.jpg)
(ທ່ານ ຫວູດຶກດາມ, ຮອງນາຍົກລັດຖະມົນຕີ
ເຂົ້າຮ່ວມງານບຸນໜັງສືພິມທົ່ວປະເທດ 2017)
(vovworld) - ຕອນເຊົ້າວັນທີ 17/3, ຢູ່ ຮ່າໂນ້ຍ, ງານບຸນໜັງສືພິມທົ່ວປະເທດ 2017 ໄດ້ໄຂຂຶ້ນຢ່າງເປັນທາງການ. ເຂົ້າຮ່ວມພິທີໄຂມີທ່ານ ຫວໍວັນເຖືອງ, ຫົວໜ້າຄະນະໂຄສະນາສຶກສາສູນກາງ, ທ່ານ ຫວູດຶກດາມ, ຮອງນາຍົກລັດຖະມົນຕີ. ປີນີ້, ງານບຸນໜັງສືພິມທົ່ວປະເທດຖືກຈັດຕັ້ງດ້ວຍຫົວເລື່ອງ “ສື່ມວນຊົນ ຫວຽດນາມ ປ່ຽນໃໝ່ພ້ອມກັບປະເທດຊາດ“., ດ້ວຍການເຂົ້າຮ່ວມຂອງ 470 ຫົວໜ່ວຍ, ອົງການສື່ມວນຊົນ. ກ່າວຄວາມເຫັນນະພິທີ, ທ່ານຮອງນາຍົກລັດຖະມົນຕີ ຫວູດຶກດາມ ຢືນຢັນວ່າ, ງານບຸນໜັງສືພິມທົ່ວປະເທດແມ່ນການເຄື່ອນໄຫວທີ່ເຕັມໄປດ້ວຍລັກສະນະວັດທະນະທຳ, ສ້າງຄວາມອຸດົມສົມບຸນ ແລະ ບັນຍາກາດແຂ່ງຂັນໃຫ້ແກ່ການເຄື່ອນໄຫວສື່ມວນຊົນຕື່ມອີກ, ນຳສ່ືມວນຊົນມາໃກ້ກັບປະຊາຊົນກວ່າ
“ນັກຂ່າວແຕ່ລະຄົນລ້ວນແຕ່ເປັນນັກຮົບປະຈັນບານໃນແນວໂຮມດ້ານແນວຄິດ, ວັດທະນະທຳ, ດັ່ງນັ້ນນອກຈາກຄວາມຮຽກຮ້ອງຕ້ອງການກ່ຽວກັບຄຸນທາດດ້ານການເມືອງ, ລະດັບວິຊາສະເພາະ, ວິຊາການຂອງສື່ມວນຊົນແລ້ວ, ນັກຂ່າວແຕ່ລະຄົນຍັງຢືນຢູ່ຕໍ່ໜ້າຄວາມຕ້ອງການໃຫ້ມີຄວາມຮູ້ຢ່າງກວ້າງຂວາງ ແລະ ເລິກເຊິ່ງກ່ຽວກັບດ້ານສັງຄົມ, ຊີວິດການເປັນຢູ່ທີ່ສຸດ. ນັກຂ່າວແຕ່ລະຄົນກໍ່ຕ້ອງກາຍເປັນນັກຮົບທີ່ນໍາໜ້າໃນການຕ້ານປະກົດການທີ່ຫຍໍ້ທໍ້, ແລະ ເປັນແບບຢ່າງໃນການປະຕິບັດກົດໝາຍ, ເຊີດຊູຈັນຍາບັນ, ແບບແຜນດຳລົງຊີວິດທີ່ສີວິໄລ. ແລະບໍ່ພຽງແຕ່ນັກຂ່າວແຕ່ລະຄົນເທົ່ານັ້ນ, ຫາກບັນດາການເຄື່ອນໄຫວສື່ມວນຊົນກໍ່ຕ້ອງຊ່ວຍສັງຄົມປະຕິບັດຕາມແບບຢ່າງວຽກດີຄົນເດັ່ນ, ຕໍ່ສູ້ຕ້ານຄືນບັນດາປະກົດການຫຍໍ້ທໍ້, ການສໍ້ລາດບັງຫຼວງ, ໄປຝືນກັບຜົນປະໂຫຍດຂອງປະເທດຊາດ, ຂອງປະຊາຊົນ. “
ສິ່ງທີ່ພົ້ນເດັ່ນຂອງງານບຸນໜັງສືພິມທົ່ວປະເທດ 2017 ແມ່ນມີການເຄື່ອນໄຫວທີ່ມີຄວາມໝາຍຫຼາຍຢ່າງກ່ຽວກັບດ້ານການເມືອງ, ສັງຄົມ, ອາຊີບໃຫ້ແກ່ສະມາຊິກຄື: ເວທີປາໄສ, ກອງປະຊຸມສຳມະນາ, ການພົບປະແລກປ່ຽນລະຫວ່າງບັນດານັກຂ່າວ, ອົງການສື່ມວນຊົນ ແລະ ມະຫາຊົນ… ເຫດການດຳເນີນແຕ່ວັນທີ 17-19/3.