ຄ້ອງບ້າງທອງ ງອກຫລູ
|
(vovworld)- ງານວາງສະແດງ “ສິ່ງມີຄ່າຂອງຊາດຫວຽດນາມ” ຖືກໄຂຂຶ້ນໃນຕອນເຊົ້າວັນທີ 10/1/2017 ແລະ ເປີດປະຕູຮອດເດືອນ 5/2017 ຢູ່ ຫໍພິພິທະພັນປະຫວັດສາດແຫ່ງຊາດ, ເຮືອນເລກ 1 ຖະຫນົນ ຈາງຕຽນ ເມືອງ ຮ່ວານກຽມ ຮ່າໂນ້ຍ. ນີ້ເປັນຄັ້ງທຳອິດງານວາງສະແດງ ເຕົ້າໂຮມ ວັດຖຸພັນທີ່ມີຄ່າຂອງຊາດ 18 ຢ່າງ ຊື່ງແນະນຳໃຫ້ຜູ້ຊົມໂດຍສັງເຂບກ່ຽວກັບບັນດາສິ່ງມີຄ່າໃນໄລຍະວັດທະນະທຳ ດົງເຊີນ ກ່ອນນີ້ ກວ່າ 2000 ປີ, ບັນດາຍຸກສະໄຫມຂອງອະລິຍະທຳ ດ້າຍຫວຽດ ແລະ ບັນດາສະໄຫມສັກດີນາຕະຫລອດຮອດໄລຍະສ້າງຕັ້ງສາທາລະນະລັດປະຊາທິປະໄຕຫວຽດນາມ. ກ່າວຄຳເຫັນນະພິທີໄຂງານວາງສະແດງ, ປອ ຫງວຽນວັນດວານ, ຮອງຜູ້ອຳນວຍການ ຫໍພິພິທະພັນປະຫວັດສາດແຫ່ງຊາດໃຫ້ຮູ້ວ່າ:
“ບັນດາວັດຖຸພັນທີ່ມີຄ່າຂອງຊາດນີ້ລ້ວນແຕ່ແມ່ນບັນດາວັດຖຸພັນຊື່ງຫໍພິພິທະພັນປະຫວັດສາດແຫ່ງຊາດ ເກັບຮັກສາໄວ້ມາແຕ່ດົນນານ ແລະ ເຄີຍແນະນຳເຖິງຜູ້ຊົມທີ່ບັນດາງານວາງສະແດງຢູ່ພາຍໃນ ແລະ ຕ່າງປະເທດ. ງານວາງສະແດງຄັ້ງນີ້ເປັນຄັ້ງທຳອິດ ພວກຂ້າພະເຈົ້າແນະນຳວັດຖຸພັນທີ່ມີຄ່າຂອງຊາດ 18 ຢ່າງ. ດ້ວຍວິທີການວາງສະແດງໃຫມ່, ດ້ວຍເຄື່ອງອຸປະກອນ, ພາຫະນະທັນສະໄຫມ, ຫ້ອງວາງສະແດງມີຈຸດພົ້ນເດັ່ນ, ສ້າງຄວາມປະທັບໃຈຢ່າງເລິກເຊິ່ງກວ່າ ແລະ ຜ່ານນັ້ນ ເຊີດຊູບັນດາວັດຖຸພັນໄດ້.”