(vovworld) - ໃນລາຍການ “ໂອ້ລົມກັບເພ່ືອນລາວ” ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມຂອງທ່ານຜູ້ຟັງ, ຜູ້ອ່ານຝາກມາລາຍການໃນອາທິດຜ່ານມາ.
ໃນອາທິດ, ເພື່ອນ ບຸນທອນ ດ້ວຍອີແມວ bounthone21@hotmail.com ໄດ້ສະແດງຄວາມຄິດເຫັນໃນແວັບໄຊ: vovworld.vn ຂອງພວກເຮົາວ່າ: ຂ້າພະເຈົ້າມັກຟັງເພງຂອງ ຫວຽດນາມ ຫຼາຍ, ເຖິງວ່າບໍ່ຮູ້ພາສາ ຫວຽດ ຫຼາຍກໍ່ຕາມແຕ່ຜ່ານບັນດາທຳນອງເພງທີ່ມ່ວນ, ອ່ອນຫວານຂອງນັກຮ້ອງ ຫວຽດນາມ ໄດ້ຊ່ວຍໃຫ້ຂ້າພະເຈົ້າຄືເພິ່ມກຳລັງ, ບັນເທົາຄວາມເຄັ່ງຕຶງ, ອິດເມື່ອຍໃນມື້ເຮັດວຽກ. ຂ້າພະເຈົ້າຂໍສະແດງຄວາມຂອບອົກຂອບໃຈມາຍັງລາຍການເປັນຢ່າງສູງ.
ເພື່ອນ ບຸນທອນ ທີ່ຮັກແພງ, ພວກຂ້າພະເຈົ້າມີຄວາມພາກພູມໃຈທີ່ສຸດຍ້ອນເພື່ອນເຄີຍຟັງເພງໃນແວັບໄຊຂອງພວກເຮົາ. ນອກຈາກຟັງເພງໃນແວບໄຊ vovworld.vn ແລ້ວ, ເພື່ອນຍັງສາມາດຮັບຟັງລາຍການເພງເຊິ່ງໄດ້ອອກອາກາດປະຈຳວັນ, ແຕ່ເວລາ 18ໂມງ 30ນາທີ ໃນຄື້ນ 7285 KHz ແລະ ເວລາ 21 ໂມງ ໃນຄື້ນ 1242 KHz ອີກດ້ວຍ, ເພື່ອຮັບຟັງບັນດາບົດເພງ ຫວຽດນາມ ທີ່ມ່ວນໆກໍ່ໄດ້. ຫວັງວ່າ, ໄລຍະຈະມາເຖິງເພື່ອນ ບຸນທອນ ຈະສືບຕໍ່ຮັບຟັງລາຍການ ແລະ ສົ່ງຈົດໝາຍ, ອີແມວໃຫ້ພວກເຮົາຕື່ມອີກ.
+++
ສ່ວນໃນອີແມວຂອງເພື່ອນ ບຸນເລີດ, ແຂວງ ບໍ່ແກ້ວ ໄດ້ຂຽນວ່າ: ໄລຍະມໍ່ໆມານີ້, ຂ້າພະເຈົ້າເຄີຍອ່ານຂ່າວກ່ຽວກັບວຽກງານກະກຽມໃຫ້ກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ແຕ່ຂ້າພະເຈົ້າບໍ່ຮູ້ວ່າກອງປະຊຸມໃຫຍ່ຈະເປີດຢ່າງເປັນທາງການໃນມື້ໃດ? ໂດຍຜ່ານພາກພາສາລາວ, ວິທະຍຸກະຈາຍສຽງ ຫວຽດນາມ, ຂ້າພະເຈົ້າຢາກຮູ້ກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ຈະເປີດຢ່າງເປັນທາງການໃນມື້ໃດ?
ເພື່ອນ ບຸນເລີດ ທ່ີເຄົາລົບ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ຖືກດຳເນີນໄປແຕ່ວັນທີ 20 – 28/1/2016, ຢູ່ນະຄອນຫຼວງ ຮ່າໂນ້ຍ. ຫວັງວ່າ ຂໍ້ມູນຂ່າວຂອງພວກເຮົາຈະຊ່ວຍໃຫ້ເພື່ອນ ບຸນເລີດ ຕິດຕາມເຫດການການເມືອງສຳຄັນ ແລະ ມີຄວາມໝາຍນີ້ຂອງພັກກອມມູນິດ ຫວຽດນາມ ຢ່າງໃກ້ຊິດ.
ພາບປະກອບ
|
ໃນອາທິດ, ເພື່ອນ ຄຳແກ້ວ, ແຂວງ ຊຽງຂວາງ ໄດ້ໂທລະສັບຫາລາຍການດ້ວຍເນື້ອໃນວ່າ: ອາທິດຜ່ານມາ, ໃນແວບໄຊຂອງພວກເພື່ອນມີບົດຂຽນໃນລາຍການ “ລາຍການຊາຍຄາ ອາຊຽນ” ທີ່ກ່ຽວຂ້ອງເຖິງ “ກຳ່ປັ່ນຊາວໜຸ່ມ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ”, ຂ້າພະເຈົ້າມັກບົດຂຽນນີ້ຫຼາຍແຕ່ຢາກຮູ້ຕື່ມອີກກ່ຽວກັບເງື່ອນໄຂໄດ້ເຂົ້າຮ່ວມການເຄື່ອນໄຫວໃນລາຍການນີ້?
ຂອບໃຈເພື່ອນ ຄຳແກ້ວ ທີ່ໄດ້ຕິດຕາມບັນດາບົດຂຽນຂອງພວກເຮົາເປັນປະຈຳ. ເພ່ືອນ ຄຳແກ້ວ ທີ່ເຄົາລົບ, ລາຍການ ກຳ່ປັ່ນຊາວໜຸ່ມ ອາຊີຕາເວັນອອກສຽງໃຕ້ ແລະ ຍີ່ປຸ່ນ (The Ship for Southeast Asian and Japanese Youth Program, ຂຽນຫຍໍ້ວ່າ SSEAYP) ແມ່ນລາຍການພົບປະແລກປ່ຽນວັດທະນະທຳປະຈຳປີໂດຍລັດຖະບານ ຍີ່ປຸ່ນ ແລະ 10 ປະເທດອາຊຽນຄື: ຫວຽດນາມ, ລາວ, ກຳປູເຈຍ, ໄທ, ມາເລເຊຍ, ສິງກາໂປ, ບຣູໄນ, ຟີລິບປິນ, ອິນໂດເນເຊຍ ແລະ ມຽນມາ ສົມທົບກັນຈັດຕັ້ງ. ການເຄື່ອນໄຫວນີ້ເພື່ອແນໃສ່ເພີ່ມທະວີນຳ້ໃຈມິດຕະພາບ ແລະ ຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງຊາວໜຸ່ມບັນດາປະເທດ ຍີ່ປຸ່ນ ແລະ ອາຊີຕາເວັນອອກສຽງໃຕ້, ສ້າງກາລະໂອກາດໃຫ້ຊາວໜຸ່ມບັນດາປະເທດພ້ອມກັນເປີດກ້ວາງວິໄສທັດອອກສູ່ໂລກ ກໍ່ຄືເສີມຂະຫຍາຍຄວາມສາມາດປະດິດສ້າງໃນການເຄື່ຶອນໄຫວ ແລະ ພົບປະແລກປ່ຽນກັບສາກົນຜ່ານບັນດາການເຄື່ອນໄຫວໃນກຳ່ປັ່ນ ແລະ ຢູ່ແຕ່ລະປະເທດເຊິ່ງກຳ່ປັ່ນລຳນີ້ໄປຫາ. ຢາກກາຍເປັນສະມາຊິກໃນລາຍການ SSEAYP ຜູ້ເຂົ້າຮ່ວມຕ້ອງສົ່ງສຳເນົາແຕ່ເດືອນ 4 ແລະ ຕ້ອງຜ່ານການຄັດເລືອກສຳເນົາ ແລະ ການສຳພາດໂດຍກົງ 2 ຮອບ. ເງື່ອນໄຂສຳຄັນທີ່ສຸດສຳລັບບັນດາຜູ້ສະໝັກແມ່ນຕ້ອງຮູ້ພາສາຕ່າງປະເທດ ແລະ ສາມາດເວົ້າໄດ້ຢ່າງຄ່ອງແຄ້ວ. ຈາກນັ້ນ, ແມ່ນພອນສະຫວັນກ່ຽວກັບດ້ານມະນຸດສຳພັນ, ສິລະປະ, ການເຄ່ືອນໄຫວລວມໝູ່… ເມື່ອເຂົ້າຮ່ວມລາຍການ SSEAYP, ບັນດາເພື່ອນໜຸ່ມຈະພ້ອມກັນດຳລົງຊີວິດ, ກິນຢູ່, ພັກຜ່ອນ ແລະ ພົບປະແລກປ່ຽນໃນກ່ຳປັ່ນ, ໄປຢ້ຽມຢາມ 4 ປະເທດ ອາຊຽນ ແລະ ຍີ່ປຸ່ນ. ໂດຍລະອຽດແມ່ນ: ບັນດາການເຄື່ອນໄຫວເຊິ່ງຄະນະຊາວໜຸ່ມ ຫວຽດນາມ ຈະເຂົ້າຮ່ວມລວມມີ: ເຂົ້າຢ້ຽມຂຳ່ນັບການນຳບັນດາປະເທດ: ໃນນັ້ນໄດ້ພົບປະ, ໂອ້ລົມສົນທະນາ ແລະ ມອບຂອງຂວັນການທູດກັບບັນດາການນຳບັນດາປະເທດທີ່ກຳ່ປັ່ນທຽບທ່າ. Japan –ASEAN Youth Leaders Summit: ຢູ່ ຍີ່ປຸ່ນ, ບັນດາຜູ້ແທນຈະປຶກສາຫາລື ແລະ ແລກປ່ຽນກ່ຽວກັບບັນດາບັນຫາດ້ານວັດທະນະທຳ, ສັງຄົມຂອງແຕ່ລະປະເທດເວົ້າສະເພາະ ແລະ ຂອງທັງພາກພື້ນເວົ້າລວມ. ຈັດງານວາງສະແດງແຫ່ງຊາດ: ເພື່ອນຳບັນດາຜະລິດຕະພັນວັດທະນະທຳ ຫວຽດນາມ ແລະ ຜະລິດຕະພັນຂອງນັກອຸປະຖຳ. ງານວາງສະແດງເປັນກຽດທີ່ໄດ້ຕ້ອນຮັບຄະນະລັດຖະບານ ແລະ ເຈົ້າຍີງແຫ່ງຈັກກະພັດ ຍີ່ປຸ່ນ. ປຶກສາຫາລືຕາມກຸ່ມ: ເຊິ່ງແມ່ນການເຄື່ອນໄຫວສຳຄັນທີ່ສຸດຖືກຈັດຕັ້ງໃນກຳ່ປັ່ນ, ບັນດາຜູ້ແທນຈະໄດ້ປຶກສາຫາລື ແລະ ລາຍງານກ່ຽວກັບການປະກອບສ່ວນຂອງໄວໜຸ່ມເຂົ້າໃນບັນດາບັນຫາເສດຖະກິດ - ສັງຄົມ. ກ່ຽວກັບທາງດ້ານສີລະປະ: ຄະນະຜູ້ແທນ ຫວຽດນາມ ຈະສະແດງສິລະປະແນະນຳວັດທະນະທຳໃນ “ຄຳ່ຄືນ ຫວຽດນາມ” ເທິງກຳ່ປັ່ນ ແລະ ລາຍການພົບປະແລກປ່ຽນຢູ່ບັນດາບ່ອນກຳ່ປັ່ນເຂົ້າທຽບທ່າ. ສຳລັບການພົບປະແລກປ່ຽນແຫ່ງຊາດ: ຖືກດຳເນີນໄປເມື່ອກຳ່ປັ່ນທຽບທ່າຢູ່ປະເທດຕ່າງໆ. ແລະ Homestay: ດຳລົງຊີວິດພ້ອມກັບຄອບຄົວຊາວທ້ອງຖິ່ນເພື່ອໄດ້ຮັບຮູ້ວັດທະນະທຳປະເທດປະຈຳຖິ່ນ, ກໍຄືແນະນຳປະເທດຊາດ ແລະ ຊາວ ຫວຽດນາມ.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ
laovov@yahoo.com,
laovov5@gmail.com