ງານວາງສະແດງ “ຖະໜົນປຶ້ມລະດູບານໃໝ່ປີວອກ-2016” |
(vovworld)- ຕອນເຊົ້າວັນທີ 10/2, ຢູ່ຮ່າໂນ້ຍໄດ້ໄຂ ງານວາງສະແດງ “ຖະໜົນປຶ້ມລະດູບານໃໝ່ປີວອກ-2016”. ນີ້ເປັນຄັ້ງທຳອິດທີ່ ງານວາງສະແດງ “ຖະໜົນປຶ້ມລະດູບານໃໝ່” ຖືກຈັດຂຶ້ນ, ແມ່ນສະຖານທີ່ເຄື່ອນໄຫວວັດທະນະທຳຂອງຊາວນະຄອນຫຼວງໃນໂອກາດບຸນເຕັດ ປີວອກ 2016. ມີ 20 ຮ້ານວາງສະແດງປຶ້ມດ້ວຍຫຼາຍປະເພດທີ່ອຸດົມສົມບູນ. ທ່ານນາງ ຫງວຽນເວີນແອງ ຜູ້ຕາງໜ້າສຳນັກພິມຈຳໜ່າຍແມ່ຍິງ, ຜູ້ເຂົ້າຮ່ວມງານວາງສະແດງ “ຖະໜົນປຶ້ມລະດູບານໃໝ່ປີວອກ-2016” ໃຫ້ຮູ້ວ່າ :
“ສຳນັກພິມຈຳໜ່າຍແມ່ຍິງຕອບສະໜອງຕາມເນື້ອໃນຈິດໃຈຂອງ ງານວາງສະແດງ “ຖະໜົນປຶ້ມລະດູບານໃໝ່ປີວອກ-2016” ເພື່ອເຮັດແນວໃດຊ່ວຍໃຫ້ຜູ້ອ່ານເລືອກເຟັ້ນເອົາບັນດາປຶ້ມທີ່ມ່ວນ ແລະ ນຳມາເຊິ່ງຄຸນປະໂຫຍດໃຫ້ຕົນເອງ. ດັ່ງນັ້ນ, ສຳນັກພິມຈຳໜ່າຍແມ່ຍິງໄດ້ເລືອກເອົາບັນດາປຶ້ມອ່ານທີ່ແທດເໝາະກັບບັນຍາກາດບຸນເຕັດ. ຍົກຕົວຢ່າງເຊັ່ນ: ປຶ້ມກ່ຽວກັບວັດທະນະທຳການດື່ມນ້ຳມຊາຢູ່ຮ່າໂນ້ຍ, ປຶ້ມກ່ຽວກັບລະດູບານໃໝ່… ”
ນາງຫງວຽນຫງວຽນກີງແອງ ຜູ້ອ່ານມາຊົມງານວາງສະແດງ “ຖະໜົນປຶ້ມລະດູບານໃໝ່ປີວອກ-2016” ເປີດເຜີຍວ່າ :
“ ມາຊົມງານວາງສະແດງ “ຖະໜົນປຶ້ມລະດູບານໃໝ່ປີວອກ” ປີນີ້, ຂ້າພະເຈົ້າຮູ້ສຶກວ່າ ມັນຈະເປັນການຍູ້ແຮງວັດທະນະທຳການອ່ານ, ປະກອບສ່ວນເຮັດໃຫ້ປ່ຽນແປງວິທີນຶກຄິດກ່ຽວກັບການອ່ານປຶ້ມຂອງໄວໜຸ່ມ. ຂ້າພະເຈົ້າມີຄວາມປະທັບໃຈຕໍ່ຮ້ານວາງສະແດງປຶ້ມກິມດົງ. ຂ້າພະເຈົ້າເຫັນວ່າ ຢູ່ນີ້ມີປຶ້ມເລື່ອງຫຼາຍຫົວທີ່ຕົນຊົມຊອບ ແລະ ມັນແທດເໝາະກັບທ່າອຽງຂອງໄວໜຸ່ມ ”.