(vovworld)- ກອງປະຊຸມສຸດຍອດຄວາມປອດໄພດ້ານນິວເຄຼຍ ຄັ້ງທີ 4 ໄຂຂຶ້ນ ວັນທີ 31/3 ຢູ່ ນະຄອນຫລວງ ວໍຊິງຕັນ ສະຫະລັດ ອາເມລິກາ. ດຳເນີນໃນເວລາ 2 ວັນ, ກອງປະຊຸມຄັ້ງນີ້ ໂດຍມີການເຂົ້າຮ່ວມຂອງການນຳໂລກປະມານ 50 ທ່ານ ໄດ້ປຶກສາຫາລືກ່ຽວກັບການຮັບປະກັນຄວາມປອດໄພໃຫ້ແກ່ບັນດາວັດຖຸອຸປະກອນນິວເຄຼຍ ຢູ່ ຮາກຖານປະລະມານູປະມານ 1000 ແຫ່ງໃນໂລກ. ແຕ່ບັນຫາຮ້ອນເຮັ່ງທີ່ສຸດຂອງກອງປະຊຸມປີນີ້ ແມ່ນບັນຫານິວເຄຼຍໃນແຫລມເກົາຫລີ ໃນສະພາບຄວາມເຄັ່ງຕຶງນັບມື້ນັບປີນຂັ້ນໄດຢູ່ພາກພື້ນນີ້.
ກອງປະຊຸມສຸດຍອດຄວາມປອດໄພດ້ານນິວເຄຼຍ
ພາບ:internet
|
ກອງປະຊຸມສຸດຍອດຄວາມປອດໄພດ້ານນິວເຄຼຍ ຖືກຈັດຂຶ້ນ 2 ປີເທື່ອຫນຶ່ງ, ໂດຍມີການເຂົ້າຮ່ວມຂອງບັນດາການນຳຊັ້ນນຳໃນໂລກ. ກອງປະຊຸມດັ່ງກ່າວໄດ້ສວມບົດບາດສຳຄັນ ດ້ວຍຄາດໝາຍຊຸກຍູ້ຄວາມມານະພະຍາມທົ່ວໂລກ ເພື່ອຮັບປະກັນຄວາມປອດໄພດ້ານວັດຖຸອຸປະກອນນິວເຄຼຍ ແລະ ສະກັດກັ້ນບັນດາເຫດບຸກໂຈມຕີນິວເຄຼຍ. ເຖິງຢ່າງໃດກໍຕາມ, ນີ້ກໍແມ່ນເວທີປາໄສມີຄວາມບໍ່ລົງລອຍກັນຫລາຍຢ່າງລະຫວ່າງບັນດາປະເທດມະຫາອຳນາດ ທີ່ກ່ຽວຂ້ອງເຖິງວິທີແກ້ໄຂວັດຖຸອຸປະກອນນິວເຄຼຍ.
ຄວາມເຄັ່ງຕຶງເພີ່ມຂຶ້ນກ່ອນທີ່ດຳເນີນກອງປະຊຸມ
ກ່ອນທີ່ດຳເນີນກອງປະຊຸມ, ສປປ ເກົາຫລີ ໄດ້ຮຽກຮ້ອງຈົ່ງຍົກເລິກ ກອງປະຊຸມສຸດຍອດຄວາມປອດໄພດ້ານນິວເຄຼຍ ພ້ອມທັງຖະແຫລງວ່າ ຈະຢືດໝັ້ນການພັດທະນາກຳລັງນິວເຄຼຍ ຖ້າຫາກ ອາເມລິກາ ບໍ່ຖອນຄືນນະໂຍບາຍເປັນປໍລະປັກ ເລັ່ງໃສ່ ພຽງຢາງ. ຕາມຖະແຫລງການຢ່າງເປັນທາງການຂອງ ສປປ ເກົາຫລີ ທີ່ປະກາດຜ່ານສຳນັກຂ່າວສານສູນກາງ ສປປ ເກົາຫລີ (KCNA), ກອງປະຊຸມສຸດຍອດຄວາມປອດໄພດ້ານນິວເຄຼຍ ຈັດຂຶ້ນເປັນ 2 ປີເທື່ອຫນຶ່ງນີ້ ພຽງແຕ່ເພື່ອຊອກຫາທຸກວິທີສະກັດກັ້ນ ສປປ ເກົາຫລີ ເພີ່ມທະວີຄວາມສາມາດນາບຂູ່ດ້ານນິວເຄຼຍ ເພື່ອຈຸດປະສົງປ້ອງກັນຕົວ ແລະ ອາເມລິກາ ບໍ່ຄວນເສຍເວລາລ້າໆໃຫ້ແກ່ການຈັດຕັ້ງການປຶກສາຫາລືທີ່ຟໄຮ້ປະໂຫຍດ ເພື່ອຕ້ານ ສປປ ເກົາຫລີ ຫາກຄວນຊອກຫາມາດຕະການຕົວຈິງຄື ຖອນຄືນນະໂຍບາຍທີ່ເປັນປໍລະປັກເລັ່ງໃສ່ພຽງຢາງກໍຕາມ KCNA ແລ້ວ, ອາເມລິກາ ແລະ ສເກົາຫລີ ຈະໝູນໃຊ້ກອງປະຊຸມນີ້ເປັນເຄື່ອງມືເພື່ອເພີ່ມທະວີບັນດາມາດຕະການລົງໂທດ ສປປ ເກົາຫລີ, ຊອກຂໍ້ຂາດຕົກບົກຜ່ອງເພື່ອຕຳຫນິຕິຕຽນສິດສຳຜັດບັນດາອາວຸດນິວເຄຼຍຂອງປະເທດນີ້ຖືກກັບກົດໝາຍ.
ເພື່ອພິສູດແກ່ບັນດາຄຳຖະແຫລງທີ່ແຂງກະດ້າງຂອງຕົນ, ສປປ ເກົາຫລີ ໄດ້ຍິງລູກສອນໄຟໄລຍະສັ້ນ, ປະມານ 200 ກິໂລແມັດ ຈາກເຂດຕາກອາກາດ Wonsan ອອກສູ່ທະເລທາງທິດຕາເວັນອອກຂອງປະເທດນີ້. ເຫດຍິງລູກສອນໄຟນີ້ແມ່ນສືບທອດບັນດາການເຄື່ອນໄຫວເກາະຜິດມໍ່ໆມານີ້ຂອງພຽງຢາງ. ພ້ອມກັບການຍິງທົດລອງລູກສອນໄຟດັ່ງກ່າວ, ພຽງຢາງ ກໍຖະແຫລງພ້ອມແລ້ວທີ່ຈະປະຕິບັດ “ການບຸກໂຈມຕີນິວເຄຼຍ” ເພື່ອສະກັດກັ້ນບັນດາການນາບຂູ່ຈາກ ອາເມລິກາ ແລະ ບັນດາປະເທດສຳພັນທະມິດ.
ສະພາບການຢູ່ແຫລມເກົາຫລີ ນັບມື້ນັບເຄັ່ງຕຶງ ພາຍຫລັງ ພຽງຢາງທົດລອງນິວເຄຼຍ ເມື່ອວັນທີ 6/1 ແລະ ການຍິງທົດລອງລູກສອນໄຟໄລຍະໄກເມື່ອເດືອນ 2. ສະພາຄວາມໝັ້ນຄົງ ສປຊ ໄດ້ມີປະຕິກິລິຍາແຂງກະດ້າງ ຜ່ານການປະກາດໃຊ້ບັນດາຄຳສັ່ງຂວ້ຳບາດຢ່າງແຮງທີ່ສຸດນັບແຕ່ກ່ອນມາຮອດປະຈຸບັນ ສຳລັບ ສປປ ເກົາຫລີ. ອາເມລິກາ, ສເກົາຫລີ ກໍເພີ່ມທະວີບັນດາມາດຕະການລົງໂທດ. ວັນທີ 29/3, ກ່ອນທີ່ດຳເນີນ ກອງປະຊຸມສຸດຍອດຄວາມປອດໄພດ້ານນິວເຄຼຍ, ອາເມລິກາ, ສເກົາຫລີ ແລະ ຍີ່ປຸ່ນ ໄດ້ມີການພົບປະແລກປ່ຽນກ່ຽວກັບບັນດານະໂຍບາຍສຳລັບພຽງຢາງ, ຊຸກຍູ້ການຮ່ວມມືປ້ອງກັນຄວາມສະຫງົບສາມຝ່າຍໃນພາກພື້ນ ແລະ ທົ່ວໂລກ. ການພົວພັນລະຫວ່າງ ສເກົາຫລີ ແລະ ຍີ່ປຸ່ນ ກ່ອນນີ້ເຄີຍຖືກແຕກແຫງ ຍ້ອນບັນຫາປະຫວັດສາດ. ແຕ່ໃນສະພາບຖືກນາບຂູ່ດ້ານນິວເຄຼຍ ຈາກ ສປປ ເກົາຫລີ ນັບມື້ນັບເພີ່ມຂຶ້ນ ເມື່ອປະເທດນີ້ປະຕິບັດບັນດາເຫດຍິງລູກສອນໄຟ ແລະ ທົດລອງນິວເຄຼຍຄັ້ງທີ 4, ພັດເຮັດໃຫ້ສອງປະເທດ ຕ້ອງ “ຈັບມືກັນ” ພ້ອມກັນຊອກຫາວິທີເພີ່ມທະວີການຮ່ວມມືດ້ານການທະຫານ. ແຕ່ດົນນານມາແລ້ວ, ອາເມລິກາ ຍາມໃດກໍປາດຖະຫນາ ແລະ ສົ່ງເສີມສອງປະເທດພັນທະມິດທີ່ໃກ້ຊິດສະຫນິດສະຫນົມຂອງຕົນ ຢູ່ ອາຊີ ຈົ່ງສາມັກຄີກັນ, ແກ້ໄຂຄວາມອາຄາດ ແລະ ຮັດແຫນ້ນການພົວພັນກວ່າ ເພື່ອສ້າງຄວາມໝັ້ນແກ່ນເພື່ອຮັບມືກັບ ສປປ ເກົາຫລີ, ປັບປຸງຍຸດທະສາດຫັນທິດສູ່ພາກພື້ນ ອາຊີ ປາຊີຟີກ.
ຊອກຫາຄວາມເຫັນດີເຫັນພ້ອມໃຫ້ແກ່ບັນຫາຮ້ອນເຮັ່ງຂອງສາກົນ
ຄວາມເຄັ່ງຕຶງດ້ານການທະຫານປີນຂັ້ນໄດຢ່າງວ່ອງໄວໃນແຫລມເກົາຫລີ ໃນຫລາຍສັບປະດາມານີ້ ເມື່ອປະທານ ສປປ ເກົາຫລີ Kim Jong Un ໄດ້ມີການກະທຳດ້ານການທະຫານທີ່ເຕັມໄປດ້ວຍຄວາມເກາະຜິດຢ່າງລຽນຕິດ. ພາຍຫລັງເຫດທົດລອງນິວເຄຼຍ ແລະ ຍິງລູກສອນໄຟໄລຍະໄກຢ່າງລຽນຕິດເມື່ອເດືອນ 1 ແລະ ເດືອນ 2 ຜ່ານມາ, ພຽງຢາງ ສືບຕໍ່ປະຕິບັດບັນດາເຫດຍິງລູກສອນໄຟໄລຍະສັ້ນ ແລະ ໄລຍະກາງຫລາຍຄັ້ງ. ພ້ອມກັນນັ້ນ ທຸກມື້ ສປປ ເກົາຫລີ ຍັງນາບຂູ່ຈະປະຕິບັດບັນດາການບຸກໂຈມຕີນິວເຄຼຍ ເລັ່ງໃສ່ ອາເມລິກາ, ສເກົາຫລີ ກໍຄືສືບຕໍ່ປະຕິບັດບັນດາເຫດຍິງທົດລອງນິວເຄຼຍ ແລະ ຍິງລູກສອນໄຟໃຫມ່ ເພື່ອເກາະຜິດຄູ່ແຂ່ງ. ສິ່ງທ້າທາຍຂອງພຽງຢາງ ຖືກປະເທດບ້ານໃກ້ເຮືອນຄຽງ ສເກົາຫລີ ແລະ ພັນທະມິດ ອາເມລິກາ ຄັດຄ້ານຢ່າງແຮງ ແລະ ຂ້ຽວຂາດ. ເຊີອູນ ແລະ ວໍຊິງຕັນ ໄດ້ຍົກອອກຫລາຍມາດຕະການລົງໂທດຢ່າງແຮງທີ່ສຸດນັບແຕ່ກ່ອນມາຮອດປະຈຸບັນ ເພື່ອເລັ່ງໃສ່ພຽງຢາງ ພ້ອມທັງນາບຂູ່ປະເທດນີ້ດ້ວຍບັນດາການຊ້ອມຮົບດ້ວຍຂະຫນາດໃຫຍ່ສຸດນັບແຕ່ກ່ອນມາຮອດປະຈຸບັນ.
ການຜັນແປປີນຂັ້ນໄດນັບມື້ນັບຮ້າຍແຮງດັ່ງກ່າວ ໄດ້ເຮັດໃຫ້ປະຊາຄົມສາກົນ ມີຄວາມວິຕົກກັງວົນຢ່າງແທ້ຈິງ ກ່ຽວກັບທຸກສິ່ງທຸກຢ່າງອາດຈະພົ້ນອອກຈາກການຄວບຄຸມໄດ້. ໃນສະພາບນັ້ນ, ໂຄງການລູກສອນໄຟ ແລະ ນິວເຄຼຍ ຂອງ ສປປ ເກົາຫລີ ແນ່ນອນວ່າແມ່ນຫົວເລື່ອງທີ່ຮ້ອນເຮັ່ງຢູ່ກອງປະຊຸມສຸດຍອດກ່ຽວກັບຄວາມປອດໄພດ້ານນິວເຄຼຍ ຄັ້ງນີ້, ພາຍໃຕ້ບົດບາດເປັນປະທານຂອງອາເມລິກາ. ຫາງສຽງປາດຖະຫນາວ່າ ເຖິງວ່າບໍ່ທັນແກ່ດຶງ ສປປ ເກົາຫລີ ກັບຄືນໂຕະເຈລະຈາ ກໍຕາມ ແຕ່ບັນດາຝ່າຍອາດຈະບັນລຸໄດ້ຄວາມເຫັນດີເຫັນພ້ອມກ່ຽວກັບວິທີແກ້ໄຂຄວາມເຄັ່ງຕຶງໃນແຫລມເກົາຫລີ.