(vovworld) ເປັນຄັ້ງທຳອິດໃນກວ່າ 50 ປີຜ່ານມາ, ມື້ນີ້, ຜູ້ມີສິດເລືອກຕັ້ງໃນທົ່ວປະເທດຊີຣີ ໄດ້ໄປປ່ອນບັດເລືອກຕັ້ງປະທານາທິບໍດີຄົນໃໝ່. ເຖິງວ່າບໍ່ທັນມີໝາກຜົນສຸດທ້າຍ, ແຕ່ດ້ວຍທ່າໄດ້ປຽບເກືອບຄືວ່າຂາດຂັ້ນນັ້ນ, ປະທານາທິບໍດີ Basha Al – Assad ອາດຈະກາຍເປັນປະທາທິບໍດີຄືນໃໝ່, ສືບຕໍ່ນຳພາປະເທດຕາເວັນອອກກາງໃນອາຍຸ ການ 7 ປີ ຈະມາເຖິງ. ແຕ່ເພື່ອຟື້ນຟູຄວາມສະຫງົບປອດໄພ, ສະຖຽນລະພາບ, ພັດທະນາປະເທດ, ໃນສະພາບທີ່ເສິກກາງເມືອງຢູ່ປະເທດນີ້ພວມກ້າວເຂົ້າສູ່ປີທີ 4 ນັ້ນ ໄດ້ເປັນການທ້າທາຍບໍແມ່ນໜ້ອຍສຳລັບການນຳປະເທດນີ້.
ຊາວຊີຣີຢູ່ຕ່າງປະເທດໄດ້ໄປປ່ອນບັດເລືອກຕັ້ງກ່ອນເວລາກຳນົດ
(ພາບ: hanoimoi.com.vn)
ເຂົ້າຮ່ວມການຫາສຽງເລືອກຕັ້ງມີຜູ້ອອກສະໝັກ 3 ທ່ານ, ນັ້ນແມ່ນປະທານາທິບໍດີຄົນປະຈຸບັນທ່ານ Basha Al – Assad. ທ່ານອະດີດລັດຖະມົນຕີ Hassan Al-Nouri ແລະ ນັກສ້າງກົດໝາຍ Maher Hajjar. ແຕ່ປະທານາທິບໍດີຄົນປະຈຸບັນ Basha Al – Assad ມີທ່າໄດ້ປຽບຢ່າງຂາດຂັ້ນເພື່ອຍາດໄດ້ໄຊຊະນະໃນການເລືອກຕັ້ງຄັ້ງນີ້.
ບັນດາປັດໃຈ “ສະດວກກ່ຽວກັບກາລະໂອກາດ, ພູມສາດ ແລະ ມະນຸດ“
ທີໜຶ່ງ, ເລື່ອງສະພາແຫ່ງຊາດຊີຣີ ກຳນົດ ບໍ່ວ່າຜູ້ອອກສະໝັກທ່ານໃດທີ່ເຂົ້າຮ່ວມການຫາສຽງເລືອກຕັ້ງ ກໍ່ຕ້ອງດຳລົງຊີວິດຢູ່ຊີຣີຢ່າງໜ້ອຍສຸດແມ່ນໃນໄລຍະ 10 ປີ ແລະ ບໍ່ມີສັນຊາດຢູ່ປະເທດອື່ນ. ນີ້ແມ່ນການກະທຳເພື່ອສະກັດກັ້ນບໍ່ໃຫ້ຜູ້ທີ່ຂຶ້ນກັບຝ່າຍຄ້ານທີ່ພວມດຳລົງຊີວິດຢູ່ຕ່າງປະເທດເຂົ້າຮ່ວມການຫາສຽງເລືອກຕັ້ງ, ເປີດຊ່ອງທາງໃຫ້ປະທານາທິບໍດີ Basha Al – Assad ຍາດໄດ້ໄຊຊະນະ. ທີສອງແມ່ນ, ປະຈຸບັນພົນລະເມືອງຊີຣີ ເກືອບ 90% ພວມດຳລົງຊີວິດຢູ່ເຂດຕ່າງໆພາຍໃຕ້ການຄວບຄຸມຂອງກອງທັບຊີຣີ, ຮັບປະກັນສ້າງເງື່ອນໄຂຢ່າງພຽງພໍເພື່ອໃຫ້ການເລືອກຕັ້ງປະທານາທິບໍດີສຳເລັດຜົນ. ທີສາມແມ່ນ, ໃນໄລຍະຜ່ານມາ, ກຳລັງກອງທັບຈົ່ງຮັກພັກດີກັບປະທານາທິບໍດີ Basha Al – Assad ຍາດໄດ້ສິດຄວບຄຸມບັນດານະຄອນ ແລະ ທີ່ຕັ້ງຍຸດທະສາດຢ່າງຕໍ່ເນື່ອງ.
ໃນຂະນະນັ້ນ, ສະພາບການຢູ່ພາກພື້ນພວມຜັນແປໄປຕາມທິດມີປະໂຫຍດໃຫ້ແກ່ອຳນາດການປົກຄອງຊີຣີ. ໝາກຜົນໃນເບື້ອງຕົ້ນຂອງການເຈລະຈານິວຄະເລຍອີຣານ, ແລະ ຢູ່ອີຣັກ, ກຳລັງຮ່ວມສຳພັນກຳອຳນາດຊາວຊິດແຕ, ຍາດໄດ້ບັດສະໜັບສະໜູນຈຳນວນຫຼາຍໃນການເລືອກຕັ້ງຫວ່າງແລ້ວນີ້, ໄດ້ສ້າງກຳລັງແຮງໃຫ້ອຳນາດການປົກຄອງຂອງ ປະທານາທິບໍດີ Basha Al – Assad ປັບປຸງທີ່ຕັ້ງ, ກ້າວໄປເຖິງການສິ້ນສຸດເສິກກາງເມືອງ.
ຄວາມຫຍຸ້ງຍາກໃນການຟື້ນຟູປະເທດ
ປະຈຸບັນ, ເຖິງວ່າ ປະທານາທິບໍດີ Basha Al – Assad ພວມມີທ່າໄດ້ປຽບກໍ່ຕາມ, ແຕ່ຕາມບັນດານັກໄຈ້ແຍກແລ້ວ, ຄວາມສາມາດຮັກສາທ່າໄດ້ປຽບນີ້ໃນໄລຍະຍາວ ພັດບໍ່ແມ່ນເລື່ອງງ່າຍ. ພາຍຫຼັງກວ່າ 3 ປີ ນັບແຕ່ເກີດການລຸກຮຶ້ຂຶ້ນ, ຊີຣີ ຍັງຢູ່ໃນສະພາບເສິກກາງເມືອງ, ເຮັດໃຫ້ຊີວິດທາງດ້ານເສດຖະກິດ - ສັງຄົມ ຕົກເຂົ້າສູ່ສະພາບຫຍຸ້ງຍາກ. ຕາມການຄິດໄລ່, ວິວັດການຟື້ນຟູຊີຣີ ຕ້ອງເສຍເງິນປະມານ 165 ຕຶ້ USD (ເທົ່າກັບງົບປະມານໃຊ້ຈ່າຍຂອງຊີຣີ ໃນໄລຍະ 18 ປີຢ່າງຕໍ່ເນື່ອງ) . ໃນຂະນະນັ້ນການແກ່ງແຍ້ງໃນພາກພື້ນນັບມື້ນັບສັບສົນກວ່າ, ອຳນາດການປົກຄອງຂອງ ປະທານາທິບໍດີ Basha Al – Assad ຍາກທີ່ຈະຄົງຕົວໄດ້ຢ່າງໝັ້ນຄົງ ຖ້າຫາກບໍ່ໄດ້ຮັບການໜູນຊ່ວຍຈາກພາຍນອກ.
ນອກນັ້ນຈຳນວນກຸ່ມປະກອບອາວຸດທີ່ເຂົ້າຮ່ວມສົງຄາມຢູ່ຊີຣີພວມມີທ່າອ່ຽງເພີ່ມຂຶ້ນ, ດ້ວຍການເຄື່ອນໄຫວນັບມື້ນັບເປີດກວ້າງ ແລະ ອັນຕະລາຍກວ່າ. ເຖິງວ່າຍາດໄດ້ສິດຄວບຄຸມຢູ່ຫຼາຍແຫ່ງ, ເຊິ່ງກ່ອນນີ້ແມ່ນຂຶ້ນກັບກຳລັງລຸກຮຶ້ຂຶ້ນກໍ່ຕາມ, ແຕ່ອຳນາດການປົກຄອງຊີຣີຂອງ ປະທານາທິບໍດີ Basha Al – Assad ບໍ່ທັນຍາດໄດ້ການສະໜັບສະໜູນຈາກປະຊາຊົນຢ່າງຊິ້ນເຊິງ. ຄວາມຂັດແຍ່ງ ແລະ ການປະທະກັນກ່ຽວກັບຜົນປະໂຫຍດ, ວັດທະນະທຳ, ຄວາມຈົ່ງຮັກພັກດີ… ສືບຕໍ່ເກີດຂຶ້ນໃນສັງຄົມຊີຣີ ດ້ວຍການຜັນແປໄປນັບມື້ນັບສັບສົນ, ຍາກທີ່ຈະຄວບຄຸມໄດ້.
ໃນສະພາບການນັ້ນ, ການເລືອກຕັ້ງປະທານາທິບໍດີຄັ້ງນີ້ ໄດ້ຮັບຖືວ່າແມ່ນສານທີ່ມີລັກສະນະສັນຍາລັກສູງ ເພື່ອຢັ້ງຢືນບົດບາດນຳພາຂອງ ປະທານາທິບໍດີ Basha Al – Assad, ພ້ອມທັງຊອກຫາມາດຕະການຢຸດຕິການປະທະກັນໃນປະຈຸບັນ. ແຕ່ດ້ວຍຄວາມຫຍຸ້ງຍາກ ແລະ ຄວາມຂັດແຍ່ງຢູ່ຊີຣີ ໃນປະຈຸບັນ. ພາລະກິດຟື້ນຟູຄວາມໝັ້ນຄົງ, ຮັກສາສະຖຽນລະພາບສັງຄົມຂອງ ປະທານາທິບໍດີ Basha Al – Assad ແນ່ນອນວ່າຈະຕ້ອງເສຍເວລາຫຼາຍປີ.
ການເລືອກຕັ້ງປະທານາທິບໍດີພາຍຫຼັງເຄິ່ງສະຕະວັດ, ດ້ວຍໄຊຊະນະອາດຈະຂຶ້ນກັບທ່ານ Basha Al – Assad ນັ້ນ, ແມ່ນສານຈະແຈ້ງກ່ຽວກັບຄວາມໝັ້ນຄົງຂອງຊີຣີ ຕໍ່ຄວາມດັນຢ່າງແຮງຈາກອິດທິກຳລັງພາຍນອກ. ນອກຈາກປະຊາຊົນຂອງປະເທດນີ້, ບໍ່ມີໃຜສາມາດຕັດສິນຊາຕາກຳຂອງປະເທດຊາດໄດ້. ປະຊາຊົນຢູ່ປະເທດຕາເວັນອອກກາງນີ້ລ້ວນແຕ່ເຂົ້າໃຈໄດ້ສິ່ງດັ່ງກ່າວ, ນັບທັງໃນເວລາທີ່ເຂົາເຈົ້າພວມປະເຊີນໜ້າກັບຄວາມຫຍຸ້ງຍາກຫຼາຍຢ່າງໃນປະຈຸບັນນີ້.