(vovworld)- ນັບແຕ່ສົກຮຽນ 2014 ມາຮອດປະຈຸບັນ, ໂຮງຮຽນມິດຕະພາບ T78 ຕາແສງ ທໍ້ລົກ, ເມືອງ ຟຸກທໍ້, ນະຄອນ ຮ່າໂນ້ຍ ໄດ້ຈັດຕັ້ງລາຍການ “ສົ່ງນັກສຶກສາລາວ ພວມຮ່ຳຮຽນຢູ່ຫວຽດນາມລົງຕົວຈິງຢູ່ ເຮືອນຂອງປະຊາຊົນ (Homestay) ໄດ້ 4 ຄັ້ງ ແລ້ວ, ເພື່ອແນໃສ່ຍົກສູງການຝືກຫັດພາສາຫວຽດ, ດ້ວຍນັກສຶກສາເຂົ້າຮ່ວມເກືອບ 200 ຄົນ. ຜ່ານການລົງຕົວຈິງ, ລາຍການດັ່ງກ່າວໄດ້ສະແດງໃຫ້ເຫັນວ່າ ນີ້ແມ່ນຮູບແບບຮ່ຳຮຽນມີຄວາມກ້າວຫນ້າ, ຊ່ວຍໃຫ້ນັກສຶກສາລາວ ນຳເອົາຄວາມຮູ້ທີ່ໄດ້ຮ່ຳຮຽນຢູ່ໃນໂຮງຮຽນມານຳໃຊ້ໃນພຶດຕິກຳຕົວຈິງ, ຊ່ວຍຍົກສູງປະສິດທິຜົນໃນການບຳລຸງພາສາຫວຽດໃຫ້ແກ່ນັກສຶກສາລາວ ກະກຽມກ່ອນທີ່ເຂົ້າໄປຮຽນຢູ່ບັນດາມະຫາວິທະຍາໄລຂອງຫວຽດນາມ.
ບັນດານັກສຶກສາລາວເຂົ້າຮ່ວມລາຍການHomestay
ພ້ອມກັບຄະນະຈັດຕັ້ງລາຍການHomestay
|
ເຂົ້າຮຽນຫ້ອງກຽມພາສາຫວຽດ ຢູ່ ໂຮງຮຽນມິດຕະພາບ T78 ມາໄດ້ 4 ເດືອນ, ເພື່ອນ ສຸກສະຄອນ ລາດວົງໄສ, ອາຍຸ 32 ປີ ເຊິ່ງແມ່ນພະນັກງານຂະແຫນງສານຢູ່ເຂດ 2 ແຂວງ ວຽງຈັນ, ລາວ ຖືກສົ່ງມາດຳລົງຊີວິດຢູ່ ເຮືອນ ທ່ານ ກຽວຈີເລີ້ຍ ຕາແສງ ທໍ້ລົກ ຕາມລາຍການ Homestay. ນີ້ເປັນຄັ້ງທຳອິດ ທີ່ເພື່ອນສຸກສະຄອນ ລາດວົງໄຊ ມາຮຽນຢູ່ ຫວຽດນາມ ແລະ ນີ້ກໍແມ່ນຄັ້ງທຳອິດທີ່ໄດ້ເຂົ້າຮ່ວມລາຍການ Homestay. ຍ້ອນຄອບຄົວທ່ານ ເລີ້ຍ ຖືສຸກສະຄອນຄືດັ່ງສະມາຊິກໃນຄອບຄົວຕົນ, ສະນັ້ນ ພາຍຫລັງພຽງ 2-3 ມື້, ສຸກສະຄອນ ໄດ້ເຊື່ອມຕົວກັບຊີວິດການເປັນຢູ່ຂອງຄອບຄົວ.
ສຽງເພື່ອນສຸກສະຄອນ
ກໍເຊັ່ນດຽວກັນກັບເພື່ອນສຸກສະຄອນ ລາດວົງຊາ, ພາຍຫລັງ 20 ມື້ທີ່ເຂົ້າຮ່ວມລາຍການ Homestay, ພູກີ ຖືຄອບຄົວທີ່ຕົນພວມດຳລົງຊີວິດຢູ່ຫວຽດນາມຄືດັ່ງຄອບຄົວຂອງຕົນຢູ່ລາວ. ເມື່ອທຽບໃສ່ກັບຄອບຄົວຂອງພູກີ ຢູ່ລາວ, ເງື່ອນໄຂດຳລົງຊີວິດຢູ່ທີ່ນີ້ແມ່ນດີກວ່າຫລາຍ.
ສຽງເພື່ອນພູກີ
ດ້ວຍຫນ້າທີ່ແມ່ນສອນພາສາຫວຽດ ໃຫ້ແກ່ບັນດານັກສຶກສາລາວ, ໂຮງຮຽນມິດຕະພາບ T78 ໄດ້ວາງຫລາຍມາດຕະການຊ່ວຍໃຫ້ບັນດານັກສຶກສາລາວ ສາມາດຮຽນພາສາຫວຽດໃຫ້ດີກວ່າ. ຫນຶ່ງໃນຫລາຍມາດຕະການຊື່ງທາງໂຮງຮຽນໄດ້ນຳໃຊ້ສຳເລັດຜົນນັ້ນແມ່ນລາຍການ Homestay. ຜ່ານລາຍການນີ້, ນັກສຶກສາລາວ ຫລາຍຄົນມີສະພາບແວດລ້ອມສະດວກເພື່ອຝືກຫັດພາສາຫວຽດ. ພ້ອມກັນນັ້ນ, ນີ້ກໍ່ແມ່ນໂອກາດທີ່ດີເພື່ອໃຫ້ນັກສຶກສາແຕ່ລະຄົນຊອກຮູ້ກ່ຽວກັບຊີວິດ, ວັດທະນະທຳ, ຮີດຄອງປະເພນີຂອງຊາວຫວຽດນາມ. ທ່ານ ເລຟູທັງ, ຮອງຫົວຫນ້າອຳນວຍການໂຮງຮຽນ T78, ຫົວຫນ້າຄະນະຈັດຕັ້ງແຜນຮ່າງໃຫ້ຮູ້ວ່າ:
“ເລື່ອງຈັດຕັ້ງລາຍການສົ່ງນັກສາລາວເຂົ້າໄປຢູ່ນຳເຮືອນຂອງປະຊາຊົນ ພວກຂ້າພະເຈົ້າຕ້ອງມີການຄັດເລືອກ. ກ່ອນອື່ນ ພວກນ້ອງຕ້ອງແມ່ນຜູ້ມີຄຸນສົມບັດ, ມີສະຕິໃນການປະຕິບັດບັນດາຂໍ້ກຳນົດຂອງໂຮງຮຽນກໍຄືຂອງທ້ອງຖິ່ນ. ທີສອງ ພວກນ້ອງຕ້ອງແມ່ນຜູ້ຮຽນດີ”
ເພື່ອນສຸກສະຄອນພ້ອມກັບຄອບຄົວທ່ານເລີ້ຍ
|
ກ່ອນນີ້ເກືອບ 60 ປີ, ໃນໄລຍະສົງຄາມ, ບັນດານັກສຶກສາລາວມາຮ່ຳຮຽນຢູ່ຫວຽດນາມ ເຂົາເຈົ້າ ກໍ່ມາຊອກ ຂໍຢູ່ນຳເຮືອນຂອງປະຊາຊົນມໍ່ກັບໂຮງຮຽນເພື່ອຮຽນພາສາຫວຽດ. ເພື່ອສືບທອດມູນເຊື້ອນັ້ນ, ປະຊາຊົນຕາແສງ ທໍ້ລົກ ໄດ້ຮັບພວກນ້ອງມາຢູ່ກັບຄອບຄົວຂອງຕົນ. ບັນດາຄອບຄົວທີ່ໄດ້ຮັບນັກສຶກສາລາວມາຢູ່ນຳນັ້ນ ເຂົາເຈົ້າໄດ້ເບິ່ງແຍງດູແລ, ຊ່ວຍເຫລືອນັກສຶກສາລາວໃນການດຳເນີນຊີວິດ, ການຮ່ຳຮຽນຄືດັ່ງສະມາຊິກໃນຄອບຄົວຂອງຕົນ. ລຸງ ຫງວຽນກວາງບຸດ ແລະ ປ້າ ຫງວຽນທິບາ ຢູ່ ບ້ານ ໂອໂທນ ຕາແສງ ທໍ້ລົກ ແບ່ງປັນວ່າ:
“ນັກສຶກສາລາວມາຢູ່ນຳຄອບຄົວຂ້າພະເຈົ້າ, ສ່ວນຫລາຍພວກນອ້ງແມ່ນຜູ້ມັກຮ່ຳມັກຮຽນ, ສະນັ້ນ ຂ້າພະເຈົ້າເອງກໍຄືຄອບຄົວໄດ້ກາຍເປັນອາຈານຜູ້ທີສອງຂອງພວກນ້ອງ. ປະຈຸບັນ ມີນັກສຶກສາລາວຫລາຍຄົນພວມຮ່ຳຮຽນຢູ່ບັນດາມະຫາວິທະຍາໄລຫລາຍແຫ່ງຢູ່ຫວຽດນາມ ແຕ່ຍັງຄົງຮັກສາການພົວພັນຕິດຕໍ່ຢ່າງສະຫນິດແຫນ້ນກັບຄອບຄົວຂ້າພະເຈົ້າ, ພິເສດໃນໂອກາດບຸນປີໃຫມ່ປະຈຳຊາດ, ພວກນ້ອງເຄີຍໂທລະສັບມາອວຍພອນ ແລະ ຢື້ຢາມຖາມຂ່າວບັນດາສະມາຊິກໃນຄອບຄົວ”
“ຄອບຄົວຂ້າພະເຈົ້າໄດ້ຮັບນັກສຶກສາລາວມາຢູ່ນຳຄອບຄົວເປັນ 3 ຄັ້ງແລ້ວ. ນອກຈາກຊົ່ວໂມງຂຶ້ນຫ້ອງ, ເມື່ອມາຢູ່ນຳຄອບຄົວ ພວກນ້ອງລ້ວນແຕ່ເຂົ້າຮ່ວມ ວຽກງານຕ່າງໆໃນຄອບຄົວ. ນອກນັ້ນ ທຸກຄົນໃນຄອບຄົວຍັງເລົ່າໃຫ້ຟັງບັນດາຮີດຄອງປະເພນີຂອງຫວຽດນາມ ແລະລາວ. ໃນໄລຍະຈະມາເຖິງ ຖ້າຫາກວ່າ ທາງໂຮງຮຽນສືບຕໍ່ມີການເຄື່ອນໄຫວຄືດັ່ງກ່າວພວກຂ້າພະເຈົ້າຍັງຄົງສືບຕໍ່ຮັບນັກສຶກສາລາວມາຢູ່ນຳຄອບຄົວຕື່ມອີກ”
ຜ່ານການລົງຕົວຈິງຢູ່ເຮືອນປະຊາຊົນແຕ່ລະຄັ້ງເປັນເວລາ 20 ມື້, ເຖິງວ່າເວລາບໍ່ຫລາຍກໍຕາມ ແຕ່ພວກນ້ອງກໍ່ສາມາດເວົ້າພາສາຫວຽດໄດ້ດີ. ອາດຈະເວົ້າໄດ້ວ່າ ນີ້ແມ່ນຜົນສຳເລັດໃຫຍ່ສຸດຂອງລາຍການ. ທ່ານອຳພາວັນ ກວ້າງມະນີວັນ ທູດສຶກສາ ວັດທະນະທຳ, ສະຖານທູດລາວ ປະຈຳຫວຽດນາມ ຕີລາຄາວ່າ:
ສຽງທ່ານ ອຳພາວັນ
Homestay ແມ່ນລາຍການຖືກຈັດຂຶ້ນປະຈຳປີຂອງໂຮງຮຽນມິດຕະພາບ T78. ຄາດວ່າ ໃນເດືອນ 3/2018 ໂຮງຮຽນຈະສືບຕໍ່ຈັດຕັ້ງລາຍການສົ່ງນັກສຶກສາລາວ ລົງຕົວຈິງຢູ່ ເຮືອນຂອງປະຊາຊົນ ດ້ວຍຈຳນວນປະມານ 100 ຄົນ ແລະ ເວລາຈະແກ່ຍາວເຖິງ 1 ເດືອນ.