(VOV-World) ວັນທີ 3/2, ເນື່ອງໃນໂອກາດສະເຫຼີມສະຫຼອງ 82 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930-3/2/2012), ໜັງສືພິມໃຫ່ຍ ສະບັບຕ່າງໆຂອງຫວຽດນາມ ລ້ວນແຕ່ໄດ້ລົງພິມຂ່າວ ແລະ ບົດກ່ຽວກັບທີ່ຕັ້ງ, ບົດບາດຂອງພັກກອມມູນິດຫວຽດນາມ ໃນປະຫວັດສາດແຫ່ງການຕໍ່ສູ້ ແລະສ້າງສາປະເທດຊາດຂອງຫວຽດນາມ.
ໜັງສືພິມເຍີນເຢີນ ແປ່ວ່າປະຊາຊົນ ສຽງຂອງພັກ, ລັດ ແລະປະຊາຊົນຫວຽດນາມໄດ້ລົງພິມບົດນຳທີ່ມີຫົວຂໍ້ວ່າ: “ພະນັກງານ, ສະມາຊິກພັກແຕ່ລະຄົນ ຕ້ອງຊາບຊືມຄຸນສົມບັດສິທຳປະຕິວັດຢ່າງແທ້ຈິງ”. ບົດນຳຢັ້ງຢືນວ່າ, ເລື່ອງ ພັກກອມມູນິດຫວຽດນາມໄດ້ຮັບການສ້າງຕັ້ງຂຶ້ນແມ່ນເຫດການປະຫວັດສາດອັນສຳຄັນຍີ່ງ, ສ້າງບາດລ້ຽວອັນຍິ່ງໃຫ່ຍຂອງພາລະກິດການປະຕິວັດຫວຽດນາມ. ໂດຍຜ່ານ 82 ປີແຫ່ງການຕໍ່ສູ້ ແລະເຕີບໃຫ່ຍ ໂດຍທ່ານປະທານໂຮ່ຈິມິນສ້າງຕັ້ງຂຶ້ນ ແລະຝຶກຝົນຫຼໍ່ຫຼອມນັ້ນ, ພັກໄດ້ນຳພາປະຊາຊົນຫວຽດນາມ ຜ່ານຜ່າຄວາມທຸກຍາກລຳບາກ, ການທ້າທາຍນາໆປະການ, ຍາດໄດ້ບັນດາໄຊຊະນະອັນຍິ່ງໃຫ່ຍ. ດ້ວຍໄຊຊະນະຂອງການປະຕິວັດເດືອນສິງຫາປີ 1945, ປະຊາຊົນຫວຽດນາມໄດ້ສ້າງສາປະເທດສາທາລະນະລັດປະຊາທິປະໄຕຫວຽດນາມ, ນຳຊາດຫວຽດນາມກ້າວເຂົ້າສູ່ສັງກາດແຫ່ງເອກະລາດແຫ່ງຊາດ ຕິດພັນກັບສັງຄົມນິຍົມ. ໄຊຊະນະຂອງພາລະກິດປ່ຽນແປງໃໝ່ ໂດຍພັກລິດເລີ່ມ ແລະນຳພາໃນ 26 ປີຜ່ານມາ ໄດ້ນຳປະເທດຫວຽດນາມ ກ້າວເຂົາສູ່ໄລຍະພັດທະນາໃໝ່, ສືບຕໍ່ຍູ້ແຮງການຫັນປະເທດຊາດເປັນອຸດສາຫະກຳ ແລະທັນສະໄໝ, ສ້າງພື້ນຖານເພື່ອຮອດປີ 2020, ຫວຽດນາມກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ. ບົດນຳໃຫ້ຮູ້ວ່າ ເພື່ອແກ້ໄຂບັນດາຄວາມຂາດຕົກບົກຜ່ອງ ຂໍ້ຈຳກັດຂອງວຽກງານກໍ່ສ້າງພັກໃນປະຈຸບັນ, ຄະນະບໍລິຫານງານສູນກາງພັກກອມມູນິດຫວຽດນາມ ຈະຕັດສິນໃຈສະກັດກັ້ນ, ຍູ້ການເຊື່ອມເສຍດ້ານແນວຄິດການເມືອງ, ຄຸນສົມບັດ, ແບບແຜນການດຳລົງຊີວິດຂອງພະນັກງານ, ສະມາຊິກພັກພາກສ່ວນໜື່ງ ກ່ອນອື່ນໝົດແມ່ນພະນັກງານການນຳ, ບໍລິຫານຄຸ້ມຄອງຂັ້ນຕ່າງໆໃຫ້ຖອຍໄປ.
ສ່ວນໜັງສືພິມກວນໂດ້ຍເຍີນເຢີນ ແຫ່ວ່າ ກອງທັບປະຊາຊົນ ສຽງຂອງກຳລັງປະກອບອາວຸດ ແລະປະຊາຊົນຫວຽດນາມ ໄດ້ລົງພິມບົດນຳທີ່ມີຫົວຂໍ້ວ່າ: “ກໍ່ສ້າງພັກໃຫ້ປອດໃສ ຂາວສະອາດ, ໝັ້ນຄົງເຂັ້ມແຂງ ທຽບເທົ່າກັບໜ້າທີ່”. ບົດນຳໄດ້ຢືນຢັນວ່າ ຫວຽດນາມພວມຢືນຢູ່ຕໍ່ໜ້າບັນດາກາລະໂອກາດໃຫ່ມ ແຕ່ການທ້າທາຍກໍບໍ່ໜ້ອຍ. ເພື່ອສຳເລັດພາລະກຳປະຫວັດສາດຂອງພັກກຳອຳນາດ, ສຳເລັດໜ້າທີ່ຄວາມຮັບຜິດຊອບ ຊື່ງປະຊາຊົນໄດ້ມອບໝາຍໃຫ້, ສົມກັບມູນເຊື້ອອັນສະຫງ່າລາສີໃນຕະຫຼອດ 82 ປີຜ່ານມານັ້ນ; ຮຽກຮ້ອງໃຫ້ພັກກອມມູນິດຫວຽດນາມຕ້ອງຝຶກຝົນຫຼໍ່ຫຼອມຢ່າງບໍ່ຢຸດຢັ້ງ ເພື່ອມີຄຸນນະທາດ, ຄວາມສາມາດ ແລະອິດທິພົນຊື່ສຽງຊີ້ນຳນຳພາການປະຕິວັດຢ່າງພຽງພໍ. ກໍ່ສ້າງພັກປອດໃສ ຂາວສະອາດ, ໝັ້ນຄົງເຂັ້ມແຂງບໍ່ພຽງແຕ່ແມ່ນໜ້າທີ່ຂອງອົງການພັກ, ຂອງສະມາຊິກພັກເທົ່ານັ້ນ ຫາກຍັງແມ່ນຄວາມຮັບຜິດຊອບຂອງທັງລະບົບການເມືອງ, ຂອງທົ່ວປວງຊົນອີກດ້ວຍ. ຍ້ອນວ່າ ຜົນປະໂຫຍດຂອງພັກ ກໍແມ່ນຜົນປະໂຫຍດຂອງປະຊາຊົນ ຂອງຊາດ. ຈຸດໝາຍສູ້ຊົນຂອງພັກແມ່ນເຮັດໃຫ້ປະຊາຊົນທຸກຄົນ “ກິນອີ່ມ, ນຸ່ງອຸ່ນ ແລະໄດ້ຮັບການສຶກສາ”.
ຕາມນັກຂ່າວວິທະຍຸກະຈາຍສຽງ ຫວຽດນາມປະຈຳລາວໃຫ້ຂ່າວວ່າ, ວັນທີ 3 ກຸມພາ, ໜັງສືພິມປະຊາຊົນ ລາວ ມີບົດຊົມເຊີຍ ຫວຽດນາມ ເນື່ອງໃນໂອກາດ ວັນສ້າງຕັ້ງພັກກອມມູນິດ ຫວຽດນາມ ( 3 ກຸມພາ 1930 - 3 ກຸມພາ 2012 ). ບົດຂຽນໄດ້ສະຫຼຸບໂດຍສັງເຂບວິວັດການສ້າງຕັ້ງຂອງພັກກອມມູນິດ ຫວຽດນາມ, ການຊີ້ນຳນຳພາຂອງພັກກອມມູນິດ ຫວຽດນາມ ຜ່ານໄລຍະຕໍ່ສູ້ຍາດເອົາເອກະລາດ ແລະ ໂຮມປະເທດຊາດເປັນເອກະພາບ. ບົດຂຽນກໍ່ຍ້ອງຍໍສັນລະເສີນຜົນງານທີ່ຍິ່ງໃຫຍ່ຂອງປະທານ ໂຮ່ຈິມິງ ຜູ້ສ້າງຕັ້ງພັກກອມມູນິດ ອີນດູຈີນ ແລະ ພັກກອມມູນິດ ຫວຽດນາມ, ຜູ້ສ້າງພື້ນຖານໃຫ້ແກ່ສາຍພົວພັນມິດຕະພາບທີ່ເປັນມູນເຊື້ອລະຫວ່າງ 2 ຊາດ ລາວ ແລະ ຫວຽດນາມ.
ບົດຂຽນມີຕອນຂຽນວ່າ, ພາຍໃຕ້ການຊີ້ນຳນຳພາຂອງພັກກອມມູນິດ ຫວຽດນາມ ຕິດພັນກັບບາດລ້ຽວທີ່ຍິ່ງໃຫຍ່ຂອງປະຫວັດສາດຂອງຊາດ ຫວຽດນາມ, ຈາກການປະຕິບັດເດືອນສິງຫາ ໄດ້ຮັບໄຊຊະນະເຖິງການບຸກໂຈມຕີຂະໜາດໃຫຍ່ ແລະ ລູກຮືຂື້ນໃນລະດູບານໃໝ່ປີ 1975 ໄດ້ທ້ອນໂຮມປະເທດ ຫວຽດນາມ ເປັນເອກະພາບ. ພາຍຫຼັງກອງປະຊຸມໃຫຍ່ແຫ່ງການປ່ຽນໃໝ່ປີ 1986, ຊີວິດການເປັນຢູຂອງປະຊາຊົນນັບມືນັບໄດ້ຮັບການປົວແປງ, ທີ່ຕັ້ງບົດບາດຂອງ ຫວຽດນາມ ໃນເວທີສາກົນນັບມື້ນັບໄດ້ຮັບການຢັ້ງຢືນ, ການປ້ອງກັນຊາດ ປ້ອງກັນຄວາມສະຫງົບໄດ້ຮັບການຮັກສາຢ່າງໝັ້ນຄົງ .