ຖະຫວາຍທູບທຽນບູຊາພະພຸດເຈົ້າຊີວິດ ເຈີນເຍີນຕົງ
(ພາບ: nhandan.com.vn)
|
(vovworld)- ວັນທີ 9/2, ງານບຸນ ອຽນຕື ໄດ້ຖືກໄຂຂຶ້ນຢູ່ຕາແສງ ເທື້ອງອຽນກົງ ນະຄອນ ອວງບີ້ ຊຶ່ງເປັນການເປີດສາກການເຄື່ອນໄຫວຈັດງານບຸນປີ 2014. ຈຸດທີ່ພົ້ນເດັ່ນໃນງານບຸນ ອຽນຕື ປີນີ້ແມ່ນກິດຈະກຳຮູບຫຼໍ່ພະພຸດເຈົ້າຊີວິດ ເຈີນເຍີນຕົງ ໄດ້ຮັບການເປີດສະຫຼອງ ເພ່ືອຮັບໃຊ້ການເຄື່ອນໄຫວເຫຼື້ອມໃສຂອງປະຊາຊົນ. ລາຍການໄຂງານບຸນ ອຽນຕືລວມມີພິທີໄຂ, ການສະແດງສິລະປະທີ່ເປັນເອກະລັກສະເພາະ, ພິທີພາວະນາໃຫ້ປະເທດຊາດມີສັນຕິພາບ, ປະຊາຊົນຢູ່ເຢັນເປັນສຸກ, ພິທີຈ້ຳກາປະທັບສັກສິດ.... ນອກຈາກນັ້ນກໍຍັງມີຈັດພິທີພາວະນາໃຫ້ມີໂຊກລາບ, ຮ້ອງຂວັນມາທຽມຄ້ອງບ້າງ....
ແລະ ກໍໃນທີ່ພິທີໄຂງານບຸນ ອຽນຕື, ຄະນະຈັດຕັ້ງໄດ້ມອບຄ້ອງບ້າງ 50 ໜ່ວຍ, ແຜ່ນຕົວສືທີ່ມີຮູບພະພຸດເຈົ້າຊີວິດ ເຈີນເຍີນຕົງ ຖືກຟອກຄຳປິວ 500 ແຜ່ນ ແລະ ເຄື່ອງໝາຍພະພຸດເຈົ້າຊີວິດ ເຈີນເຍີນຕົງ ເຮັດດ້ວຍທອງແດງຖືກຟອກຄຳປິວ ໃຫ້ແກ່ບັນດາອົງການ, ຫົວໜ່ວຍ, ສ່ວນບຸກຄົນທີ່ເປັນຕົວແທນໃນທົ່ວປະເທດ.