(vovworld) - ເຫດການທີ່ສຳຄັນຂອງ ຊາວຄຼິດ ໃນປີນີ້ ນັ້ນແມ່ນຈັດຕັ້ງ “ກອງປະຊຸມໃຫຍ່ຜູ້ແທນຊາວຄິຼດ ຫວຽດນາມ ສ້າງສາ ແລະ ປົກປັກຮັກສາປະເທດຊາດ” ປະສົບຜົນສຳເລັດ, ໝາຍຄວາມວ່າ ເຊີດຊູບັນດາແບບຢ່າງດີເດັ່ນ “ຢູ່ໃນສິນກິນໃນທຳ” ໃນ ວົງຄະນາຍາດຊາວຄິຼດ. ຫນ້າທີ່ນີ້ ໄດ້ຮັບການຍົກອອກມາໃນກອງປະຊຸມ ຄະນະກຳມະການສາມັກຄີຄິດທະສາສະຫນາ ຫວຽດນາມ ຄັ້ງທີ 3 ທີ່ອັດລົງໃນວັນທີ 16/2 ຢູ່ ນະຄອນ ໂຮ່ຈິມີນ. ຕໍ່ໄປນີ້ພວກເຮົາຂໍ ແນະນຳ ຄູນພໍ່ບາງອົງ, ພວກເພີ່ນບໍ່ພຽງແຕ່ ໄດ້ມີການຊ່ວຍເຫລືອຊາວຄິຼດ ຮັກສາຄວາມເຊື່ອຖືສາສະຫນາຂອງຕົນເທົ່ານັ້ນ ຫາກຍັງປະກອບສ່ວນເຂົ້າໃນກິດຈະການພັດທະນາປະເທດຊາດອີກດ້ວຍ ຄື: ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ວຽກງານການກຸສົນ ຄວາມເມດຕາຈິດ, ຊ່ວຍເຫລືອຜູ້ຖືກຕິດເຊື້ອ HIV, ເດັກອາພັບ ແລະອື່ນ.
ກອງປະຊຸມຄະນະກຳມະການສາມັກຄີຄິດທະສາສະຫນາ ຫວຽດນາມ
ພາບ:TTXVN
ຄຸນພໍ່ ຟານວັນດ໋ຽນ ຢູ່ ເຂດຊາວຄິຼດ ກວ່ນວີນ ຕາແສງ ເຫງ໋ຍທັງ ເມືອງ ເຫງ໋ຍຮືງ ແຂວງ ນາມດີ້ນ ແມ່ນຜູ້ມີໃຈບຸນໃຈກຸສົນ. ກວ່ນວີນ ແມ່ນເຂດຊາວຄຼິດ ຕັ້ງຢູ່ລຽບຕາມແຄມທະເລທາງພາກເຫນືອ ຫວຽດນາມ ດ້ວຍຊາວຄຼິດ ປະມານ 6000 ຄົນ. ຈາກເຂດບ້ານນາທີ່ແຕກຕ່າງກັນຫລາຍແຫ່ງ, ເຂົາເຈົ້າພາກັນມາແຫ່ງນີ້ເພື່ອສ້າງເຂດເສດຖະກິດໃຫມ່ ດ້ວຍອາຊີບຕົ້ນຕໍ ແມ່ນເຮັດນາ, ຫາປາ, ປູກຜັກ ແລະ ອື່ນໆ. ດ້ວຍອິດທິພົນຊື່ສຽງຂອງຕົນ, ຄຸນພໍ່ ຟານວັນດ໋ຽນ ໄດ້ໄປທຸກສາລະທິດຈາກພາກເຫນືອຕະຫລອດຮອດພາກໃຕ້ ເພື່ອຂົນຂວາຍບັນດາຜູ້ໃຈບຸນໃຈກຸສົນ ຊ່ວຍເຫລືອຜູ້ທຸກຍາກ. ໃນໄລຍະ 18 ປີຜ່ານມາ, ຄຸນພໍ່ ໄດ້ຊ່ວຍປະຊາຊົນທ້ອງຖິ່ນ ຂຸດນ້ຳສ້າງ ໄດ້ ເກືອບ 60 ແຫ່ງ, ເຮືອນແຫ່ງສາຍຈິດມິດໃຈ 50 ຫລັງ ແລະ ພິເສດແມ່ນກໍ່ສ້າງໂບດໃຫມ່15 ແຫ່ງ ເພື່ອໃຫ້ຊາວຄຼິດ ມີບ່ອນສວດມົນ ແລະ ທຳພິທີທາງສາສະຫນາ. ຄຸນພໍ່ ຟານວັນດ໋ຽນ ໃຫ້ຮູ້ວ່າ:
“ພົນລະເມືອງເຮັດວຽກດີ ກໍແມ່ນສອດຄອ່ງກັບຄຳພີຂອງພະເຢຊູ. ຊາວຄຼິດດີ ກໍແມ່ນພົນລະເມືອງດີ. ອຳນາດການປົກຄອງທ້ອງຖິ່ນຈາກຂັ້ນແຂວງຕະຫລອດຮອດຂັ້ນເມືອງ, ຕາແສງ ລ້ວນແຕ່ເຫັນວ່າ, ການເຄື່ອນໄຫວຂອງພວກຂ້າພະເຈົ້າ ແມ່ນ ບົນຈິດໃຈການກຸສົນ, ຄວາມເມດຕາຈິດ ເພື່ອພະເຢຊູ ເພື່ອມະນຸດ. ຍາມໃດພວກຂ້າພະເຈົ້າ ກໍສ້າງຄວາມປອງດອງລະຫວ່າງຄິດທະສາສະຫນາ ແລະ ສັງຄົມ.”
ຢູ່ເຂດພູພຽງ ເລີມດົ່ງ, ປະຊາຊົນເຄີຍເວົ້າເຖິງ ຄຸນພໍ່ ເຢືອງກົງໂຮ່, ຫົວຫນ້າເຂດຊາວຄຼິດ ດ້າແຕ໋ນ ຊື່ງແມ່ນແຫ່ງທີ່ມີຊາວຄຼິດປະມານ 4000 ຄົນ. ຄຸນພໍ່ ບໍ່ພຽງແຕ່ແມ່ນຫົວຫນ້າຄະນະສາມັກຄີຊາວຄິຼດ ເມືອງ ດ້າແຕ໋ນ ເທົ່ານັ້ນ ຫາກຍັງເປັນຫົວຫນ້າສະຫະກອນ ຕາແສງ ຮຽບເຍີດ, ທີ່ໄດ້ແກ້ໄຂວຽກເຮັດງານທຳໂດຍກົງ ແລະ ໂດຍທາງອ້ອມ ໃຫ້ແກ່ຄົນງານເກືອບ 800 ຄົນ. ຄຸນພໍ່ເຄີຍນຸ່ງເສື້ອຊູຊີບ, ໃສ່ໂສ້ງກາກີ, ສຸບເກີບກິລາ ໃນເວລາເຮັດວຽກ ຫລື ນຸ່ງຊຸດ ແວັດໃນເວລາພົບປະພົວພັນ ນັ້ນແມ່ນກິລິຍາທ່າທາງ ຂອງຄຸນພໍ່ຜູ້ທີ່ມີຄວາມຂະຫຍັນຂັນເຄື່ອນ ແລະ ຫນຸ່ມແຫນ້ນນີ້. ກ່ອນນີ້ ສະຫະກອນ ຮຽບເຍີດ ພຽງຜະລິດປະເພດສິນຄ້າທຳມະດາ ແຕ່ມາຮອດປະຈຸບັນ ໄດ້ຜະລິດເຄື່ອງສິລະປະກຳທີ່ມີຄຸນນະພາບສູງຫລາຍຢ່າງແລ້ວ ແລະ ປະຈຸບັນ ຍັງເປີກກວ້າງເຄືອຂ່າຍການຜະລິດ, ສະຫະກອນ ເປີດຕົວແທນຊຶ້ສິນຄ້າຊີ້ນສ່ວນ ຢູ່ 6 ຕາແສງ, ເທດສະບານ ຂອງເມືອງ ດ້າແຕ໋ນ. ຄຸນພໍ່ ເຢືອງກົງໂຮ່ ໃຫ້ຮູ້ວ່າ:
“ພໍ່ແມ່ປະຊາຊົນ ຕັ້ງຫນ້າເຂົ້າຮ່ວມ ເພາະວ່າ ຈຸດປະສົງຂອງພວກຂ້າພະເຈົ້າແມ່ນພ້ອມກັບອຳນາດການປົກຄອງທ້ອງຖິ່ນ ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ແກ້ໄຂວຽກເຮັດງານທຳໃຫ້ແກ່ພໍ່ແມ່ປະຊາຊົນ. ຊາວຄຼິດ ຫວຽດນາມ ມີຄວາມສາມາດຫລາຍຢ່າງເພື່ອປະກອບສ່ວນ ແລະ ກໍຢາກເຮັດຈົນສຸດຄວາມສາມາດຂອງຕົນ ບໍ່ພຽງແຕ່ດ້ວຍຄຳເວົ້າລ້າໆເທົ່ານັ້ນ ຫາກດ້ວຍຈິດໃຈ ແລະ ການກະກຳຕົວຈິງເພື່ອສ້າງສາປະເທດຫວຽດນາມໃຫ້ນັບມື້ນັບຮຸ່ງເຮືອງສວຍງາມກວ່າ.”
ດ້ວຍຈິດໃຈຢູ່ໃນສິນກິນໃນທຳເພື່ອຄວາມຜາສຸກຂອງພໍ່ແມ່ປະຊາຊົນ, ຄຸນພໍ່ ຫງວຽນວັນຕິກ ຢູ່ ໂບດ ໄຕຫາຍ ເຂດຊາວຄຼິດ ຊວນໂລກ ແຂວງ ດົ່ງນາຍ ທາງພາກໃຕ້ຫວຽດນາມ ໄດ້ຕັ້ງຫນ້າຊ່ວຍເຫລືອບັນດາຜູ້ທີ່ຖືກຕິດເຊື້ອ HIV/AIDS. ຄຸນພໍ່ ຫງວຽນວັນຕີກ ໃຫ້ຮູ້ວ່າ: ໃນວິວັດການເຜີຍແຜ່ສາສະຫນາ, ເມື່ອພົບປະກັບຜູ້ຖືກຕິດເຊື້ອ HIV/AIDS ພວກຂ້າພະເຈົ້າກໍມີຄວາມເຫັນອົກເຫັນໃຈນຳເຂົາເຈົ້າ ແລະ ຢາກຊ່ວຍເຫລືອເຂົາເຈົ້າໃນການຕ້ານ HIV/AIDS. ໃນເບື້ອງຕົ້ນ ພວກຂ້າພະເຈົ້າພຽງຢື້ຢາມຖາມຂ່າວ, ຮຽກຮ້ອງບັນດາທ່ານໝໍ ພ້ອມກັນຊ່ວຍເຫລືອເຂົາເຈົ້າເທົ່ານັ້ນ ແຕ່ມາຮອດປະຈຸບັນ ຢູ່ບຽນຮ່ວາ, ດົ່ງນາຍ ມີຜູ້ຕິດ HIV/AIDS ກວ່າ 400 ຄົນ ໄດ້ຮັບການເບິ່ງແຍງເປັນປະຈຳ. ຄຸນພໍ່ ຫງວຽນວັນຕີກ ເວົ້າວ່າ:
“ຍາມໃດຂ້າພະເຈົ້າກໍຄິດວ່າເປົ້າໝາຍການເຄື່ອນໄຫວຂອງຄິດທະສາສະຫນາແມ່ນເພື່ອມະນຸດ, ເປົ້າໝາຍການເຄື່ອນໄຫວຂອງລັດ ຂອງ ໂຮງຮຽນ ກໍເພື່ອມະນຸດ. ໂດຍແມ່ນຄຸນພໍ່ຜູ້ຫນຶ່ງ ຍາມໃດຂ້າພະເຈົ້າກໍມີຄວາມເອົາໃຈໃສ່ເຖິງດ້ານຈິດວິນຍານ ທັງນີ້ກໍເພື່ອມະນຸດ, ເພື່ອຜູ້ທຸກຍາກ ແລະ ຜູ້ຖືກຕິດ HIV/AIDS. ”
ບັນດາຄຸນພໍ່ ເພື່ອຜູ້ທຸກຍາກ, ຜູ້ອາພັບ ລ້ວນແຕ່ມີຄວາມຄ້າຍຄືກັນ ນັ້ນແມ່ນ ຊາວຄຼິດດີ ກໍແມ່ນພົນລະເມືອງດີ. ຄຸນພໍ່ ເຢືອງກົງໂຮ່ ຢູ່ ດ໋າແຕນ ແຂວງເລີມດົ່ງ ເວົ້າວ່າ: ກຽດສະຫງ່າຂອງພະເຢຊູ ແມ່ນການດົງຊີວິດຂອງມະນຸດ. ໝາຍຄວາມວ່າ ມະນຸດ ດຳລົງຊີວິດຢ່າງຍິ່ງດີ ແລະ ສົມກັບຄຸນນະທາດເປັນມະນຸດເທົ່າໃດ ພະເຢຊູ ຍິ່ງມີກຽດສະຫງ່າເທົ່ານັ້ນ. ສ່ວນຄຸນພໍ່ ຟານຄັກຕື ຮອງປະທານ ທັງເປັນເລຂາທິການ ຄະນະກຳມະການສາມັກຄີ ຄິດທະສາສະຫນາ ຫວຽດນາມ ໃຫ້ຮູ້ວ່າ: ໃນປີ 2012 ແລະ ຊຸມປີຕໍ່ໄປ, ຊາວຄິຼິດ ຫວຽດນາມ ຈະສືບຕໍ່ເສີມຂະຫຍາຍມູນເຊື້ອສາມັກຄີທົ່ວປວງຊົນທັງຊາດ, ສູ້ຊົ້ນນຳຂະບວນການແຂ່ງຂັນຮັກຊາດກ້າວຂຶ້ນຢ່າງແຂງແຮງ, ຢ່າງສະໝ່ຳສະເຫມີ ແລະ ປະສົມປະສານກັບຂະບວນການປະຕິວັດຂອງຊາດໃນພາລະກິດສ້າງສາ ແລະ ປົກປັກຮັກສາປະເທດຊາດ.
ເຮືອງຢາງ