(vovworld)- ວັນທີ 15/6, ທ່ານຮອງນາຍົກລັດຖະມົນຕີ ຫວຽດນາມ Nguyen Xuan Phuc ຕາງຫນ້າໃຫ້ທ່ານນາຍົກລັດຖະມົນຕີ Nguyen Tan Dung ເປັນຜູ້ສຸດທ້າຍຕອບຄຳຊັກຖາມຂອງບັນດາສະມາຊິກສະພາແຫ່ງຊາດ (ສສຊ). ກ່ອນຫນ້ານັ້ນ ໃນວັນທີ 13 ແລະ 14/6, ລັດຖະມົນຕີກະຊວງແຜນການ ແລະ ການລົງທຶນ, ກະຊວງອຸດສາຫະກຳ ແລະ ການຄ້າ, ກະຊວງຕຳຫລວດ ແລະ ກະຊວງຊັບພະຍາກອນ ແລະ ສິ່ງແວດລ້ອມ ໄດ້ຕອບຄຳຊັກຖາມ ສສຊ. ບັນດາຄຳຖາມ ແລະ ຕອບຄຳຊັກຖາມ ໄດ້ດຶງດູດຄວາມສົນໃຈຈາກຜູ້ມີສິດເລືອກຕັ້ງໃນທົ່ວປະເທດ.
ສສຊ ຍົກຄຳຖາມຕໍ່ທ່ານລັດຖະມົນຕີ
ພາບ:nld.vn
|
ການຊັກຖາມເພື່ອຊີ້ແຈງຄວາມຮັບຜິດຊອບຂອງການນຳບັນດາຂະແຫນງການ, ຂົງເຂດທີ່ຕົນເອງຄຸ້ມຄອງ, ເຮັດໃຫ້ບັນຫາຊັກຖາມໄດ້ຮັບການແກ້ໄຂຢ່າງວ່ອງໄວ ແລະ ດີກວ່າ, ຖືກຕ້ອງຕາມບັນດາຂໍ້ກຳນົດຂອງກົດໝາຍ, ຕອບສະຫນອງໄດ້ຄວາມມຸ່ງມາດປາດຖະຫນາຂອງປະຊາຊົນ. ສະນັ້ນ ທີ່ກອງປະຊຸມແຕ່ລະສະໄຫມ, ບັນດາວາລະຊັກຖາມ ແລະ ຕອບຄຳຊັກຖາມໄດ້ຮັບຄວາມສົນໃຈຈາກຜູ້ມີສິດເລືອກຕັ້ງທີ່ສຸດ. ຜ່ານການເຄື່ອນໄຫວຊັກຖາມ, ຜູ້ມີສິດເລືອກຕັ້ງຮູ້ຈັກໄດ້ວ່າ ບັນດາສສຊ ໄດ້ນຳໃຊ້ສິດອຳນາດຂອງຕົນຄືແນວໃດເພື່ອສະແດງຄຳເຫັນ, ຂໍ້ສະເຫນີຂອງ ຜູ້ມີສິດເລືອກຕັ້ງໃນທົ່ວປະເທດຕໍ່ບັນດາບັນຫາເສດຖະກິດ ສັງຄົມທີ່ພົ້ນເດັ່ນໃນປະຈຸບັນ. ເມື່ອຕິດຕາມບັນດາວາລະຊັກຖາມໃນສະໄຫມປະຊຸມເທ່ືອນີ້, ຜູ້ມີສິດເລືອກຕັ້ງຫລາຍຄົນໄດ້ຕີລາຄາສູງເລື່ອງບັນດາທ່ານລັດຖະມົນຕີໄດ້ຕອບຄຳຊັກຖາມຢ່າງກົງໄປກົງມາ. ປ້າ Le Thi Hoa ຜູ້ມີສິດເລືອກຕັ້ງ ຢູ່ ຕາແສງ Ia Dok ເມືອງ Duc Co ນະຄອນ Pleiku ແຂວງ Gia lai ເວົ້າວ່າ:
“ຂ້າພະເຈົ້າເຫັນວ່າ ບັນດາທ່ານລັດຖະມົນຕີໄດ້ຕອບຄຳຊັກຢ່າງກົງໄປກົງມາ. ແຕ່ເຖິງຢ່າງໃດກໍຕາມ ບັນຫາທີ່ຂ້າພະເຈົ້າສົນໃຈທີ່ສຸດປະຈຸບັນ ແມ່ນການລົງທຶນຂອງລັດ. ຂ້າພະເຈົ້າເຫັນວ່າ ການລົງທຶນຂອງລັດປະຈຸບັນຢູ່ບາງບ່ອນພວມປະຕິບັດຢ່າງກະຈັດກະຈາຍ, ບໍ່ມີຈຸດສຸມ ແລະ ມີຫລາຍກິດຈະກຳບໍ່ທັນແທດເໝາະກັບພຶດຕິກຳຕົວຈິງຂອງທ້ອງຖິ່ນ. ສະນັ້ນ ບໍ່ທັນເສີມຂະຫຍາຍປະສິດທິຜົນຄືດັ່ງຄວາມມຸ່ງຫວັງໄດ້. ຫວັງວ່າ ໃນໄລຍະຈະມາເຖິງ ພວກເຮົາຈະມີມາດຕະການໃດຫນຶ່ງເພື່ອໃຫ້ການລົງທຶນຂອງລັດຕິດພັນກັບພຶດຕິກຳຕົວຈິງ ແລະ ເສີມຂະຫຍາຍປະສິດທິຜົນດີກວ່າເກົ່າ.”
ກ່ຽວຂ້ອງໂດຍກົງເຖິງຊີວິດການເປັນຢູ່ຂອງປະຊາຊົນຄື: ໄຟຟ້າ, ນ້ຳມັນດ ລາຄາສິນຄ້າໃນທ້ອງຕະຫລາດ, ວາລະຊັກຖາມ ແລະ ຕອບຄຳຊັກຖາມຂອງທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ Vu Huy Hoang ໄດ້ດຶງດູດຄວາມສົນໃຈເປັນພິເສດຈາກຜູ້ມີສິດເລືອກຕັ້ງໃນທົ່ວປະເທດ. ຕໍ່ຫນ້າການເພີ່ມຂຶ້ນຢ່າງລຽນຕິດຂອງລາຄາບັນດາປະເພດສິນຄ້າດັ່ງກ່າວ, ສິ່ງທີ່ຜູ້ມີສິດເລືອກຕັ້ງສົນໃຈທີ່ສຸດໃນປະຈຸບັນ ນັ້ນແມ່ນບັນດາມາດຕະການຊຶ່ງທ່ານລັດຖະມົນຕີໄດ້ຍົກອອກມາເພື່ອເຮັດໃຫ້ສະພາບການກັບຄືນສູ່ຄວາມເປັນປົກກະຕິ. ຕາມທ່ານ Vu Ngoc Luu ຜູ້ມີສິດເລືອກຕັ້ງ ເມືອງ Quyet Thang ນະຄອນ Son La ແລ້ວ, ການຕອບຄຳຊັກຖາມຂອງທ່ານລັດຖະມົນຕີ Vu Huy Hoang ຕອບສະຫນອງຄວາມມຸ່ງມາດປາດຖະຫນາຂອງປະຊາຊົນ ໄດ້ສ່ວນໃດສ່ວນຫນຶ່ງ. ທ່ານ Luu ເວົ້າວ່າ:
“ພວກຂ້າພະເຈົ້າເຫັນວ່າ ທ່ານລັດຖະມົນຕີ Vu Huy Hoang ໄດ້ຕອບຄຳຊັກຖາມຂອງ ສສຊ ດ້ວຍຈິດໃຈສ້າງສັນ,ມີຄວາມຮັບຜິດຊອບສູງ. ພວກຂ້າພະເຈົ້າມີຄວາມເຊື່ອໝັ້ນຕໍ່ການບໍລິຫານຂອງທ່ານລັດຖະມົນຕີກໍຄືຂອງປະເທດຊາດ.”
ທີ່ກອງປະຊຸມສະໄຫມສາມັນເທື່ອນີ້, ເປັນຄັ້ງທຳອິດທ່ານ Tran Dai Quang ລັດຖະມົນຕີກະຊວງຕຳຫລວດ ຫວຽດນາມ ໄດ້ຕອບຄຳຊັກຖາມໂດຍກົງຂອງ ສສຊ. ທ່ານລັດຖະມົນຕີ Tran Dai Quang ໄດ້ຕອບຄຳຖາມຫລາຍຂໍ້ທີ່ກ່ຽວຂ້ອງເຖິງບັນຫາຕ່າງໆໃນຂົງເຂດປ້ອງກັນຄວາມສະຫງົບ ຄວາມເປັນລະບຽບຮຽບຮ້ອຍ ໆຊຶ່ງ ຜູ້ມີສິດເລືອກຕັ້ງສົນໃຈ. ເຖິງວ່າມີຄວາມເຫັນດີເຫັນພ້ອມຕໍ່ກັບການຕີລາຄາຂອງທ່ານລັດຖະມົນຕີກ່ຽວກັບບັນດາຄວາມມານະພະຍາຍາມໃນວຽກງານປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ, ການຕໍ່ສູ້ປ້ອງກັນ ແລະ ຕ້ານອາດຊະກຳໃນໄລຍະຜ່ານມາ, ແຕ່ ຜູ້ມີສິດເລືອກຕັ້ງຫລາຍຄົນກໍຍົກໃຫ້ເຫັນບັນດາຂໍ້ຈຳກັດ, ຂໍ້ຄົງຄ້າງໃນຂົງເຂດທີ່ທ່ານລັດຖະມົນຕີຮັບຜິດຊອບ, ອັນໄດ້ກໍ່ຄວາມຮ້ອນເຮັ່ງໃນປະຊາຊົນຄື: ສະພາບອາດຊະຍາກຳເພີ່ມຂຶ້ນ, ພິເສດ ສຳລັບເປົ້າໝາຍບໍ່ເຖິງກະສຽນອາຍຸ. ທ່ານ Tran Thai Hiep ຜູ້ມີສິດເລືອກຕັ້ງ ຢູ່ເມືອງ Dong Thap ເວົ້າວ່າ: “ຢູ່ເຂດຊົນນະບົດຫລາຍແຫ່ງ, ສະພາບຄວາມເປັນລະບຽບຮຽບຮ້ອຍທາງສັງຄົມມີການຜັນແປໄປຕາມທິດບໍ່ດີ. ຊາວຫນຸ່ມ, ເຍົາວະຊົນພາກສ່ວນຫນຶ່ງໄດ້ສ້າງເປັນກຸ່ມ, ເປັນແກ້ງກໍ່ໃຫ້ເກີດສະພາບຂາດຄວາມເປັນລະບຽບຮຽບຮ້ອຍທາງສັງຄົມ. ຄຽງຄູ່ກັນນັ້ນ ຂ້າພະເຈົ້າຖືວ່າ ກຳລັງຕຳຫລວດໃນຈຳນວນຫນ້ອຍ ບໍ່ທັນມີການຝຶກຝົນຫລໍ່ຫລອມຄຸນສົມບັດ, ແບບແຜນດຳລົງຊີວິດ. ສະນັ້ນ ກຳລັງຕຳຫລວດປະຊາຊົນຕ້ອງມີການປັບປຸງບັນຫານີ້ໃຫ້ດີກວ່າ.”
ທ່ານ ຫງວຽນມີນກວາງລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ
ພາບ:TTXVN
|
ນອກນັ້ນ ຜູ້ມີສິດເລືອກຕັ້ງ ກໍມີຄວາມເຊື່ອໝັ້ນ ແລະ ມຸ່ງມາດປາດຖະຫນາວ່າ: ສະພາແຫ່ງຊາດ ແລະ ບັນດາສະມາຊິກໃນຄະນະລັດຖະບານ ຈະມີການຕໍ່ສູ້ ຢ່າງຂ້ຽວຂາດເພື່ອຕ້ານໄພສໍ້ລາດບັງຫລວງທີ່ກໍ່ຄວາມຮົ່ວໄຫລຟຸມເຟືອຍຊັບສົມບັດຂອງລັດ, ຂອງປະຊາຊົນ. ທ່ານ Duong Hien Van ຜູ້ມີສິດເລືອກຕັ້ງ ເມືອງ Son Tra ນະຄອນ Da Nang ປາດຖະຫນາວ່າ: “ຂ້າພະເຈົ້າປາດຖະຫນາຢາກໃຫ້ບັນດາທ່ານລັດຖະມົນຕີກໍຄືລັດຖະບານ ພາຍຫລັງການຊັກຖາມນີ້ ສະເຫນີໃຫ້ການນຳຂັ້ນເທິງຊອກໄດ້ສາຍເຫດອັນແທດຈິງທີ່ສຸດເພື່ອແກ້ໄຂສະພາບສໍ້ລາດບັງຫລວງ, ການຮົ່ວໄຫລຟຸມເຟືອຍຊັບສົມບັດຂອງປະຊາຊົນ. ສະເຫນີລັດຖະບານຕ້ອງຊອກຫາຜູ້ໃດແມ່ນຮັບຜິດຊອບ, ຈາກນັ້ນມີມາດຕະການປັບໄຫມລົງໂທດຢ່າງເຂັ້ມງວດ.”
ດ້ວຍວິທີຊັກຖາມ ແລະ ຕອບຄຳຊັກຖາມຢ່າງຈະແຈ້ງ, ກະທັດລັດ, ອາດຈະເຫັນໄດ້ວ່າ ບໍ່ທັນມີກອງປະຊຸມສະໄຫມໃດມີຈຳນວນ ສສຊ ແລະ ຄຳຊັກຖາມຕໍ່ນາຍົກລັດຖະມົນຕີ ແລະ ບັນດາສະມາຊິກໃນຄະນະລັດຖະບານ ໄດ້ຮັບການຕອບ ຊັກຖາມຢ່າງສົມເຫດສົມຜົນຄືຢູ່ສະໄຫມປະຊຸມເທື່ອທີ່ 3 ນີ້. ສິ່ງດັ່ງກ່າວສະແດງໃຫ້ເຫັນວ່າ: ບັນດາ ສສຊ ໄດ້ສະແດງໃຫ້ເຫັນຄວາມຮັບຜິດຊອບຂອງຕົນ ຕໍ່ຫນ້າຜູ້ມີສິດເລືອກຕັ້ງ