(vovworld)- ວັນທີ 19/6, ຢູ່ນະຄອນດາຫນັງ, ກອງປະຊຸມເຈົ້າຫນ້າທີ່ອາວຸໂສອາຊຽນກ່ຽວກັບການປ້ອງກັນຕ້ານອາດຊະຍາກຳຂ້າມຊາດ(SOMTC) ຄັ້ງທີ 13 ຖືກໄຂຂຶ້ນ ໂດຍມີການເຂົ້າຮ່ວມຂອງບັນດາຜູ້ແທນມາຈາກ 10 ປະເທດສະມາຊິກ ອາຊຽນ, ຄະນະເລຂາອາຊຽນ, ບັນດາປະເທດຄູ່ຮ່ວມມືເຈລະຈາຊື່ງລວມມີ: ຈີນ, ຍີ່ປຸ່ນ, ສເກົາຫລີ, ລັດເຊຍ, ອົດສະຕາລີ, ນິວເຊີແລນ, ສະຫະພາບເອີລົບ ແລະ ອາເມລິກາ. ໃນຂອບເຂດກອງປະຊຸມຍັງມີບັນດາການທາບທ່າມຄຳເຫັນ, ການໂອ້ລົມສົນທະນາປຶກສາຫາລືບັນດາບົດຮຽນ, ມາດຕະການປ້ອງກັນ ແລະ ຕ້ານອາດຊະຍາກຳຂ້າມຊາດ. ກ່າວຄຳເຫັນໄຂກອງປະຊຸມ, ພົນຕີ ຟານວັນຫວິງ, ຫົວຫນ້າກົມໃຫຍ່ຕຳຫລວດປ້ອງກັນ, ຕ້ານອາດຊະຍາກຳ, ສັງກັດກະຊວງຕຳຫລວດຫວຽດນາມ ໄດ້ຢືນຢັນວ່າ:
“ການມີຫນ້າຂອງຜູ້ແທນບັນດາປະເທດສະມາຊິກອາຊຽນ ແລະ ບັນດາປະເທດຄູ່ຮ່ວມມືເຈລະຈາ ແມ່ນພິສູດໃຫ້ເຫັນວ່າ ການຮ່ວມມືໃນການປ້ອງກັນ ແລະ ຕ້ານອາດຊະຍາກຳຂ້າມຊາດ ພວມໄດ້ຮັບຄວາມເອົາໃຈໃສ່ຈາກລັດຖະບານບັນດາປະເທດ ອາຊຽນ. ພວກຂ້າພະເຈົ້າຈະພະຍາຍາມເພື່ອມີເງື່ອນໄຂດີທີ່ສຸດເພື່ອໃຫ້ກອງປະຊຸມປະສົບຜົນສຳເລັດ, ກໍຄືເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະກັນ, ຄວາມສາມັກຄີ ແລະ ພ້ອມກັນພັດທະນາ.”