ປະທານາທິບໍດີ ອຽກລັງ Michael Daniel ພວມທຳການຢ້ຽມຢາມທາງລັດຖະກິດຫວຽດນາມແຕ່ງວັນທີ 5 ຫາວັນທີ 14/11 ຕາມຄຳເຊີນຂອງທ່ານປະທານປະເທດຫວຽດນາມ ເຈີນດ້າຍກວາງ. ການຢ້ຽມຢາມຫວຽດນາມຂອງ ປະທານາທິບໍດີ ອຽກລັງ ເປັນຂີດໝາຍ 20 ປີແຫ່ງການສ້າງການພົວພັນທາງການທູດລະຫວ່າງຫວຽດນາມ-ອຽກລັງ (1996-2016) ພ້ອມທັງເປີດໄລຍະພັດທະນາໃໝ່ໃນສາຍພົວພັນຮ່ວມມືລະຫວ່າງ 2 ປະເທດ.
ທ່ານປະທານປະເທດຫວຽດນາມ ເຈີນດ້າຍກວາງ ແລະ ປະທານາທິບໍດີ ອຽກລັງ Michael Daniel |
ນີ້ແມ່ນການຢ້ຽມຢາມທາງລັດຖະກິດຫວຽດນາມຄັ້ງທຳອິດຂອງປະມຸກລັດ ອຽກລັງ. ສິ່ງນີ້ໄດ້ສະແດງໃຫ້ເຫັນນະໂຍບາຍບຸລິມະສິດຂອງ ອຽກລັງໃນການຊຸກຍູ້ການພົວພັນຮ່ວມມືກັບຫວຽດນາມ.
ຂີດໝາຍໄລຍະ20 ປີແຫ່ງການສ້າງການພົວພັນທາງການທູດ
ຫວຽດນາມ ແລະ ອຽກລັງໄດ້ສ້າງການພົວພັນທາງການທູດໃນວັນທີ 5/4/1996. ພາຍຫຼັງໄດ້ສ້າງການພົວພັນທາງການທູດເປັນເວລາ 20 ປີ, ການພົວພັນຮ່ວມມື, ມິດຕະພາບລະຫວ່າງຫວຽດນາມ-ອຽກລັງໄດ້ບັນລຸຫຼາຍຜົນງານທີ່ດີງາມ. 2 ປະເທດໄດ້ແລກປ່ຽນຄະນະຜູ້ແທນຂັ້ນສູງບາງຄະນະເປັນປະຈຳ ແລະ ໄດ້ສົມທົບກັນເປັນຢ່າງດີຢູ່ບັນດາເວທີປາໄສສາກົນ.
ການພົວພັນດ້ານການຄ້າ ລະຫວ່າງຫວຽດນາມ-ອຽກລັງພວມເພີ່ມຂຶ້ນຢ່າງວ່ອງໄວ. ຖ້າຫາກວ່າ ໃນປີ 2015, ວົງເງິນການຄ້າ 2 ສົ້ນລະຫວ່າງ 2 ປະເທດບັນລຸພຽງ 402 ລ້ານ USD ເທົ່ານັ້ນ, ແຕ່ໃນຮອບ 9 ເດືອນຕົ້ນປີ 2016 ໄດ້ບັນລຸເກືອບ 800 ລ້ານ USD. ບັນດາຜະລິດຕະພັນຕົ້ນຕໍ່ຂອງຫວຽດນາມທີ່ສົ່ງອອກຂາຍໃຫ້ອຽກລັງ ແມ່ນ : ໄມ້, ຜະລິດຕະພັນຈາກໄມ້, ເກີບ, ເຄື່ອງຕ່ຳແຜ່ນຕັດຫຍິບ….ປະຈຸບັນອຽກລັງມີ 17 ໂຄງການລົງທຶນຢູ່ຫວຽດນາມ. ບາງບໍລິສັດຂອງອຽກລັງໄດ້ປະກົດຕົວຢູ່ຫວຽດນາມແຕ່ຕົ້ນຊຸມປີ 1990, ພົ້ນເດັ່ນຂຶ້ນແມ່ນ EBS International ຂອງຂະແໜງໄຟຟ້າອຽກລັງ. 2 ປະເທດໄດ້ມີການພົວພັນຮ່ວມມືພັດທະນາຢ່າງແຂງແຮງທີ່ສຸດໃນຂົງເຂດພະລັງງານ ແລະ ໄຟຟ້າ. ປະຈຸບັນ, ຫວຽດນາມແມ່ນປະເທດດຽວໃນອາຊີນອນໃນຈຳນວນ 9 ປະເທດຄູ່ຮ່ວມມືບຸລິມະສິດໄດ້ຮັບການຊ່ວຍເຫຼືອພັດທະນາຈາກລັດຖະບານອຽກລັງ. ແຫຼ່ງທຶນຊ່ວຍເຫຼືອພັດທະນາຂອງອຽກລັງທີ່ສະຫງວນບຸລິມະສິດໃຫ້ແກ່ບັນດາຂົງເຂດໜູນຊ່ວຍຫຼຸດຜ່ອນຄວາມທຸກຍາກ, ພັດທະນາພາກເອກະຊົນແມ່ຂອງ, ໜູນຊ່ວຍຫັນປ່ຽນເສດຖະກິດ ແລະ ພັດທະນາພາກເອກະຊົນ, ເພີ່ມທະວີຄວາມສາມາດຂອງບັນດາອົງການຜູ້ແທນລາດຊະດອນ, ຜັນຂະຫຍາຍຂໍ້ລິເລີ່ມ “ ອົງການສະຫະປະຊາຊາດດຽວ” ຢູ່ຫວຽດນາມ, ຫນູນຊ່ວຍບັນດາແຜນການ, ໂຄງການທີ່ປະຕິບັດຢູ່ບັນດາທ້ອງຖິ່ນ.
ປີ 2011, ໃນການຢ້ຽມຢາມຫວຽດນາມຂອງລັດຖະມົນຕີການຄ້າ ແລະ ພັດທະນາອຽກລັງ, ຝ່າຍອຽກລັງໄດ້ປະກາດຍຸດທະສາດແຫ່ງຊາດກ່ຽວກັບການຮ່ວມມືພັດທະນາລະຫວ່າງຫວຽດນາມ-ອຽກລັງໄລຍະ 2011-2015 ດ້ວຍຍອດມູນຄ່າ 55 ລ້ານ ເອີໂຣ. ຈຸດໝາຍສັງລວມແມ່ນເພື່ອແນໃສ່ໜູນຊ່ວຍການປະຕິບັດແຜນພັດທະນາເສດຖະກິດສັງຄົມໄລຍະ 2011-2015 ຂອງລັດຖະບານຫວຽດນາມ ແລະ ໃນມໍ່ໆນີ້, ລັດຖະບານອຽກລັງຈະ ປະກາດຍຸດທະສາດແຫ່ງຊາດກ່ຽວກັບການຮ່ວມມືພັດທະນາກັບຫວຽດນາມໄລຍະ 2017-2020.
ໃນຂົງເຂດການສຶກສາ, ບຳລຸງສ້າງ, 2 ປະເທດພວມຕັ້ງໜ້າເຊື່ອມຕໍ່ການຮ່ວມມື. ໃນຊຸມປີທີ່ຜ່ານມາ, ອຽກລັງໄດ້ໃຫ້ທຶນສຶກສາໃຫ້ຫວຽດນາມລວມປະມານ 185 ທຶນໂດຍຜ່ານ 2 ໂຄງການ: ໂຄງການທຶນສຶກສາຄົບຊຸດ Irish Aid (IDEAS) ໄດ້ຜັນຂະຫຍາຍນັບແຕ່ປີ 2009, ສະຫງວນໃຫ້ການສຶກສາຂັ້ນປະລິນຍາໂທກ່ຽວກັບຂະແໜງເຕັກນິກຄື : ເຕັກໂນໂລຢີຂໍ້ມູນຂ່າວສານ, ວິທະຍາສາດເຄຶ່ອງຄອມພິວເຕີ, ເຕັກນິກ, ການຢາ, ພາສາຕ່າງປະເທດ. ປະຊາຄົມຊາວຫວຽດນາມປະຈຳອຽກລັງໃນປະຈຸບັນມີປະມານ 4.000 ຄົນ, ມີການເຄື່ອນໄຫວທີ່ດີຢູ່ປະເທດປະຈຳຖິ່ນ ແລະ ຍາມໃດກໍອວາຍໜ້າມາຫາປະເທດຊາດ.
2 ຝ່າຍພວມຊຸກຍູ້ການຮ່ວມມືໃນຂົງເຂດການແກ້ໄຂຜົນຮ້າຍຢ່ອນຫຼັງຈາກລູກລະເບີດຍັງບໍ່ທັນແຕກທີ່ຕົກຄ້າງໃນປາງສົງຄາມ, ການຮ່ວມມືແກ້ໄຂຜົນຮ້າຍຢ່ອນຫຼັງຈາກສານພິດສີສົ້ມ, ຊອກຫາກູ້ໄພກູ້ຊີບ. ໃນຂົງເຂດກະສີກຳ, ເດືອນ 9 ທີ່ຜ່ານມາ, ຫວຽດນາມນຳສະເໜີ 4 ຂົງເຂດຊຸກຍູ້ການຮ່ວມມືກັບອຽກລັງໃນໄລຍະທີ່ຈະມາເຖິງ ຊຶ່ງລວມມີ : ການບຳລຸງສ້າງການຄຸ້ມຄອງພື້ນຖານກະສີກຳທີ່ທັນສະໄໝ; ແບ່ງປັນບົດຮຽນພັດທະນາພື້ນຖານກະສີກຳອົງຄະທາດ, ການສ້າງລະບົບຄຸ້ມຄອງອາຫານ, ຜະລິດຕະພັນກະເສດທີ່ປອດໄພ, ສືບສວນຕົ້ນກຳເນີດ ແລະ ສົ່ງເສີມຊຸກຍູ້ການລົງທຶນພັດທະນາການຮ່ວມມືກ່ຽວກັບການລ້ຽງງົວໃຫ້ແຂງແຮງ.
ເປີດໄລຍະຮ່ວມມືໃໝ່
ໃນການຢ້ຽມຢາມຫວຽດນາມຄັ້ງນີ້, ປະທານາທິບໍດີ ອຽກລັງ Michael Daniel ມີການເຈລະຈາກັບທ່ານປະທານປະເທດຫວຽດນາມ ເຈີນດ້າຍກວາງ, ພົບປະກັບການນຳຫວຽດນາມອີກຫຼາຍທ່ານ. ປະທານາທິບໍດີ ອຽກລັງ Michael Daniel ຍັງຈະໄປຢ້ຽມຢາມບັນດາໂຄງການເກັບກູ້ລະເບີດບໍ່ທັນແຕກ ແລະ ລົບລ້າງຄວາມອຶດຫິວຫຼຸດຜ່ອນຄວາມທຸກຍາກໂດຍອຽກລັງອຸປະຖຳຢູ່ເຫ້ວ ແລະ ກວາງຈິ, ຢ້ຽມຢາມນະຄອນໂຮ່ຈິມິນ.
ການຢ້ຽມຢາມຫວຽດນາມຂອງປະທານາທິບໍດີ ອຽກລັງ Michael Daniel ຖືກດຳເນີນກົງກັບເຫດການສະເຫຼີມສະຫຼອງ 20 ປີແຫ່ງການສ້າງການພົວພັນທາງການທູດ, ຊຶ່ງສະແດງໃຫ້ເຫັນຄວາມໄວ້ເນື້ອເຊື່ອໃຈດ້ານການເມືອງຢ່າງສູງລະຫວ່າງ 2 ປະເທດ. ການຢ້ຽມຢາມບໍ່ພຽງແຕ່ເພື່ອແນໃສ່ເພີ່ມທະວີການພົວພັນຮ່ວມມືກັບຫວຽດນາມ, ພິເສດແມ່ນໃນຂົງເຂດການຄ້າ-ການລົງທຶນ, ການຮ່ວມມືພັດທະນາ ແລະ ການສຶກສາ-ບຳລຸງສ້າງເທົ່ານັ້ນ, ຫາກຍັງເປີດໄລຍະພັດທະນາໃໝ່, ແທດຈິງ ແລະ ມີປະສິດທິຜົນສູງກວ່າໃນການພົວພັນຮ່ວມມືລະຫວ່າງ 2 ປະເທດ.