ທ່ານນາງ ຈັນດອນ, ນະຕອນຫຼວງ ວຽງຈັນ, ເຊິ່ງແມ່ນພະນັກງານກິນເບ້ຍບຳນານຂອງກຳລັງປ້ອງກັນຄວາມສະຫງົບລາວ ໄດ້ຝາກ ອີແມວເຖິງລາຍການດ້ວຍເນື້ອໃນວ່າ: ອາທິດຜ່ານມາ, ໄດ້ມີຫຼາຍຂ່າວຄາວກ່ຽວກັບການເຄື່ອນໄຫວສະເຫຼີມສະຫຼອງ 70 ປີແຫ່ງວັນການປະຕິວັດເດືອນສິງຫາ ແລະ 70 ປີແຫ່ງວັນມູນເຊື້ອຂອງຕຳຫຼວດປະຊາຊົນ ຫວຽດນາມ. ຜ່ານບັນດາຂ່າວດັ່ງກ່າວຂ້າພະເຈົ້າເຫັນວ່າບັນດາການເຄື່ອນໄຫວນີ້ໄດ້ຮັບການຈັດຕັ້ງຢ່າງສົມກຽດທີ່ສຸດ. ຂ້າພະເຈົ້າມີຄວາມສົນໃຈພິເສດເຖິງການເຄື່ອນໄຫວສະເຫຼີມສະຫຼອງ 70 ປີແຫ່ງວັນມູນເຊື້ອຂອງຕຳຫຼວດປະຊາຊົນ ຫວຽດນາມ. 70 ປີຜ່ານມາ, ກຳລັງຕຳຫຼວດປະຊາຊົນ ຫວຽດນາມ ໄດ້ຮັບການພັດທະນາຢ່າງແຮງ, ສົມເປັນກຳລັງຫຼວງ, ຍອດຢ້ຽມ… ເພື່ອປົກປັກຮັກສາປະເທດຊາດ. ໂດຍແມ່ນພະນັກງານເຄີຍເຮັດວຽກໃນກະຊວງປ້ອງກັນຄວາມສະຫງົບລາວ ຂ້າພະເຈົ້າຂໍອວຍພອນໃຫ້ກຳລັງຕຳຫຼວດ ຫວຽດນາມ ນັບມື້ນັບພັດທະນາ, ປະຕິບັດສຳເລັດບັນດາໜ້າທີ່ເຊິ່ງພັກ, ລັດ ມອບໝາຍໃຫ້ເປັນຢ່າງດີ.
ສ່ວນໃນອີແມວສົ່ງເຖິງລາຍການ, ນາງ ໄພວອນ, ພະນັການກຳມະບານນະຄອນຫຼວງ ວຽງຈັນ ໄດ້ແບ່ງປັນວ່າ: ຂ້າພະເຈົ້າໄດ້ຮັບຟັງຂ່າວ, ບົດໃນແວບໄຊ vovworld.vn ເປັນປະຈຳ, ແຕ່ຂ້າພະເຈົ້າມັກລາຍການ “ຊາຍຄາອາຊຽນ” ທີ່ສຸດ. ຜ່ານລາຍການນີ້, ຂ້າພະເຈົ້າໄດ້ມີຄວາມຮູ້ຫຼາຍກ່ວາກ່ຽວກັບບັນດາການເຄື່ອນໄຫວວັດທະນະທຳ, ບັນດາປູຊະນີຍະສະຖານຂອງບາງປະເທດ ອາຊຽນ. ເວລາມໍ່ໆນີ້, ມີບົດຂຽນກ່ຽວກັບການເຄື່ອນໄຫວຂອງຊາວໜຸ່ມນະຄອນຫຼວງ ຮ່າໂນ້ຍ ໄປກວດພະຍາດກຸສົນຢູ່ເມືອງ ໄຊທານີ, ນະຄອນຫຼວງ ວຽງຈັນ. ເຖິງວ່າບໍ່ໄດ້ເຂົ້າຮ່ວມລາຍການນີ້ກໍຕາມແຕ່ຜ່ານການອ່ານບົດຂຽນຂ້າພະເຈົ້າຄືດັ່ງໄດ້ເຫັນປະຈັກຕາການເຄື່ອນໄຫວທີ່ມີຄວາມໝາຍດັ່ງກ່າວ. ນີ້ແມ່ນການເຄື່ອນໄຫວມີຄວາມໝາຍ ແລະ ຂ້າພະເຈົ້າຫວັງວ່າຊາວໜຸ່ມ ຮ່າໂນ້ຍ ກໍຄືຊາວໜຸ່ມຂອງບັນດາແຂວງ, ນະຄອນອື່ນໆຂອງ ຫວຽດນາມຈະເປີດກ້ວາງການເຄື່ອນໄຫວກຸສົນຄືແນວນີ້ຢູ່ແຂວງ, ນະຄອນຕ່າງໆຂອງລາວ, ພິເສດແມ່ນບັນດາແຂວງເຂດຫ່າງໄກຊອກຫຼີກ.
ຂໍຂອບໃຈທ່ານນາງ ຈັນດອນ ແລະ ໄພວອນ ທີ່ໄດ້ປະກອບຄຳເຫັນໃຫ້ແກ່ລາຍການ. ຫວັງວ່າທ່ານຜູ້ຟັງ, ຜູ້ອ່ານຈະສືບຕໍ່ປະກອບຄຳເຫັນໃຫ້ພວກຂ້າພະເຈົ້າ. ບັນດາຄຳຄິດຄຳເຫັນຂອງທ່ານຜູ້ຟັງ, ຜູ້ອ່ານຈະແມ່ນແຫຼ່ງລະດົມກຳລັງໃຈອັນໃຫຍ່ຫຼວງສຳລັບພວກຂ້າພະເຈົ້າ ແລະ ຊ່ວຍໃຫ້ລາຍການນັບມື້ນັບພັດທະນາກ່ວາອີກ.
ໃນອາທິດ, ເພື່ອນ ເຈີ່ນດຶກ ໄດ້ສົ່ງອີແມວມາຍັງລາຍການດ້ວຍເນື້ອໃນວ່າ: ຜ່ານແຫຼ່ງຂ່າວຕ່າງໆຂ້າພະເຈົ້າໄດ້ຮູ້ວ່າ, ພາກພາສາຕ່າງປະເທດ, ວິທະຍຸກະຈາຍສຽງ ຫວຽດນາມ, ພິເສດແມ່ນພາກພາສາລາວ ພວມຮັບສະໝັກບັນນາທິການ. ຂ້າພະເຈົ້າໄດ້ອ່ານປະກາດແລ້ວ ແລະ ກໍຢາກສອງເສັງສະໝັກເຮັດວຽກ ແຕ່ໜ້າເສຍດາຍຍ້ອນປີນີ້ຂ້າພະເຈົ້າບໍ່ທັນຮຽນຈົບເທື່ອ, ດັ່ງນັ້ນບໍ່ໄດ້ເຂົ້າຮ່ວມການສອບເສັງໄດ້. ປະຈຸບັນຂ້າພະເຈົ້າແມ່ນນັກສຶກສາປີີ 3, ພະແນກສື່ມວນຊົນ, ມະຫາວິທະຍາໄລແຫ່ງຊາດລາວ. ຂ້າພະເຈົ້າຢາກຖາມວ່າ, ປີໜ້າ (2016), ພາກພາສາລາວຈະຮັບສະໝັກບັນນາທິການອີກຫຼືບໍ່?
ຂໍຂອບໃຈເພື່ອນ ເຈີ່ນດຶກ ທີ່ໄດ້ສົນໃຈເຖິງແຫຼ່ງຂ່າວດັ່ງກ່າວ, ໃນປີ 2015 ນີ້, ພາກພາສາລາວ, ວິທະຍຸກະຈາຍສຽງ ຫວຽດນາມ ໄດ້ຈັດຕັ້ງການສອບເສັງຮັບສະໜັກບັນນາທິການແທ້ (ໃນນັ້ນບຸລິມະສິດໃຫ້ຜູ້ຊາຍ). ເວລາຮັບສຳເນົາຜູ້ເຂົ້າຮ່ວມການສອບເສັງແມ່ນແຕ່ວັນທີ 20/8 – 20/9. ຫວັງວ່າບັນດາບຸກຄົນທີ່ມີເງື່ອນໄຂຢ່າງພຽງພໍຈະເຂົ້າຮ່ວມການເສັງໃນປີນີ້. ປະຈຸບັນ, ການນຳ VOV ບໍ່ທັນມີແຜນການຮັບສະໝັກໃນປີ 2016, ດັ່ງນັ້ນພວກຂ້າພະເຈົ້າບໍ່ທັນຮູ້ວ່າປີໜ້າຈະໄດ້ຮັບສະໝັກບັນນາທິການອີກຫຼືບໍ່. ຂໍຂອບໃຈເພື່ອນທີ່ໄດ້ສົນໃຈເຖິງແຫຼ່ງຂ່າວນີ້, ຖ້າມີແຫຼ່ງຂ່າວໃໝ່ພວກຂ້າພະເຈົ້າຈະປະກາດໃຫ້ທ່ານຜູ້ຟັງ, ຜູ້ອ່ານໄດ້ຮັບຊາຍໃນທັນທີ.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com