(vovworld)- ປີ 2016, ຫວຽດນາມ ສູ້ຊົນບັນລຸລະດັບຈະເລີນເຕີບໂຕ GDP ປະມານ 6,3-6,5%. ເພື່ອບັນລຸໄດ້ຄາດໝາຍດັ່ງກ່າວ, ໃນເດືອນທີ່ຍັງເຫລືອຂອງປີ 2016 ຕ້ອງສູ້ຊົນຢ່າງຂ້ຽວຂາດເພື່ອບັນລຸລະດັບ GDP ຂອງທັງໄຕມາດ IV ບັນລຸໃຫ້ໄດ້ຢ່າງຫນ້ອຍສຸດແມ່ນ 7,1 -7,3%. ນີ້ແມ່ນຫນ້າທີ່ບໍ່ແມ່ນງ່າຍດ່າຍ ແຕ່ການນຳບາງກະຊວງ, ຂະແຫນງການໃຫ້ຮູ້ວ່າ ຈະມານະພະຍາຍາມຢ່າງສຸດຄວາມສາມາດພ້ອມກັບຄະນະລັດຖະບານເພື່ອບັນລຸໃຫ້ໄດ້ບັນດາຄາດໝາຍທີ່ວາງອອກ. ບົດຂຽນຂອງນັກຂ່າວ ຮົ່ງເວີນທີ່ມີຫົວຂໍ້ວ່າ: ລັດຖະບານມານະພະຍາຍາມເພື່ອບັນລຸບັນດາຄາດໝາຍປີ2016ຢູ່ໃນລະດັບສູງສຸດ
ພາບປະກອບ
|
ຄວາມຮຽກຮ້ອງປະຕິບັດບັນດາຄາດໝາຍ, ຫນ້າທີ່ປີ 2016 ທີ່ໄດ້ວາງອອກໃຫ້ໄດ້ຢູ່ໃນລະດັບສູງສຸດ ໃນສະພາບບັນດາຄວາມດຸ່ນດ່ຽງມະຫາພາກຍັງບໍ່ທັນໝັ້ນແກ່ນຄື: ບັນຫາອັດຕາແລກປ່ຽນສະກຸນເງິນໂດລາສະຫະລັດ, ບັນຫາໄພເງິນເຟີ້. ໃນກອງປະຊຸມນັດສາມັນປະຈຳເດືອນຂອງລັດຖະບານ ໃນຕອນບ່າຍວັນທີ 29/11, ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງສະມາຊິກແຕ່ລະຄົນໃນລັດຖະບານ, ບັນດາກະຊວງ, ຂະແຫນງການ, ທ້ອງຖິ່ນ ຕ້ອງຕັດສິນໃຈກະທຳ, ວາງຫນ້າທີ່, ມາດຕະການລະອຽດ, ສຸມໃສ່ແກ້ໄຂຄວາມຫຍຸ້ງຍາກ, ຊຸກຍູ້ການພັດທະນາການຜະລິດດຳເນີນທຸລະກິດ; ສືບຕໍ່ສ້າງການຫັນປ່ຽນຢ່າງແຮງ, ມານະພະຍາຍາມສູ້ຊົນປະຕິບັດບັນດາຄາດໝາຍ, ຫນ້າທີ່ປີ 2016 ໃຫ້ໄດ້ຢູ່ໃນລະດັບສູງສຸດ.
ສຸມໃສ່ຊຸກຍູ້ການຜະລິດດຳເນີນທຸລະກິດ, ຄວບຄຸມໄພເງິນເຟີ້
ການຊຸກຍູ້ການຜະລິດດຳເນີນທຸລະກິດໂດຍໄດ້ຮັບການສຸມໃສ່ຈາກບັນດາກະຊວງ, ຂະແຫນງການ. ຕາມນັ້ນແລ້ວ, ບັນດາກະຊວງ, ຂະແຫນງການ ແລະ ທ້ອງຖິ່ນຕ່າງໆ ສືບຕໍ່ຜັນຂະຫຍາຍບັນດາມາດຕະການຫນູນຊ່ວຍຢ່າງແຮງ, ແກ້ໄຂຄວາມຫຍຸ້ງຍາກຂໍ້ຕິດຂັດ, ແກ້ໄຂບັນດາຄຳສະເຫນີແນະຂອງວິສາຫະກິດຢ່າງທັນການໃນເດືອນ 12 ; ຍູ້ແຮງການສົ່ງອອກສຳລັບແຕ່ລະຂົງເຂດ, ປະເພດສິນຄ້າ ສູ້ຊົນລະດັບການສົ່ງອອກຢ່າງຫນ້ອຍສຸດ 8%. ທ່ານ ມາຍຕຽນຢູງ, ລັດຖະມົນຕີ, ຫົວຫນ້າຫ້ອງວ່າການລັດຖະບານ ໃຫ້ຮູ້ວ່າ:
“ເດືອນ 12 ແມ່ນເດືອນໃກ້ກັບບຸນປີໃຫມ່ປະຈຳຊາດ,ບັນດາກະຊວງ, ຂະແຫນງການສືບຕໍ່ຕິດຕາມກວດກາສະພາບການຜັນແປຢ່າງໃກ້ຊິດ, ສົມທົບກັນຢ່າງແຫນ້ນແຟ້ນ, ຊີ້ນຳບໍລິຫານຢ່າງລະມັດລະວັງ, ຮັກສາສະຖຽນລະພາບດ້ານມະຫາພາກ, ການຄວບຄຸມໄພເງິນເຟີ້ບໍ່ໃຫ້ເກີນ 5%. ບັນດາກະຊວງ, ຂະແຫນງການ, ທ້ອງຖິ່ນຕ່າງໆ ຕິດຕາມການຜັນແປຂອງລາຄາ, ບັນດາປະເພດສິນຄ້າທີ່ຈຳເປັນເພື່ອມີມາດຕະການເໝະສົມ, ຜັນຂະຫຍາຍລາຍການຮັກສາຕະຫລາດໃນໂອກາດບຸນເຕັດໃຫ້ເປັນປົກກະຕິ. ທະນາຄານແຫ່ງລັດ ຮັກສາຕະຫລາດຄຳ, ຕະຫລາດເງິນຕາຕ່າງປະເທດ ແລະ ອັດຕາແລກປ່ຽນເງິນຕາເປັນປົກກະຕິ, ພິເສດຫລີກລ້ຽງການຜັນແປຢ່າງແຮງຂອງອັດຕາແລກປ່ຽນເງິນຕາໃນໄລຍະທ້າຍປີ.”
ແລະກໍໃນເດືອນທ້າຍປີນີ້, ບັນຫາຫນີ້ສາທາລະນະສືບຕໍ່ໄດ້ຮັບການແກ້ໄຂ. ກ່ຽວກັບບັນຫາຫນີ້ເສຍ, ທະນາຄານແຫ່ງລັດ ຈະເປັນເຈົ້າການໃນການສະເຫນີ, ສາງກອບກົດໝາຍກ່ຽວກັບການແກ້ໄຂຫນີ້ເສຍໃຫ້ສົມບູນແບບ.
ຍູ້ໄວການເກັບງົບປະມານ, ການເຕີບໂຕດ້ານສິນເຊື່ອ
ທ່ານ ຮີ່ງກວາງຫາຍ, ຮອງລັດຖະມົນຕີກະຊວງການເງິນ ໃຫ້ຮູ້ວ່າ:ຕົວເລກຫລ້າສຸດຂອງກະຊວງການເງິນ ທີ່ລາຍງານຕໍ່ລັດຖະບານໃນກອງປະຊຸມນັດສາມັນປະຈຳເດືອນ 11 ໃຫ້ຮູ້ວ່າ: ລະດັບຄວາມໄວການເກັບງົບປະມານແຫ່ງລັດ ໃນ 11 ເດືອນຜ່ານມາ ບັນລຸ 89,9% ເມື່ອທຽບໃສ່ແຜນງົບປະມານ, ເພີ່ມຂຶ້ນ 6,3% ເມືື່ອທຽບໃສ່ໄລຍະດຽວກັນຂອງປີ 2015. ໃນການເກັບງົບປະມານແຫ່ງລັດ, ງົບປະມານທີ່ເກັບມາໄດ້ຢູ່ທ້ອງຖິ່ນແມ່ນຫລາຍກວ່າ, ສ່ວນຢູ່ສູນກາງແມ່ນຫຍຸ້ງຍາກກວ່າ, ຍ້ອນການຜັນແປລາຄານ້ຳມັນດິບໃນປີນີ້ແມ່ນຫລຸດຜ່ອນຫລາຍ. ເພື່ອສຳເລັດຫນ້າທີ່ໃນ 1 ເດືອນທີ່ຍັງເຫລືອຂອງປີ 2016, ທ່ານ ຮອງລັດຖະມົນຕີ ຮີ່ງກວາງຫາຍ ໃຫ້ຮູ້ວ່າ:
“ກະຊວງການເງິນຈະສົມທົບຢ່າງແຫນ້ນແຟ້ນກັບບັນດາກະຊວງ, ຂະແຫນງການ ແລະ ທ້ອງຖິ່ນ. ທີຫນຶ່ງສືບຕໍ່ແກ້ໄຂຄວາມຫຍຸ້ງຍາກ, ຊຸກຍູ້ການຜະລິດພັດທະນາເພື່ອເກັບງົບປະມານ. ທີສອງ ກະຊວງຈະເພີ່ມທະວີວຽກງານກວດກາຕ້ານການສໍ້ໂກງ, ຕ້ານການຄ້າເຖື່ອນ ແລະ ຕ້ານສິນຄ້າປອມ. ທີສາມ ສືບຕໍ່ຊຸກຍູ້ລະດັບຄວາມໄວໃນການປ່ອຍເງິນ, ເງິນລົງທຶນກໍ່ສ້າງພື້ນຖານໂຄງລ່າງ ແລະ ປະຕິບັດບັນດາຫນ້າທີ່ຕາມແຜນງົບປະມານ ຊື່ງສະພາແຫ່ງຊາດໄດ້ຕົກລົງ. ໃນລາຍຈ່າຍປະຈຳ, ກະຊວງຈະສືບຕໍ່ຮັດກຸ່ມຢ່າງຂ້ຽວຂາດເພື່ອປະຢັດລາຍຈ່າຍປະຈຳ”
ທ່ານຮອງຜູ້ວ່າການທະນາຄານແຫ່ງລັດ ດາວມີງຕູ ຢືນຢັນວ່າ: ລະດັບເຕີບໂຕດ້ານສິນເຊື່ອກວ່າ 14% ໃນປະຈຸບັນ ແມ່ນຕອບສະຫນອງໄດ້ຄວາມຮຽກຮ້ອງຂອງການເຕີບໂຕຂອງພື້ນຖານເສດຖະກິດ, ການຄວບຄຸມໄພເງິນເຟີ້, ບໍ່ເກີດຫນີ້ເສຍຕື່ມອີກ. ໃນເດືອນ 12/2016, ທະນາຄານແຫ່ງລັດ ໄດ້ມີມາດຕະການລະອຽດ ເພື່ອຮັບປະກັນລະດັບເຕີບໂຕສິນເຊື່ອຄືໄດ້ກຳນົດໃນໄລຍະຕົ້ນປີ.
“ໃນຫລາຍປີຜ່ານມາ, ໄລຍະທ້າຍປີ ແມ່ນຈຸດເວລາທີ່ດ້ານສິນເຊື່ອເພີ່ມຂຶ້ນຢ່າງແຮງ. ແຕ່ 14% ເພີ່ມຂຶ້ນເປັນ 18% ແນ່ນອນ ພວກຂ້າພະເຈົ້າຈະບໍລິຫານໄດ້. ກະແສທຶນປະຈຸບັນ ພວກຂ້າພະເຈົ້າກຳນົດວ່າ ກ່ອນອື່ນຈະສຸມໃສ່ ເຂົ້າບັນດາຂົງເຂດບຸລິມະສິດ ຊື່ງລັດຖະບານໄດ້ຊີ້ນຳ, ພິເສດແມ່ນເອົາໃຈໃສ່ເຖິງບັນດາບ້ວງສິນເຊື່ອນະໂຍບາຍເພື່ອນແກ້ໄຂຄວາມຫຍຸ້ງຍາກໂດຍໄພທຳມະຊາດ, ບັນຫາສິ່ງແວດລ້ອມກໍ່ຂຶ້ນ ກໍຄືສຸມໃສ່ເຂົ້າໃນບາງຂົງເຂດທີ່ຈຳເປັນ ເພື່ອສ້າງມູນຄ່າເພີ່ມ ແລະ ການເຕີບໂຕຂອງພື້ນຖານເສດຖະກິດ.”
ໝາກຜົນແຫ່ງການພັດທະນາເສດຖະກິດ ສັງຄົມ ໃນ 11 ເດືອນຜ່ານມາໄດ້ຮັບຮູ້ຄວາມພະຍາຍາມອັນໃຫຍ່ຫລວງຂອງຄະນະລັດຖະບານ, ຂອງປະຊາຊົນ ແລະ ປະຊາຄົມວິສາຫະກິດ, ໃນສະພາບປະເທດຊາດພວມປະສົບກັບຄວາມຫຍຸ້ງຍາກ. ຄາດໝາຍການເຕີບໂຕ GDP 6,3 -6,5% ໃນປີ 2016 ແມ່ນຄາດໝາຍບໍ່ແມ່ນງ່າຍດ່າຍ ແຕ່ຍ້ອນມີຄວາມເປັນຈິດຫນຶ່ງໃນດຽວ, ຄວາມມານະພະຍາຍາມຂອງບັນດາກະຊວງ, ຂະແຫນງການ, ທ້ອງຖິ່ນຕ່າງໆ, ຫວຽດນາມ ຈະບັນລຸລະດັບຄາດໝາຍການພັດທະນາເສດຖະກິດ ສັງຄົມໃນປີ 2016 ຢູ່ໃນລະດັບສູງສຸດ.