(vovworld) - ໂດຍແມ່ນບັນດາອາຈານສອນສັງກັດສູນກໍ່ສ້າງພະນັກງານ ແລະ ຄົ້ນຄ້ວາຊີວະວິທະຍາແຖວໜ້າຂອງທົ່ວປະເທດ, ຫມູ່ຄະນະພະນັກງານຍິງສັງກັດພະແນກຊີວະສາດ, ມະຫາວິທະຍາໄລວິທະຍາສາດທຳມະຊາດ, ມະຫາວິທະຍາໄລແຫ່ງຊາດຮ່າໂນ້ຍ, ຍາມໃດກໍໄດ້ກຳນົດການສິດສອນແມ່ນບໍ່ອາດຕັດແຍກອອກຈາກວຽກງານຄົ້ນຄ້ວາວິທະຍາສາດໄດ້. ໃນຫຼາຍປີທີ່ຜ່ານມາ, ພະແນກຊີວະສາດໄດ້ກາຍເປັນຊາຍຄາລວມຂອງແມ່ຍິງບັນດາຜູ້ເມົາມົວກັບການຄົ້ນຄ້ວາວິທະຍາສາດ. ຫມູ່ຄະນະພະນັກງານຍິງສັງກັດພະແນກຊີວະສາດຫາກໍໄດ້ຮັບລາງວັນແມ່ຍິງຫວຽດນາມປີ 2016 ຈາກສູນກາງສະຫະພັນແມ່ຍິງຫວຽດນາມ . ໃນລາຍການຊີວິດສັງຄົມພາກນີ້, ພວກເຮົາຂໍແນະນຳບົດຂອງນັກຂ່າວ ທູຮັ່ງ ທີ່ພາດຫົວຂໍ້ວ່າ : “ ບັນດາອາຈານຍິງ ເມົາມົວກັບວຽກງານຄົ້ນຄ້ວາວິທະຍາສາດ” .
ແມ່ຍິງຄົ້ນຄ້ວາວິທະຍາສາດ
(ພາບປະກອບ)
|
ໃນມື້ເຮັດວຽກ, ບັນດາອາຈານຍິງສັງກັດ ພະແນກຊີວະສາດ ບໍ່ພຽງແຕ່ຕ້ອງຂຶ້ນຫ້ອງສອນເທົ່ານັ້ນ, ຫາກຍັງເມົາມົວກັບວຽກງານໃນຫ້ອງທົດລອງຫຼືໄປເກັບກຳຕົວຢ່າງຄົ້ນຄ້ວາຢູ່ສະຖານທີ່ຕົວຈິງອີກດ້ວຍ. ຮອດຕອນຄ່ຳ, ພາຍຫຼັງເຮັດສຳເລັດວຽກບ້ານການເຮືອນແລ້ວ, ພວກເອື້ອຍນ້ອງແມ່ຍິງສືບຕໍ່ອ່ານເອກະສານ, ຮວບຮ່ວມເອົາຄວາມຮູ້, ເປັນຫ່ວງກັບການຊອກຫາເອກະສານຄົ້ນຄ້ວາໃຫ້ແກ່ກິດຈະກຳວິທະຍາສາດໃໝ່. ນາງ ເລທູຮ່າ ຮອງຫົວໜ້າ ພະແນກຊີວະສາດ, ມະຫາວິທະຍາໄລວິທະຍາສາດທຳມະຊາດ ໃຫ້ຂໍ້ສັງເກດວ່າ :
“ ສຳລັບພະແນກຊີວະສາດ, ພວກຂ້າພະເຈົ້າມີ 2 ວິຊາການໃນຂອບເຂດກ້ວາງຂວາງ. ຝ່າຍໜຶ່ງແມ່ນພຶດຕິກຳຕົວຈິງ ແລະ ອີກຝ່າຍໜຶ່ງແມ່ນຊີວະນາໆພັນ. ສຳລັບບັນດາພະນັກງານຍິງທີ່ເຮັດວຽກຢູ່ຝ່າຍພຶດຕິກຳຕົວຈິງນັ້ນ, ນອກຈາກເວລາຂຶ້ນຫ້ອງແລ້ວ, ກໍຕ້ອງເຮັກວຽກໃນຫ້ອງທົດລອງອີກດ້ວຍ. ບາງຄັ້ງຄາວ,ກໍມີການເຮັດທົດລອງ, ພວກຂ້າພະເຈົ້າຍັງຕ້ອງເຮັດທັງກາງຄືນ. ສຳລັບບັນດາພະນັກງານຍິງທີ່ເຮັດວຽກຢູ່ຝ່າຍຊີວະນາໆພັນນັ້ນ, ພວກຂ້າພະເຈົ້າຕ້ອງລົງໄປຕົວຈິງໃນປ່າ ແລະ ອອກສູ່ທະເລເພື່ອເກັບກຳຕົວຢ່າງ. ສຳລັບແຕ່ລະຂະແໜງການສະເພາະ, ບັນດາພະນັກງານຍິງໄດ້ມານະພະຍາຍາມຈົນສຸດຄວາມສາມາດຂອງຕົນເພື່ອເຮັດຫຼ້ອນໜ້າທີ່ ”
ນອກຈາກການສິດສອນ, ອາຈານຍິງແຕ່ລະຄົນຕ່າງກໍແນະນຳນັກສຶກສາເຮັດວຽກງານຄົ້ນຄ້ວາວິທະຍາສາດ. 5 ປີມໍ່ໆມານີ້, ພວກເອື້ອຍນ້ອງແມ່ຍິງໄດ້ເຂົ້າຮ່ວມຮັບຜິດຊອບ 83 ຫົວເລື່ອງຄົນຄ້ວາວິທະຍາສາດຂັ້ນຕ່າງໆ, ໃນນັ້ນມີຫຼາຍຫົວເລື່ອງລະດັບລັດ. ມີຫຼາຍໝາກຜົນຄົ້ນຄ້ວາຖືກນຳໝູນໃຊ້ເຂົ້າໃນພຶດຕິກຳຕົວຈິງ. ຮອງອະທິການບໍດີ ມະຫາວິທະຍາໄລວິທະຍາສາດທຳມະຊາດ ຝ້າມຕ້ວນເງ້ຍ ໃຫ້ຂໍ້ສັງເກດວ່າ :
“ ພະນັກງານຍິງເກືອບທັງໝົດໃນພະແນກຕ່າງກໍຮຽນຈົບຈາກບັນດາໂຮງຮຽນທີ່ມີຊື່ສຽງທັງຢູ່ພາຍໃນ ແລະ ຕ່າງປະເທດ, ເຂົາເຈົ້າໄດ້ແບກຫາບໜ້າທີ່ອັນສຳຄັນ, ເຂົາເຈົ້າໄດ້ແຕ່ງຫຼາຍຫຼັກສູດຫຼັກ ແລະ ຫຼັກສູດຫົວເລື່ອງຈາກມະຫາວິທະຍາໄລຫາເໜືອມະຫາວິທະຍາໄລ. ສຳລັບບັນດາວຽກງານທີ່ໄດ້ຮັບມອບໝາຍນັ້ນ, ຫມູ່ຄະນະພະນັກງານຍິງສັງກັດພະແນກຊີວະສາດກໍລ້ວນແຕ່ເຮັດສຳເລັດໜ໊າທີ່ຢ່າງດີເດັ່ນ ”
ດ້ວຍຈຸດພິເສດມີກ່ວາ 60% ຈຳນວນພະນັກງານແມ່ນແມ່ຍິງ, ດັ່ງນັ້ນ ພະແນກຊີວະສາດຍາມໃດກໍເອົາໃຈໃສ່ເຖິງການພັດທະນາຂອງພະນັກງານກຳມະກອນແຮງງານຍິງ. ແຕ່ປີ 1998, ພະນັກງານຍິງ ພະແນກຊີວະສາດໄດ້ສ້າງຕັ້ງໜ່ວຍພົວພັນແລກປ່ຽນ, ເປັນແຫ່ງເພື່ອໃຫ້ເອື້ອຍນ້ອງແມ່ຍິງແບ່ງປັນຄວາມໃນໃຈ, ບົດຮຽນໃນວຽກບ້ານການເຮືອນ. ການເຄື່ອນໄຫວຂອງ ໜ່ວຍພົວພັນແລກປ່ຽນໄດ້ນຳມາເຊິ່ງບັນດາໝາກຜົນອັນຕັ້ງໜ້າໃນການແບ່ງປັນ ແລະ ລະດົມໃຈແກ່ບັນດາພະນັກງານກຳມະກອນຜູ້ອອກແຮງງານຍິງ ສູ້ຊົນໃນການຮ່ຳຮຽນ, ປະຕິບັດວຽກງານ. ນາງ ເລກີງມາຍ, ຮອງປະທານກຳມະບານ ພະແນກຊີວະສາດ ມະຫາວິທະຍາໄລວິທະຍາສາດທຳມະຊາດ ໃຫ້ຮູ້ວ່າ :
“ ສະໂມສອນພົວພັນແລກປ່ຽນແມ່ນສະໂມສອນຂອງທັງລຸ່ນຄົນກ່ອນ ແລະ ທັງລຸ່ນຄົນປະຈຸບັນ, ມີແມ່ຍິງບາງຄົນໄດ້ເຂົ້າຮ່ວມນັບແຕ່ປີ 1998 ມາຮອດປະຈຸບັນ. ໃນບັນດາການພົບປະ, ຖ້າມີບັນຫາຫຍັງກ່ຽວກັບວຽກງານ, ຄອບຄົວ ຫຼືການຄົ້ນຄ້ວາທີ່ປະສົບກັບຄວາມຫຍຸ້ງຍາກນັ້ນ ແມ່ນອາດຈະຊອກຫາເອື້ອຍນ້ອງທີ່ເຮັດວຽກຄົ້ນຄວ້າໃນຂົງເຂດດຽວຫຼືສອນໃນພາກວິຊາດຽວ ເພື່ອແບ່ງປັນ. ນີ້ແມ່ນວຽກງານທຳມະດາ ແຕ່ກໍໄດ້ກາຍເປັນແຫຼ່ງລະດົມກຳລັງໃຈຢ່າງໃຫຍ່ຫຼວງສຳລັບຫມູ່ຄະນະພະນັກງານຍິງ ”
ສຸມຈິດສຸມໃຈໃນວຽກງານສິດສອນ, ຮັບປະກັນວຽກບ້ານການເຮືອນ ແລະ ເມົາມົວຄົ້ນຄ້ວາວິທະຍາສາດ ກໍແມ່ນສິ່ງທີ່ຄວນໃສ່ໃຈກ່ຽວກັບບັນດາອາຈານຍິງສັງກັດ ພະແນກຊີວະສາດ ມະຫາວິທະຍາໄລວິທະຍາສາດທຳມະຊາດ. ພວກເອື້ອຍ ກໍແມ່ນຮູບພາບຂອງແມ່ຍິງຫວຽດນາມ ບໍ່ພຽງແຕ່ເປັນຜູ້ຮັກສາຄວາມອົບອຸ່ນໃນຄອບຄົວເທົ່ານັ້ນ, ຫາກຍັງສຸດຈິດສຸດໃຈກັບວຽກງານຄົ້ນຄ້ວາວິທະຍາສາດອີກດ້ວຍ.