ທ່ານປະທານາທິບໍດີ ອາເມລິກາ Barack Obama (ພາບ: AP)
|
ສຳລັບຊາວອາເມລິກາແລ້ວ, ເມື່ອເອີ້ນຊື່ຜູ້ໄດ້ຮັບໄຊຊະນະຄື ທ່ານ Barack Obama ຫຼືທ່ານ Mitt Romney ກໍຕາມ, ຄວາມເຊື່ອໝັ້ນຂອງເຂົາເຈົ້າກໍລ້ວນແຕ່ມຸ່ງໄປສູ່ອະນາຄົດຂອງປະເທດອາເມລິກາຈະສະຫວ່າງສະໄຫວກ່ວາເກົ່າ. ຊາວອາເມລິກາປາດຖະໜາວ່າ ໃນ 4 ປີທີ່ຈະມາເຖິງ, ປະເທດອາເມລິກາຈະກ້າວສູ່ຜົນສຳເລັດກ່ຽວກັບການພັດທະນາເສດຖະກິດ, ອັດຕາໄພວ່າງງານຫຼຸດລົງ, ລາຍຮັບຂອງປະຊາຊົນເພີ່ມຂຶ້ນ ພ້ອມກັບບັນດາກິດຈະການສະຫວັດດີການສັງຄົມທີ່ນຳມາເຊິ່ງເງື່ອນໄຂການດຳລົງຊີວິດທີ່ດີກ່ວາໃຫ້ແກ່ເຂົາເຈົ້າ. ແລະ ປະທານາທິບໍດີ Barack Obama ໄດ້ຮັບການເລືອກເຟັ້ນເມື່ອຜູ້ມີສິດເລືອກຕັ້ງອາເມລິກາມີຄວາມໄວ້ວາງໃຈ ແລະ ຝາກຄວາມຫວັງຍ້ອນສິ່ງທີ່ ປະທານາ ທິບໍດີ Barack Obama ໄດ້ໃຫ້ຄຳໝັ້ນສັນຍາ , ນັ້ນແມ່ນການປ່ຽນແປງ.
ຫວນຄືນປີທີ່ຜ່ານມາ, ເຖິງວ່າຍັງບໍ່ທັນເພິ່ງພໍໃຈຕໍ່ທຸກສິ່ງທຸກຢ່າງທີ່ປະເທດ ອາເມລິກາບັນລຸມາໄດ້ກໍຕາມ, ແຕ່ຊາວອາເມລິກາຍັງໄດ້ຝາກຄວາມຫວັງດ້ວຍຫຼາຍສິ່ງຫຼາຍຢ່າງຕໍ່ປະທານາທິບໍດີ Barack Obama ໃນອາຍຸການໃໝ່.
ຊາວອາເມລິກາ ເຄີຍມີຊື່ສຽງດ້ວຍນິດໄສຖືຜົນປະໂຫຍດໃນສະເພາະໜ້າເປັນສຳຄັນ. ເພາະສະນັ້ນ, ໃນແຕ່ລະບັ້ນຂົນຂວາຍຫາສຽງເລືອກຕັ້ງປະທານາທິບໍດີ ນັ້ນ, ປັດໄຈເສດຖະກິດຍາມໃດກໍສວມບົດບາດຕັດສິນໄຊຊະນະຫຼືປະລາໄຊ. ໃນ ບັ້ນຂົນຂວາຍຫາສຽງເລືອກຕັ້ງປີຜ່ານມາ, ເຖິງວ່າບໍ່ສາມາດຍາດໄດ້ຄະແນນຢ່າງຂາດຂັ້ນນັບແຕ່ຫົວທີກໍຕາມ, ຊ້ຳບໍໜຳ, ໃນຫຼາຍຈຸດເວລາ, ຜູ້ສະໝັກເລືອກຕັ້ງ ທ່ານ Mitt Romney ໄດ້ລື່ນກາຍຄະແນນເພື່ອນຳໜ້າ, ແຕ່ປະທານາທິບໍດີ Barack Obama ຍັງຄົງສາມາດຍາດໄດ້ໄຊຊະນະ. ສິ່ງດັ່ງກ່າວແມ່ນສາມາດເຂົ້າໃຈໄດ້ຢ່າງງ່າຍດາຍຍ້ອນວ່າ ຊາວອາເມລິກາບໍ່ອາດຈະສ່ຽງໂຊກກ່ຽວກັບຊາຕາກຳຂອງຊາດຕົນ. ຫຼາຍເທື່ອແລ້ວ ທີ່ປະເທດອາເມລິກາໄດ້ຕົກໃຈເພາະຄຳກ່າວເຕືອນກ່ຽວກັບສະພາບ ທີ່ອ່ອນດ້ອຍຂອງພື້ນຖານເສດຖະກິດທີ່ໃຫຍ່ກ່ວາໝູ່ໃນໂລກ. ກະແສຟອງແຫ່ຂະບວນປະທ້ວງກ່ຽວກັບ “ການຢຶດຄອງ Wall Street ” ຍັງຄົງແມ່ນບົດຮຽນທີ່ເລິກເຊິ່ງຕໍ່ການຕັດສິນຂອງຜູ້ມີສິດເລືອກຕັ້ງ ອາເມລິກາໃນປີທີ່ຜ່ານມາ. ເພາະສະນັ້ນ, ການເລືອກເຟັ້ນຂອງເຂົາເຈົ້າກໍເພື່ອແນໃສ່ອະນາຄົດຂອງ ອາເມລິກາ.
ກ່ອນອື່ນໝົດ, ເຖິງວ່າຍັງບໍ່ທັນສາມາດສ້າງບາດກ້າວກະໂດດຂັ້ນກໍຕາມ, ແຕ່ບັນດາມາດຕະການຂອງ ປະທານາທິບໍດີ Barack Obamaໃນປີ 2012 ໄດ້ຮັບຖືວ່າ ແມ່ນບາດກ້າວເດີນສຳລັບພື້ນຖານເສດຖະກິດທີ່ອ່ອນດ້ອຍຂອງ ອາເມລິກາ ຊຶ່ງພວມຢູ່ໃນໄລຍະຟື້ນຕົວ. ປະທານາທິບໍດີ Barack Obama ໄດ້ຢືນຢູ່ຝ່າຍຊົນຊັ້ນແຮງງານໃນສັງຄົມ, ເອົາໃຈໃສ່ເຖິງບັນດານະໂຍບາຍສາທາ ລະນະສຸກ, ບັນຫາແມ່ຍິງ ແລະ ຄວາມສະເໝີພາບລະຫວ່າງຍິງ-ຊາຍ, ສະຫງວນບຸລິມະສິດໃຫ້ແກ່ຂົງເຂດການສຶກສາ. ໃນປີທີ່ຜ່ານມາ, ທ່ານປະທານາ ທິບໍດີ Barack Obama ໄດ້ມີການກະທຳຢ່າງຕັ້ງໜ້າເ້ພືອ່ຊຸກຍູ້ເສດຖະກິດ. ຜົນສຳເລັດດີທີ່ສຸດ ແມ່ນການຊ່ວຍກູ້ຂະແໜງຜະລິດລົດໂອໂຕຢູ່ລັດ Ohio, ຊຶ່ງແມ່ນແຫ່ງມີ 1/8 ຈຳນວນວຽກເຮັດງານທຳທີ່ກ່ຽວຂ້ອງເຖິງຂະແໜງອຸດສາຫະກຳນີ້. ພ້ອມກັນນັ້ນແມ່ນການກະຕຸກຊຸກຍູ້ສະພາແຫ່ງຊາດ ອາເມລິກາປັບປຸງປະມວນກົດໝາຍວ່າດ້ວຍສ່ວຍສາອາກອນໂດຍໄວ. ໃນຊຸມມື້ທ້າຍປີ 2012, ຕາມແຫຼ່ງຂ່າວຈາກກະຊວງແຮງງານ ອາເມລິກາແລ້ວ, ອັດຕາໄພວ່າງງານຢູ່ ອາເມລິກາໄດ້ຫຼຸດລົງເຫຼືອພຽງ 7,7% ໃນເດືອນ 11, ຊຶ່ງແມ່ນລະດັບຕ່ຳທີ່ສຸດໃນເກືອບ 4 ປີທີ່ຜ່ານມາຢູ່ປະເທດນີ້. ນີ້ແມ່ນຜົນສຳເລັດທີ່ບໍ່ອາດບັນລຸໄດ້ຢ່າງງ່າຍດາຍ.
ທາງດ້ານນະໂຍບາຍການຕ່າງປະເທດ, ທ່ານ Barack Obama ໄດ້ປະສົບຜົນສຳເລັດດີພໍສົມຄວນ, ຂະນະທີ່ທ່ານຈຳກັດໄດ້ທ່າເພີ່ີມທະວີດ້ານການທະຫານຢູ່ບາງສະໜາມຮົບທີ່ບໍ່ຈຳເປັນ. ດ້ວຍການຕົກລົງຖອນທະຫານອອກຈາກສະໜາມຮົບ ອັບການິສຖານ ແລະ ອີຣັກ, ທ່ານປະທານາທິບໍດີ Barack Obama ໄດ້ຮັບສຽງສະໜັບສະໜູນຈາກຜູ້ມີສິດເລືອກຕັ້ງອາເມລິກາ, ພ້ອມທັງເປັນການຢຸດຕິຄວາມອິດເມື່ຶອຍຂອງທະຫານ ອາເມລິກາຢູ່ສະໜາມຮົບເຫຼົ່ານີ້. ເຖິງວ່າ ມີການສະແດງໃຫ້ເຫັນທ່າທີແຂງກະດ້າງບົນເວທີການເມືອງສາກົນ ແນໃສ່ຢັ້ງຢືນທີ່ຕັ້ງບົດບາດຢືນອັນດັບໜຶ່ງຂອງປະເທດມະຫາອຳນາດກໍຕາມ, ແຕ່ທ່ານປະທານາທິບໍດີ Barack Obama ຍັງຄົງຍົກອອກບັນດາທັດສະນະຮ່ວມມືທີ່ມີຜົນປະໂຫຍດກັບຝ່າຍຕ່າງໆ. ການພົວພັນລະຫວ່າງວໍຊິງຕັນກັບໂລກອາຣັບ ກໍມີການຫັນປ່ຽນຕາມທິດຕັ້ງໜ້າ. ມີຈຸດປ່ຽນແປງໃຫຍ່ອີກອັນໜຶ່ງໃນນະໂຍບາຍການຕ່າງປະເທດຂອງ ອາເມລິກາໃນປີ 2012, ນັ້ນແມ່ນການຫັນທິດໃຈກາງສູ່ອາຊີ-ປາຊີຟິກ, ໃນນັ້ນ ເອົາໃຈໃສ່ພິເສດເຖິງການພົວພັນກັບອີນເດຍ, ຮັດແໜ້ນການພົວພັນແບບພັນທະມິດກັບຍີປຸ່ນ, ສ.ເກົາຫຼີ, ດຳເນີນການຊ້ອມຮົບຮ່ວມກັບບັນດາປະເທດອາຊີຕາເວັນອອກຢ່າງຕໍ່ເນ່ືອງ. ເລື່ອງທ່ານປະທານາທິ ບໍດີ Barack Obama ເລືອກເຟັ້ນ ພາກພື້ນອາຊີຕາເວັນອອກສ່ຽງໃຕ້ແມ່ນສະຖານທີ່ແວ່ຢ້ຽມຢາມທຳອິດໃນການເດີນທາງຢ້ຽມຢາມພາຍຫຼັງຮັບໄຊຊະນະໃນການເລືອກຕັ້ງເປັນ ປະທານາທິບໍດີອີກສະໄໝໜຶ່ງນັ້ນ ກໍແມ່ນຫຼັກຖານສະແດງໃຫ້ເຫັນຄວາມຕັດສິນໃຈຢ່າງແຂງແຮງຂອງອາເມລິກາແມ່ນສົ່ງຜົນສະທ້ອນ ເຖິງພາກພື້ນນີ້.
ເປັນທີ່ຈະແຈ້ງແລ້ວວ່າ ຊາວອາເມລິກາຕ້ອງການມີທ່ານ Barack Obama ເປັນປະທານາທິບໍດີອີກສະໄໝໜຶ່ງ. ເຂົາເຈົ້າຫວັງວ່າ ຜູ້ນຳປະເທດ ອາເມລິກາ ຈະຫັນບັນດາຄຳໝັ້ນສັນຍາຂອງຕົນທີ່ມີຕໍ່ ຜູ້ມີສິດເລືອກຕັ້ງ ໃຫ້ປະກົດຜົນເປັນຈິງ. ປີ 2013, ຜູ້ມີສິດເລືອກຕັ້ງຊາວອາເມລິກາ ອີກເທື່ອໜຶ່ງ ມີຄວາມເຊື່ອໝັ້ນ ຝາກຄວາມຫວັງຕໍ່ປະທານາທິບໍດີ Barack Obama ຜູ້ຈະນຳພາປະເທດ ອາເມລິກາຢ່າງປະສົບຜົນສຳເລັດ ແລະ ນຳປະເທດອາເມລິກາກັບຄືນສູ່ທີ່ຕັ້ງ ບົດບາດເປັນປະເທດມະຫາອຳນາດເບີໜຶ່ງຂອງໂລກ .