(ພາບປະກອບ)
(vovworld) - ການເຄື່ອນໄຫວພົບປະແລກປ່ຽນວັດທະນະທຳ ຍີ່ປຸ່ນ ແລະ ງານວາງສະແດງດອກສະກຸຣະຢູ່ ຮ່າໂນ້ຍ ຖືກໄຂຂຶ້ນໃນຕອນຄ່ຳວັນທີ 10/03 ແມ່ນການເຄື່ອນໄຫວແທດຈິງ, ປະກອບສ່ວນນຳການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ຍີ່ປຸ່ນ ເຂົ້າສູ່ລວງເລິກ. ກ່າວຄຳເຫັນທີ່ພິທີ, ທ່ານ ຫງວຽນຢວານຕວານ ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ຢືນຢັນວ່າ: ບັນດາການເຄື່ອນໄຫວພົບປະແລກປ່ຽນວັດທະນະທຳ ຍີ່ປຸ່ນ ແລະ ງານວາງສະແດງດອກສະກຸຣະຢູ່ ຮ່າໂນ້ຍ ໃນປີ 2017 ແມ່ນປະກອບສ່ວນໂຄສະນາ, ແນະນຳ, ເຜີຍແຜ່ຮູບພາບ, ຄວາມງາມວັດທະນະທຳຂອງປະເທດ ຍີ່ປຸ່ນ ໃຫ້ແກ່ປະຊາຊົນນະຄອນຫລວງ ຮ່າໂນ້ຍ. ທ່ານ ຫງວຽນຢວານຕວານ ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ:
“ບັນດາການເຄື່ອນໄຫວພົບປະແລກປ່ຽນວັດທະນະທຳ ຍີ່ປຸ່ນ ແລະ ງານວາງສະແດງ……………..ຢູ່ຮ່າໂນ້ຍ ປີ 2017 ແມ່ນໜຶ່ງໃນບັນດາການເຄື່ອນໄຫວແທດຈິງ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ປະກອບສ່ວນນຳການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ຍີ່ປຸ່ນ ເຂົ້າສູ່ລວງເລິກ. ນີ້ແມ່ນການສະແດງຄວາມສົນໃຈຂອງ ຍີ່ປຸ່ນ ສຳລັບປະເທດ ຫວຽດນາມ ກັບປະຊາຊົນນະຄອນຫລວງ; ປະກອບສ່ວນ ຊຸກຍູ້ການພົວພັນຮ່ວມມືຍຸດທະສາດນັບມື້ນັບພັດທະນາຮອບດ້ານ, ຕອບສະໜອງຄວາມມຸ່ງມາດປາດຖະໜາຂອງປະຊາຊົນ 2 ປະເທດ”.
ການເຄື່ອນໄຫວພົບປະແລກປ່ຽນວັດທະນະທຳ ຍີ່ປຸ່ນ ແລະ ງານວາງສະແດງດອກສະກຸຣະຈະສິ້ນສຸດລົງໃນວັນທີ 12/03 ຈະມາເຖິງ.