(vovworld)- ເລື່ອງ ຈີນ ຕັ້ງຮ້ານເຈາະນ້ຳມັນ ໄຮ່ຢາງ 981 ຢູ່ເຂດເສດຖະກິດຈຳເພາະ ແລະ ໄຫລ່ທະວີບ ຂອງຫວຽດນາມ ແມ່ນການລະເມີດອະທິປະໄຕ, ອຳນາດສານຂອງຫວຽດນາມ ຕາມສົນທີສັນຍາ ສປຊ ກ່ຽວກັບກົດໝາຍທະເລປີ 1982. ແຕ່ ຈີນ ບໍ່ພຽງແຕ່ບໍ່ຫົວຊາຕໍ່ຄວາມຖືກຕ້ອງ, ບໍ່ຖອນ ຮ້ານເຈາະນ້ຳມັນ ແລະ ກຳປັ່ນ ປ້ອງກັນອອກຈາກເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມເທົ່ານັ້ນ ຫາກຍັງຖືວ່າ ຮ້ານເຈາະນ້ຳມັນຊື່ງຝ່າຍຈີນ ພວມເຄື່ອນໄຫວຢູ່ເຂດທະເລຂຶ້ນກັບອະທິປະໄຕເຂດນ່ານນ້ຳຂອງຈີນ. ກ່ຽວກັບສິ່ງນິ້, ບັນດາຜູ້ຊ່ຽວຊານຄົ້ນຄວ້າດ້ານກົດໝາຍທະເລຖືວ່າ: ຈີນ ພວມເສກສັນປັ້ນແຕ່ງສິ່ງທີ່ບໍ່ມີຄວາມຈິງເພື່ອຫັນແຜນການທວງເອົາເສັ້ນລິ້ນງົວປະກົດຜົນເປັນຈິງ.
ຈີນ ຕັ້ງຮ້ານເຈາະນ້ຳມັນ ໄຮ່ຢາງ 981ຢູ່ເຂດເສດຖະກິດ
ຈຳເພາະ ແລະ ໄຫລ່ທະວີບ ຂອງຫວຽດນາມ
ພາບ:dantri.com.vn
|
ເຫດການຫລ້າສຸດ, ເມື່ອຕອບສຳພາດຕໍ່ນັກຂ່າວ CNN ຂອງອາເມລິກາ, ທ່ານເອກອັກຄະລັດຖະທູດຈີນ ປະຈຳອາເມລິກາ ໄຊຊຽງຂາຍ ຖືວ່າ: ຈີນ ພວມດຳເນີນການເຄື່ອນໄຫວເຈາະສຳຫລວດຢູ່ເຂດທີ່ຫ່າງຈາກ ເກາະ ຈີໂຕນ ປະມານ 17 ໄມທະເລ, ໃນຂະນະທີ່ບໍລິເວນທະເລນີ້ຫ່າງຈາກຝັ່ງທະເລຂອງຫວຽດນາມ 150 ໄມທະເລ. ເປັນອັນວ່າ ຮ້ານເຈາະນ້ຳມັນ ຂອງຈີນ ບໍ່ນອນໃນເຂດເສດຖະກິດພິເສດ ແລະ ໄຫລ່ທະວີບຂອງຫວຽດນາມ. ອາດຈະຢືນຢັນໄດ້ວ່າ: ນີ້ແມ່ນຂໍ້ອ້າງເພື່ອແກ້ຄວາມ ແລະ ຜິດພາດຢ່າງຊິ້ນເຊິງ.
ຄຳອະທິບາຍທີ່ຜິດພາດ
ຄວາມຈິງ, ບໍລິເວນທີ່ ຈີນ ຕັ້ງຮ້ານເຈາະນ້ຳມັນ ໄຮ່ຢາງ 981 ຫ່າງຈາກເກາະ ລີເຊີນ ຂອງຫວຽດນາມ ພຽງ ປະມານ 150 ໄມທະເລ ແລະ ນອນໃນເຂດເສດຖະກິດຈຳເພາະຂອງຫວຽດນາມ ຈາກເສັ້ນພື້ນຖານປະມານ 200 ໄມທະເລ. ຕາມດຣ ຫງວຽນຕວານທັງ, ຮອງຫົວຫນ້າພະແນກ ກົດໝາຍສາກົນ, ສັງກັດມະຫາວິທະຍາໄລກົດໝາຍຮ່າໂນ້ຍ ໄຈ້ແຍກວ່າ:
“ເກາະ ຈີໂຕນແມ່ນຫນຶ່ງໃນໂຄງປະກອບທໍລະນີຂຶ້ນກັບໝູ່ເກາະຮ່ວາງຊາ. ແລະ ໝຸູ່ເກາະຮ່ວາງຊາແມ່ນຜືນແຜ່ນດິນຂອງຫວຽດນາມ, ສະນັ້ນ ຈີນ ບໍ່ສາມາດມີພື້ນຖານດ້ານກົດໝາຍໃດ ຫລືປະຫວັດສາດໃດເພື່ອທວງເອົາອະທິປະໄຕບັນດາເຂດທະເລ ຊື່ງເລີ່ມຈາກໝູ່ເກາະ ຮ່ວາງຊາ. ປີ 1956, ຈີນໄດ້ນຳໃຊ້ກຳລັງອາວຸດເພື່ອຢືດຄອງສ່ວນຫນຶ່ງທາງທິດຕາເວັນອອກຢູ່ເກາະແຫ່ງນີ້ ແລະ ປີ 1974,ຈີນສືບຕໍ່ນຳໃຊ້ກຳລັງອາວຸດເພື່ອຢືດຄອງສ່ວນຍັງເຫລືອຂອງໝູ່ເກາະຮ່ວາງຊາ.ສະນັ້ນ ໃນຈຸດເວລານີ້ ເຖິງວ່າ ຈີນ ໄດ້ຈັດສົ່ງກຳລັງໄປປະຈຳການ ແລະ ຢືດຄອງຊົ່ວຄາວໝູ່ເກາະຮ່ວາງຊາກໍຕາມ, ແຕ່ການຢືດຕັ້ງນີ້ບໍ່ມີຄວາມໝາຍດ້ານກົດໝາຍສຳລັບຈີນ ແລະ ໝູ່ເກາະຮ່ວາງຊາ ຍັງຄົງແມ່ນສ່ວນຫນຶ່ງຂອງຜືນແຜ່ນດິນ ແລະ ຂຶ້ນກັບອະທິປະໄຕຂອງຫວຽດນາມ.”
ດຣ ເຈີນກົງຈຸກ, ອະດີດຫົວຫນ້າຄະນະຊາຍແດນຂອງລັດຖະບານຫວຽດນາມ ເນັ້ນຫນັກວ່າ: ເກາະຈີໂຕນຂຶ້ນກັບໝູ່ເກາະຮ່ວາງຊາ ບໍ່ສາມາດຕອບສະຫນອງມາດຖານຂອງຂໍ້ມາດຕາ 121 ໃນສົນທິສັນຍາ ສປຊ ກ່ຽວກັບກົດໝາຍທະເລ ປີ 1982. ທ່ານ ເຈີນກົງຈຸກ ກ່າວວ່າ:
“ນີ້ແມ່ນການເສກສັນປັ້ນແຕ່ງຄວາມຈິງ ເພື່ອໃຫ້ຈີນຢາກຍາດເອົາຄວາມຮັບຮູ້ທາງອ້ອມກ່ຽວກັບທັດສະນະຜິດພາດ, ຂໍ້ອ້າງ ແລະ ອະທິບາຍການໝູນໃຊ້ສົນທິສັນຍາ ສປຊ ກ່ຽວກັບກົດໝາຍທະເລປີ 1982 ຂອງຈີນ ເພື່ອຫັນເຂດບໍ່ມີການພິພາດກາຍເປັນເຂດເກີດການພິພາດເພື່ອຢັ້ງຢືນເສັ້ນຊາຍແດນລິ້ນງົວໄຮ້ເຫດຜົນຂອງເຂົາເຈົ້າ.”
ຕັ້ງໃຈເສກສັ້ນປັ້ນແຕ່ງບິດເບືອນຄວາມຈິງເພື່ອຫັນຄວາມຜິດກາຍເປັນຄວາມຖືກຕ້ອງ
ຫນຶ່ງໃນບັນດາທັດສະນະຊື່ງ ຈີນ ເຄີຍນຳໃຊ້ເພື່ອແກ້ຄວາມໃຫ້ການເຄື່ອນໄຫວຜິດກົດໝາຍຂອງຕົນຢູ່ເຂດເສດຖະກິດຈຳເພາະຂອງຫວຽດນາມ ແມ່ນນຳໃຊ້ຈົດໝາຍຂອງທ່ານນາຍົກລັດຖະມົນຕີ ຟ້າມວັນດົງ ເມື່ອປີ 1958 ສົ່ງເຖິງນາຍົກລັດຖະມົນຕີ ຈີນ ເຈົາເອີນຫລາຍ. ກ່ຽວກັບບັນຫານີ້, ທ່ານ ເຈີນກົງຈຸກ ຊີ້ແຈ້ງວ່າ:
“ຈົດໝາຍຂອງທ່ານນາຍົກລັດຖະມົນຕີ ຟ້າມວັນດົງ ສົ່ງເຖິງທ່ານນາຍົກລັດຖະມົນຕີເຈົາເອີນຫລາຍ ບໍ່ມີສັບໃດສະແດງໃຫ້ເຫັນວ່າ: ຫວຽດນາມ ຍອມຮັບອະທິປະໄຕຂອງຈີນ ສຳລັບ ໝູ່ເກາະຮ່ວາງຊາ ແລະ ເຈື່ອງຊາ. ທີສອງ, ກ່ຽວກັບດ້ານກົດໝາຍ, ປີ 1958, ພາຍຫລັງສັນຍາ ເຊີແນວ ໄດ້ຮັບການລົງນາມ, ກ່ຽວກັບທີ່ຕັ້ງພູມສາດ, ໝູ່ເກາະຮ່ວາງຊາ ແລະ ເຈື່ອງຊາແມ່ນຕັ້ງຢູ່ທາງທິດໃຕ້ຂອງເສັ້ນຂະຫນານ 17 ອົງສາ, ສະນັ້ນ ການຄຸ້ມຄອງຜືນແຜ່ນດິນນີ້ແມ່ນຂຶ້ນກັບລັດຖະບານສາທາລະນະລັດ ຫວຽດນາມ ດ້ວຍຖານະແມ່ນຕາງຫນ້າໃຫ້ລັດຫວຽດນາມ ເພື່ອປະຕິບັດສິດຄຸ້ມຄອງໝູ່ເກາະຮ່ວາງຊາ ແລະ ເຈື່ອງຊາ.”
ຈີນພວມຕົກເຂົ້າສູ່ທ່າອ່ອນ
ເລື່ອງ ຈີນ ຕັ້ງຮ້ານເຈາະນ້ຳມັນຜິດກົດໝາຍໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ ແມ່ນການລະເມີດກົດໝາຍສາກົນຢ່າງຈະແຈ້ງ. ແລະເລື່ອງ ຈີນ ພວມໃຊ້ທຸກໆເລຫຼ່ຽມເພື່ອແກ້ຄວາມໃຫ້ການກະທຳຜິດພາດຂອງຕົນຍິ່ງເຮັດໃຫ້ ຈີນ ຖືກເຫີນຫ່າງຈາກປະຊາຄົມໂລກ. ດຣ ຫງວຽນຕ່ວານຖັ໋ງ, ເນັ້ນໜັກວ່າ:
“ອາດຈະເຫັນໄດ້ຢ່າງງ່າຍດາຍວ່າ ຈີນ ພວມຕົກເຂົ້າສູ່ທ່າອ່ອນ ຍ້ອນວ່າ ໃນຕົວຈິງແລ້ວ, ຈີນບໍ່ມີພື້ນຖານດ້ານນິຕິກຳ. ຖ້າຫາກຕີລາຄາຈາກແງ່ມູມການພົວພັນສາກົນ, ບັນດາການກະທຳບຽດຢືດໃນພື້ນທີ່ຕົວຈິງຂອງ ຈີນ ແລະ ພິເສດແມ່ນການກະທຳຕັ້ງຮ້ານເຈາະນ້ຳມັນໄຮຢາງ - 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ ຍິ່ງເຮັດໃຫ້ທີ່ຕັ້ງ ແລະ ບົດບາດຂອງ ຈີນຫລຸດລົງ. ຍ້ອນວ່າ, ທີ່ໜຶ່ງແມ່ນ, ຈີນ ແມ່ນສະມາຊິກປະຈຳຂອງສະພາຄວາມໝັ້ນຄົງ ສປຊ, ເຊິ່ງແມ່ນໜຶ່ງໃນບັນດາສຳນັກງານ ສຳຄັນພິເສດ ຈອງ ສປຊ. ທີ 2 ແມ່ນ, ຍາມໃດ ຈີນ ກໍ່ຢືນຢັນຕົນແມ່ນປະເທດສັນຕິພາບ, ຈີນ ບື່ນຕົວຂຶ້ນໃນສັນຕິພາບ. ໃນສະພາບການຕົວຈິງ, ທຸກໆການກະທຳຂອງ ຈີນ ປະຕິບັດລ້ວນແຕ່ໄປຝືນກັບບັນດາຄຳໝັ້ນສັນຍາຂອງ ຈີນ”
ບັນດາການໄຈ້ແຍກດັ່ງກ່າວ ອີກເທື່ອໜຶ່ງ ຢືນຢັນວ່າ: ເລື່ອງ ຈີນ ຕັ້ງຮ້ານເຈາະນ້ຳມັນຜິດກົດໝາຍຢູ່ບໍລິເວນຫ່າງຈາກເກາະ ຈີໂຕນ ຂຶ້ນກັບໝູ່ເກາະຮ່ວາງຊາ ແມ່ນການກະທຳລ່ວງລ້ຳເຖິງເຂດເສດຖະກິດຈຳເພາະ ແລະ ເຂດໄຫຼ່ທະວີບທີ່ຂຶ້ນກັບສິດອະທິປະໄຕ ແລະ ອຳນາດສານຂອງ ຫວຽດນາມ. ດ້ວຍບັນດາການກະທຳນີ້, ຈີນ ໄດ້ເຮັດໃຫ້ຄວາມໄວ້ເນື້ອເຊື່ອໃຈຂອງບັນດາປະເທດໃນພາກພື້ນຫລຸດຜ່ອນລົງ ແລະ ພິເສດກໍ່ສົ່ງຜົນສະທ້ອນເຖິງຄວາມໄວ້ເນື້ອເຊື່ອໃຈໃນການພົວພັນລະຫວ່າງ ຫວຽດນາມ ແລະ ຈີນ.