ທ່ານເວຂາທິກນໃຫຍ່ ຫງວຽນຟູ໋ຈ່ອງ ກ່າວຄວາມເຫັນໄຂກອງປະຊຸມ
(vovworld) - ກອງປະຊຸມໃຫຍ່ຄັ້ງທີ 14 ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ 11 ພວມດຳເນີນຢູ່ ຮ່າໂນ້ຍ ແລະ ໄດ້ສຳເລັດວຽກງານກະກຽມສຸດທ້າຍໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12, ເຊິ່ງຄາດວ່າຈະດຳເນີນໃນລະຫວ່າງວັນທີ 20-28/1/2016. ກ່າວຄວາມເຫັນໄຂກອງປະຊຸມໃຫຍ່ ໃນວັນທີ 11/1/2015, ທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ໄດ້ສະເໜີຄະນະບໍລິການງານສູນກາງ, ປຶກສາຫາລື, ປະກອບຄວາມເຫັນ ເພື່ອປັບປຸງບົດລາຍງານວຽກງານບຸກຄະລາກອນ ຄະນະບໍລິການງານສູນກາງ, ກົມການເມືອງ, ຄະນະເລຂາຊຸດທີ 12 ໃຫ້ສຳເລັດ, ພ້ອມທັງພິຈາລະນາ, ແຕ່ງຕັ້ງບຸກຄະລາກອນໃນ 4 ຕຳແໜ່ງການນຳຫຼັກແຫຼ່ງຊຸດທີ 12. ວິທະຍຸກະຈາຍສຽງ ຫວຽດນາມ ຄັດສະເໜີບັນດາເນື້ອໃນຕົ້ນຕໍໃນບົດກ່າວປາໄສສຳຄັນນີ້ຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ເຊີນທ່ານຮັບຟັງ.
ທີ່ກອງປະຊຸມຄັ້ງນີ້, ຄະນະບໍລິການງານສູນກາງໄດ້ປຶກສາຫາລື, ຮັບຮອງເອົາແຜນນະໂຍບາຍລົງນາມໃນສັນຍາຄູ່ຮ່ວມມືຂ້າມປາຊິຟິກ (TPP); ສືບຕໍ່ປັບປຸງວຽກງານບຸກຄະລາກອນ ຄະນະບໍລິການງານສູນກາງ, ກົມການເມືອງ, ຄະນະເລຂາຊຸດທີ 12 ໃຫ້ສຳເລັດ ແລະ ກະກຽມບຸກຄະລາກອນທີ່ເປັນການນຳຫຼັກແຫຼ່ງຊຸດທີ 12; ຮັບຮອງເອົາຮ່າງບັນຊີລາຍຊື່ຄະນະປະທານ, ຄະນະເລຂາ, ຄະນະກວດກາຖານະນິຕິບຸກຄົນຜູ້ແທນກອງປະຊຸມໃຫຍ່ຊຸດທີ 12.
ຕີລາຄາຜົນກະທົບຂອງເລື່ອງຫວຽດນາມເຂົ້າຮ່ວມ TPP
ທ່ານເລຂາທິການໃຫຍ່ ຫງວຽນຟູ໋ຈ້ອງ ໃຫ້ຂໍ້ສັງເກດວ່າ, ໃນຫຼາຍປີຜ່ານມາ, ພ້ອມກັບເລື່ອງຜັນຂະຫຍາຍການປະຕິບັດບັນດາສົນທິສັນຍາສາກົນເຊິ່ງໄດ້ຮັບການລົງນາມ ຫຼື ໄດ້ເຂົ້າຮ່ວມນັ້ນ, ຫວຽດນາມ ໄດ້ເປັນເຈົ້າການ, ຕັ້ງໜ້າເຈລະຈາ, ລົງນາມໃນສັນຍາການຄ້າເສລີຫຼາຍສະບັບ ເພື່ອເປີດກວ້າງຕະຫຼາດສົ່ງອອກ ແລະ ຍູ້ແຮງການດຶງດູດທຶນຈາກຕ່າງປະເທດ, ລະດົມແຫຼ່ງກຳລັງໃຫ້ແກ່ການພັດທະນາ. ພາຍຫຼັງ 5 ປີແຫ່ງການເຈລະຈາ, ດ້ວຍວາລະເຮັດວຽກຂັ້ນນັກວິຊາການ 30 ຄັ້ງ ແລະ ການເຈລະຈາຂັ້ນລັດຖະມົນຕີ 10 ກວ່າຄັ້ງ, ວັນທີ 5/10/2015, ຫວຽດນາມ ແລະ 11 ປະເທດອາຊີປາຊີຟິກ ໄດ້ປະກາດຢ່າງເປັນທາງການ ສິ້ນສຸດການເຈລະຈາ TPP, ເຊິ່ງແມ່ນສັນຍາການຄ້າເສລີໃໝ່, ທີ່ມີຄວາມຮຽກຮ້ອງສູງກວ່າ, ມີຂອບເຂດປັບປຸງກວ້າງກວ່າ, ບໍ່ພຽງແຕ່ມີບັນດາບັນຫາກ່ຽວກັບດ້ານການຄ້າ ແລະ ການລົງທຶນເທົ່ານັ້ນ, ຫາກຍັງມີຫຼາຍບັນຫາທີ່ກ່ຽວຂ້ອງອີກເຊັ່ນ: ຜູ້ອອກແຮງງານ - ກຳມະບານ; ສະພາບແວດລ້ອມ; ລັດວິສາຫະກິດ; ການປົກປ້ອງຊັບສິນທາງປັນຍາ… ນີ້ໄດ້ຮັບຖືວ່າແມ່ນສັນຍາເຊິ່ງບັນດາປະເທດເຂົ້າຮ່ວມ, ພິເສດແມ່ນປະຊາຄົມວິສາຫະກິດ ແລະ ຜູ້ອອກແຮງງານມີຄວາມເອົາໃຈໃສ່ເປັນພິເສດ ແລະ ມີຄວາມມຸ່ງຫວັງທີ່ສຸດ.
ທີ່ກອງປະຊຸມສູນກາງຄັ້ງທີ 13 (ເດືອນ 12/2015), ຕາມການຊີ້ນຳຂອງກົມການເມືອງ, ຄະນະກຳມະການພັກ, ລັດຖະບານ ໄດ້ມີບົດລາຍງານຜົນແຫ່ງການເຈລະຈາ TPP ຍື່ນຕໍ່ສູນກາງເພື່ອຄົ້ນຄ້ວາ. ວັນທີ 30/12/2015. ກົມການເມືອງໄດ້ຈັດການປະຊຸມເພື່ອຮັບຟັງຄະນະກຳມະການພັກ, ລັດຖະບານລາຍງານ ແລະ ທີ່ກອງປະຊຸມຄັ້ງນີ້, ກົມການເມືອງຍື່ນສະເໜີຕໍ່ສູນກາງກ່ຽວກັບເລື່ອງກະກຽມລົງນາມໃນສັນຍາ TPP ເພື່ອໃຫ້ສູນກາງພິຈາລະນາ, ຕົກລົງ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ:
“ສະເໜີພວກສະຫາຍຄົ້ນຄ້ວາ, ປຶກສາຫາລື, ໃຫ້ຄຳເຫັນກ່ຽວກັບຜົນຂອງການເຈລະຈາ, ໄຈ້ແຍກ, ຕີລາຄາຜົນກະທົບເມື່ອເຂົ້າຮ່ວມ TPP; ຄວາມສະດວກ ແລະ ກາລະໂອກາດ, ບັນດາຄວາມຫຍຸ້ງຍາກ ແລະ ສິ່ງທ້າທາຍ; ບັນດາບັນຫາວາງອອກ ທີ່ກ່ຽວຂ້ອງເຖິງການປັບປຸງກົດໝາຍ, ນະໂຍບາຍ, ມາດຕະການຄືດັ່ງໄດ້ຍົກອອກໃນບົດລາຍງານ ແລະ ໃບສະເໜີຂອງກົມການເມືອງ. ພ້ອມທັງໃຫ້ແຜນນະໂຍບາຍ ກ່ຽວກັບເລື່ອງລົງນາມໃນສັນຍາຢ່າງເປັນທາງການ; ກະກຽມຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນຕາມຂໍ້ກຳນົດຂອງກົດໝາຍ; ສ້າງ ແລະ ຈັດຕັ້ງປະຕິບັດແຜນການ, ລາຍການປະຕິບັດສັນຍາ, ຕອບສະໜອງຄາດໝາຍ, ຄວາມຮຽກຮ້ອງທີ່ໄດ້ວາງອອກ, ເພື່ອຜົນປະໂຫຍດຂອງຊາດ“.
ສືບຕໍ່ປັບປຸງວຽກງານບຸກຄະລາກອນຄະນະບໍລິຫານງານສູນກາງພັກກອມມູນິດ ຫວຽດນາມຊຸດທີ 12
ຕາມທ່ານເລຂາທິການໃຫຍ່ ຫງວຽນຟູ໋ຈ້ອງ ແລ້ວ, ທີ່ກອງປະຊຸມສູນກາງຄັ້ງທີ 12 ແລະ ກອງປະຊຸມສູນກາງຄັ້ງທີ 13 ຊຸດທີ 11, ຄະນະບໍລິຫານງານສູນກາງ ໄດ້ຕົກລົງບັນດາເນື້ອໃນສຳຄັນຂອງວຽກງານບຸກຄະລາກອນຄະນະບໍລິຫານງານສູນກາງຊຸດທີ 12, ລວມມີ: ການແຕ່ງຕັ້ງບັນດາກຳມະການສູນກາງທີ່ເຂົ້າຮ່ວມເປັນຄັ້ງທຳອິດ (ທັງທາງການ ແລະ ສຳຮອງ); ແຕ່ງຕັ້ງບັນດາກຳມະການສູນກາງຊຸດທີ 11 ແຕ່ງຕັ້ງຄືນໃໝ່ເຂົ້າ ກຳມະການສູນກາງຊຸດທີ 12 ແລະ ແຕ່ງຕັ້ງບຸກຄະລາກອນເຂົ້າຮ່ວມກົມການເມືອງ, ຄະນະເລຂາຊຸດທີ 12. ພ້ອມກັນນັ້ນ, ທີ່ກອງປະຊຸມສູນກາງຄັ້ງທີ 13, ບັນດາກຳມະການສູນກາງຊຸດທີ 11 ໄດ້ຂຽນໃບສະເໜີບັນດາກຳມະການກົມການເມືອງ, ຄະນະເລຂາຊຸດທີ 11, ທີ່ມີມາດຕະຖານ, ເງື່ອນໄຂຢ່າງຄົບຖ້ວນ, ໃນເກນອາຍຸສະໝັກຮັບເລືອກຕັ້ງເຂົ້າບັນດາຕຳແໜ່ງການນຳຫຼັກແຫຼ່ງຂອງພັກ ແລະ ລັດ. ພາຍຫຼັງກອງປະຊຸມສູນກາງຄັ້ງທີ 13, ບົນພື້ນຖານຜົນແຫ່ງການສະເໜີຂອງຄະນະບໍລິຫານງານສູນກາງ, ຄຳເຫັນສະເໜີຂອງບັນດາກຳມະການກົມການເມືອງ, ຄະນະເລຂາທິການຊຸດທີ 11, ອະນຸກຳມະການບຸກຄະລາກອນ ແລະ ກົມການເມືອງໄດ້ປຶກສາຫາລື, ເປັນເອກະພາບສະເໜີບຸກຄະລາກອນການນຳຫຼັກແຫຼ່ງຊຸດທີ 12, ລວມມີບັນດາກຳມະການກົມການເມືອງ, ຄະນະເລຂາທິການຊຸດທີ 11 ທີ່ມີມາດຕະຖານ ມີເງື່ອນໄຂຢ່າງພຽງພໍ… ຮັບເອົາຄຳເຫັນຂອງສູນກາງທີ່ກອງປະຊຸມສູນກາງຄັ້ງທີ 13, ອະນຸກຳມະການບຸກຄະລາກອນ ແລະ ກົມການເມືອງກໍ່ໄດ້ຄົ້ນຄ້ວາ, ພິຈາລະນາ ແລະ ສະເໜີເພີ່ມກຳມະການສູນກາງຊຸດທີ 11 ໃນກໍລະນີ “ພິເສດ“ ຈຳນວນໜຶ່ງ ເພື່ອເລືອກຕັ້ງເປັນກຳມະການສູນກາງຊຸດທີ 12 ຄືນໃໝ່.
“ສະເໜີພວກສະຫາຍຄົ້ນຄ້ວາໃບສະເໜີຂອງກົມການເມືອງຢ່າງລະອຽດ, ປຶກສາຫາລື, ປະກອບຄວາມເຫັນເພື່ອປັບປຸງບົດລາຍງານວຽກງານບຸກຄະລາກອນຄະນະບໍລິຫານງານສູນກາງຊຸດທີ 11 ທີ່ຍື່ນສະເໜີຕໍ່ກອງປະຊຸມໃຫຍ່ຊຸດທີ 12; ພ້ອມທັງພິຈາລະນາ, ແຕ່ງຕັ້ງ 4 ຕຳແໜ່ງທີ່ເປັນການນຳຫຼັກແຫຼ່ງຊຸດທີ 12. ທີ່ກອງປະຊຸມຄັ້ງນີ້, ອີງໃສ່ກົດລະບຽບພັກ, ກົມການເມືອງຍື່ນສະເໜີຕໍ່ສູນກາງຮ່າງລາຍຊື່ຄະນະປະທານ, ຄະນະເລຂາ ແລະ ຄະນະກວດກາຖານະນິຕິບຸກຄົນທີ່ເປັນຜູ້ແທນກອງປະຊຸມໃຫຍ່ຊຸດທີ 12ຂອງພັກ. ສະເໜີສູນກາງໃຫ້ຄຳເຫັນ, ຮັບຮອງເອົາເພື່ອຍື່ນສະເໜີກອງປະຊຸມໃຫຍ່ຊຸດທີ 12 ຂອງພັກພິຈາລະນາ, ຕົກລົງ“.
ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ, ກອງປະຊຸມສູນກາງຄັ້ງນີ້ມີຄວາມໝາຍສຳຄັນພິເສດ, ປຶກສາຫາລື ແລະ ຕົກລົງບັນດາວຽກງານທີ່ຍັງເຫຼືອ ເພື່ອສືບຕໍ່ກະກຽມ ແລະ ຈັດຕັ້ງກອງປະຊຸມໃຫຍ່ຄະນະຜູ້ແທນທົ່ວປະເທດຄັ້ງທີ 12 ຂອງພັກໃຫ້ສຳເລັດຜົນ. ທ່ານເລຂາທິການໃຫຍ່ ຫງວຽນຟູ໋ຈ້ອງ ສະເໜີຄະນະບໍລິຫານງານສູນກາງຊຸດທີ 11 ຍົກສູງຄວາມຮັບຜິດຊອບຕໍ່ພັກ, ປະຊາຊົນ, ປະເທດຊາດ, ສຸມໃສ່ຄົ້ນຄ້ວາ, ປຶກສາຫາລື, ປະກອບຄຳເຫັນເພື່ອສຳເລັດເນື້ອໃນ, ລາຍການທີ່ໄດ້ວາງອອກ.