(vovworld)- ໃນອາທິດຜ່ານມາ, ລາຍການພາກພາສາລາວ ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍຈາກເພື່ອນສຸດດາລາ ຢູ່ນະຄອນຫລວງວຽງຈັນ, ເພື່ອນ ມີໄຊ ຢູ່ ແຂວງອັດຕະປື…ໂດຍແບ່ງປັນວ່າ: ລາຍການວັດທະນະທຳຫວຽດນາມຊື່ງລາຍການກະຈາຍສຽງພາກພາສາລາວໄດ້ອອກອາກາດໃນວັນຈັນປະຈຳອາທິດໄດ້ສ້າງຄວາມປະທັບໃຈຕໍ່ພວກເພື່ອນ, ຊ່ວຍໃຫ້ພວກເພື່ອນເຂົ້າໃຈຫລາຍຢ່າງກ່ຽວກັບຮີດຄອງປະເພນີຂອງບັນດາເຜົ່າຢູ່ຫວຽດນາມ.
ເພື່ອນ ສົມພອນ ຢູ່ແຂວງ ອຸດົມໄຊໄດ້ສົ່ງ ອີແມວມາຫາລາຍການໂດຍເວົ້າວ່າ: ເພື່ອນເຄີຍຕິດຕາມຮັບຟັງ ແລະ ຊົມລາຍການພາກພາສາລາວເປັນປະຈຳ, ໂດຍສະເພາະ ແມ່ນລາຍການຂ່າວ ເພື່ອນມັກທີ່ສຸດ. ໃນນັ້ນ ຂ່າວຕ່າງປະເທດ, ວິທະຍຸກະຈາຍສຽງຫວຽດນາມໄດ້ໃຫ້ຂ່າວທັນການ, ລົງເລິກ, ຂໍ້ມູນຂ່າວສານອຸດົມສົມບູນ.
ເພື່ອນ ພອນສະຫວັນ, ພະນັກງານການເງິນ ລາວ ໄດ້ໂທລະສັບມາຫາລາຍການ ໂດຍຖາມວ່າ: ເດືອນໃດຢູ່ຮ່າໂນ້ຍ ອາກາດຫນາວກວ່າໝູ່, ເພາະວ່ານອ້ງຢາກໄປຢ້ຽມຢາມຮ່າໂນ້ຍໃນໂອກາດຍາມຫນາວຈັດ, ຫລັງຈາກນັ້ນນ້ອງສືບຕໍ່ໄປຢ້ຽມຢາມເທດສະບານຊາປາອີກ. ເພື່ອນພອນສະຫວັນທີ່ຮັກແພງ, ຕາມການພະຍາກອນຈາກກົມອຸຕຸນິຍົມອຸທົກກະສາດຫວຽດນາມແລ້ວ, ອາກາດຫນາວກວ່າໝູ່ຢູ່ພາກເຫນືອຫວຽດນາມ ອາດຈະຕົກໃນເດືອນ 1 ແລະ 2 ປີ 2014. ຖ້າຫາກເພື່ອນມີແຜນການໄປຢ້ຽມຢາມພາກເຫນືອຫວຽດນາມ ເພື່ອນຈົ່ງຕິດຕາມລາຍການພະຍາກອນອາກາດໃນຫນ້າເວັບຂອງພວກເຮົາຕື່ມອີກ ຜ່ານລະຫັດ vov5.vn ຫລື vovworld.vn.
ໃນອາທິດທີ່ຜ່ານມາ, ພວກເຮົາໄດ້ຮັບຈົດໝາຍຈາກເພື່ອນ ບຸນຕາ ຢູ່ແຂວງ ບໍລິຄຳໄຊ ໂດຍແບ່ງປັນວ່າ: ຫວ່າງແລ້ວນີ້ ຂ້າພະເຈົ້າໄດ້ຮັບຂ່າວວ່າ ຊາວຫວຽດນາມຜູ້ຫນຶ່ງໄດ້ຮັບລາງວັນວັນນະຄະດີອາຊີຕາເວັນອອກສຽງໃຕ້ 2013. ຜ່ານລາຍການ, ຂ້າພະເຈົ້າຢາກຮູ້ຂ່າວຄາວກ່ຽວກັບນັກປະພັນດັ່ງກ່າວ ແລະ ເນື້ອໃນບົດປະພັນທີ່ເພີ່ນໄດ້ຮັບລາງວັນ. ຂອບໃຈເພື່ອນບຸນຕາທີ່ໄດ້ສົນໃຈ ແລະ ຊົມເຊີຍນັກປະພັນຫວຽດນາມ, ຕໍ່ໄປນີ້ ພວກເຮົາຂໍແນະນຳໂດຍສັງເຂບກ່ຽວກັບນັກປະພັນ ທ່າຍບາເລີ້ຍ, ຊື່ງແມ່ນຜູ້ໄດ້ຮັບລາງວັນວັນນະຄະດີ ອາຊີຕາເວັນອອກສຽງໃຕ້ປີ 2013 ແລະ ເນື້ອໃນບົດປະພັນທີ່ເພີ່ນໄດ້ຮັບລາງວັນ.
ນັກປະພັນ ທ໋າຍບາເລິ້ຍ
|
ນັກປະພັນ ທ໋າຍບາເລິ້ຍ ເກີດປີ 1945 ຢູ່ແຂວງ ເຫງ້ອານ, ຊື່ງແມ່ນນັກປະພັນໃນຊຸມປີທ້າຍຂອງໄລຍະຕໍ່ຕ້ານຕ້ານຈັກກະພັດອາເມລິກາກູ້ຊາດ. ຊື່ສຽງຮຽງນາມຂອງເພີ່ນແມ່ນຕິດພັນກັບບັນດາບົດປະພັນກ່ຽວກັບໄລຍະສົງຄາມ ແລະ ຫລັງສົງຄາມ. ນັກປະພັນ ທາຍບາເລີ້ຍ ປະດິດແຕ່ງບົດປະພັນບໍ່ຫລາຍ, ແຕ່ບົດປະພັນໃດຂອງທ່ານກໍ່ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຜູ້ອ່ານ ແລະ ບົດປະພັນ ມີງຊື (Minh Su)ທີ່ພິມຈຳຫນ່າຍເມື່ອປີ 2010 ແມ່ນບົດປະພັນໄດ້ຮັບລາງວັນຈາກສະມາຄົມນັກປະພັນຫວຽດນາມເມື່ອປີ 2012 ແລະ ລາງວັນວັນນະຄະດີອາຊີຕາເວັນອອກສຽງໃຕ້ປີ 2013 ຈາກລາຊະວົງໄທ.
ສຳລັບ ບົດປະພັນ ມີງຊື, ນັກປະພັນ ທາຍບາເລີ້ຍ ປະດິດແຕ່ງໃນໄລຍະ 4 ປີ. ບົດປະພັນປະກອບ 400 ຫນ້າ ໂດຍບັນທຶກຂະບວນວິວັດການຂະຫຍາຍຜືນແຜນດິນປະເທດຊາດຂອງເຈົ້າກະສັດຫງວຽນ. ນັກປະພັນ ທາຍບາເລິ້ຍ ແບ່ງປັນວ່າ:
“ກ່ຽວກັບເລື່ອງປະດິດແຕ່ງບົດປະພັນດັ່ງກ່າວ ແມ່ນສິ່ງທົດສອບສຳລັບຂ້າພະເຈົ້າ ເພາະວ່າ ເລື່ອງລາວນີ້ແມ່ນເກີດຂຶ້ນກ່ອນນີ້ 500 ປີ, ສະນັ້ນວຽກງານຊອກຫາເອກະສານແມ່ນຫຍຸ້ງຍາກທີ່ສຸດ, ແຕ່ດ້ວຍຄວາມເຄົາລົບນັບຖືເຈົ້າກະກັດຫງວຽນຮ່ວາງ, ຊື່ງແມ່ນຜູ້ມີຄຸນງາມຄວາມດີອັນໃຫຍ່ຫລວງໃນການຂະຫຍາຍຜືນແຜນດິນທາງທິດໃຕ້ຂອງປະເທດຊາດສະນັ້ນ ຂ້າພະເຈົ້າຈຶ່ງພະຍາຍາມຊອກຫາເອກະສານໃຫ້ໄດ້ເພື່ອແຕ່ງບົດປະພັນດັ່ງກ່າວໃຫ້ສຳເລັດ.”
ຕາມນັກປະພັນ ທາຍບາເລີ້ຍແລ້ວ, ບົດປະພັນດັ່ງກ່າວໄດ້ແບ່ງອອກເປັນ 7 ພາກ, ໃນແຕ່ລະພາກມີການປະສົມປະສານລະຫວ່າງໄລຍະປະຈຸບັນ ແລະ ອະດີດຕະການ. ບົດປະພັນນີ້ພັນລະນາເຖິງປະຫວັດສາດ, ເຖິງບຸກຄົນຫນຶ່ງທີ່ພວມກໍ່ຄວາມຖົກຖຽງກັນໃນປະຫວັດສາດຫວຽດນາມ.
ເມື່ອເວົ້າເຖິງລາງວັນທີ່ໄດ້ຮັບ, ນັກປະພັນ ທາຍບາເລີ້ຍ ຖືວ່າ: ເຖິງວ່າພຽງແມ່ນລາງວັນໂດຍລາຊະວົງໄທມອບໃຫ້ ແຕ່ມັນພັດມີຜົນສະທ້ອນຢ່າງໃຫຍ່ຫລວງໃນເວທີວັນນະຄະດີພາກພື້ນ. ນັກປະພັນ, ນັກກະວີໄດ້ຮັບລາງວັນແຕ່ລະຄົນ ລ້ວນແຕ່ເປັນແບບຢ່າງດີເດັ່ນທີ່ໄດ້ຮັບການຄັດເລືອກຈາກປະເທດຕ່າງໆ.
ພວກຂ້າພະເຈົ້າຂໍຂອບອົກຂອບໃຈທ່ານຜູ້ຟັງທີ່ໄດ້ຕິດຕາມຮັບຟັງລາຍການຂອງພວກເຮົາ ກໍຄືປະກອບຄຳເຫັນໃຫ້ລາຍການ. ຫວັງຢ່າງຍິ່ງວ່າ ທ່ານຜູ້ຟັງຄົງຈະສືບຕໍ່ຝາກຈົດໝາຍມາລາຍການນັບມື້ນັບຫລາຍກວ່າ. ສຸດທ້າຍ ຂໍອວຍພອນທ່ານຜູ້ຟັງທຸກທ່ານຈົ່ງມີສຸຂະພາບເຂັ້ມແຂງ ແລະ ສຳເລັດວຽກງານຂອງຕົນ.
ທ່ານຜູ້ຟັງສາມາດຮັບຟັງລາຍການພາກພາລາວຄືນຜ່ານຫນ້າເວັບ vovworld.vn ຫລື vov5.vn
ຢ່າລືມຂຽນຈົດໝາຍມາຫາລາຍການເດີ!
ຜ່ານທີ່ຢູ່: ພາກພາສາລາວ ວິທະຍຸກະຈາຍສຽງຫວຽດນາມ
45 Ba Trieu Ha Noi
ໂທລະສັບ: 0084438256631.
email:laovov@yahoo.com, laovov@hotmail.com