ເພື່ອນຈັນທະວີ, ຢູ່ແຂວງຫົວພັນ, ໄດ້ສົ່ງອີແມວມາຍັງລາຍການຢາກຮູ້ແຈ້ງກວ່າກ່ຽວກັບຂອງຂວັນຂອງປະທານປະເທດ ເຈືອງເຕີນຊາງ ທີ່ສະຫງວນໃຫ້ 2 ແຂວງ ຫົວພັນ ແລະ ຫຼວງພະບາງ ໃນໄລຍະຜ່ານມາ ແລະ ຂອງຂວັນນີ້ມີຄວາມໝາຍຄືແນວໃດ?
ເພື່ອນຈັນທະວີ ທີ່ຮັກແພງ, ໃນເດືອນ 07 ຜ່ານມາ, ຢູ່ແຂວງຫຼວງພະບາງ, ໄດຍໄດ້ຮັບການມອບສິດຂອງທ່ານປະທານປະເທດຫວຽດນາມ ເຈືອງເຕີນຊາງ, ທ່ານເອກອັກຄະລັດຖະທູດວິສາມັນ, ຜູ້ມີສຳນາດເຕັມແຫ່ງສສ. ຫວຽດນາມ ປະຈຳສປປ ລາວ ຫງວຽນແມ້ງຮຸ່ງ ໄດ້ມອບຈຳນວນເງິນ 55 ຕື້ດົງ ເຊິ່ງແມ່ນຂອງຂວັນຂອງທ່ານປະທານປະເທດ ເຈືອງເຕີນຊາງ ໃຫ້ແຂວງຫຼວງພະບາງ ແລະ ແຂວງຫົວພັນ. ໃນນັ້ນ, ທ່ານເອກອັກຄະລັດຖະທູດ ຫງວຽນແມ້ງຮຸ່ງ ໄດ້ມອບຈຳນວນເງິນ 40 ຕື້ດົງ ໃຫ້ແຂວງ ຫຼວງພະບາງ ແລະ 15 ຕື້ ດົງໃຫ້ແຂວງຫົວພັນ. ຈຳນວນເງິນດັ່ງກ່າວ 2 ແຂວງຈະນຳໃຊ້ເຂົ້າໃນການກໍ່ສ້າງຫໍວັດທະນະທຳແຂວງ ຫຼວງພະບາງ ແລະ ໂຮງຮຽນອະນຸບານທີ່ເປັນແບບຢ່າງໃຫ້ແຂວງຫົວພັນ. ທ່ານເອກອັກຄະລັດຖະທູດ ຫງວຽນແມ້ງຮຸ່ງ ໃຫ້ຮູ້ວ່າ, ນີ້ແມ່ນຂອງຂວັນຂອງທ່ານປະທານປະເທດ ເຈືອງເຕີນຊາງ ແລະ ບັນດາພະນັກງານ, ພາລະກອນຂອງ 5 ບໍ່ລິສັດຂອງຫວຽດນາມ. ທີ່ພິທີ, ທ່ານປະລິຍາເອກ ຄຳແພງ ໄຊສົມແພງ, ເລຂາ, ເຈົ້າແຂວງ ຫຼວງພະບາງ, ໄດ້ຂອບອົກຂອບໃຈຄວາມເອົາໃຈໃສ່ຂອງພັກ, ລັດ ແລະ ປະຊາຊົນຫວຽດນາມ ແລະ ທ່ານປະທານປະເທດ ເຈືອງເຕີນຊາງ ເອງ ທີ່ມີຕໍ່ປະຊາຊົນລາວ. ທ່ານໃຫ້ຮູ້ວ່າ, ຂອງຂວັນນີ້ມີຄວາມໝາຍອັນໃຫຍ່ຫຼວງບໍ່ພຽງແຕ່ສຳລັບປະຊາຊົນແຂວງຫຼວງພະບາງເທົ່ານັ້ນ, ຫາກຍັງມີຄວາມໝາຍລວມໃຫ້ທັງປະເທດ ແລະ ປະຊາຊົນລາວ ເວົ້າລວມ ແລະ ປະຊາຊົນພາກເໜືອລາວ ເວົ້າສະເພາະອີກດ້ວຍ. ຫໍວັດທະນະທຳນີ້ສະແດງໃຫ້ເຫັນການຮ່ວມມືລະຫວ່າງ 2 ປະເທດຫວຽດນາມ - ລາວ.
ສ່ວນທ່ານປະລິຍາເອກ ຈັນແສງ ພິມມະວົງ, ຮ້ອງເຈົ້າແຂວງ ແຂວງຫົວພັນ ໃຫ້ຄຳໝັ້ນສັນຍາວ່າ ຈະນຳກິດຈະກຳນີ້ເຂົ້າໃຊ້ການຖືກກຳນົດເວລາ, ເສີມຂະຫຍາຍປະສິດທິຜົນ, ປະກອບສ່ວນຮັບໃຊ້ໃຫ້ການພັດທະນາເສດຖະກິດ, ສັງຄົມຂອງແຂວງ.
(ທ່ານປະລິຍາເອກ ຈັນແສງ ພິມມະວົງ)
ເພື່ອນ ພູຄຳ ແຂວງວຽງຈັນ, ໄດ້ສົ່ງອີແມວມາຍັງລາຍການ ໃຫ້ຮູ້ວ່າ, ຂ້າພະເຈົ້າໄດ້ຮູ້ວ່າ, ວິທະຍຸກະຈາຍສຽງຫວຽດນາມ (VOV) ແລະ ວິທະຍຸກະຈາຍສຽງແຫ່ງຊາດລາວ (LNR) ໄດ້ຈັດພິທີເຊັນສັນຍາຮ່ວມມືນຳກັນ. ຜ່ານລາຍການ, ຂ້າພະເຈົ້າຢາກຮູ້ເນື້ອໃນຂໍ້ຕົກລົງຮ່ວມມືດັ່ງກ່າວໄດ້ບໍ່?
ເພື່ອນ ພູຄຳ ທີ່ຮັກແພງ, ວັນທີ 10/08, ຜ່ານມາ, ຢູ່ນະຄອນຫຼວງວຽງຈັນ, ໄດ້ດຳເນີນພິທີເຊັນສັນຍາຮ່ວມມືລະຫວ່າງວິທະຍຸກະຈາຍສຽງຫວຽດນາມ ແລະ ວິທະຍຸກະຈາຍສຽງແຫ່ງຊາດລາວ ໄລຍະ 2016 – 2018. ຕາມເນື້ອໃນຂອງຂໍ້ຕົກລົງດັ່ງກ່າວແລ້ວ, 2 ຝ່າຍຈະເພີ່ມທະວີການອອກອາກາດບັນດາຂ່າວ, ບົດ ແລະ ບັນດາລາຍການກ່ຽວກັບບັນດາຜົນງານໃນຂົງເຂດຕ່າງໆຂອງແຕ່ລະປະເທດ. ວິທະຍຸກະຈາຍສຽງ ຫວຽດນາມ ພ້ອມແລ້ວທີ່ຈະຊ່ວຍເຫຼືອວິທະຍຸກະຈາຍສຽງແຫ່ງຊາດ ລາວ ໃນການກໍ່ສ້າງນັກຂ່າວ, ບັນນາທິການ ແລະ ພະນັກງານເຕັກນິກໃນແຕ່ລະປີ. ທ່ານອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫງວຽນດັງຕ໋ຽນ ຢືນຢັນວ່າ:
“ ຂ້າພະເຈົ້າຊົມເຊີຍເລື່ອງ VOV ແລະ LNR ເຊັນສັນຍາຮ່ວມມືໃນໄລຍະໃໝ່, ຜ່ານນັ້ນ ກໍເປັນການສ້າງພື້ນຖານນິຕິກຳຊ່ວຍສາຍພົວພັນຮ່ວມມືກ້າວເຂົ້າສູ່ລວງເລິດ ແລະ ມີປະສິດທິຜົນ. ຂະພະເຈົ້າເຊື່ອໝັ້ນວ່າ: ເຫດການນີ້ ຈະໄຂໄລຍະພັດທະນາໃໝ່ປະກອບສ່ວນຢ່າງແທດຈິງເຂົ້າໃນພະລະກິດປ່ຽນໃໝ່ຢູ່ແຕ່ລະປະເທດ ແລະ ນຳການພົວພັນແບບພິເສດຫວຽດນາມ - ລາວ ຂຶ້ນສູ່ລະດັບສູງໃໝ່”.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com. ເພື່ອນກໍສາມາດແລກປ່ຽນ, ປະກອບຄຳເຫັນຜ່ານບັນດາລາຍການພາກພາສາລາວທີ່ແວບໄຊ vovworld.vn ຫຼື vov5.vn.