ໃນໂຄງການດຳເນີນງານຂອງກອງປະຊຸມໃຫຍ່ IPU 132 ຊຶ່ງດຳເນີນຢູ່ຫວຽດນາມແຕ່ວັນທີ 28/3 ຫາວັນທີ ¼ ນັ້ນ, ຈະມີການເຄື່ອນໄຫວຫຼາຍຢ່າງທີ່ຕິດພັນກັບບັນຫາຄວາມສະເໝີພາບລະຫວ່າງຍິງ-ຊາຍ. ໂດຍແມ່ນປະເທດເຈົ້າພາບ, ຫວຽດນາມ ກໍໄດ້ຮັບການສະໜັບສະໜູນຢ່າງແຂງແຮງໃຫ້ບັນດາເນື້ອໃນ ແລະ ຈຸດປະສົງການເຄື່ອນໄຫວຂອງ IPU, ໃນນັ້ນ, ມີການຊຸກຍູ້ບົດບາດ, ສິດຂອງແມ່ຍິງ. ຫວຽດນາມ ກໍແມ່ນປະເທດໄດ້ສຳເລັດເປົ້າໝາຍສະຫັດສະວັດກ່ຽວກັບ ຄວາມສະເໝີພາບລະຫວ່າງຍິງ-ຊາຍ ແລະ ຍົກສູງທີ່ຕັ້ງບົດບາດໃຫ້ແມ່ຍິງ.
ຫວຽດນາມພວມຊຸກຍູ້ບົດບົດຂອງແມ່ຍິງ ແລະ ຄວາມສະເໝີພາບລະຫວ່າງຍິງ-ຊາຍ |
ເດືອນ 5/2008, ໃນສະພາແຫ່ງຊາດຫວຽດນາມຊຸດທີ່ 12, ເປັນຄັ້ງທຳອິດທີ່ກຸ່ມສະມາຊິກ ສະພາແຫ່ງຊາດຍິງໄດ້ຮັບການສ້າງຕັ້ງຂຶ້ນ. ນີ້ແມ່ນອົງການທຳອິດຂອງບັນດາ ສະມາຊິກສະພາແຫ່ງຊາດຍິງຫວຽດນາມ, ໃນນັ້ນ ຈຸດໝາຍອັນໃຫຍ່ຫຼວງກວ່າໝູ່ແມ່ນການຊຸກຍູ້ ຄວາມສະເໝີພາບລະຫວ່າງຍິງ-ຊາຍ. ຜ່ານ 2 ອາຍຸການເຄື່ອນໄຫວ, ກຸ່ມສະພາຊິກສະພາແຫ່ງຊາດຍິງໄດ້ສ້າງເວທີ່ປາໄສເພື່ອໃຫ້ບັນດາ ສະມາຊິກ ສະພາແຫ່ງຊາດຍິງມີໂອກາດໄດ້ແລກປ່ຽນຂໍ້ມູນຂ່າວສານ, ວິເຄາະນະໂຍບາຍ, ສ້າງເງື່ອນໄຂເພື່ອມີສຽງເວົ້າລວມກ່ຽວກັບບັນດາບັນຫາທີ່ກ່ຽວຂ້ອງເຖິງນະໂຍບາຍແມ່ຍິງ, ເດັກນ້ອຍ ແລະ ຄວາມສະເໝີພາບລະຫວ່າງຍິງ-ຊາຍ…ຍ້ອນແນວນັ້ນ, ບັນດານະໂຍບາຍທີ່ປະກາດໃຊ້ນັ້ນ ໄດ້ມີການຊັງຊາຈາກຫຼາຍແງ່ມຸມໃນບັນຫາ ຄວາມສະເໝີພາບລະຫວ່າງຍິງ-ຊາຍຄື: ການເພີ່ມເວລາພັກການເມື່ອຖືພາມານ ແລະ ປະສູດລູກໃຫ້ຄົນງານຍິງຈາກ 4 ເດືອນຂຶ້ນເປັນ 6 ເດືອນ, ຂໍ້ກຳນົດກ່ຽວກັບເລື່ອງຄົນງານຊາຍໄດ້ພັກການເມື່ອເມຍປະສູດລູກ… ທ່ານນາງ ຫງວຽນທິກວຽດເຕີມ , ສະມາຊິກສະພາແຫ່ງຊາດເຂດເລືອກຕັ້ງນະຄອນໂຮ່ຈິມິນ ຖືວ່າ :
“ ມີ ສະມາຊິກ ສະພາແຫ່ງຊາດຍິງຫຼາຍຄົນໃນ ສະພາແຫ່ງຊາດຫວຽດນາມ ໄດ້ກ່າວເຖິງສຽງເວົ້າ, ຄວາມໃນໃຈ, ຄວາມມຸ່ງມາດປາຖະໜາຂອງຜູ້ມີສິດເລືອກຕັ້ງ, ພິເສດແມ່ນ ຜູ້ມີສິດເລືອກຕັ້ງຍິງ. ບັນດາບັນຫາທີ່ມີລັກສະນະພຶດຕິກຳ ແລະ ວິທະຍາສາດ ໄດ້ຖືກນຳມາປຶກສາຫາລື, ໄດ້ຮັບການເຫັນດີຈາກບັນດາ ສະມາຊິກ ສະພາແຫ່ງຊາດ, ຈາກນັ້ນໄດ້ພາໄປເຖິງບັນດາຄຳຕັດສິນທີ່ສຳຄັນຂອງສະພາແຫ່ງຊາດຫວຽດນາມໃນໄລຍະທີ່ຜ່ານມາ”
ບໍ່ພຽງແຕ່ເຂົ້າຮ່ວມປະກອບຄຳເຫັນທີ່ເວທີ່ປາໄສລັດຖະສະພາຢູ່ພາຍໃນປະເທດເທົ່ານັ້ນ, ກຸ່ມສະມາຊິກສະພາແຫ່ງຊາດຍິງຂອງຫວຽດນາມຍັງຕັ້ງໜ້າເຂົ້າຮ່ວມບັນດາການເຄື່ອນໄຫວຮ່ວມມືໃນພາກພື້ນ ແລະ ໃນໂລກກ່ຽວກັບຄວາມສະເໝີພາບລະຫວ່າງຍິງ-ຊາຍຄື : ກອງປະຊຸມປະຈຳປີຂອງສະມາຊິກລັດຖະສະພາຍິງ AIPA , ກອງປະຊຸມສະມາຊິກລັດຖະສະພາຍິງ IPU ທີ່ຈັດຂຶ້ນໃນແຕ່ປີ…ທ່ານນາງ ເຈືອງທິມາຍ ຫົວໜ້າກຳມາທິການບັນດາບັນຫາສັງຄົມ ສະພາແຫ່ງຊາດຫວຽດນາມ, ປະທານກຸ່ມສະມາຊິກສະພາແຫ່ງຊາດຍິງ ໃຫ້ຮູ້ວ່າ :
“ ບັນດາຫົວເລື່ອງ ແລະ ບັນດາຂໍ້ສະເໜີ້ແນະໃນບັນດາເວທີ່ປາໄສນີ້, ຍາມໃດກໍມຸ່ງໄປສູ່ຈຸດໝາຍພັດທະນາແບບຍືນຍົງ, ຮັບປະກັນສິດທິມະນຸດ, ກາລະໂອກາດ ແລະ ການຮັບຜົນປະໂຫຍດຈາກຄວາມສະເໝີພາບ ສຳລັບແມ່ຍິງ ແລະ ເດັກຍິງ, ມອບສິດ ແລະ ຊຸກຍູ້ການເຂົ້າຮ່ວມຫຼາຍກ່ວາຂອງແມ່ຍິງເຂົ້າໃນຂົງເຂດການເມືອງ, ເສດຖະກິດ, ວັດທະນະທຳ…ພ້ອມກັນນັ້ນ, ຫວຽດນາມກໍໄດ້ເຂົ້າຮ່ວມບັນດາເວທີ່ປາໄສນີ້ ແມ່ນເພື່ອປັບປຸງທີ່ຕັ້ງບົດບາດຂອງແມ່ຍິງໃນບັນດາລັດຖະສະພາສະມາຊິກ ແລະ ໃນບັນດາອົງການຈັດຕັງສາກົນ, ສ້າງເງື່ອນໄຂເພື່ອແລກປ່ຽນບົດຮຽນ ແລະ ຮ່ວມມືລະຫວ່າງບັນດາສະມາຊິກສະພາແຫ່ງຊາດຍິງ ”
ປະຈຸບັນ, ຫວຽດນາມແມ່ນ 1 ໃນຈຳນວນ 5 ປະເທດພວມພັດທະນາຢູ່ອາຊີ, ມີອັດຕາສະມາຊິກສະພາແຫ່ງຊາດຍິງສູງກວ່າໃນສະພາແຫ່ງຊາດ. ຫວຽດນາມກໍໄດ້ສຳເລັດຈຸດໝາຍໂດຍພື້ນຖານກ່ຽວກັບຄວາມສະເໝີພາບລະຫວ່າງຍິງ-ຊາຍ ແລະ ຍົກສູງທີ່ຕັ້ງບົດບາດໃຫ້ແກ່ແມ່ຍິງ. ສິ່ງນີ້ໄດ້ສະແດງໃຫ້ເຫັນວ່າ ສະພາແຫ່ງຊາດຫວຽດນາມໄດ້ມີການປະກອບສ່ວນຢ່າງຕັ້ງໜ້າໃນການ ປະຕິບັດເປົ້າໝາຍ
ສະຫັດສະວັດກ່ຽວກັບ ຄວາມສະເໝີພາບລະຫວ່າງຍິງ-ຊາຍ. ໃນມໍ່ໆມານີ້, ໃນການພົບປະກັບບັນດາ ສະມາຊິກສະພາແຫ່ງຊາດຍິງທີ່ເປັນການນຳບັນດາອົງການສຳນັກງານຢູ່ພາຍໃນປະເທດ ແລະ ບັນດາອົງການສາກົນທີ່ເຂົ້າຮ່ວມ IPU 132, ທ່ານ ຫງວຽນຊິງຮຸ່ງ ປະທານ ສະພາແຫ່ງຊາດຫວຽດນາມ ໄດ້ເນັ້ນໜັກວ່າ ຫວຽດນາມແມ່ນປະເທດໄດ້ຮັບການຮັບຮູ້ວ່າ ປະສົບຜົນສຳເລັດໃນການສ້າງບັນດານະໂຍບາຍ ແລະ ກອບກົດໝາຍທີ່ກ່ຽວຂ້ອງເຖິງ ຄວາມສະເໝີພາບລະຫວ່າງຍິງ-ຊາຍ ແລະ ນັບມື້ນັບມີແມ່ຍິງຫຼາຍຄົນໄດ້ດຳລົງຕຳແໜ່ງທີ່ຫຼັກແຫຼ່ງໃນກົງຈັກພັກ, ລັດ, ສະພາແຫ່ງຊາດ. ທ່ານ ຫງວຽນຊິງຮຸ່ງ ປະທານ ສະພາແຫ່ງຊາດຫວຽດນາມ ໄດ້ເນັ້ນໜັກວ່າ :
“ ໂດຍແມ່ນປະເທດພວມພັດທະນາ, ໄດ້ຜ່ານຜ່າຫຼາຍປີທຳການຕໍ່ສູ້ທີ່ພິລະອາດຫານເພື່ອຍາດເອົາເອກະລາດແຫ່ງຊາດ, ຍິ່ງກວ່າໃຜໝົດຊາວຫວຽດນາມຍາມໃດກໍຮັບຮູ້ໄດ້ເຖິງ ຄວາມສະເໝີພາບລະຫວ່າງຍິງ-ຊາຍ ແມ່ນໜຶ່ງໃນບັນດາມາດຖານສຳຄັນເພື່ອຕີລາຄາການພັດທະນາຂອງປະເທດຊາດ. ຍ້ອນເຫດນີ້ເອງ, ນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນສະໜັບສະໜູນບັນດາຄວາມມານະພະຍາຍາມແນໃສ່ກໍ່ສ້າງສັງຄົມທີ່ສະເໝີພາບໃຫ້ທຸກໆຄົນ ”
ຫົວຂໍ້ຂອງ IPU 132 ແມ່ນ “ບັນດາຈຸດໝາຍພັດທະນາແບບຍືນຍົງ : ຫັນຄຳເວົ້າເປັນການກະທຳ”, ໃນນັ້ນຈຸດໝາຍ ຄວາມສະເໝີພາບລະຫວ່າງຍິງ-ຊາຍ ກໍເປັນຈຸດສຸມ. ເຂົ້າຮ່ວມ IPU 132, ກຸ່ມ ສະມາຊິກສະພາແຫ່ງຊາດຍິງຂອງຫວຽດນາມ ຈະສືບຕໍ່ສະຫງວນຄວາມເອົາໃຈໃສ່ເຖິງບັນດານະໂຍບາຍຮັດແຄບຄວາມແຕກໂຕນກັນລະຫວ່າງຍິງ-ຊາຍ, ມຸ່ງໄປສູ່ຄວາມສະເໝີພາບຢ່າງແທດຈິງ, ປະກອບສ່ວນຍົກສູງບົດບາດຂອງແມ່ຍິງຫວຽດນາມໃນວິວັດທະນາການພັດທະນາ ແລະ ເຊື່ອມໂຍງເຂົ້າກັບສາກົນ.