ມພູນຄູນສ້າງໃຫ້ອະນາຄົດອັນດີງາມ.”