(vovworld)- ການຢ້ຽມຢາມ ອາເມລິກາ ເປັນຄັ້ງທຳອິດໃນຖານະເປັນປະທານປະເທດຈີນ ຂອງທ່ານ ສີຈິ້ນຜິງ ແຕ່ວັນທີ 22-25/9 ພວມດຶງດູດຄວາມສົນໃຈເປັນພິເສດຈາກຫາງສຽງ. ນອກຈາກມີຄຳເຫັນຫລາຍຢ່າງທີ່ຫນ້າປະເອີບໃຈ ຍັງມີຄວາມສົງໃສຈຳນວນຫນຶ່ງກ່ຽວກັບປະສິດທິຜົນຂອງການຢ້ຽມຢາມຄັ້ງນີ້. ໃນສະພາບການພົວພັນສອງຝ່າຍ ອາເມລິກາ - ຈີນ ພວມຄົງຕົວຄວາມບໍ່ລົງລອຍກັນ, ຄວາມສົງໃສ, ການຢ້ຽມຢາມອາເມລິກາ ຂອງທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ໄດ້ຮັບຖືວ່າ ຍາກທີ່ສ້າງບາດກ້າວບຸກທະລຸໄດ້.
ປະທານປະເທດຈີນ ສີຈິ້ນຜິງ ແລະ ປະທານາທິບໍດີ
ອາເມລິກາ B.Obama
ພາບ:thanhnien.vn
|
ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ໄປຢ້ຽມຢາມອາເມລິກາ ໃນສະພາບ ການພົວພັນລະຫວ່າງສອງປະເທດ ຍັງມີຄວາມບໍ່ລົງລອຍກັນຫລາຍຢ່າງ, ຊ້ຳບໍ່ໜຳ ມີຫລາຍຄຳເຫັນຍັງຖືວ່າ ການພົວພັນສອງຝ່າຍພວມຕົກຢູ່ໃນສະພາບເຄັ່ງຕຶງ”. ຄວາມຈິງ ໃນຫລາຍປີຜ່ານມາ ພ້ອມກັບການຜັນແປໃນທົ່ວໂລກ, ການພົວພັນລະຫວ່າງ ອາເມລິກາ ແລະ ຈີນ ມີບັນດາຄວາມແຕກຕ່າງທີ່ໃຫຍ່ຫລວງ, ນັບມື້ນັບມີລັກສະນະແກ້ງແຍ້ງ ຫາກບໍ່ແມ່ນການຮ່ວມມື.
ແກ້ໄຂບັນຫາຄວາມໄວ້ເນື້ອເຊື່ອໃຈ
ຄວາມຫຍໍ້ທໍ້ໃນການພົວພັນສອງຝ່າຍພວມເກີດຂຶ້ນ ເມື່ອສອງປະເທດ ຍາມໃດກໍໃນສະພາບຍາດແຍ່ງບົດບາດຜົນສະທ້ອນກ່ຽວຂ້ອງເຖິງບັນດາບັນຫາຄວາມໝັ້ນຄົງ ແລະ ເສດຖະກິດ.
ອາເມລິກາ ຍາມໃດກໍລະມັດລະວັງ ຈີນ ເມື່ອເຫັນປະຈັກຕາບັນດາການເຄື່ອນໄຫວບໍ່ມີສັນຕິພາບ ໃນໄລຍະມໍ່ໆມານີ້ຂອງຈີນ, ເປັນຕົ້ນແມ່ນເລື່ອງ ປັກກີງ ນັບມື້ນັບສະແດງໃຫ້ເຫັນຄວາມກະມຶງກະມັງໃນການຂັດແຍ້ງຜືນແມ່ນດິນ, ເຂດນ່ານທະເລ ກັບບັນດາປະເທດບ້ານໃກ້ເຮືອນຄຽງ, ໃນນັ້ນ ມີບັນດາປະເທດພັນທະມິດທີ່ໃກ້ຊິດສະຫນິດສະຫນົມຂອງ ອາເມລິກາ ຄື: ຍີ່ປຸ່ນ, ຟິລີບປີນ. ຄຽງຄູ່ກັນນັ້ນ ຍັງມີຫລາຍບັນຫາແຕກຕ່າງກັນຄື: ຄວາມປອດໄພທາງເຄືອຂ່າຍອິນເຕີແນັດ, ຂໍ້ລິເລີ່ມທະນາຄານລົງທຶນພື້ນຖານໂຄງລ່າງ ອາຊີ ຫລືບັນດາຄຳກ່າວຫາຈີນ ຄອບງຳສະກຸນເງິນຢວນ. ໃນຂະນະນັ້ນ ກົງກັນຂ້າມ, ຈີນ ຍາມໃດກໍຖືຍຸດທະສາດດຸນດ່ຽງຄືນ ອາຊີ ປາຊີຟີກ ຂອງວໍຊິງຕັນ ນັ້ນແມ່ນຈຸດປະສົງກົດຫນ່ວງການພັດທະນາເປັນປົກກະຕິຂອງ ປັກກີງ. ຕາມຈີນແລ້ວ, ອາເມລິກາ ພວມເຕົ້າໂຮມບັນດາປະເທດມີການປະທະກັນອະທິປະໄຕເຂດນ່ານທະເລກັບຈີນ ຢູ່ ພາກພື້ນ, ການທ້າທາຍປະຕູອອກສູ່ທະເລຂອງປະເທດນີ້, ເຮັດໃຫ້ຜົນປະໂຫຍດທາງທະເລຂອງຈີນ ຖືກກີດຂວາງ. ເພາະສະນັ້ນ ໃນການຢ້ຽມຢາມຄັ້ງນີ້ ຫນ້າທີ່ຫຍຸ້ງຍາກທີ່ສຸດ ນັ້ນແມ່ນສອງຝ່າຍຕ້ອງເຮັດແນວໃດສ້າງຄວາມໄວ້ເນື້ອເຊື່ອໃຈນຳກັນ. ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ຈະຕ້ອງພະຍາຍາມເກ້ຍກອ່ມວົງການການນຳ ອາເມລິກາຮັບຮູ້ຢ່າງຖືກຕ້ອງກ່ຽວກັບຍຸດທະສາດພັດທະນາຂອງຈີນ, ເພື່ອບໍ່ໃຫ້ເກີດຄວາມຫຍໍ້ທໍ້ສຳລັບການພັດທະນາໃນໄລຍະມໍ່ໆມານີ້ ກໍຄືການກຳນົດທິດເພີ່ມກຳລັງແຮງຂອງຈີນ.
ສຳລັບ ທຳນຽບຂາວ, ປະທານາທິບໍດີ ອາເມລິກາ B.Obama ຈະຕ້ອງພະຍາຍາມເພື່ອພິສູດໃຫ້ເຫັນ ນະໂຍບາຍຫັນໄປສູ່ ອາຊີ ປາຊີຟີກ ນັ້ນບໍ່ແມ່ນການແຂ່ງຂັນດ້ານການທະຫານຢູ່ພາກພື້ນນີ້. ແລະ ທັງ ອາເມລິກາ ແລະ ຈີນ ຄວນຮັບຮູ້ການແກ້ງແຍ້ງຢ່າງແຮງ ຈະເຮັດໃຫ້ສອງຝ່າຍ ຖືກຜົນສະທ້ອນຢ່າງຫນັກຫນ່ວງ, ສອງປະເທດ ຄວນຮັກສາຜົນປະໂຫຍດຍຸດທະສາດຂອງກັນ ຜ່ານວິທີການຮ່ວມມືຢ່າງແຫນ້ນແຟ້ນ, ເພີ່ມເຕີມຈຸດດີ- ຈຸດອ່ອນໃຫ້ກັນ.
ເສດຖະກິດຈະສວມທີ່ຕັ້ງເປັນຈຸດສຸມ
ໃນສະພາບການນັ້ນ, ຕາມການໄຈ້ແຍກຂອງບັນດາຊ່ຽວຊານແລ້ວ ຈຸດສຸມການຢ້ຽມຢາມ ອາເມລິກາ ຂອງ ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ແມ່ນ ການຮ່ວມມືດ້ານເສດຖະກິດ. ບໍ່ແມ່ນເລື່ອງບັງເອີນທີ່ທ່ານ ປະທານປະເທດຈີນ ສີຈິ້ນຜິງ ເລືອກເຟັ້ນ Seatle ແມ່ນສະຖານທີ່ ຢ້ຽມຢາມ ທຳອິດໃນການຢ້ຽມຢາມ ອາເມລິກາ ຄັ້ງນີ້. ເພາະ Seatle ແມ່ນສູນເຕັກໂນໂລຊີຊັ້ນນຳຂອງ ອາເມລິກາ ແລະໂລກ ພ້ອມທັງແມ່ນສະຖານທີ່ເຕົ້າໂຮມບັນດາກຸ່ມບໍລິສັດໃຫຍ່ຄື: Microsoft, Amazon. ນອກນັ້ນ ຍັງມີບໍລິສັດໃຫຍ່ຫລາຍແຫ່ງຂອງ ອາເມລິກາ ຄື: Boeing, Starbucks ພວມເຄື່ອນໄຫວດຳເນີນທຸລະກິດຢູ່ ຈີນ. ສະນັ້ນ ນີ້ແມ່ນຈຸດໝາຍ ຊື່ງຈີນ ພວມມູ່ງໄປເຖິງ ເພື່ອຮັບໃຊ້ຜົນປະໂຫຍດດ້ານຄວາມໝັ້ນຄົງ ເສດຖະກິດຍາວນານຂອງຕົນ. ການຢ້ຽມຢາມ Seatle ຂອງທ່ານ ປະທານປະເທດຈີນ ສີຈິ້ນຜິງ ແມ່ນເພື່ອແກ້ໄຂຄວາມລະແວງສົງໃສຂອງບັນດາວິສາຫະກິດ ອາເມລິກາ ຕໍ່ ມາດຕະການທີ່ຈີນ ພວມປະຕິບັດສຳລັບບໍລິສັດຕ່າງປະເທດ. ການພົວພັນຮ່ວມມືດ້ານເສດຖະກິດ ລະຫວ່າງ ອາເມລິກາ ແລະ ຈີນແມ່ນກຳລັງຫນູນເພື່ອຊຸກຍູ້ການພົວພັນລະຫວ່າງສອງປະເທດໃນໄລຍະຜ່ານມາ. ໃນປີ 2014, ການສົ່ງອອກຂອງ ອາເມລິກາ ໄປຍັງຈີນ ບັນລຸ 120 ຕື້ USD ແລະ ຈີນ ແມ່ນຕະຫລາດສົ່ງອອກສິນຄ້າໃຫຍ່ອັນດັບ 3 ຂອງອາເມລິກາ. ແຕ່ຄວາມຈິງ, ຄວາມດຸນດຽງດ້ານການຄ້າແມ່ນຂຶ້ນກັບຝ່າຍຈີນ. ແຕ່ເດືອນ 8/2015, ອັດຕາແລກປ່ຽນລະຫວ່າງ ສະກຸນເງິນ USD ແລະ ເງິນຢວນ ເພີ່ມຂຶ້ນ ກໍເຮັດໃຫ້ເກີດຄວາມວິຕົກກັງວົນ ຈີນ ພວມມານະພະຍາຍາມທຳລາຍຄ່າເງິນຢວນເພື່ອນຳມາເຊິ່ງຜົນປະໂຫຍດໃຫ້ບັນດາບໍລິສັດສົ່ງອອກຂອງຈີນ. ສະນັ້ນ ຫນຶ່ງໃນບັນດາຈຸດໝາຍຂອງການຢ້ຽມຢາມອາເມລິກາ ຄັ້ງນີ້ ຂອງທ່ານປະທານປະເທດຈີນ ສີຈິ້ນຜິງ ແມ່ນສະແດງຄຳໝັ້ນສັນຍາຄືນຕໍ່ບັນດານັກລົງທຶນວ່າ ຈີນ ຈະພັດທະນາບັນດາຕະຫລາດເຄີຍໄປຕາມທິດເປີດປະຕູ ແລະ ໂປ່ງໃສກວ່າ ພ້ອມທັງຢືນຢັນ ບໍ່ທຳລາຍເງິນຢວນ.
ແຕ່ດົນແລ້ວ, ວໍຊິງຕັນ ຍັງຄົງຮັກສາທັດສະນະວ່າ: ການພົວພັນແບບໃຫມ່ຂອງປະເທດໃຫຍ່” ພຽງແຕ່ແມ່ນຄຳນິຍາມ ແລະ ເຂົາເຈົ້າບໍ່ສົນໃຈເຖິງການຊອກຫາເນື້ອແທ້ຂອງມັນ. ປະຈຸບັນ ວໍຊິງຕັນ ຕ້ອງເອົາໃຈໃສ່ເຖິງການແກ້ໄຂບັນດາບັນຫາລະອຽດຢ່າງວ່ອງໄວ, ໃນຂະນະທີ່ປັກກີງ ພັດສົນໃຈເຖິງສະພາບການສັງລວມ ແລະ ແຜນການຍາວນານ. ສະນັ້ນ ຄວາມແຕກຕ່າງໃນວິທີສຳພັດສະແດງໃຫ້ເຫັນວ່າ ການພົບປະຂອງທ່ານ ສີຈິ້ນຜິງ ກັບທ່ານ O.Bama ຈະບໍ່ນຳມາເຊິ່ງໝາກຜົນຄືດັ່ງຄວາມຫວັງ. ຖ້າຫາກ ພຽງແຕ່ແມ່ນຄວາມຫວັງຕໍ່ບາດກ້າວໃຫມ່ໃນການເຈລະຈາສັນຍາລົງທຶນດ້ານການຄ້າສອງຝ່າຍ ເລີ່ມເຄື່ອນໄຫວແຕ່ປີ 2008,ໃນການພົບປະສຸດຍອດ ອາເມລິກາ - ຈີນ ຄັ້ງນີ້. ມີຫລາຍສາຍເຫດສ້າງຄວາມປະເອີບໃຈ, ເພາະວ່າ ໃນຂະນະທີ່ບັນດາບັນຫາຮ້ອນເຮັ່ງອື່ນຄື: ທະເລຕາເວັນອອກ, ຄວາມປອດໄພທາງເຄືອຂ່າຍອິນເຕີແນັດ, ຄອບງຳອັດຕາແລກປ່ຽນເງິນຕາ ໄດ້ຮັບຖືວ່າ ຍາກທີ່ ບັນລຸໄດ້ຂໍ້ຕົກລົງ, ຄວາມຄືບຫນ້າໃນຂົງເຂດດ້ານການຄ້າສອງຝ່າຍຈະແມ່ນສິ່ງທີ່ສອງຝ່າຍອາດຈະສຸມໃສ່ມຸ່ງໄປເຖິງ.