(vovworld) - ເມື່ອຫວນຄືນມະຫາໄຊໃນລະດູບານໃໝ່ 1975, ບັນດາອະດີດນັກຮົບ, ນັກວິທະຍາສາດ, ນັກຄົ້ນຄ້ວາກ່ຽວກັບປະຫວັດສາດຂອງຫວຽດນາມ ໄດ້ຢັ້ງຢືນວ່າ, ໄຊຊະນະນີ້ແມ່ນໝາກຜົນແຫ່ງສິລະປະການທະຫານຫວຽດນາມ, ໃນນັ້ນສຳຄັນກວ່າໝູ່ແມ່ນການນຳໃຊ້, ກຳແໜ້ນກາລະໂອກາດເພື່ອຍົກອອກລັດຖະນະໂຍບາຍຢ່າງທັນການ; ແມ່ນໝາກຜົນແຫ່ງການປະສານສົມທົບຢ່າງມີປະສິດທິຜົນລະຫວ່າງກອງທັບ ແລະ ມະຫາຊົນ, ເຫຼົ່າຮົບ, ບັນດາກຳລັງ ແລະ ກ່ອນອື່ນໝົດແມ່ນສິລະປະແຫ່ງສົງຄາມປະຊາຊົນ, ທ່າຮົບທົ່ວປວງຊົນ.
ອີງໃສ່ສະພາບຕົວຈິງຢູ່ພາກໃຕ້ຫວຽດນາມ ພາຍຫຼັງສັນຍາປາຣີເມື່ອປີ 1973 ແລະ ການກະກຽມກຳລັງໃຫ້ແກ່ການບຸກໂຈມຕີຂະໜາດໃຫຍ່. ວັນທີ 4/3/1975, ກອງທັບ ແລະ ປະຊາຊົນຫວຽດນາມ ໄດ້ປະຕິບັດບັ້ນຮົບໄຕງວຽນ, ເປີດສາກໃຫ້ການບຸກໂຈມຕີຍຸດທະສາດຄັ້ງໃຫຍ່ໃນລະດູບານໃໝ່ 1975 ແລະ ໄດ້ຮັບໄຊຊະນະຢ່າງວ່ອງໄວ. ໃນຂະນະທີ່ບັ້ນຮົບນີ້ພວມດຳເນີນ. ກົມການເມືອງໄດ້ປະຊຸມ ແລະ ໃຫ້ຂໍ້ສັງເກດວ່າຕ້ອງຍູ້ໄວ ແລະ ຕັດສິນໃຈປົດປ່ອຍພາກໃຕ້ກ່ອນລະດູຝົນປີ 1975.
ສະຫາຍ ເລດຶກເທາະ ແລະ ສະຫາຍຟ່າມຮູ່ງ ແລະ ພົນເອກ ວັນຕຽນຢູ້ງ ຕາງໜ້າໃຫ້ກົມການເມືອງ ຊີ້ນຳບັ່້ນຮົບປົດປ່ອຍ ໄຊງ່ອນ
ກຳແໜ້ນກາລະໂອກາດຍຸດທະສາດ
ພາຍຫຼັງບັ້ນຮົບໄຕງວຽນ, ບັ້ນຮົບເຫວ໋, ດ່ານັ້ງ ໃນຊຸມວັນທ້າຍເດືອນ 3/1975 ກໍ່ໄດ້ຮັບໄຊຊະນະ. ບັນດາກົມກອງ, ກຳລັງ, ທົ່ວກອງທັບ, ທົ່ວປວງຊົນໄດ້ກຳແໜ້ນແນວຄິດຊີ້ນຳຂອງກົມການເມືອງນັ້ນແມ່ນ “ກຳແໜ້ນກາລະໂອກາດຍຸດທະສາດກວ່າອີກ, ດ້ວຍແນວຄິດຊີ້ນຳບຸກໂຈມຕີຢ່າງວ່ອງໄວ, ອົງອາດກ້າຫານ, ບັງເອີນ, ໄດ້ຮັບໄຊຊະນະຢ່າງແນ່ນອນ“. ພົນຕີ ຫວໍວັນຕ໋ວນ, ຮອງຫົວໜ້າເສນາທິການໃຫຍ່ກອງທັບປະຊາຊົນຫວຽດນາມ, ໃຫ້ຮູ້ວ່າ:
“ນີ້ແມ່ນການຕີລາຄາ, ແມ່ນຂໍ້ສັງເກດທີ່ປີຊາສາມາດ, ທັນການ, ສະຫຼາດສ່ອງໄສຂອງພັກ, ກົມການເມືອງ, ກອງບັນຊາການໃຫຍ່ເມື່ອສະຖານະການດຳເນີນໄປສະດວກກວ່າ. ດັ່ງນັ້ນໃນໂທລະເລກສຳຄັນຂອງພົນເອກ ຫວໍງວຽນຢາບຈຶ່ງມີຄຳທີ່ວ່າ: “ບຸກໂຈມຕີຢ່າງວ່ອງໄວ, ບຸກໂຈມຕີຢ່າງວ່ອງໄວກວ່າ, ອົງອາດກ້າຫານ, ອົງອາດກ້າຫານກວ່າ“. ສິ່ງດັ່ງກ່າວສະແດງໃຫ້ເຫັນວ່າພວກເຮົາກຳນົດນີ້ແມ່ນໂອກາດເພື່ອບຸກໂຈມຕີ“.
ໃນເວລານັ້ນ, ກອງທັບ ແລະ ປະຊາຊົນຫວຽດນາມ ໄດ້ມີທ່າຮົບຢ່າງ ໝັ້ນຄົງ, ມີກຳລັງທັບເຂັ້ມແຂງ. ສິ່ງດັ່ງກ່າວໄດ້ຫັນເຈດຈຳນົງເປັນການກະທຳ, ລະດົມທຸກກຳລັງແຮງຂອງບັນດາເຫຼົ່າຮົບ, ການຊ່ວຍໜູນຂອງແນວຫຼັງພາກເໜືອ, ກໍ່ຄືການກະກຽມຂອງແນວໜ້າພາກໃຕ້ເພື່ອຍາດເອົາໄຊຊະນະ. ຮອງສາສະດາຈານ, ດຣ ຫງວຽນຈ້ອງຟຸກ, ອະດີດຫົວໜ້າສະຖາບັນປະຫວັດສາດພັກ, ເນັ້ນໜັກວ່າ:
“ການສົມທົບກຳລັງແຮງສັງລວມ, ທັງແມ່ນການບຸກໂຈມຕີດ້ານການທະຫານ ທັງແມ່ນການລຸກຮຶ້ຂຶ້ນຂອງມະຫາຊົນ. ນີ້ແມ່ນຈຸດພິເສດສະເພາະຂອງສົງຄາມປະຊາຊົນຫວຽດນາມ: ຍ້ອນມີສົງຄາມປະຊາຊົນຈຶ່ງສ້າງເປັນກຳລັງແຮງສັງລວມທັງດ້ານການເມືອງ, ການທະຫານ, ການຕໍ່ສູ້ດ້ານການທູດ, ທັງບຸກໂຈມຕີ, ທັງເຈລະຈາ, ລະດົມກຳລັງແຮງຂອງມະຫາຊົນຢູ່ກັບທີ່ ແລະ ການໜູນຊ່ວຍຂອງພາກເໜືອ“.
ສິລະປະເສີມຂະຫຍາຍກຳລັງແຮງສັງລວມ
ຄວາມມຸ້ງຫວັງຢາກມີສັນຕິພາບ, ເອກະລາດ, ເອກະພາບປະເທດຊາດຂອງທັງຊາດ ໄດ້ສ້າງເປັນກຳລັງແຮງແຫ່ງມະຫາສາມັກຄີທົ່ວປວງຊົນຫວຽດນາມໃນການບຸກໂຈມຕີລຸກຮຶ້ຂຶ້ນຄັ້ງຕ່າງໆເມື່ອລະດູບານໃໝ່ປີ 1975. ພາຍຫຼັງບັ້ນຮົບດ້ຽນບຽນຝູ ທາງອາກາດ, 12 ວັນ ແລະ ຄືນທ້າຍປີ 1972 ໄດ້ບັງຄັບໃຫ້ອາເມລິກາ ຕ້ອງເຊັນສັນຍາປາຣີ ເມື່ອຕົ້ນປີ 1973, ຖອນທະຫານອອກຈາກພາກໃຕ້ຫວຽດນາມ, ແນວຫຼັງພາກເໜືອສືບຕໍ່ໜູນຊ່ວຍໃຫ້ພາກໃຕ້. ເຖິງວ່າຈະຖືກລະເບີດທຳລາຍຢ່າງດຸເດືອດກໍ່ຕາມ, ແຕ່ເສັ້ນທາງພູຫຼວງຍັງຮັບປະກັນຄວາມລຸລ່ວງເພື່ອໃຫ້ທະຫານເຄື່ອນທັບ ແລະ ຂົນສົ່ງນຳ້ມັນ, ອາວຸດ, ພາຫະນະ… ເຂົ້າພາກໃຕ້, ກະກຽມໃຫ້ການບຸກໂຈມຕີຄັ້ງໃຫຍ່. ຫວຽດນາມ ໄດ້ຮັບໄຊຊະນະເທື່ອລະກ້າວ, ໃນແຕ່ລະຍຸດທະສາດ, ແຕ່ລະແນວຮົບ ແລະ ສຸດທ້າຍແມ່ນໄຊຊະນະໃນການບຸກໂຈມຕີ ແລະ ລຸກຮຶ້ຂຶ້ນຄັ້ງໃຫຍ່, ປົດປ່ອຍພາກໃຕ້. ສາສະດາຈານ, ດຣ ດິງຊວນຢຸ້ງ, ອະດີດນັກຮົບເຂົ້າຮ່ວມການບຸກໂຈມຕີຄັ້ງໃຫຍ່ນີ້, ໃຫ້ຮູ້ວ່າ:
“ສັດຕູຄິດວ່າພວກເຮົາບໍ່ມີຫຍັງ, ບໍ່ມີກຳລັງອີກເພື່ອສາມາດປົດປ່ອຍພາກໃຕ້, ແຕ່ດ້ວຍກຳລັງແຮງ ຟູ່ດົງ, ຈາກພື້ນດິນ, ຈາກໝູ່ປະຊາຊົນ, ລົດຕັງ, ລົດຫຸ້ມເກາະນັບຮ້ອນຄັນ, ນັບທັງບັນດາກອງພົນໃຫຍ່ຈາກໄຕງວຽນ, ຈາກກວາງຈີ້ ແລະ ພາກໃຕ້. ໃນໄລຍະສັ້ນໆ, ພວກເຮົາສາມາດປົດປ່ອຍພາກໃຕ້ໄດ້ຢ່າງສົມບຸນ.“
ໃນການບຸກໂຈມຕີຄັ້ງໃຫຍ່ນີ້, ກອງທັບປະຊາຊົນຫວຽດນາມ ໄດ້ເສີມຂະຫຍາຍການໜູນຊ່ວຍຂອງມະຫາຊົນ, ຂອງຊາວໜຸ່ມຕະລຸມບ່ອນໃຫ້ບັນດາກຳລັງກອງທັບເປັນຢ່າງດີ. ການບຸກໂຈມຕີຢ່າງວ່ອງໄວຂອງບັນດາພົນລະພາກຫຼວງເຄື່ອນທີ່ ໄດ້ໜູນຊ່ວຍໂດຍກົງໃຫ້ຂະບວນການລຸກຮຶ້ຂຶ້ນຂອງມະຫາຊົນ, ດັບສູນສັດຕູ, ຍາດເອົາອຳນາດການປົກຄອງຢ່າງໄວ.
ການບຸກໂຈມຕີຄັ້ງໃຫຍ່ ແລະ ການລຸກຮຶ້ຂຶ້ນໃນລະດູບານໃໝ່ປີ 1975 ດຳເນີນໄປໃນໄລຍະ 55 ວັນ ແລະ ຄືນ, ດ້ວຍຄວາມໄວມະຫັດສະຈັນ “1 ວັນເທົ່າກັບ 20 ປີ“.ການບຸກໂຈມຕີຍຸດທະສາດນີ້ມີຂອບຂະໜາດໃຫຍ່ນັບທັງດ້ານການທະຫານ, ການເມືອງ, ກາລະເທສະ ແລະ ກຳລັງ, ສາມາດຍາດໄດ້ໄຊຊະນະໃນເວລາສັ້ນທີ່ສຸດ, ການເສຍຫາຍກໍ່ໜ້ອຍທີ່ສຸດ. ທັງໝົດເຫຼົ່ານັ້ນສະແດງໃຫ້ເຫັນຄວາມສາມາດດ້ານສິລະປະຍຸດ, ສິລະປະຊີ້ນຳຍຸດທະສາດທີ່ດີເດັ່ນຂອງພັກກອມມູນິດຫວຽດນາມ, ພິເສດແມ່ນໃນການຈັດຕັ້ງກໍ່ສ້າງກຳລັງ, ສ້າງທ່າຮົບ, ສ້າງກາລະໂອກາດ, ກຳແໜ້ນກາລະໂອກາດ ແລະ ຕັດສິນໃຈຍາດເອົາໄຊຊະນະ.