ປະຈຸບັນ, ຫວຽດນາມມີຄົນພິການເກືອບ 7 ລ້ານຄົນ, ໃນນັ້ນມີປະມານ 4 ລ້ານຄົນແມ່ນພວມຢູ່ໃນເກັ່ນອາຍຸອອກແຮງງານ. ຍ້ອນຄົນພິການປະສົບກັບຄວາມຫຍຸ້ງຍາກຫຼາຍຢ່າງໃນການດຳລົງຊີວິດ, ໃນຊຸມປີທີ່ຜ່ານມາ, ຫວຽດນາມຍາມໃດກໍມີບັນດານະໂຍບາຍໜູນຊ່ວຍ ຄົນພິການໃຫ້ຜ່ານຜ່າສິ່ງກີດຂວາງ, ສ້າງວຽກເຮັດງານທຳທີ່ແທດເໝາະກັບລະດັບ ແລະ ສຸຂະພາບໃຫ້ແກ່ເຂົາເຈົ້າເພື່ອສ້າງການດຳລົງຊີວິດເປັນປົກກະຕິເທື່ອລະກ້າວ.
ກະຊວງການຕ່າງປະເທດມອບລໍ້ເລື່ອນໃຫ້ເດັກພິການເພື່ອຊ່ວຍ
ເຊື່ອມຕົວເຂົ້າກັບວົງຄະນະຍາດ |
ຢູ່ນະຄອນໂຮ່ຈິມິນ, ໃນຊຸມປີທີ່ຜ່ານມາ, ນອກຈາກການເບິ່ງແຍງໃຫ້ແກ່ການດຳລົງຊີວິດຂອງຄົນພິການແລ້ວ, ທາງນະຄອນພ້ອມກັບພະແນກຄົມມະນາຄົມຂົນສົ່ງໄດ້ມີຄວາມມານະພະຍາຍາມຫຼາຍຢ່າງໃນການສ້າງເງື່ອນໄຂສະດວກແກ່ ຄົນພິການເມື່ອຂີ່ລົດເມ. ຢູ່ຕາມຄິວລັດເມທຸກແຫ່ງ, ລ້ວນແຕ່ມີພາລະກອນແນະນຳ, ຫນູນຊ່ວຍຄົນພິການ. ນອກຈາກນັ້ນ, ໃນລົດເມທຸກຄັນ ກໍໄດ້ປະກອບພາຫະນະຍົກແບບອັດຕະໂນມັດ ແລະ ສະຫງວນຕັ່ງນັ່ງ 2 ແຖວໜ້າໃຫ້ ຄົນພິການ. ທ່ານ ເລຮ່ວາງມິນ ຮອງຫົວໜ້າພະແນກຄົມມະນາຄົມຂົນສົ່ງ ນະຄອນໂຮ່ຈິມິນ ໃຫ້ຮູ້ວ່າ :
“ ນະຄອນໂຮ່ຈິມິນພວມມຸ່ງໄປສູ່ຈຸດໝາຍວົງຄະນະຍາດຮ່ວມແຮງຮ່ວມໃຈໃຫ້ແກ່ຜູ້ຂັບລົດ, ພາລະກອນຫນູນຊ່ວຍຜູ້ໂດຍສານຂີ່ລົດເມເປັນຢ່າງດີທີ່ສຸດ. ສ່ວນບັນດາກົນໄກນະໂຍບາຍທີ່ກ່ຽວຂ້ອງເຖິງຄົນພິການ, ບັນດາວິທີການແກ້ໄຂອື່ນໆ, ພະແນກຄົມມະນາຄົມຂົນສົ່ງຈະສົມທົບກັບສະມາຄົມຄົນພິການເພື່ອສ້າງບັນດາແຜນການ, ໂຄງການຕ່າງໆດ້ວຍຈຸດປະສົງເພື່ອເຮັດແນວໃດໃຫ້ຄົນພິການເມື່ອເຂົ້າຮ່ວມການເຄື່ອນໄຫວສັງຄົມຈະບັນລຸໝາກຜົນດີທີ່ສຸດ ”
ເພື່ອມຸ່ງໄປສູ່ການແບ່ງປັນຄວາມຮັກແພງ, ປົກປ້ອງ, ເບິ່ງແຍງດູແລ ແລະ ຊ່ວຍເຫຼືອຄົນພິການມີການດຳລົງຊີວິດຢ່າງເປັນເອກະລາດ, ເຊື່ອມຕົວເຂົ້າກັບວົງຄະນະຍາດນັ້ນ, ຫວຽດນາມໄດ້ ແລະ ພວມມານະພະຍາຍາມຊອກຫາວິທີໜູນຊ່ວຍຄົນພິການເກືອບ 7 ລ້ານຄົນ, ຈາກການແກ້ໄຂລະບອບອຸດໜູນໃຫ້ແກ່ຄົນພິການ, ຊ່ວຍເຫຼືອເຂົາເຈົ້າຜ່ານຜ່າສິ່ງກີດຂວາງໃນການດຳລົງຊີວິດ. ຫຼາຍໂຄງການ, ແຜນການໄດ້ຜັນຂະຫຍາຍເພື່ອແນໃສ່ເພີ່ມທະວີຄວາມຮັບຮູ້ຂອງທົ່ວສັງຄົມກ່ຽວກັບສິດຂອງຄົນພິການ, ໃນນັ້ນ ສຳຄັນກ່ວາໝູ່ແມ່ນຊອກຫາວຽກເຮັດງານທຳທີ່ເໝາະສົມກັບຄົນພິການ, ເພື່ອຊ່ວຍເຂົາເຈົ້າມີລາຍຮັບ, ສ້າງການດຳລົງຊີວິດເປັນປົກກະຕິ. ແຕ່ລະປີ, ຫວຽດນາມໄດ້ຈັດງານຕະຫຼາດນັດຫຼາຍຄັ້ງເພື່ອສ້າງວຽກເຮັດງານທຳໃຫ້ຄົນພິການ, ຮັບສະໝັກແຮງງານນັບໝື່ນຄົນເຂົ້າເຮັດວຽກ ແລະ ບຳລຸງສ້າງວິຊາຊີບ. ພ້ອມກັນນັ້ນ, ກໍຍັງມີບັນດາການເຄື່ອນໄຫວໂຄສະນາເຄື່ອງໝາຍການຄ້າ ແລະ ແນະນຳຜະລິດຕະພັນຂອງບັນດາຮາກຖານຜະລິດຂອງຄົນພິການ. ນາງ ຫງວຽນທິລານເຮືອງ ສະມາຊິກສະມາຄົມຄົນພິການຮ່າໂນ້ຍໃຫ້ຮູ້ວ່າ :
“ ຕາມຂ້າພະເຈົ້າແລ້ວ, ຄົນພິການໄດ້ຮັບຄວາມເອົາໃຈຫຼາຍທີ່ສຸດຈາກລັດ, ມີຫຼາຍກາລະໂອກາດໄດ້ສຳພັດກັບຂໍ້ມູນຂ່າວສານ ແລະ ເຕັກໂນໂລຢີ. ຜ່ານນີ້ຂ້າພະເຈົ້າກໍຢາກໄດ້ຮັບການຊ່ວຍເຫຼືອຈາກບັນດາຜູ້ມີນ້ຳໃຈໂອບອ້ອມອາລີ, ພ້ອມກັນນັ້ນ ຈະມີບັນດາວິສາຫະກິດຮັບເອົາ ຄົນພິການເຂົ້າເຮັດວຽກຫຼາຍຂຶ້ນ, ທັງນີ້ກໍຊ່ວຍໃຫ້ເຂົາເຈົ້າມີລາຍຮັບ ແລະ ລ້ຽງຕົນຕົນເອງ ”
ທ່ານນາງ ເຢືອງທິເວີນ, ປະທານສະມາຄົມ ຄົນພິການຮ່າໂນ້ຍ ຖືວ່າ : ເລື່ອງ
ບັນດາທ້ອງຖິ່ນຈັດຕັ້ງວັນບຸນຈັດຫາງານ ກໍແມ່ນໂອກາດເພື່ອໃຫ້ບັນດາວິສາຫະກິດຊ່ວຍເຫຼືອ ແລະ ປະຕິບັດນະໂຍບາຍສະຫງວນໃຫ້ແກ່ ຄົນພິການ. ນີ້ກໍແມ່ນກຳລັງໜູນເພື່ອໃຫ້ຄົນພິການຜູ້ອອກແຮງງານເປັນເຈົ້າການໄປຮຽນວິຊາຊີບ, ຊອກຮູ້ໂອກາດເຮັດວຽກ, ພັດທະນາການດຳລົງຊີວິດ. ທ່ານນາງ ເຢືອງທິເວີນ, ປະທານສະມາຄົມ ຄົນພິການຮ່າໂນ້ຍ ເວົ້າວ່າ :
“ ຜ່ານບັນດາ ວັນບຸນຈັດຫາງານເພື່ອຊ່ວຍ ຄົນພິການເຊື່ອມຕົວເຂົົ້າກັບສັງຄົມ, ພວກຂ້າພະເຈົ້າຫວັງວ່າ ທັງສັງຄົມຈະປ່ຽນແປງຄວາມຮັຍຮູ້ ແລະ ພິເສດບັນດາວິສາຫະກິດຄວນມານີ້ເພື່ອຮັບສະໝັກແຮງງານ ຄົນພິການເຂົ້າເຮັດວຽກ. ຜ່ານນີ້, ພວກຂ້າພະເຈົ້າກໍມີຄວາມຫວັງຢາກໃຫ້ປ່ຽນແປງທັງຄວາມຮັບຮູ້ຂອງ ຄົນພິການ ແລະ ວິສາຫະກິດເພື່ອມຸ່ງໄປສູ່ສັງຄົມເຊື່ອມໂຍງ, ບໍ່ມີສິ່ງກີດຂວາງ ແລະ ມີຄວາມເຄົາລົບ ຄົນພິການ ”
ໂດຍແມ່ນປະເທດພາຄີຂອງສົນທິສັນຍາ ສ.ປ.ຊ ກ່ຽວກັບສິດທິ ຄົນພິການ, ຫວຽດນາມໄດ້ສ້າງລະບົບກົດໝາຍກ່ຽວກັບ ຄົນພິການໃຫ້ສົມບູນແບບ ແນໃສ່ຮັບປະກັນບັນດາສິດຂອງຄົນພິການກໍຄືນູນຊ່ວຍເຂົາເຈົ້າປົວແປງຄຸນນະພາບການດຳລົງຊີວິດ, ຍົກສູງທີ່ຕັ້ງສັງຄົມ ແລະ ເຊື່ອມຕົວເຂົ້າກັບວົງຄະນະຍາດ. ທ່ານ ຟຸ່ງຊວນກຸຍ ປະທານສະມາຄົມ ຄົນພິການແຂວງກວາງຈິ ຖືວ່າ :
“ ພວກຂ້າພະເຈົ້າຫວັງວ່າ ອຳນາດການປົກຄອງຂັ້ນຕ່າງໆ ດຳເນີນການໂຄສະນາກ່ຽວກັບສົນທິສັນຍາ ກໍຄືກົດໝາຍວ່າດ້ວຍການໜູນຊ່ວຍ ຄົນພິການໃນບໍລິເວນທົ່ວປະເທດ. ນອກຈາກນັ້ນ, ລັດກໍມີບັນດານະໂຍບາຍຫນູນຊ່ວຍ ສ້າງວຽກເຮັກງານທຳໃຫ້ຄົນພິການ, ເຮັດໃຫ້ເຂົາເຈົ້າມີຄວາມເຊື່ອໝັ້ນ ເຊື່ອມຕົວເຂົ້າກັບວົງຄະນະຍາດ”
ດ້ວຍການຮ່ວມແຮງຮ່ວມໃຈຂອງທົ່ວທັງສັງຄົມ, ຄົນພິການພວມເຊື່ອມຕົວເຂົ້າກັບວົງຄະນະຍາດໃນແຕ່ລະວັນ, ເຂົ້າຮ່ວມບັນດາການເຄື່ອນໄຫວສັງຄົມ. ດ້ວຍວຽກງານທີ່ສອດຄ່ອງ ແລະ ດ້ວຍມານະຈິດຂອງຄົນເອງ, ຄົນພິການຫວຽດນາມໄດ້ຊ່ວຍເຫຼືອກັນຜ່ານຜ່າບັນດາສິ່ງກີດຂວາງ ເພື່ອສ້າງການດຳລົງຊີວິດເປັນປົກກະຕິ.