(vovworld) - ຕອນຄ່ຳວັນທີ 5/1, ພິທີໄຂງານມະໂຫລານຟິມຮູບເງົາ ຫວຽດນາມ ໄດ້ຈັດຕັ້ງຂຶ້ນຢູ່ສູນ Habitat ອິນເດຍ (IHC), ນິວເດລີ. ນີ້ແມ່ນເຫດການເຊື່ອມຕໍ່ບັນດາເຫດການວັດທະນະທຳໂດຍສະຖານທູດ ຫວຽດນາມ ປະຈຳ ອິນເດຍ ສົມທົບກັບ IHC ແລະ ສະພາການພົວພັນວັດທະນະທ ອິນເດຍ (ICCR) ຈັດຕັ້ງເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (07/01/1972 – 07/01/2017) ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ (2007 – 2017). ກ່າວຄຳເຫັນໄຂກອງປະຊຸມ, ທ່ານເອກອັກຄະລັດຖະທູດ ຫວຽດນາມ ປະຈຳ ອິນເດຍ ຕົນຊິງແທ່ງ, ໃຫ້ຮູ້ວ່າ ຫວຽດນາມ ມີບໍລິສັດຜະລິດຟິມຮູບເງົາປະມານ 400 ແຫ່ງ, ໄດ້ຜະລິດຟິມຮູບເງົາໄດ້ປະມານ 100 ກ່ວາເລື່ອງ. ທ່ານເອກອັກຄະລັດຖະທູດ ຫວັງວ່າບັນດາເພື່ອນ ອິນເດຍ ຈະຮັບຊົມຟິມຮູບເງົາໂດຍ ຫວຽດນາມ ຜະລິດ.