(vovworld)- ແຕ່ວັນທີ 9-15/3, ທ່ານປະທານປະເທດເຈືອງເຕີນຊາງ ໄດ້ເດີນທາງໄປຢ້ຽມຢາມທາງລັດຖະກິດເຖິງ ສາມປະເທດຄື: ຕານຊານີ, ໂມຊຳບີກ ແລະ ອີຣານ. ການຢ້ຽມຢາມບັນລຸໄດ້ບັນດາໝາກຜົນສຳຄັນ, ສ້າງຂີດໝາຍໃຫມ່ ນຳການພົວພັນລະຫວ່າງຫວຽດນາມ ກັບ 3 ປະເທດເຫລົ່ານັ້ນເຂົ້າສູ່ໄລຍະຮ່ວມມືໃຫມ່ ໃຫ້ມີປະສິດທິຜົນ ແລະ ແທດຈິງກວ່າ.
ທ່ານປະທານປະເທດ ເຈືອງເຕີນຊາງ ແລະ ທ່ານປະທານສະພາແຫ່ງຊາດ
ຕານຊານີ, Job Yustino Ndugai.
ພາບ:TTXVN
|
ນີ້ແມ່ນການຢ້ຽມຢາມຄັ້ງທຳອິດຂອງທ່ານປະທານປະເທດ ເຈືອງເຕີນຊາງ ເຖິງ ຕານຊານີ, ໂມຊຳບີກ ແລະ ເປັນຄັ້ງທີ 3 ເຖິງ ອີຣານ. ຄຽງຄູ່ກັບຄວາມໝາຍດ້ານການເມືອງອັນໃຫຍ່ຫລວງ, ສະແດງໃຫ້ເຫັນມູນເຊື້ອບໍລິສຸດຜຸດຜ່ອງ ແລະ ໄມຕິຈິດຂອງຊາດ, ການຢ້ຽມຢາມ ແມ່ນກຳລັງຫນູນໃຫມ່ຊຸກຍູ້ການພົວພັນດ້ານເສດຖະກິດ ການຄ້າ ລະຫວ່າງຫວຽດນາມ ແລະ ບັນດາປະເທດເພື່ອນມິດ ພັດທະນາຂຶ້ນສູ່ບາດກ້າວຫນຶ່ງ, ສົມກັບການພົວພັນດ້ານການເມືອງທີ່ເປັນມູນເຊື້ອອັນດີງາມ.
ບັນດາໝາກຜົນລະອຽດຂອງການຢ້ຽມຢາມ
ນັບທັງ ຕານຊານີ, ໂມຊຳບີກ ແລະ ອີຣານ ລ້ວນແຕ່ຕ້ອນຮັບຄະນະຜູ້ແທນຫວຽດນາມ ຢ່າງສະຫນິດສະຫນົມ, ລອບຄອບຖີ່ຖ້ວນ. ໃນບັນດາການພົບປະ ແລະ ເຮັດວຽກນັ້ນ, ທ່ານປະທານປະເທດເຈືອງເຕີນຊາງ ແລະ ການນຳບັນດາປະເທດດັ່ງກ່າວ ລ້ວນແຕ່ຢັ້ງຢືນສາຍພົວພັນມິດຕະພາບທີ່ເປັນມູນເຊື້ອ ແມ່ນຊັບສົມບັດອັນລ້ຳຄ່າ ຄວນໄດ້ຮັບການຮັກສາ ແລະ ເສີມຂະຫຍາຍ, ພິເສດໃນໄລຍະປະຈຸບັນ. ຫວຽດນາມ ພ້ອມກັບບັນດາປະເທດສຳຫລວດກວດຄືນການພົວພັນດ້ານເສດຖະກິດ, ການຄ້າ, ເຫັນດີເປັນເອກະພາບໂດຍຖືວ່າ: ຄວາມສາມາດບົ່ມຊ້ອນການຮ່ວມມືຍັງໃຫຍ່ຫລວງຢູ່ ແລະ ຄວນຜັນຂະຫຍາຍການຂຸດຄົ້ນຢ່າງສຸດຂີດໃນໄລຍະຈະມາເຖິງ. ບົນຈິດໃຈນັ້ນ, ທ່ານປະທານປະເທດເຈືອງເຕີນຊາງ ໄດ້ພ້ອມກັບການນຳບັນດາປະເທດເຫັນດີກ່ຽວກັບບັນດາຂົງເຂດບຸລິມະສິດການຮ່ວມມື, ບັນດາມາດຕະການພື້ນຖານເພື່ອຍູ້ແຮງການພົວພັນດ້ານເສດຖະກິດ ການຄ້າສອງຝ່າຍ.
ຫວຽດນາມໃຫ້ຄຳໝັ້ນສັນຍາ ນຳການພົວພັນດ້ານເສດຖະກິດ ການຄ້າກັບ ຕານຊານີ ຂຶ້ນລະດັບ 1 ຕື້ USD, ກັບ ໂມຊຳບີກແມ່ນ ຂຶ້ນເຖິງ 500 ລ້ານ USD ແລະ ກັບ ອີຣານແມ່ນ ຂຶ້ນເຖິງ 2 ຕື້ USD ໃນປີ 2020. ບັນດາປະເພດສິນຄ້າຕົ້ນຕໍຊື່ງຫວຽດນາມ ກຳນົດການບຸລິມະສິດສົ່ງອອກເຖິງ 3 ປະເທດດັ່ງກ່າວ ນັ້ນແມ່ນ: ເຂົ້າສານ, ຜະລິດຕະພັນກະເສດ, ສິນໃນນ້ຳ, ໂສ້ງເສື້ອ, ເກີບ. ກົງກັນຂ້າມ, ຫວຽດນາມ ພັດຊື້ບັນດາຜະລິດຕະພັນບຸລິມະສິດ ນັ້ນແມ່ນ ໝາກມ່ວງຫິມະພານ, ຫົວອາຫານສັດ, ຝ້າຍ, ເຫລັກກ້າເສດເຫລືອ, ຜະລິດຕະພັນໄມ້, ຝຸ່ນເຄມີ, ກົນຈັກອຸປະກອນ…
ທ່ານປະທານປະເທດເຈືອງເຕີນຊາງ ພ້ອມກັບການນຳສາມປະເທດດັ່ງກ່າວ ລ້ວນແຕ່ເນັ້ນຫນັກເຖິງບົດບາດສຳຄັນຂອງ ຄະນະກຳມະການລະຫວ່າງລັດຖະບານ ແລະ ຮຽກຮ້ອງຕ້ອງຈັດການປະຊຸມໂດຍໄວເພື່ອກຳນົດບັນດາທິດທາງ, ຂະແຫນງອາຊີບ ແລະ ຂົງເຂດຮ່ວມມືລະອຽດ. ຄາດວ່າ ໃນປີນີ້ ຈະຈັດກອງປະຊຸມລະຫວ່າງລັດຖະບານ ຫວຽດນາມ ແລະ ໂມຊຳບີກ ຄັ້ງທີ 4 ຢູ່ Maputo, ຄະນະກຳມະການລະຫວ່າງລັດຖະບານ ຫວຽດນາມ - ອີຣານ ຄັ້ງທີ 9 ຢູ່ ເຕເຮຣານ ແລະ ຄະນະກຳມະການລະຫວ່າງລັດຖະບານ ຫວຽດນາມ ແລະ ຕານຊານີ ຄັ້ງທີ 2 ຢູ່ Da Eslam. ຄຽງຄູ່ກັບການຊຸກຍູ້ພັດທະນາເສດຖະກິດ ການຄ້າ, ໃນການຢ້ຽມຢາມຄັ້ງນີ້, ຫວຽດນາມ ແລະ ສາມປະເທດດັ່ງກ່າວໄດ້ຢັ້ງຢືນ ສືບຕໍ່ສະຫນັບສະຫນູນເຊິ່ງກັນ ແລະ ກັນ, ເພີ່ມທະວີການພົວພັນແລກປ່ຽນດ້ານການເມືອງ, ສະຫນັບສະຫນູນບັນດາຜູ້ສະໝັກຮັບເລືອກຕັ້ງຂອງກັນ ຢູ່ບັນດາເວທີປາໄສສາກົນ. ສາມປະເທດດັ່ງກ່າວຢັ້ງຢືນ ຈະສະຫນັບສະຫນູນຫວຽດນາມເຂົ້າຮ່ວມກຳມະການບໍ່ປະຈຳການ ສະພາຄວາມໝັ້ນຄົງ ສປຊ (2020-2021), ຄະນະກຳມະການກົດໝາຍສາກົນ (2017-2021).
ການຢ້ຽມຢາມກໍແມ່ນໂອກາດເພື່ອໃຫ້ ທ່ານປະທານປະເທດເຈືອງເຕີນຊາງ ແລະ ການນຳບັນດາປະເທດ ແລກປ່ຽນກ່ຽວກັບບັນດາບັນຫາພາກພື້ນ ແລະ ສາກົນ, ໃນນັ້ນ ມີບັນຫາຂັດແຍ້ງອະທິປະໄຕຢູ່ທະເລຕາເວັນອອກ. ການນຳບັນດາປະເທດໄດ້ແບ່ງປັນທັດສະນະກ່ຽວກັບຄວາມຂັດແຍ້ງອະທິປະໄຕຢູ່ພາກພື້ນຈະເປັນໄພນາບຂູ່ເຖິງສັນຕິພາບ, ສະຖຽນລະພາບຂອງພາກພື້ນ ແລະ ໂລກ. ທັງສາມປະເທດລ້ວນແຕ່ສະຫນັບສະຫນູນຕໍ່ທັດສະນະ, ຫລັກໝັ້ນ ຫລັກການແກ້ໄຂບັນດາຄວາມຂັດແຍ້ງໂດຍສັນຕິວິທີ, ຜ່ານການເຈລະຈາ, ຖືກົດໝາຍສາກົນ, ບັນດາຫລັກການຂອງ ກົດບັດ ສປຊ, ໃນນັ້ນ ມີສົນທິສັນຍາກົດໝາຍວ່າດ້ວຍທະເລປີ 1982 ເປັນພື້ນຖານຕົ້ນຕໍໃຫ້ທຸກການປະພຶດກ່ຽວຂ້ອງເຖິງບັນດາຄວາມຂັດແຍ້ງ ແລະ ການປະທະກັນ.
ສ້າງພື້ນຖານການພົວພັນໃນສະພາບການໃຫມ່
ໃນການຢ້ຽມຢາມເຖິງ ອາຟຼິກາ ແລະຕາເວັນອອກກາງຄັ້ງນີ້ຂອງ ທ່ານປະທານປະເທດເຈືອງເຕີນຊາງ, ມີເອກະສານຮ່ວມມືສຳຄັນຫລາຍສະບັບໃນບັນດາຂົງເຂດຄື: ການສຶກສາ, ທະນາຄານ, ນ້ຳມັນອາຍແກສ ໄດ້ຮັບການລົງນາມ ເພື່ອຊຸກຍູ້ການຮ່ວມມືລະຫວ່າງຫວຽດນາມກັບບັນດາປະເທດດັ່ງກ່າວຢ່າງເລິກເຊິ່ງກວ້າງຂວາງກວ່າ. ຢູ່ ຕານຊານີ ແລະ ໂມຊຳບີກ, ສອງຝ່າຍໄດ້ອອກຖະແຫລງການຮ່ວມກ່ຽວກັບໝາກຜົນການຢ້ຽມຢາມ, ວາງອອກບັນດາຫລັກການດ້ານການເມືອງສຳຄັນ ເປັນພື້ນຖານໃຫ້ເລື່ອງສືບຕໍ່ເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອໃນສະພາບການໃຫມ່.
ຢູ່ທັງສາມປະເທດ, ເວທີປາໄສວິສາຫະກິດ ໄດ້ດຳເນີນໄປສຳເລັດຜົນ ໂດຍມີການເຂົ້າຮ່ວມຂອງບັນດາວິສາຫະກິດຂອງປະເທດປະຈຳຖິ່ນເປັນຈຳນວນຫລວງຫລາຍ. ສິ່ງທີ່ຫນ້າສົນໃຈ ນັ້ນແມ່ນ ມີວິສາຫະກິດຫລາຍແຫ່ງຂອງສາມປະເທດ ມີຄວາມສົນໃຈ ແລະ ຖື ຫວຽດນາມ ແມ່ນຕະຫລາດສະຫນອງບັນດາປະເພດສິນຄ້າທີ່ຈຳເປັນຄື: ທັນຍາຫານ, ເກີບ, ເຄື່ອງໃຊ້ໃນຄອບຄົວ, ເຄື່ອງຕ່ຳແຜ່ນຕັດຫຍິບ, ເຄື່ອງອາໄຫລ່, ແນວພັນປູກ, ສັດລ້ຽງ. ບັນດາວິສາຫະກິດຫວຽດນາມ ກໍຊອກໄດ້ກາລະໂອກາດການລົງທຶນຢູ່ປະເທດເພື່ອນມິດໃນບັນດາຂົງເຂດຜະລິດກະສິກຳ, ລ້ຽງປູກສິນໃນນ້ຳ, ຕົ້ນໄມ້ອຸດສາຫະກຳ, ນ້ຳມັນອາຍແກສ, ໂທລະຄົມມະນາຄົມ.. ຢູ່ເວທີປາໄສມີວິສາຫະກິດຈຳນວນຫນຶ່ງຂອງຫວຽດນາມ ໄດ້ເຊື່ອມຕໍ່ກັບຄູ່ຮ່ວມມື, ມີແຜນການເປີດຫ້ອງການຜູ້ຕາງຫນ້າ.
ເຖິງວ່າຫ່າງໄກກັນດ້ານພູມສາດ, ການໄປຢ້ຽມຢາມດຳເນີນໃນເວລາອັນສັ້ນ ກໍຕາມ ແຕ່ໝາກຜົນການຢ້ຽມຢາມພັດໃຫຍ່ຫລວງ ແລະ ແທດຈິງ. ການຢ້ຽມຢາມທາງລັດຖະກິດຂອງ ທ່ານປະທານປະເທດເຈືອງເຕີນຊາງ ເຖິງ ຕານຊານີ, ໂມຊຳບີກ ແລະ ອີຣານ ແມ່ນບາດກ້າວລະອຽດເພື່ອຜັນຂະຫຍາຍແນວທາງການຕ່າງປະເທດເອກະລາດຂອງມະຕິກອງປະຊຸມໃຫຍ່ຄັ້ງທີ 12 ຂອງພັກ. ການຢ້ຽມຢາມໄດ້ຢືນຢັນແຜນນະໂຍບາຍມໃຫຍ່ຂອງພັກ ແລະ ລັດຫວຽດນາມ ກ່ຽວກັບການສືບຕໍ່ປັບປຸງ, ເຮັດໃຫ້ບັນດາສາຍພົວພັນທີ່ເປັນມູນເຊື້ອເລິກເຊິ່ງກວ່າເກົ່າ ໃນຂະນະເປີດກວ້າງການພົວພັນກັບຕ່າງປະເທດເປັນຫລາຍຮູບຫລາຍແບບແລະ ຫລາຍຝ່າຍ. ຜົນສຳເລັດຂອງການຢ້ຽມຢາມ ພ້ອມກັບບັນດາຂໍ້ຕົກລົງ, ເອກະສານທີ່ບັນລຸໄດ້ ແມ່ນຂີດໝາຍສຳຄັນ ແລະ ແມ່ນພື້ນຖານອັນໝັ້ນແກ່ນເພື່ອນຳການພົວພັນຂອງຫວຽດນາມກັບສາມປະເທດດັ່ງກ່າວຂຶ້ນສູ່ບາດກ້າວໃຫມ່, ເພື່ອວັດທະນາຖາວອນຂອງຫວຽດນາມ ແລະ ບັນດາປະເທດເພື່ອນມິດທີ່ເປັນມູນເຊື້ອ.
(vovworld)- ແຕ່ວັນທີ9-15/3, ທ່ານປະທານປະເທດເຈືອງເຕີນຊາງ ໄດ້ເດີນທາງໄປຢ້ຽມຢາມທາງລັດຖະກິດເຖິງ ສາມປະເທດຄື: ຕານຊານີ, ໂມຊຳບີກ ແລະ ອີຣານ. ການຢ້ຽມຢາມບັນລຸໄດ້ບັນດາໝາກຜົນສຳຄັນ, ສ້າງຂີດໝາຍໃຫມ່ ນຳການພົວພັນລະຫວ່າງຫວຽດນາມ ກັບ 3 ປະເທດເຫລົ່ານັ້ນເຂົ້າສູ່ໄລຍະຮ່ວມມືໃຫມ່ ໃຫ້ມີປະສິດທິຜົນ ແລະ ແທດຈິງກວ່າ.
ນີ້ແມ່ນການຢ້ຽມຢາມຄັ້ງທຳອິດຂອງທ່ານປະທານປະເທດ ເຈືອງເຕີນຊາງ ເຖິງ ຕານຊານີ, ໂມຊຳບີກ ແລະ ເປັນຄັ້ງທີ 3 ເຖິງ ອີຣານ. ຄຽງຄູ່ກັບຄວາມໝາຍດ້ານການເມືອງອັນໃຫຍ່ຫລວງ, ສະແດງໃຫ້ເຫັນມູນເຊື້ອບໍລິສຸດຜຸດຜ່ອງ ແລະ ໄມຕິຈິດຂອງຊາດ, ການຢ້ຽມຢາມ ແມ່ນກຳລັງຫນູນໃຫມ່ຊຸກຍູ້ການພົວພັນດ້ານເສດຖະກິດ ການຄ້າ ລະຫວ່າງຫວຽດນາມ ແລະ ບັນດາປະເທດເພື່ອນມິດ ພັດທະນາຂຶ້ນສູ່ບາດກ້າວຫນຶ່ງ, ສົມກັບການພົວພັນດ້ານການເມືອງທີ່ເປັນມູນເຊື້ອອັນດີງາມ.
ບັນດາໝາກຜົນລະອຽດຂອງການຢ້ຽມຢາມ
ນັບທັງ ຕານຊານີ, ໂມຊຳບີກ ແລະ ອີຣານ ລ້ວນແຕ່ຕ້ອນຮັບຄະນະຜູ້ແທນຫວຽດນາມ ຢ່າງສະຫນິດສະຫນົມ, ລອບຄອບຖີ່ຖ້ວນ. ໃນບັນດາການພົບປະ ແລະ ເຮັດວຽກນັ້ນ, ທ່ານປະທານປະເທດເຈືອງເຕີນຊາງ ແລະ ການນຳບັນດາປະເທດດັ່ງກ່າວ ລ້ວນແຕ່ຢັ້ງຢືນສາຍພົວພັນມິດຕະພາບທີ່ເປັນມູນເຊື້ອ ແມ່ນຊັບສົມບັດອັນລ້ຳຄ່າ ຄວນໄດ້ຮັບການຮັກສາ ແລະ ເສີມຂະຫຍາຍ, ພິເສດໃນໄລຍະປະຈຸບັນ. ຫວຽດນາມ ພ້ອມກັບບັນດາປະເທດສຳຫລວດກວດຄືນການພົວພັນດ້ານເສດຖະກິດ, ການຄ້າ, ເຫັນດີເປັນເອກະພາບໂດຍຖືວ່າ: ຄວາມສາມາດບົ່ມຊ້ອນການຮ່ວມມືຍັງໃຫຍ່ຫລວງຢູ່ ແລະ ຄວນຜັນຂະຫຍາຍການຂຸດຄົ້ນຢ່າງສຸດຂີດໃນໄລຍະຈະມາເຖິງ. ບົນຈິດໃຈນັ້ນ, ທ່ານປະທານປະເທດເຈືອງເຕີນຊາງ ໄດ້ພ້ອມກັບການນຳບັນດາປະເທດເຫັນດີກ່ຽວກັບບັນດາຂົງເຂດບຸລິມະສິດການຮ່ວມມື, ບັນດາມາດຕະການພື້ນຖານເພື່ອຍູ້ແຮງການພົວພັນດ້ານເສດຖະກິດ ການຄ້າສອງຝ່າຍ.
ຫວຽດນາມໃຫ້ຄຳໝັ້ນສັນຍາ ນຳການພົວພັນດ້ານເສດຖະກິດ ການຄ້າກັບ ຕານຊານີ ຂຶ້ນລະດັບ 1 ຕື້ USD, ກັບ ໂມຊຳບີກແມ່ນ ຂຶ້ນເຖິງ 500 ລ້ານ USD ແລະ ກັບ ອີຣານແມ່ນ ຂຶ້ນເຖິງ 2 ຕື້ USD ໃນປີ 2020. ບັນດາປະເພດສິນຄ້າຕົ້ນຕໍຊື່ງຫວຽດນາມ ກຳນົດການບຸລິມະສິດສົ່ງອອກເຖິງ 3 ປະເທດດັ່ງກ່າວ ນັ້ນແມ່ນ: ເຂົ້າສານ, ຜະລິດຕະພັນກະເສດ, ສິນໃນນ້ຳ, ໂສ້ງເສື້ອ, ເກີບ. ກົງກັນຂ້າມ, ຫວຽດນາມ ພັດຊື້ບັນດາຜະລິດຕະພັນບຸລິມະສິດ ນັ້ນແມ່ນ ໝາກມ່ວງຫິມະພານ, ຫົວອາຫານສັດ, ຝ້າຍ, ເຫລັກກ້າເສດເຫລືອ, ຜະລິດຕະພັນໄມ້, ຝຸ່ນເຄມີ, ກົນຈັກອຸປະກອນ…
ທ່ານປະທານປະເທດເຈືອງເຕີນຊາງ ພ້ອມກັບການນຳສາມປະເທດດັ່ງກ່າວ ລ້ວນແຕ່ເນັ້ນຫນັກເຖິງບົດບາດສຳຄັນຂອງ ຄະນະກຳມະການລະຫວ່າງລັດຖະບານ ແລະ ຮຽກຮ້ອງຕ້ອງຈັດການປະຊຸມໂດຍໄວເພື່ອກຳນົດບັນດາທິດທາງ, ຂະແຫນງອາຊີບ ແລະ ຂົງເຂດຮ່ວມມືລະອຽດ. ຄາດວ່າ ໃນປີນີ້ ຈະຈັດກອງປະຊຸມລະຫວ່າງລັດຖະບານ ຫວຽດນາມ ແລະ ໂມຊຳບີກ ຄັ້ງທີ 4 ຢູ່ Maputo, ຄະນະກຳມະການລະຫວ່າງລັດຖະບານ ຫວຽດນາມ - ອີຣານ ຄັ້ງທີ 9 ຢູ່ ເຕເຮຣານ ແລະ ຄະນະກຳມະການລະຫວ່າງລັດຖະບານ ຫວຽດນາມ ແລະ ຕານຊານີ ຄັ້ງທີ 2 ຢູ່ Da Eslam. ຄຽງຄູ່ກັບການຊຸກຍູ້ພັດທະນາເສດຖະກິດ ການຄ້າ, ໃນການຢ້ຽມຢາມຄັ້ງນີ້, ຫວຽດນາມ ແລະ ສາມປະເທດດັ່ງກ່າວໄດ້ຢັ້ງຢືນ ສືບຕໍ່ສະຫນັບສະຫນູນເຊິ່ງກັນ ແລະ ກັນ, ເພີ່ມທະວີການພົວພັນແລກປ່ຽນດ້ານການເມືອງ, ສະຫນັບສະຫນູນບັນດາຜູ້ສະໝັກຮັບເລືອກຕັ້ງຂອງກັນ ຢູ່ບັນດາເວທີປາໄສສາກົນ. ສາມປະເທດດັ່ງກ່າວຢັ້ງຢືນ ຈະສະຫນັບສະຫນູນຫວຽດນາມເຂົ້າຮ່ວມກຳມະການບໍ່ປະຈຳການ ສະພາຄວາມໝັ້ນຄົງ ສປຊ (2020-2021), ຄະນະກຳມະການກົດໝາຍສາກົນ (2017-2021).
ການຢ້ຽມຢາມກໍແມ່ນໂອກາດເພື່ອໃຫ້ ທ່ານປະທານປະເທດເຈືອງເຕີນຊາງ ແລະ ການນຳບັນດາປະເທດ ແລກປ່ຽນກ່ຽວກັບບັນດາບັນຫາພາກພື້ນ ແລະ ສາກົນ, ໃນນັ້ນ ມີບັນຫາຂັດແຍ້ງອະທິປະໄຕຢູ່ທະເລຕາເວັນອອກ. ການນຳບັນດາປະເທດໄດ້ແບ່ງປັນທັດສະນະກ່ຽວກັບຄວາມຂັດແຍ້ງອະທິປະໄຕຢູ່ພາກພື້ນຈະເປັນໄພນາບຂູ່ເຖິງສັນຕິພາບ, ສະຖຽນລະພາບຂອງພາກພື້ນ ແລະ ໂລກ. ທັງສາມປະເທດລ້ວນແຕ່ສະຫນັບສະຫນູນຕໍ່ທັດສະນະ, ຫລັກໝັ້ນ ຫລັກການແກ້ໄຂບັນດາຄວາມຂັດແຍ້ງໂດຍສັນຕິວິທີ, ຜ່ານການເຈລະຈາ, ຖືກົດໝາຍສາກົນ, ບັນດາຫລັກການຂອງ ກົດບັດ ສປຊ, ໃນນັ້ນ ມີສົນທິສັນຍາກົດໝາຍວ່າດ້ວຍທະເລປີ 1982 ເປັນພື້ນຖານຕົ້ນຕໍໃຫ້ທຸກການປະພຶດກ່ຽວຂ້ອງເຖິງບັນດາຄວາມຂັດແຍ້ງ ແລະ ການປະທະກັນ.
ສ້າງພື້ນຖານການພົວພັນໃນສະພາບການໃຫມ່
ໃນການຢ້ຽມຢາມເຖິງ ອາຟຼິກາ ແລະຕາເວັນອອກກາງຄັ້ງນີ້ຂອງ ທ່ານປະທານປະເທດເຈືອງເຕີນຊາງ, ມີເອກະສານຮ່ວມມືສຳຄັນຫລາຍສະບັບໃນບັນດາຂົງເຂດຄື: ການສຶກສາ, ທະນາຄານ, ນ້ຳມັນອາຍແກສ ໄດ້ຮັບການລົງນາມ ເພື່ອຊຸກຍູ້ການຮ່ວມມືລະຫວ່າງຫວຽດນາມກັບບັນດາປະເທດດັ່ງກ່າວຢ່າງເລິກເຊິ່ງກວ້າງຂວາງກວ່າ. ຢູ່ ຕານຊານີ ແລະ ໂມຊຳບີກ, ສອງຝ່າຍໄດ້ອອກຖະແຫລງການຮ່ວມກ່ຽວກັບໝາກຜົນການຢ້ຽມຢາມ, ວາງອອກບັນດາຫລັກການດ້ານການເມືອງສຳຄັນ ເປັນພື້ນຖານໃຫ້ເລື່ອງສືບຕໍ່ເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອໃນສະພາບການໃຫມ່.
ຢູ່ທັງສາມປະເທດ, ເວທີປາໄສວິສາຫະກິດ ໄດ້ດຳເນີນໄປສຳເລັດຜົນ ໂດຍມີການເຂົ້າຮ່ວມຂອງບັນດາວິສາຫະກິດຂອງປະເທດປະຈຳຖິ່ນເປັນຈຳນວນຫລວງຫລາຍ. ສິ່ງທີ່ຫນ້າສົນໃຈ ນັ້ນແມ່ນ ມີວິສາຫະກິດຫລາຍແຫ່ງຂອງສາມປະເທດ ມີຄວາມສົນໃຈ ແລະ ຖື ຫວຽດນາມ ແມ່ນຕະຫລາດສະຫນອງບັນດາປະເພດສິນຄ້າທີ່ຈຳເປັນຄື: ທັນຍາຫານ, ເກີບ, ເຄື່ອງໃຊ້ໃນຄອບຄົວ, ເຄື່ອງຕ່ຳແຜ່ນຕັດຫຍິບ, ເຄື່ອງອາໄຫລ່, ແນວພັນປູກ, ສັດລ້ຽງ. ບັນດາວິສາຫະກິດຫວຽດນາມ ກໍຊອກໄດ້ກາລະໂອກາດການລົງທຶນຢູ່ປະເທດເພື່ອນມິດໃນບັນດາຂົງເຂດຜະລິດກະສິກຳ, ລ້ຽງປູກສິນໃນນ້ຳ, ຕົ້ນໄມ້ອຸດສາຫະກຳ, ນ້ຳມັນອາຍແກສ, ໂທລະຄົມມະນາຄົມ.. ຢູ່ເວທີປາໄສມີວິສາຫະກິດຈຳນວນຫນຶ່ງຂອງຫວຽດນາມ ໄດ້ເຊື່ອມຕໍ່ກັບຄູ່ຮ່ວມມື, ມີແຜນການເປີດຫ້ອງການຜູ້ຕາງຫນ້າ.
ເຖິງວ່າຫ່າງໄກກັນດ້ານພູມສາດ, ການໄປຢ້ຽມຢາມດຳເນີນໃນເວລາອັນສັ້ນ ກໍຕາມ ແຕ່ໝາກຜົນການຢ້ຽມຢາມພັດໃຫຍ່ຫລວງ ແລະ ແທດຈິງ. ການຢ້ຽມຢາມທາງລັດຖະກິດຂອງ ທ່ານປະທານປະເທດເຈືອງເຕີນຊາງ ເຖິງ ຕານຊານີ, ໂມຊຳບີກ ແລະ ອີຣານ ແມ່ນບາດກ້າວລະອຽດເພື່ອຜັນຂະຫຍາຍແນວທາງການຕ່າງປະເທດເອກະລາດຂອງມະຕິກອງປະຊຸມໃຫຍ່ຄັ້ງທີ 12 ຂອງພັກ. ການຢ້ຽມຢາມໄດ້ຢືນຢັນແຜນນະໂຍບາຍມໃຫຍ່ຂອງພັກ ແລະ ລັດຫວຽດນາມ ກ່ຽວກັບການສືບຕໍ່ປັບປຸງ, ເຮັດໃຫ້ບັນດາສາຍພົວພັນທີ່ເປັນມູນເຊື້ອເລິກເຊິ່ງກວ່າເກົ່າ ໃນຂະນະເປີດກວ້າງການພົວພັນກັບຕ່າງປະເທດເປັນຫລາຍຮູບຫລາຍແບບແລະ ຫລາຍຝ່າຍ. ຜົນສຳເລັດຂອງການຢ້ຽມຢາມ ພ້ອມກັບບັນດາຂໍ້ຕົກລົງ, ເອກະສານທີ່ບັນລຸໄດ້ ແມ່ນຂີດໝາຍສຳຄັນ ແລະ ແມ່ນພື້ນຖານອັນໝັ້ນແກ່ນເພື່ອນຳການພົວພັນຂອງຫວຽດນາມກັບສາມປະເທດດັ່ງກ່າວຂຶ້ນສູ່ບາດກ້າວໃຫມ່, ເພື່ອວັດທະນາຖາວອນຂອງຫວຽດນາມ ແລະ ບັນດາປະເທດເພື່ອນມິດທີ່ເປັນມູນເຊື້ອ.