ວັນບຸນ “ສີສັນເຂດພູສູງຢູ່ຮ່າໂນ້ຍປີ 2016
ພາບ:internet
|
(vovworld)- ຕອນຄ່ຳວັນທີ 21/11 ຢູ່ຮ່າໂນ້ຍໄດ້ໄຂ ວັນບຸນ “ສີສັນເຂດພູສູງຢູ່ຮ່າໂນ້ຍປີ 2016”. ນີ້ແມ່ນການເຄື່ອນໄຫວສະເຫລີມສະຫລອງ ວັນມໍລະດົກວັດທະນະທຳຫວຽດນາມ (23/11), ເພື່ອໂຄສະນາ, ເຊີດຊູບັນດາມໍລະດົກວັດທະນະທຳຂອງວົງຄະນາຍາດບັນດາເຜົ່າຢູ່ເຂດພູສູງທາງພາກເຫນືອຫວຽດນາມ. ເຂົ້າຮ່ວມວັນບຸນປີນີ້ ມີຄະນະຜູ້ຕາງຫນ້າບັນດາເຜົ່າຢູ່ 10 ແຂວງ, ນະຄອນ ດ້ວຍການເຄື່ອນໄຫວຫລາຍຢ່າງທີ່ອຸດົມສົມບູນ, ດູດດື່ມ, ວາດພາບເຖິງບັນດາຈຸດວັດທະນະທຳທີ່ເປັນເອກະລັກສະເພາະຂອງບັນດາເຜົ່າຢູ່ເຂດພູສູງຄື: ຕະຫລາດນັດເຂດພູສູງ, ພ້ອມກັບບັນດາລາຍການສະແດງສິລະປະ ແລະ ແນະນຳບັນດາຊຸດອາພອນປະຈຳເຜົ່າ, ວາດພາບໃນງານບຸນຕ່າງໆ. ທ່ານ ເວືອງຢູຍບຽນ, ຮອງລັດຖະມົນຕີກະຊວງວັດທະນະທຳ ກິລາ ແລະ ທ່ອງທ່ຽວ ໃຫ້ຮູ້ວ່າ:
“ມາດຖານຂອງພວກເຮົາ ແມ່ນເຊີດຊູສີສັນວັດທະນະທຳເປັນຫລາຍຮູບແບບຂອງຫວຽດນາມ. ພວກເຮົາ ມີສີສັນວັດທະນະທຳເປັນເອກະພາບ ແຕ່ເປັນຫລາຍຮູບຫລາຍແບບຂອງ 54 ຊົນເຜົ່າອ້າຍນ້ອງ. ນີ້ພຽງແຕ່ແມ່ນຮູບພາບໂດຍຫຍໍ້ຂອງປະຊາຊົນ 10 ເຜົ່າທາງພາກເຫນືອ ແຕ່ອຸດົມສົມບູນທີ່ສຸດ.”