ໃນລາຍການມື້ນີ້, ພວກເຮົາຂໍຕອບບາງຄຳຖາມຂອງທ່ານຜູ້ຟັງຜູ້ອ່ານທີ່ໄດ້ຝາກມາລາຍການຂອງພວກເຮົາໃນອາທິດຜ່ານມາ.
ໃນອາທິດທີ່ຜ່ານມາ, ພວກເຮົາໄດ້ຮັບຈົດໝາຍຈາກເພື່ອນ ອາວອນ ຈິດ, ແສງອາລຸນ, ພະນັກງານອົງການຊາວໜຸ່ມແຂວງວຽງຈັນ ໂດຍໄດ້ເວົ້າວ່າ: ໃນເດືອນ 6 ນີ້, ຫວຽດນາມ ສະເຫຼີມສະຫຼອງ ວັນສື່ມວນຊົນ, ແຕ່ເພື່ອນບໍ່ຮູ້ໄດ້ວ່າ ນັ້ນແມ່ນວັນໃດ, ແລະ ປີນີ້ຫວຽດນາມ ຈັດພິທີລະນຶກວັນສື່ມວນຊົນປະຕິວັດຄົບຮອບຈັກປີ ແລະ ແຕ່ລະປີ, ວັນບຸນນີ້ເຄີຍຈັດຕັ້ງຂຶ້ນຄືແນວໃດ?
(ພາບ:vietnamplus.vn)
ອາວອນຈິດ, ແສງອາລຸນ ແລະ ທ່ານຜູ້ຟັງຜູ້ອ່ານທີ່ຮັກແພງ, ວັນທີ 21/6/1925, ໜັງສືພິມຊາວໜຸ່ມ ໂດຍປະທານໂຮ່ຈິມິນ ສ້າງຕັ້ງຂຶ້ນໄດ້ລົງພິມສະບັບທຳອິດ, ຊື່ງເປັນຂີດໝາຍແຫ່ງການສ້າງຕັ້ງພື້ນຖານສື່ມວນຊົນຫວຽດນາມ. ເພື່ອຈົດຈຳບຸນຄູນຂອງປະທານໂຮ່ຈິມິນ ທີ່ໄດ້ສ້າງຕັ້ງພື້ນ ຖານສື່ມວນຊົນຫວຽດນາມ, ຄະນະເລຂາສູນກາງພັກກອມມູນິດຫວຽດນາມ ໄດ້ຕົກລົງຖືວັນທີ 21/6 ແມ່ນວັນສື່ມວນຊົນການປະຕິວັດຫວຽດນາມ ເພື່ອແນໃສ່ເສີມຂະຫຍາຍມູນເຊື້ອອັນດີງາມຂອງສື່ມວນຊົນປະຕິວັດ ແລະ ຍົກສູງຄວາມຮັບຜິດຊອບຂອງສື່ມວນຊົນ, ຂອງນັກຂ່າວຕໍ່ສັງຄົມ. ປີ 2012 ນີ້, ຫວຽດນາມ ສະເຫຼີມສະຫຼອງ 87 ປີແຫ່ງວັນສື່ມວນຊົນປະຕິວັດ. ວັນທີ 21/6 ຂອງທຸກປີ, ຫວຽດນາມ ເຄີຍຈັດບັນດາການເຄື່ອນໄຫວຄື: ຈັດພິທີມອບລາງວັນສື່ມວນຊົນລະດັບຊາດ, ຈັດການພົບປະສ້າງສັນ, ກອງປະຊຸມສຳມະນາວິຊາສະເພາະ, ພິທີເຊີດຊູບັນດານັກຂ່າວທີ່ມີການປະກອບສ່ວນ ຫຼາຍຢ່າງເຂົ້າໃນການພັດທະນາພື້ນຖານສື່ມວນຊົນປະຕິວັດຫວຽດນາມ, ຈັດການເສັງຊອກຮູ້ປະຫວັດສາດສື່ມວນຊົນ…..
ໃນອາທິດທີ່ຜ່ານມາ, ພວກເຮົາໄດ້ຮັບອີແມວ ແລະ ໂທລະສັບຂອງຜູ້ຟັງຜູ້ອ່ານຫຼາຍທ່ານ ເຊິ່ງໃຫ້ຮູ້ວ່າ, ພວກເພື່ອນມັກລາຍການຊົນນະບົດໃໝ່ ຂອງວິທະຍຸກະຈາຍສຽງຫວຽດນາມ ທີ່ສຸດ, ຜ່ານນັ້ນ, ພວກເພື່ອນສາມາດເຂົ້າໃຈຕື່ມອີກກ່ຽວກັບນະໂຍບາຍກໍ່ສ້າງຊົນນະບົດໃໝ່ຢູ່ຫວຽດນາມ ໃນປະຈຸບັນ. ເພື່ອນຄຳສິງ ຢູ່ມະຫາວິທະຍາໄລກຳມະບານຮ່າໂນ້ຍໃຫ້ຮູ້ວ່າ: ເພື່ອນ ມັກບັນດາບົດທີ່ອອກອາກາດໃນໄລຍະມໍ່ມານີ້ທີ່ສຸດຄື: ບົດ “ໂຄສະນາການກໍ່ສ້າງຊົນນະບົດໃໝ່ຢູ່ແຂວງນິງບິງ“ “ອ່ານຢາງປະສົບຜົນສຳເລັດໃນການກໍ່ສ້າງຮູບແບບທົ່ງນາໃຫ່ຍ“…. ເພື່ອນຄຳສິງ ແລະ ທ່ານຜູ້ຟັງຜູ້ອ່ານທີ່ຮັກແພງ, ພວກເພື່ອນສາມາດຮັບຟັງ ແລະ ອ່ານຄືນບັນດາລາຍການ, ບົດທີ່ທ່ານສົນໃຈໃນເວັບໄຊ vovwolld.vn. ໄດ້ຕາມສະບາຍ
ທ່ານດຣ ສົມພອນ ສີຈະເລີນ ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສປປລາວ ປະຈຳ ສສ ຫວຽດນາມ ກໍ່ແມ່ນຜູ້ທີ່ເຄີຍຮັບຟັງ ແລະ ອ່ານເວບໄຊ້ຂອງວິທະຍຸກະຈາຍສຽງຫວຽດນາມ ພາກພາສາລາວເປັນປະຈຳ, ທ່ານຕີລາຄາສູງຄຸນນະພາບດ້ານເນື້ອໃນຂອງລາຍການທີ່ສຸດ:
ສຽງທ່ານສົມພອນ
ສຸດທ້າຍພວກເຮົາຂໍຕອບຄຳຖາມຂອງເພື່ອນຟົງຫຼໍ່, ຄຳແພງ ຢູ່ແຂວງໄຊຍະບູລີ ແລະ ເພື່ອນ ສຸດທະສອນ ຢູ່ແຂວງວຽງຈັນ ຊື່ງຢາກຮູ້ກ່ຽວກັບການຮ່ວມມືລະຫວ່າງແຂວງອຽນບາຍ ຂອງຫວຽດນາມ ແລະ ແຂວງຂອງຕົນ. ທ່ານຜູ້ຟັງທີ່ເຄົາລົບ! ຕາມຂໍ້ຕົກລົງຮ່ວມມືລະຫວ່າງແຂວງອຽນບາຍ ຂອງຫວຽດນາມ ແລະ ສອງແຂວງຂອງລາວ ຄືແຂວງວຽງຈັນ ແລະ ໄຊຍະບູລີ ແລ້ວ, ແຂວງອຽນບາຍ ສະຫງວນການຊ່ວຍເຫຼືອພິເສດໃນບັນດາຂົງເຂດການສຶກສາ, ສາທາລະນະສຸກ, ບຳລຸງສ້າງຖັນແຖວພະນັກງານ ແລະ ນັກຮຽນຂອງສອງແຂວງໄປຮຽນຢູ່ອຽນບາຍ. ລະອຽດຄື: ໃນປີ 2012, ອຽນບາຍ ຈະໜູນຊ່ວຍຈຳນວນເງິນເກືອບ 1 ຕື້ດົ່ງໃຫ້ແກ່ໂຄງການຮ່ວມມືລະຫວ່າງແຂວງອຽນບາຍ ກັບ ແຂວງວຽງຈັນ ແລະ ໄຊຍະບູລີ. ຈຳນວນເງິນດັ່ງກ່າວແມ່ນເພື່ອຊື້ເຄື່ອງວັດຖຸອຸປະກອນການຮ່ຳຮຽນໃຫ້ແກ່ນັກຮຽນໂຮງຮຽນກິນນອນຊົນເຜົ່າແຂວງວຽງຈັນ ແລະ ລົງທຶນກໍ່ສ້າງພື້ນຖານໂຄງລ່າງ ເພື່ອກໍ່ສ້າງໂຮງໝໍຢູ່ແຂວງໄຊຍະບູລີ. ພ້ອມກັນນັ້ນ, ແຂວງອຽນບາຍ ຍັງສືບຕໍ່ບຳລຸງສ້າງນັກຮຽນປະມານ 70 ຄົນຂອງສອງແຂວງດັ່ງກ່າວ ມາຮຽນພາສາຫວຽດ ຢູ່ແຂວງອຽນບາຍ. ທາງແຂວງກໍ່ຈະສົ່ງພະນັກງານ ຄູອາຈານໄປຮຽນພາສາລາວ ແລະ ສອນພາສາຫວຽດ ໃຫ້ແກ່ພະນັກງານ, ນັກຮຽນຂອງແຂວງວຽງຈັນ ກໍ່ຄືຮັບພະນັກງານໄປຝຶກອົບຮົມ, ແລກປ່ຽນບົດຮຽນໃນຂົງເຂດສາທາລະນະສຸກ, ຫຼັກອະນາໄມດ້ານສະບຽງອາຫານ ແລະ ຊັບພະຍາກອນສິ່ງແວດລ້ອມ.
ການນຳແຂວງອຽນບາຍ ເຮັດວຽກກັບການນຳແຂວງວຽງຈັນ ແລະ ໄຊຍະບູລີ
(ພາບ:baoyenbai.com.vn)
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາແມ່ນການຕອບຄຳຖາມຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ຖ້າທ່ານຜູ້ໃດມີຄຳຖາມ ກະລູນາຟາກມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈຽວຮ່າໂນ້ຍ- ເບີໂທ: 04.38256631-ອີແມວ:Laovov@.yahoo.com. ຂໍຂອບໃຈ!