ໃນອາທິດຜ່ານມາ, ພວກເຮົາໄດ້ຮັບຈົດໝາຍຈາກເພື່ອນ ອາວອນ ຈິດ, ແສງອາລຸນ, ຢູ່ແຂວງຜົ້ງສາລີ ໂດຍແບ່ງປັນວ່າ: ໃນເດືອນ 12 ຈະມາເຖິງນີ້, ຫວຽດນາມ ຈະຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ, ດັ່ງນັ້ນພວກເພື່ອນຈຶ່ງຢາກຊອກຮູ້ກ່ຽວກັບປະຫວັດຄວາມເປັນມາຂອງກອງທັບປະຊາຊົນຫວຽດນາມ ແລະ ປີນີ້ຫວຽດນາມ ຈັດພິທີລະນຶກວັນສ້າງຕັ້ງກອງທັບປະຊາຊົນຫວຽດນາມ ຄົບຮອບຈັກປີ, ແຕ່ລະປີ, ວັນບຸນນີ້ຖືກຈັດຕັ້ງຄືແນວໃດ?
ວັນສ້າງຕັ້ງກອງທັບປະຊາຊົນຫວຽດນາມ
(ພາບ:admm.org.vn)
ອາວອນຈິດ, ແສງອາລຸນ ແລະ ທ່ານຜູ້ຟັງຜູ້ອ່ານທີ່ຮັກແພງ, ກອງທັບປະຊາຊົນຫວຽດນາມ ແຕ່ກ່ອນແມ່ນກອງທັບໂຄສະນາປົດປ່ອຍຫວຽດນາມ ໄດ້ຮັບການສ້າງຕັ້ງຂຶ້ນໃນວັນທີ 22/12/1944 ຢູ່ເຂດປ່າເຈີ່ນຮຶງດ້າວ, ເມືອງງວຽນບິ່ງ ແຂວງກາວບັ່ງ. ສູນກາງພັກ ແລະ ປະທານໂຮ່ຈິມິນ ໄດ້ມອບໜ້າທີ່ໃຫ້ສະຫາຍຫວໍ໋ງວຽນຢາບ ເປັນຜູ້ຈັດຕັ້ງນຳພາ ແລະ ປະກາດສ້າງຕັ້ງກອງທັບ. ທ້າຍເດືອນ 8/1945, ການລຸກຮຶ້ຂຶ້ນຂະໜາດໃຫ່ຍຂອງປະຊາຊົນຫວຽດນາມ ໄດ້ຮັບໄຊຊະນະຢ່າງສົມບູນ ແລະ ກອງທັບໂຄສະນາປົດປ່ອຍຫວຽດນາມ ໄດ້ປ່ຽນຊື່ວ່າ ກອງທັບປ້ອງກັນປະເທດ. ປີ 1946, ກອງທັບປ້ອງກັນປະເທດໄດ້ປ່ຽນຊື່ເປັນກອງທັບແຫ່ງຊາດຫວຽດນາມ ແລະ ຮອດປີ 1950 ໄດ້ປ່ຽນຊື່ເປັນກອງທັບປະຊາຊົນຫວຽດນາມ. ວັນທີ 22/12/1944 ເຊິ່ງແມ່ນວັນສ້າງຕັ້ງກອງທັບໂຄສະນາປົດປ່ອຍຫວຽດນາມ ໄດ້ຮັບຖືວ່າແມ່ນວັນສ້າງຕັ້ງກອງທັບປະຊາຊົນຫວຽດນາມ. ປີ 1989, ຕາມຄຳສັ່ງຂອງຄະນະເລຂາສູນກາງພັກກອມມູນິດຫວຽດນາມ ແລະ ຂໍ້ຕົກລົງຂອງລັດຖະບານຫວຽດນາມ, ວັນທີ 22/12 ຂອງທຸກໆປີບໍ່ພຽງແຕ່ແມ່ນວັນສ້າງຕັ້ງກອງທັບປະຊາຊົນຫວຽດນາມ ເທົ່ານັ້ນ, ຫາກຍັງແມ່ນວັນບຸນທົ່ວປວງຊົນປ້ອງກັນຊາດອີກດ້ວຍ. ເປັນອັນວ່າ, ປີ 2012 ນີ້, ຫວຽດນາມ ຈະສະເລີມສະຫຼອງ 68 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 23 ປີແຫ່ງວັນບຸນທົ່ວປວງຊົນທົ່ວປວງຊົນປ້ອງກັນຊາດ. ແຕ່ລະປີ, ເມື່ອຮອດວັນທີ 22/12, ຢູ່ຫວຽດນາມ ເຄີຍຈັດການເຄື່ອນໄຫວຕ່າງໆມຸ້ງໄປເຖິງຫົວເລື່ອງປ້ອງກັນຊາດ ແລະ ກອງທັບ, ເພື່ອແນໃສ່ໂຄສະນາມູນເຊື້ອຕໍ່ສູ້ຕ້ານສັດຕູ, ປົກປັກຮັກສາປະເທດຊາດຂອງຊາດ ແລະ ຄຸນນະທາດຂອງອ້າຍທະຫານລຸງໂຮ່ ຢ່າງເລິກເຊິ່ງກ້ວາງຂວາງ, ສຶກສາອົບຮົມນ້ຳໃຈຮັກຊາດ, ຮັກລັດທິສັງຄົມນິຍົມ, ລະດົມກຳລັງໃຈພົນລະເມືອງທຸກຄົນເອົາໃຈໃສ່ເບິ່ງແຍງການປັບປຸງການປ້ອງກັນຊາດ, ກໍ່ສ້າງກອງທັບ, ປົກປັກຮັກສາປະເທດຊາດ. ບັນດາການເຄື່ອນໄຫວຄື: ຈັດງານໂຮມຊຸມນຸມມິດຕິງ, ຈັດກອງປະຊຸມສຳມະນາ, ກອງປະຊຸມສາມັກຄີລະຫວ່າງກອງທັບ ແລະ ປະຊາຊົນ, ການສຶກສາອົບຮົມມູນເຊື້ອ, ການສະແດງສິລະປະ, ກອງປະຊຸມໃຫ່ຍຊາວໜຸ່ມ, ການແຂ່ງຂັນກິລາ….ເຄີຍໄດ້ດຳເນີນໄປຢູ່ບັນດາບ້ານ, ຕາແສງ, ອົງການຈັດຕັ້ງໝູ່ມະຫາຊົນ, ຫົວໜ່ວຍ, ຮາກຖານ….
ໃນອາທິດຜ່ານມາ, ພວກເຮົາຍັງໄດ້ຮັບອີແມວ ແລະ ໂທລະສັບຈາກຜູ້ຟັງຜູ້ອ່ານຫຼາຍທ່ານ ເຊິ່ງໃຫ້ຮູ້ວ່າ, ພວກເພື່ອນມັກລາຍການ “40 ປີແຫ່ງໄຊຊະນະຂອງບັ້ນຮົບຮ່າໂນ້ຍ-ດ້ຽນບຽນຝູທາງອາກາດ“ ຂອງວິທະຍຸກະຈາຍສຽງຫວຽດນາມ ທີ່ສຸດ, ຜ່ານນັ້ນ, ພວກເພື່ອນສາມາດເຂົ້າໃຈຕື່ມອີກກ່ຽວກັບບັ້ນຮົບປະຫວັດສາດນີ້. ເພື່ອນຄຳສິງ ຢູ່ມະຫາວິທະຍາໄລກຳມະບານຮ່າໂນ້ຍ ໃຫ້ຮູ້ວ່າ: ເພື່ອນມັກບັນດາບົດທີ່ອອກອາກາດໃນໄລຍະມໍ່ມານີ້ທີ່ສຸດຄື: ບົດ “ພະລັງແຮງຂອງບົດເພງ ຮ່າໂນ້ຍ-ດ້ຽນບຽນຝູທາງອາກາດ“ ພາຍຫຼັງ 40 ປີ ແຫ່ງໄຊຊະນະຂອງບັ້ນຮົບຮ່າໂນ້ຍ-ດ້ຽນບຽນຝູທາງອາກາດ“ “ກຳລັງແຮງສັງລວມສ້າງເປັນໄຊຊະນະ“ “ບ່ອນເກັບຮັກສາຮ່ອງຮອຍໄຊຊະນະ “ຮ່າໂນ້ຍ-ດ້ຽນບຽນຝູທາງອາກາດ “…. ເພື່ອນຄຳສິງ ແລະ ທ່ານຜູ້ຟັງຜູ້ອ່ານທີ່ຮັກແພງ, ພວກເພື່ອນສາມາດຮັບຟັງ ແລະ ອ່ານຄືນບັນດາລາຍການ, ບົດທີ່ທ່ານສົນໃຈໃນເວັບໄຊ vovworld.vn. ໄດ້ຕາມສະບາຍ.
ສຸດທ້າຍພວກເຮົາຂໍຕອບຄຳຖາມຂອງເພື່ອນອູບແກ້ວ, ຢູ່ແຂວງໄຊຍະບູລີ ແລະ ເພື່ອນ ບຸນປອນ ຢູ່ແຂວງອຸດົມໄຊ ຊື່ງຢາກຮູ້ວ່າໃນໂອກາດວັນຊາດລາວ 2/12 ທີ່ຈະມາເຖິງ, ລາຍການພາກພາສາລາວ ຂອງວິທະຍຸກະຈາຍສຽງຫວຽດນາມ ຈະໃຫ້ຂ່າວ ແລະ ບົດກ່ຽວກັບລາວ ຫຼືບໍ່?
ສະເຫຼີມສະຫຼອງວັນຊາດລາວຢູ່ແຂວງກວາງບິງ
(ພາບ:quangbinhuni.edu.vn)
ບັນດາເພື່ອນທີ່ຮັກແພງ! ກໍ່ເຊັ່ນດຽວກັນກັບທຸກໆປີ, ໃນໂອກາດສະເຫຼີທສະຫຼອງວັນຊາດລາວທີ 2/12, ຍາມໃດລາຍການພາກພາສາລາວ ຂອງວິທະຍຸກະຈາຍສຽງຫວຽດນາມ ກໍ່ໄດ້ໃຫ້ຂ່າວ ແລະ ບົດກ່ຽວກັບການເຄື່ອນໄຫວສະເຫຼີມສະຫຼອງຕ່າງໆຂອງສະຖານທູດລາວ ປະຈຳຫວຽດນາມ, ບັນດາສະຖານກົງສູນໃຫ່ຍລາວ ປະຈຳນະຄອນໂຮ່ຈິມິນ, ດ່ານັງ ກໍ່ຄືສະມາຄົມມິດຕະພາບຫວຽດນາມ-ລາວ ບັນດາແຂວງ, ນະຄອນ…ນອກນັ້ນ, ໃນໂອກາດນີ້, ພວກເຮົາກໍ່ໄດ້ອອກອາກາດບັນດາບົດເພງຍ້ອງຍໍສັນລະເສີນປະເທດລາວ ທີ່ສວຍງາມ, ຍ້ອງຍໍສັນລະເສີນນ້ຳໃຈສາມັກຄີຫວຽດນາມ-ລາວ. ພິເສດ, ໃນວັນທີ 1/12 ຈະມາເຖິງນີ້, ພວກເຮົາຈະມີບົດກ່າວປາໄສຂອງທ່ານດຣ ສົມພອນ ສີຈະເລີນ ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສປປລາວ ປະຈຳ ສສ ຫວຽດນາມ. ເຊີນທ່ານຕິດຕາມຮັບຟັງ
ບັນດາທ່ານຜູ້ຟັງຜູ້ອ່ານທີ່ເຄົາລົບ! ຖ້າພວກທ່ານມີຄວາມສົນໃຈເຖິງບັນຫາໃດໜຶ່ງ, ສາມາດຝາກຈົດໝາຍ, ຫຼືອີແມວເຖິງລາຍການຂອງພວກເຮົາ, ໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົມບາຈ້ຽວ-ຮ່າໂນ້ຍ ຫຼືໂທລະສັບມາຍັງລາຍການໂດຍກົງຕາມເບີໂທ: 04.38256631, ອີແມວ: Laovov@.yahoo.com.ພວກເຮົາຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.