ສະມາຄົມນັກຂ່າວແຂວງ ບັກຢາງ ແລະ ສະມາຄົມນັກຂ່າວແຂວງ ເພັດຊະບູນ ເພີ່ມທະວີການຮ່ວມມື

ວັນອາທິດ ທີ 23 ເມສາ ຄ.ສ. 2023 | 12:09:51

(VOVWORLD) -ເດືອນກຸມພາຜ່ານມາ, ສະມາຄົມນັກຂ່າວແຂວງ ເພັດຊະບູນ, ປະເທດໄທ ໄດ້ໄປຢ້ຽມຢາມ ແລະ ເຮັດວຽກກັບສະມາຄົມນັກຂ່າວແຂວງ ບັກຢາງ, ຫວຽດນາມ. ນີ້ແມ່ນການຢ້ຽມຢາມສ້າງຂີດໝາຍແຫ່ງການຮ່ວມມືຄືນໃໝ່ຂອງສອງປະເທດພາຍຫຼັງຖືກຂາດວັກຂາດຕອນມາເປັນເວລາ 3 ປີຍ້ອນພະຍາດໂຄວິດ - 19. ໂຄງການນີ້ກໍ່ນອນໃນບັນດາການເຄື່ອນໄຫວພົບປະແລກປ່ຽນ, ສະໜິດຕິດພັນປະຊາຊົນລະຫວ່າງບັນດາປະເທດອາຊຽນ, ໃນນັ້ນມີສະມາຄົມນັກຂ່າວບັນດາທ້ອງຖິ່ນໃນພາກພື້ນ.

TRANSLATE with x

English

ບັນດາຜູ້ແທນເຂົ້າຮ່ວມການພົບປະແລກປ່ຽນ

ກ່ອນນີ້ 8 ປີ, ວັນທີ 24 ມີນາ ປີ 2015, ປະທານສະມາຄົມນັກຂ່າວແຂວງ ເພັດຊະບູນ ໄທ ແລະ ທ່ານປະທານສະມາຄົມນັກຂ່າວແຂວງບັກຢາງ ໄດ້ລົງນາມບົດບັນທຶກຊ່ວຍຈຳການຮ່ວມມືລະຫວ່າງສະມາຄົມນັກຂ່າວສອງແຂວງ. ຕາມນັ້ນແລ້ວ, ສອງຝ່າຍຈະແລກປ່ຽນບົດຮຽນປະສົບການເປັນປະຈຳໃນການເຄື່ອນໄຫວວິຊາການ, ເພີ່ມທະວີການແລກປ່ຽນຂໍ້ມູນຂ່າວສານໃນການໂຄສະນາຜ່ານບັນດາຜົນງານຂອງສອງຝ່າຍ, ພິເສດແມ່ນກ່ຽວກັບບັນດາເຫດການສຳຄັນຂອງສອງແຂວງ, ສອງປະເທດ. ສ້າງເງື່ອນໄຂສະດວກໃນຄວາມສາມາດຂອງຕົນ ເພື່ອໃຫ້ພະນັກງານ, ສະມາຊິກຂອງສອງສະມາຄົມເຄື່ອນໄຫວດ້ານວິຊາການເພື່ອຮັບໃຊ້ການເຜີຍແຜ່ໂຄສະນາບັນດາເຫດການສຳຄັນທີ່ໄດ້ດຳເນີນຢູ່ສອງແຂວງ ກໍ່ຄືປະຕິບັດການແລກປ່ຽນຄະນະຢື້ຢາມຖາມຂ່າວເຊິ່ງກັນແລະກັນເປັນປະຈຳໃນທຸກປີ. ພາຍຫຼັງ 3 ປີຖືກຂາດວັກຂາດຕອນຍ້ອນພະຍາດໂຄວິດ - 19, ເດືອນກຸມພາຜ່ານມາ ສະມາຄົມນັກຂ່າວແຂວງ ເພັດຊະບູນ ໄດ້ກັບຄືນມາຍັງແຂວງບັກຢາງເພື່ອສືບຕໍ່ປະຕິບັດເນື້ອໃນການຮ່ວມມືລະຫວ່າງສອງຝ່າຍ. ທ່ານ ຫງວຽນບິ່ງເຢືອງ, ຮອງປະທານສະມາຄົມນັກຂ່າວແຂວງບັກຢາງ ໃຫ້ຮູ້ວ່າ:

ນັບແຕ່ປີ 2015 ມາຮອດປີ 2019, ສອງຝ່າຍໄດ້ຈັດການຢ້ຽມຢາມ, ແລກປ່ຽນວິຊາການເປັນ 7 ຄັ້ງ. ສອງຝ່າຍໄດ້ແລກປ່ຽນບາງບັນຫາ, ຂົງເຂດທີ່ພວມໄດ້ຮັບຄວາມສົນໃຈໃນຍຸກສະໄໝສື່ມວນຊົນ 4.0 ຄືວິທີການເຮັດຂ່າວແບບທັນສະໄໝ, ພາລະກິດແຫ່ງການກໍ່ສ້າງ, ພັດທະນາເສດຖະກິດ, ສັງຄົມ, ເພີ່ມທະວີການຮ່ວມມື, ສະໜິດຕິດພັນ, ໜູນຊ່ວຍກັນໂຄສະນາພາບພົດຂອງແຂວງບັກຢາງ ແລະ ແຂວງ ເພັດຊະບູນ ແລະ ແມ່ນຂົວຕໍ່ລະຫວ່າງວິສາຫະກິດສອງປະເທດໃນການຮ່ວມມືລົງທຶນ, ພົບປະແລກປ່ຽນວັດທະນະທຳ, ພັດທະນາການທ່ອງທ່ຽວ.

ໃນການຢ້ຽມຢາມ ແລະ ເຮັດວຽກຢູ່ແຂວງບັກຢາງຄັ້ງນີ້, ສອງຝ່າຍໄດ້ແລກປ່ຽນບົດຮຽນປະສົບການໃນການໂຄສະນາກ່ຽວກັບການຜະລິດ, ປຸງແຕ່ງ, ຈຳໜ່າຍຜະລິດຕະພັນກະເສດ, ເຄື່ອງປ່າຂອງດົງທີ່ນຳໃຊ້ເຕັກໂນໂລຢີສູງຂອງແຂວງ ເພັດຊະບູນ ແລະ ເມືອງເຊີດົ້ງ, ຢ້ຽມຊົມເຂດທ່ອງທ່ຽວສັກກະລະບູຊາ - ຊີວະພາບ ໄຕອຽນຕື ແລະ ແລກປ່ຽນປະສົບການຂໍ້ມູນຂ່າວສານ, ການໂຄສະນາຢູ່ສະຖານີວິທະຍຸກະຈາຍສຽງ ແລະ ໂທລະພາບແຂວງ ບັກຢາງ. ຄະນະຜູ້ແທນສະມາຄົມແຂວງ ເພັດສະບູນ ມາຢ້ຽມຢາມແຂວງບັກຢາງໃນຄັ້ງນີ້ ມີສະມາຊິກຫຼາຍຄົນເຮັດວຽກໃນຫຼາຍຂົງເຂດຄື: ການເມືອງ, ການອອກແຮງງານ, ການຫາປາ, ສິນໃນນ້ຳ, ສັງຄົມພົນລະເຮືອນ, ກະສິກຳ…ເຂົາເຈົ້າກໍ່ແມ່ນຜູ້ໃຫ້ຄຳປຶກສາທີ່ຕັ້ງໜ້າໃຫ້ແກ່ສະມາຄົມນັກຂ່າວແຂວງ ເພັດຊະບູນ. ທ່ານ Banhan Bunkhet, ສະມາຊິກສະພາສູງ, ຫົວໜ້າຄະນະປະຕິບັດຄວາມມຸ່ງຫວັງຂອງປະຊາຊົນ ສະພາສູງ ໄທ, ປະທານຄະນະໃຫ້ຄຳປຶກສາສະມາຄົມນັກຂ່າວແຂວງ ເພັດຊະບູນ - ຜູ້ສ້າງຕັ້ງສະມາຄົມນັກຂ່າວເພັດຊະບູນ ເຊິ່ງເປັນຫົວໜ້າຄະນະ ໃຫ້ຮູ້ວ່າ:

ເມື່ອແບ່ງປັນກ່ຽວກັບແຜນການຮ່ວມມືໃນໄລຍະຈະມາເຖິງ, ທ່ານ ຫງວຽນບິ່ງເຢືອງ, ຮອງປະທານສະມາຄົມນັກຂ່າວແຂວງບັກຢາງ ໃຫ້ຮູ້ວ່າ:

ໂດຍປະຕິບັດຕາມການຊີ້ນຳຂອງຄະນະພັກ, ສະມາຄົມນັກຂ່າວຫວຽດນາມ ເພື່ອແນໃສ່ປັບປຸງການພົວພັນມິດຕະພາບ, ຍົກສູງປະສິດທິຜົນໃນການຮ່ວມມືກັບສະມາຄົມນັກຂ່າວ, ປະເທດຕ່າງໆ ກໍ່ຄືສືບທອດບັນດາໝາກຜົນອັນດີງາມທີ່ບັນລຸໄດ້, ໃນໄລຍະຈະມາເຖິງ ພະນັກງານຫຼັກແຫຼ່ງທຸກລຸ້ນຄົນຂອງສະມາຄົມນັກຂ່າວແຂວງບັກຢາງ ຈະປະຕິບັດເນື້ອໃນບົດບັນທຶກຊ່ວຍຈຳໃຫ້ເປັນຢ່າງດີ, ຈາກນັ້ນ ກໍ່ເພີ່ມທະວີການຢ້ຽມຢາມ, ແລກປ່ຽນຂໍ້ມູນຂ່າວສານປະກອບສ່ວນນຳການພົວພັນມິດຕະພາບລະຫວ່າງສະມາຄົມນັກຂ່າວບັກຢາງ ແລະ ສະມາຄົມນັກຂ່າວແຂວງ ເພັດຊະບູນ ກໍ່ຄືສະມາຄົມນັກຂ່າວ ຫວຽດນາມ ແລະ ສະມາຄົມນັກຂ່າວໄທ ນັບມື້ນັບພັດທະນາກ່ວານີ້ອີກ.

ຜ່ານການຢ້ຽມຢາມ ແລະ ເຮັດວຽກຢູ່ແຂວງບັກຢາງໃນຄັ້ງນີ້, ບັນດານັກຂ່າວແຂວງ ເພັດຊະບູນ, ນັກເຄື່ອນໄຫວການເມືອງ ແລະ ນັກທຸລະກິດໄດ້ເກັບກຳຫຼາຍຂໍ້ມູນ, ເອກະສານ ແລະ ພາບທີ່ສວຍງາມກ່ຽວກັບແຂວງບັກຢາງ ເພື່ອຖ່າຍທອດຂໍ້ມູນຊ່ວຍໃຫ້ປະຊາຊົນໄທ ຮູ້ຈັກເຖິງຫວຽດນາມ, ຮູ້ຈັກເຖິງແຂວງບັກຢາງ ຫຼາຍກ່ວາອີກ, ປະກອບສ່ວນຊຸກຍູ້ການພັດທະນາຂອງຂະແໜງສື່ມວນຊົນຂອງສອງປະເທດ, ພ້ອມທັງກໍ່ແມ່ນກຳລັງໜູນເພື່ອເພີ່ມທະວີຄວາມເຂົ້າໃຈເຊິ່ງກັນແລະກັນ, ຮັດແໜ້ນນ້ຳໃຈມິດຕະພາບລະຫວ່າງສອງຊາດ. ພ້ອມກັນນັ້ນກໍ່ເປັນການແນະນຳກັບບັນດານັກລົງທຶນ ຂອງໄທ ເມື່ອມາລົງທຶນຢູ່ບັກຢາງ ເປັນຕົ້ນແມ່ນໃນຂົງເຂດທີ່ເປັນທ່າແຮງຂອງໄທ ຄືປຸງແຕ່ງອາຫານ, ຜະລິດຕະພັນກະເສດ.

TRANSLATE with ສະມາຄົມນັກຂ່າວແຂວງ ບັກຢາງ ແລະ ສະມາຄົມນັກຂ່າວແຂວງ ເພັດຊະບູນ ເພີ່ມທະວີການຮ່ວມມື - ảnh 2

English

Arabic	Hebrew	Polish
Bulgarian	Hindi	Portuguese
Catalan	Hmong Daw	Romanian
Chinese Simplified	Hungarian	Russian
Chinese Traditional	Indonesian	Slovak
Czech	Italian	Slovenian
Danish	Japanese	Spanish
Dutch	Klingon	Swedish
English	Korean	Thai
Estonian	Latvian	Turkish
Finnish	Lithuanian	Ukrainian
French	Malay	Urdu
German	Maltese	Vietnamese
Greek	Norwegian	Welsh
Haitian Creole	Persian