(vovwordld) - ວຽກງານຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍສຳລັບບັນດາໝູ່ຄະນະ ແລະ ສະມາຊິກພັກກອມມູນິດ ຫວຽດນາມແຕ່ລະຄົນ ຕາມມະຕິກອງປະຊຸມ ຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 11 (ຫລືເອີ້ນຫຍໍ້ວ່າ: ມະຕິສູນກາງພັກຄັ້ງທີ 4) “ບາງບັນຫາຮີບດ່ວນກ່ຽວກັບການກໍ່ສ້າງພັກປະຈຸບັນ” ໄດ້ຮັບການປະຕິບັດນັບແຕ່ເດືອນ 7/2012 ເປັນຕົ້ນມາ ແລະ ໄດ້ຜັນຂະຫຍາຍຈາກການນຳສູງສຸດຂອງພັກ ນັ້ນແມ່ນກົມການເມືອງສູນກາງພັກ ແລະ ຄະນະເລຂາສູນກາງພັກ. ພາຍຫລັງໄລຍະສັ້ນຖືກນຳເຂົ້າພຶດຕິກຳຕົວຈິງ, ວຽກງານຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍ ໄດ້ຮັບການຊາບຊືມ ແລະ ເສີມຂະຫຍາຍຢ່າງມີປະສິດທິຜົນໃນເບື້ອງຕົ້ນ. ໝາກຜົນນັ້ນ ບໍ່ພຽງແຕ່ຢັ້ງຢືນໝູ່ຄະນະ, ສ່ວນບຸກຄົນໃນກົມການເມືອງ, ຄະນະເລຂາສູນກາງພັກ ເປັນແບບຢ່າງໃຫ້ແກ່ຂັ້ນລຸ່ມເທົ່ານັ້ນ ຫາກຍັງຊ່ວຍໃຫ້ອົງຄະນະພັກຂັ້ນຕ່າງໆມີບົດຮຽນລ້ຳຄ່າຫລາຍຢ່າງໃນການກະກຽມ ແລະ ປະຕິບັດ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍໃນພັກໃນໄລຍະຈະມາເຖິງ.
ກອງປະຊຸມທົ່ວປະເທດຜັນຂະຫຍາຍມະຕິສູນກາງພັກຄັ້ງທີ 4 ຊຸດທີ 11
ພາບ:internet |
ເມື່ອປຶກສາຫາລືກ່ຽວກັບບັນຫາກໍ່ສ້າງ, ປັບປຸງພັກ, ທ່ານປະທານໂຮ່ຈິມີນ ໄດ້ຢືນຢັນວ່າ “ປັບປຸງພັກຕ້ອງມີຈຸດສຸມ, ປັບປຸງແນວຄິດແລ້ວ ຈຶ່ງປັບປຸງການຈັດຕັ້ງ. ສຶກສາອົບຮົມພະນັກງານ ແລ້ວຈຶ່ງສຶກສາອົບຮົມສະມາຊິກພັກທັງໝົດ.” ວຽກງານກໍ່ສ້າງພັກບົນຈິດໃຈ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ຕາມມະຕິສູນກາງພັກຄັ້ງທີ 4, ຊຸດທີ 11 ບາງບັນຫາຮີບດ່ວນກ່ຽວກັບການກໍ່ສ້າງພັກປະຈຸບັນ” ໄດ້ຮັບການຕີລາຄາວ່າແມ່ນປະຕິບັດຢ່າງຖືກຕ້ອງກັບການຊີ້ນຳຂອງປະທານໂຮ່ຈິມີນ. ເປັນຕົ້ນໃນໄລຍະປະເທດຊາດມີການປ່ຽນແປງໃຫມ່ຫລາຍຢ່າງ ແລະ ພວມຢູ່ໃນທ່າພັດທະນາ ແລະ ເຊື່ອມໂຍງເຂົ້າກັບສາກົນ, ວຽກງານກໍ່ສ້າງພັກຍິ່ງມີຄວາມໝາຍສຳຄັນ. ນີ້ແມ່ນປັດໄຈຮັບປະກັນການປະຕິບັດໂຄງການການເມືອງ, ຄາດໝາຍ, ຫນ້າທີ່ກໍ່ສ້າງສັງຄົມນິຍົມ ຢ່າງມີໄຊ, ປົກປັກຮັກສາປະເທດສັງຄົມນິຍົມຢ່າງຫນັກແຫນ້ນ. ປະຊາຊົນ, ພະນັກງານ, ສະມາຊິກພັກມີຄວາມມຸ່ງຫວັງຕໍ່ຄວາມເປີດເຜີຍ, ກະຈ່າງແຈ້ງຂອງ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ຂອງບັນດາອົງຄະນະພັກ, ເປັນຕົ້ນແມ່ນຢູ່ກົມການເມືອງ, ຄະນະເລຂາສູນກາງພັກ, ສຸມໃສ່ເຖິງບັນຫາທີ່ເຄັ່ງຮ້ອນຄື: ບົດບາດນຳພາຂອງພັກໃນການແກ້ໄຂບັນດາບັນຫາສົງຄົມຄື: ໄພສັງຄົມເພີ່ມຂຶ້ນ, ເສື່ອມທາດຂາດຄຸນ, ໄພສໍ້ລາດບັງຫລວງ, ຮັບສິນບົນ ຍັງຄົງຕົວ. ເປົ້າໝາຍການນຳສຳຄັນອັນດັບຫນຶ່ງຂອງພັກໃນລະບົບການເມືອງນັ້ນແມ່ນ ລັດຖະບານ, ບັນດາອົງການຄຸ້ມຄອງລັດຂັ້ນຕ່າງໆ ສົ່ງຜົນກະທົບເຖິງຊີວິດການເປັນຢູ່ຂອງປະຊາຊົນ. ທ່ານ Nguyen Xuan Lai ນັກຮົບເກົ່າ ນະຄອນ Can Tho ມີຄຳເຫັນວ່າ:
“ ເມື່ອຕິດຕາມການສຳຫລວດກວດຄືນຂອງຄະນະເລຂາສູນກາງພັກ, ກົມການເມືອງ, ຂ້າພະເຈົົ້າ ມີຄວາມປິຕິຊົມຊື່ນເມື່ອເຫັນວ່າ ຂັ້ນເທິງໄດ້ປະຕິບັດຢ່າງເຂັ້ມງວດ. ການປະຕິບັດມະຕິສູນກາງພັກຄັ້ງທີ 4 ບໍ່ພຽງແຕ່ໄດ້ຮັບການປະຕິບັດໃນຄະນະເລຂາສູນກາງພັກ, ກົມການເມືອງເທົ່ານັ້ນ ຫາກການນຳຂັ້ນຕ່າງໆອີກດ້ວຍ, ຈຸດໃຫມ່ໃນການປະຕິບັດມະຕິສູນກາງພັກຄັ້ງທີ 4 ນັ້ນແມ່ນກ້າຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍເພື່ອແກ້ໄຂຂໍ້ຂາດຕົກບົກຜ່ອງ. ໃນສະພາບປະຈຸບັນ ຖ້າບໍ່ມີການສຳຫລວດກວດຄືນ, ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ອາດຈະສົ່ງຜົນສະທ້ອນຢ່າງສັບສົນໃຫ້ໄລຍະຕໍ່ໄປ. ຂ້າພະເຈົ້າມີຄວາມເຊື່ອໝັ້ນຕໍ່ການນຳພາຂອງພັກກອມມູນິດຫວຽດນາມ.”
ຄວາມເປີດເຜີຍ, ຈະຈ່າງແຈ້ງ ພາຍຫລັງ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ແມ່ນຄວາມມຸ່ງມາດປາດຖະຫນາຂອງປະຊາຊົນ, ສະແດງໃຫ້ເຫັນການກະທຳດີງາມຂອງຄະນະພັກ ເພື່ອໃຫ້ປະຊາຊົນຮູ້ຈັກເຖິງ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ສະແດງໃຫ້ເຫັນດ້ານດີດ້ານອ່ອນໃນການນຳພາຂອງ ຄະນະພັກຂັ້ນຕ່າງໆ, ພິເສດແມ່ນກົມການເມືອງ, ຄະນະເລຂາສູນກາງພັກ. ອ້າຍ Tran Hoang Long ຊາວຫນຸ່ມຢູ່ຕາແສງ Ea Tieu ເມືອງ Chu Quynh ແຂວງ Daklac ເວົ້າວ່າ:
“ພັກກອມມູນິດ ຫວຽດນາມ ຜັນຂະຫຍາຍມະຕິສູນກາງພັກຄັ້ງທີ 4 ແມ່ນຖືກກັບຈິດໃຈຂອງປະຊາຊົນ. ຂ້າພະເຈົ້າປາດຖະຫນາວ່າ ເນື້ອໃນຂອງມະຕິສູນກາງພັກຄັ້ງທີ 4ໄດ້ຮັບການຜັນຂະຫຍາຍຢ່າງມີປະສິດທິຜົນ. ຄວາມມຸ່ງຫວັງຂອງຂ້າພະເຈົ້າກໍແມ່ນຄວາມມຸ່ງຫວັງຂອງພະນັກງານ, ສະມາຊິກພັກ ນັ້ນແມ່ນ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ຕ້ອງປະຕິບັດຢ່າງເຂັ້ມງວດຕາມເນື້ອໃນຈິດໃຈຂອງມະຕິ, ເຮັດໄດ້ຄືແນວນັ້ນ ຈຶ່ງນຳມາຊຶ່ງປະສິດທິຜົນ ແລະ ປະຊາຊົນນັບມື້ນັບມີຄວາມເຊື່ອໝັ້ນຕໍໍ່ພັກ.”
ການນຳພັກ, ລັດ ເຂົ້າຮ່ວມກອງປະຊຸມທົ່ວປະເທດຜັນຂະຫຍາຍມະຕິສູນກາງ
ພັກຄັ້ງທີ 4 ຊຸດທີ 11
ພາບ:xaluan.com |
ໃນແນວຄິດໂຮ່ຈິມີນ, ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ໄດ້ຮັບຖືວ່າແມ່ນຫລັກການ, ແມ່ນກົດເກນຂະຫຍາຍພັກ, ແມ່ນມາດຕະການດີທີ່ສຸດເພື່ອປັບປຸງຄວາມສາມັກຄີ, ຄວາມເປັນເອກະພາບໃນພັກ. ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ບໍ່ພຽງແຕ່ແມ່ນການເປີດເຜີຍເທົ່ານັ້ນ ຫາກຍັງແມ່ນວິທີເພື່ອໃຫ້ການນຳທຸກຂັ້ນປັບປຸງຄວາມໄວ້ເນື້ອເຊື່ອໃຈຕໍ່ປະຊາຊົນ. ທ່ານ Nguyen Thanh Gian ຢູ່ຖະຫນົນ Ong Ich Khiem ເມືອງ 11 ນະຄອນ ໂຮ່ຈິມີນ ຖືວ່າ:
“ຕາມຂ້າພະເຈົ້າແລ້ວ, ບໍ່ວ່າໃນໝູ່ຄະນະໃດ, ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍແມ່ນຈຳເປັນເພື່ອພ້ອມກັນກ້າວຫນ້າ. ຫວ່າງແລ້ວນີ້, ກົມການເມືອງສູນກາງພັກໄດ້ປຸກລະດົມ ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍໃນທົ່ວພັກ ແມ່ນທັນການ ແລະ ຖືກກັບຈຸດເວລາທີ່ປະເທດພວກເຮົາພວມປະສົບກັບຄວາມຫຍຸ້ງຍາກຫລາຍຢ່າງ. ຄຽງຄູ່ກັນນັ້ນ ແມ່ນການຍົກສູງຄຸນນະພາບການຊີ້ນຳນຳພາຂອງພັກຕໍ່ຫນ້າສິ່ງທ້າທາຍໃຫມ່. ຕາມຂ້າພະເຈົ້າແລ້ວ, ແຕ່ລະຄົນຕ້ອງມານະພະຍາຍາມປະຕິບັດການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍຢ່າງແທ້ຈິງ, ເພື່ອປະກອບສ່ວນຂະຫຍາຍພັກເວົ້າສະເພາະ ແລະ ປະເທດຊາດເວົ້າລວມ.”
ການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ບໍ່ພຽງແຕ່ແມ່ນວຽກງານເປັນປະຈຳ, ແມ່ນວິທີການຊີ້ນຳນຳພາຂອງພັກເທົ່ານັ້ນ ຫາກຍັງມີຄວາມໝາຍຕັດສິນປະສິດທິຜົນ, ຄຸນນະພາບໃນວຽກງານຊີ້ນຳນຳພາຂອງພັກ, ການກໍ່ສ້າງພັກນັບມື້ນັບປອດໃສ, ເຂັ້ມແຂງ. ການຜັນຂະຫຍາຍປະຕິບັດການຕຳນິຕິຊົມຕົນເອງ ແລະຕຳນິຕິຊົມເພື່ອນສະຫາຍ ຕາມມະຕິສູນກາງພັກຄັ້ງທີ 4 ໄດ້ຮັບຄວາມເຫັນດີເຫັນພ້ອມຢ່າງສູງຈາກປະຊາຊົນ ນັ້ນແມ່ນເງື່ອນໄຂສະດວກເພື່ອໃຫ້ພັກ, ລັດ ປະຕິບັດລັດຖະນະໂຍບາຍສຳຄັນໃນກິດຈະການສ້າງ ສາ ແລະ ປົກປັກຮັກສາປະເທດຊາດ./.
Le Phuong