ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມ
ແລະ ອວຍພອນບຸນເຕັດຢູ່ແຂວງ ກວາງນາມ
(vovworld) – ຕອນເຊົ້າວັນທີ 30/01 (ວັນທີ 3 ປີລະກາ 2017), ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ນຳໜ້າຄະນະປະຕິບັດງານໄດ້ລົງຢ້ຽມຢາມ ແລະ ອວຍພອນບຸນເຕັດພະນັກງານການນຳແຂວງ ກວາງນາມ. ໂອ້ລົມກັບພະນັກງານການນຳແຂວງ ກວາງນາມ ເນື່ອງໃນໂອກາດຕົ້ນປີລະກາ 2017, ທ່ານນາຍົກລັດຖະມົນຕີ ຫງວຽນຊວນຟຸກ ອວຍພອນບັນດາການປ່ຽນແປງພໍສົມຄວນຂອງແຂວງ ກວາງນາມ ພາຍຫລັງ 20 ປີແຫ່ງການສ້າງຕັ້ງແຂວງຄືນໃໝ່. ຈາກແຂວງໜຶ່ງທີ່ລາຍຮັບງົບປະມານບັນລຸພຽງກ່ວາ 100 ຕື້ດົ່ງເທົ່ານັ້ນ ມາຮອດປະຈຸບັນບັນລຸເກືອບ 20.000 ຕື້ດົ່ງ, ສິ່ງດັ່ງກ່າວ ໄດ້ສະແດງໃຫ້ເຫັນວ່າ ການຫັນປ່ຽນໂຄງປະກອບເສດຖະກິດຂອງແຂວງ ກວາງນາມ ຕາມທິດອຸດສາຫະກຳ, ການບໍລິການແຮງທີ່ສຸດ. ທ່ານນາຍົກລັດຖະມົນຕີ ຫງວຽນຊວນຟຸກ ຍ້ອງຍໍ ແລະ ຕີລາຄາສູງແຂວງ ກວາງນາມ ມີລະດັບການເຕີບໂຕສະໝຳ່ສະເໝີ, ຊີວິດການເປັນຢູ່ຂອງປະຊາຊົນເຂດພູດອຍ, ຊົນເຜົ່າສ່ວນໜ້ອຍ ໄດ້ຮັບຄວາມເອົາໃຈໃສ່ຢ່າງເໝາະສົມ. ທ່ານນາຍົກລັດຖະມົນຕີ ຫງວຽນຊວນຟຸກ ຍ້ອງຍໍນ້ຳໃຈສາມັກຄີ, ຄວາມຕັດສິນໃຈຂອງອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ກວາງນາມ ໃນໄລຍະຜ່ານມາ.
“ຂ້າພະເຈົ້າຂໍອວຍພອນບັນດາຜົນງານທີ່ແຂວງ ກວາງນາມ ບັນລຸໄດ້, ພິເສດແມ່ນໃນປີ 2016. ຫວັງວ່າ ກວາງນາມ ຕ້ອງມີຄວາມຕັດສິນໃຈກ່ວາອີກ, ມີໂຄງການດຳເນີນງານຫລາຍກ່ວາອີກ ແລະ ມີເຈດຈຳນົງສູງກ່ວາອີກ ເພື່ອປະຕິບັດໜ້າທີ່ປີ 2017 ແມ່ນປີທີ່ເຕັມໄປດ້ວຍສິ່ງທ້າທາຍ, ຄວາມຫຍຸ້ງຍາກ, ຄວາມມານະພະຍາຍາມຕັດສິນໃຈ ໃຫ້ເປັນຢ່າງດີ, ”