ເພື່ອນ ບຸນຄຳ ໄຊສົມດີ, ຢູ່ແຂວງ ບໍລິຄຳໄຊ ໃຫ້ຮູ້ວ່າ; ຜ່ານວິທະຍຸກະຈາຍສຽງ ແລະ ໜັງສື່ພິມຂ້າພະເຈົ້າໄດ້ຮູ້ວ່າ ໃນໄລຍະນີ້ຢູ່ຫວຽດນາມ ພວມດຳເນີນການສອບເສັງເຂົ້າບັນດາມະຫາວິທະຍາໄລ, ວິທະຍາໄລຕ່າງໆໃນທົ່ວປະເທດ ແລະ ໂອກາດນີ້ໄດ້ມີຊາວໜຸ່ມອາສາສະໝັກຫຼາຍຄົນສະໝັກໃຈຊ່ວຍເຫຼືອນັກສອບເສັງດ້ວຍຫຼາຍຮູ້ບການ. ດັ່ງນັ້ນ, ຂ້າພະເຈົ້າຢາກຮູ້ຮູບການຊ່ວຍເຫຼືອນັກສອບເສັງຂອງເຂົາເຈົ້າແມ່ນຄືແນວໃດ?
ເພື່ອນ ບຸນຄຳ ໄຊສົມດີ ທີ່ຮັກແພງ, ໄລຍະສອບເສັງເຂົ້າມະຫາວິທະຍາໄລ, ວິທະຍາໄລປີ 2013 ພວມດຳເນີນໄປໃນທົ່ວປະເທດ, ບັນດານັກສອບເສັງມາຈາກທຸກເຂດແຄວ້ນໄດ້ເຕົ້າໂຮມກັນຢູ່ມະຫາວິທະຍາໂລ, ວິທະຍາໄລຕ່າງໆ ເພື່ອເຂົ້າຮ່ວມການສອບເສັງໃນປີ 2013 ນີ້. ຍ້ອນນັກສອບເສັງມາຈາກຫຼາຍເຂດແຄວ້ນທີ່ແຕກຕາງກັນ, ສະນັ້ນບໍ່ແມ່ນຜູ້ໃດກໍ່ຮູ້ສະຖານທີ່ສອບເສັງແມ່ນຢູ່ໃສແລະ ໄປທາງໃດໃຫ້ສະດວກ... ສະນັ້ນ, ບັນດາຂະແໜງການ, ຊາວໜຸ່ມອາສາສະໝັກໃນທົ່ວປະເທດໄດ້ສົມທົບກັນຈັດຕັ້ງລາຍການ “ເພີ່ມກຳລັງແຮງໃນລະດູສອບເສັງ” ເພີ່ອຊ່ວຍບັນດານັກສອບເສັງທີ່ເສັງເຂົ້າມະຫາວິທະຍາໄລ ແລະ ວິທະຍາໄລຕ່າງໆ. ເພື່ອນ ຫງວຽນແທ່ງເຢືອງ, ນັກສຶກສາມະຫາວິທະຍາໄລ ດົງໂດ, ຮ່າໂນ້ຍ, ເຊິ່ງແມ່ນຊາວໜຸ່ມອາສາສະໝັກຢູ່ຄິວລົດ ຢາບບ໋າດ, ແມ່ນໜຶ່ງໃນບັນດາຄິວລົດທີ່ມີນັກສອບເສັງຫຼາຍຄົນທີ່ມາຈາກແຂວງຕ່າງໆມາຮ່າໂນ້ຍ ເພື່ອເຂົ້າຮ່ວມການສອບເສັງຄັ້ງນີ້ໃຫ້ຮູ້ວ່າ.
“ວຽກງານຕົ້ນຕໍ່ຂອງພວກຂ້າພະເຈົ້ານັ້ນແມ່ນ: ຊ່ວຍນັກສອບເສັງຊອກຫາເຮືອນພັກໂດຍບໍ່ເສຍເງິນ, ກໍ່ຄືລົດເມຂົນສ່ົງນັກສອບເສັງ ແລະ ຍາດຕິພີ່ນ້ອງຂອງເຂົ້າເຈົ້າເຖິງເຮືອນພັກ; ນອກຈາກນັ້ນ, ພວກຂ້າພະເຈົ້າກໍ່ພານັກສອບເສັງຈາກເຮືອນພັກໄປສະຖານທີ່ສອບເສັງອີກ. ພວກຂ້າພະເຈົ້າຍັງແຈກຢາຍແຜນທີ່ນະຄອນ ແລະ ວີ ໂດຍບໍ່ເສຍຄ່າໃຫ້ແກ່ນັກສອບເສັງ. ແຕ່ລະມື້, ສະເພາະກຸ່ມຂອງພວກຂ້າພະເຈົ້າຕ້ອນຮັບນັກສອບເສັງໄດ້ກວ່າ 400 ເທື່ອຄົນ, ນັ້ນແມ່ນຍັງບໍ່ທັນຄິດໄລເຖິງຜູ້ໄປນຳ”.
ນອກຈາກນັ້ນ, ບັນດານັກສອບເສັງເຂົ້າມະຫາວິທະຍາໄລ ແລະ ວິທະຍາໄລທີ່ປະສົບກັບຄວາມຫຍຸ້ງຍາກ ແລະ ພ້ອມກັບຍາດຕິພີ່ນ້ອງຂອງເຂົາເຈົ້າຍັງໄດ້ຮັບປະທານອາຫານໂດຍບໍ່ເສຍຄ່າອີກດ້ວຍ.
ເພື່ອນ ບຸນເລີດ, ຊາວຫວຽດນາມ ອາໄສຢູ່ວຽງຈັນ ໃຫ້ຮູ້ວ່າ; ຊາວຫວຽດນາມ ອາໄສຢູ່ເຊັກ ໄດ້ຮັບການຮັບຮອງວ່າ ແມ່ນຊາວເຜົ່າສ່ວນໜ້ອຍຢູ່ເຊັກ. ເມື່ອໄດ້ຮັບການຮອບຮອງຄືແນວນັ້ນ, ເຂົາເຈົ້າຈະໄດ້ຮັບການໜູນຊ່ວຍຄືແນວໃດເພື່ອຮັກສາດ້ານພາສາ, ວັດທະນະທຳຂອງຫວຽດນາມ? ແລະ ປະຈຸບັນ, ມີຊາວຫວຽດນາມ ຈັກຄົນທີ່ພວມອາໄສຢູ່ເຊັກ.
ເພື່ອນ ບຸນເລີດ ທີ່ຮັກແພງສະຖານທູດຫວຽດນາມ ປະຈຳ ສ.ເຊັກໃຫ້ຮູ້ວ່າ ໃນວັນທີ 03/07, ລັດຖະບານເຊັກ ໄດ້ຮັບຮອງຊາວຫວຽດນາມ ອາໄສຢູ່ ເຊັກ ແມ່ນຊາວຊົນເຜົ່າສ່ວນໜ້ອຍຢູ່ປະເທດເອີລົບກາງນີ້ຢ່າງເປັນທາງການ. ຕາມທ່ານ ເຈີນຫວຽດຮຸ່ງ, ຮອງປະທານສະມາຄົມຊາວຫວຽດນາມ ອາໄສຢູ່ ສ.ເຊັກ ແລ້ວ, ນີ້ແມ່ນຂ່າວດີສຳລັບປະຊາຄົມຊາວຫວຽດນາມ ອາໄສຢູ່ເຊັກ. ໂດຍແມ່ນຊາວຊົນເຜົ່າສ່ວນໜ້ອຍຢູ່ເຊັກ, ປະຊາຄົນຊາວຫວຽດນາມ ອາໄສຢູ່ເຊັກ ຈະມີເງື່ອນໄຂໄດ້ຮັບເງິນໜູນຊ່ວຍຈາກງົບປະມານເພື່ອພັດທະນາດ້ານວັດທະນະທຳທີ່ເປັນມູນເຊື້ອ ແລະ ພາສາຂອງຕົນຫຼາຍກວ່າອີກ. ຢູ່ບັນດາທ້ອງຖິ່ນທີ່ມີຊາວຫວຽດນາມ ອາໄສຫຼາຍຄົນ, ເດັກນ້ອຍສາມາດດ້ຮຽນດ້ວຍພາສາຫວຽດນາມ ແລະ ຊາວຫວຽດນາມ ກໍ່ມີສິດນຳໃຊ້ພາສາຫວຽດ ຢູ່ບ່ອນເຮັດວຽກ ກໍ່ຄືຢູ່ສານ. ນອກຈາກນັ້ນ, ປະຊາຄົມຊາວຫວຽດນາມ ອາໄສຢູ່ເຊັກ ສາມາດຈັດຕັ້ງລາຍການກະຈາຍສຽງ ແລະ ໂທລະພາບດ້ວຍພາສາຫວຽດໄດ້... ປະຈຸບັນມີຊາວຫວຽດນາມ ອາໄສຢູ່ ສ.ເຊັກ ຖືກຕ້ອງຕາມກົດໝາຍແມ່ນປະມານ 65.000 ຄົນ.
ຫວັງວ່າ ຜ່ານຄຳຕອບຂອງພວກຂ້າພະເຈົ້າເພື່ອນ ບຸນຄຳ ໄຊສົມດີ ແລະ ເພື່ອນ ບຸນເລີດ ຈະເພິງພໍໃຈ. ຍ້ອນເວລາຖືກຈຳກັດ, ບັນດາຄຳຖາມອື່ນໆ ພວກຂ້າພະເຈົ້າຈະຕອບໃນລາຍການໂອ້ລົມກັບເພື່ອລາວຄັ້ງຕໍ່ໄປ ແລະ ບາງຄຳຖາມພວກຂ້າພະເຈົ້າຈະຕອບຜ່ານອີແມວໃຫ້ແກ່ທ່ານຜູ້ຟັງ. ຂໍ້ຂອບໃຈທີ່ທ່ານໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ. ຖ້າທ່ານຜູ້ຟັງທ່ານໃດມີຄວາມສົນໃຈ ແລະ ມີຄຳຖາມກະລຸນາຝາກຈົດໝາຍມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈຽວຮ່າໂນ້ຍ ຫຼື ໂທມາໂດຍກົງກໍ່ໄດ້ຕາມເບີໂທ: 0084.4.38256631 ຫຼື ອີແມວ laovov@yahoo.com.