(vovworld) – ໂດຍປະຕິບັດໂຄງການສ້າງກົດໝາຍ, ລັດຖະບັນຍັດຂອງສະພາແຫ່ງຊາດປີ 2016, ອົງການກວດກາລັດຖະບານພວມຈັດຕັ້ງການຮັບເອົາຄຳເຫັນປະກອບຂອງບັນດາກະຊວງ, ຂະແໜງການທີ່ກ່ຽວຂ້ອງເພື່ອປັບປຸງບັນດາເນື້ອໃນພື້ນຖານຂອງຮ່າງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ). ເລື່ອງປັບປຸງ ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງຮອບດ້ານໃນຄັ້ງນີ້ຂອງພັກ, ລັດ ຫວຽດນາມ ໄດ້ສະແດງໃຫ້ເຫັນຄວາມຕັດສິນໃຈດ້ານການເມືອງສູງໃນການຕໍ່ສູ້ປ້ອງກັນ, ສະກັດກັ້ນ, ແກ້ໄຂການສໍ້ລາດບັງຫຼວງ, ສ້າງສະພາບແວດລ້ອມທີ່ປອດໄສເພື່ອພັດທະນາເສດຖະກິດ - ສັງຄົມ. ບົດຂຽນຂອງ ທູຮັ່ງ, ນັກຂ່າວ VOV, ທີ່ມີຫົວຂໍ້ວ່າ: “ສ້າງຮ່າງ ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ) ຕາມທິດຮອບດ້ານ.”
ໂດຍມີຜົນສັດສິດຢ່າງເປັນທາງການນັບແຕ່ວັນທີ 1/6/2006, ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ ໄດ້ສ້າງກົນໄກປ້ອງກັນ, ສະກັດກັ້ນ, ພົບເຫັນໄພສໍ້ລາດບັງຫຼວງຮອບດ້ານ ແລະ ເລິກເຊິ່ງກ້ວາງຂວາງ, ປະກອບສ່ວນກໍ່ສ້າງກົນໄກໃນການຄຸ້ມຄອງລັດ, ຄຸ້ມຄອງສັງຄົມ “ເວົ້າບໍ່ກັບການສໍ້ລາດບັງຫຼວງ”, “ບໍ່ສາມາດສໍ້ລາດບັງຫຼວງ”. ແຕ່ເຖິງຢ່າງໃດກໍ່ຕາມ, ພາຍຫຼັງ 10 ປີແຫ່ງການປະຕິບັດ, ມີບາງເນື້ອໃນຂອງກົດໝາຍບໍ່ເໝາະສົມກັບຄວາມຮຽກຮ້ອງຕ້ອງການຂອງວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ ໃນວິວັດການ ຫວຽດນາມ ພັດທະນາ ແລະ ເຊື່ອມໂຍງເຂົ້າກັບສາກົນອີກ. ດັ້ງນັ້ນ, ວຽກງານປັບປຸງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງຢ່າງຮອບດ້ານໄດ້ຮັບການກຳນົດວ່າແມ່ນແຜນນະໂຍບາຍໃຫຍ່ຂອງພັກ ແລະ ລັດ.
ກອງປະຊຸມຝຶກອົບຮົມຕີລາຄາວຽກງານປ້ອງກັນ, ຕ້ານການສໍ້ລາດບັງຫຼວງຢູ່ພາກໃຕ້
(ພາບ: ສຳນັກຂ່າວສານ ຫວຽດນາມ)
ປັບປຸງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງເພື່ອໃຫ້ເໝາະສົມກັບສະພາບການຂອງປະເທດຊາດໃນປະຈຸບັນ
ດ້ວຍຄວາມຕັດສິນໃຈເພີ່ມທະວີຍູ້ແຮງການຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ຫວຽດນາມ ໄດ້ຍູ້ແຮງ ແລະ ຕັດສິນໃຈເພີ່ມທະວີບັນດາມາດຕະການທີ່ມີປະສິດທິຜົນເພື່ອແນໃສ່ຍົກສູງປະສິດທິຜົນໃນການປ້ອງກັນ, ຕ້ານການສໍ້ລາດບັງຫຼວງ, ໄດ້ປະກາດໃຊ້ເອກະສານກົດໝາຍ, ບັນດານະໂຍບາຍຫຼາຍສະບັບເພື່ອແນໃສ່ສ້າງກອບກົດໝາຍໃຫ້ນັບມື້ນັບສົມບູນແບບກ່ວາປະກອບສ່ວນຢ່າງຕັ້ງໜ້າເຂົ້າໃນການປ້ອງກັນ, ຕ້ານການສໍ້ລາດບັງຫຼວງ. ໃນບາງຂົງເຂດ, ການສໍ້ລາດບັງຫຼວງໄດ້ຮັບການຄວບຄຸມເທື່ອລະກ້າວ. ເພື່ອສືບຕໍ່ຍົກສູງປະສິດທິຜົນວຽກງານຄຸ້ມຄອງຂອງລັດ, ຊ່ວຍປັບປຸງສະພາບແວດລ້ອມແຫ່ງການດຳເນີນທຸລະກິດ, ພັດທະນາເສດຖະກິດສັງຄົມ, ລັດຖະບານ ຫວຽດນາມ ພວມດຳເນີນການສ້າງເນື້ອໃນເພື່ອຍື່ນສະເໜີຕໍ່ສະພາແຫ່ງຊາດຮັບຮອງເອົາຮ່າງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ). ເນຶ້ືອໃນຈຸດສຸມໃນການປັບປຸງຄັ້ງນີ້ເພື່ອແນໃສ່ສືບຕໍ່ຍົກສູງຄຸນນະພາບການລະບອບກົດໝາຍໃນການປ້ອງກັນ, ຕ້ານການສໍ້ລາດບັງຫຼວງ, ພິເສດແມ່ນຕ້ອງເຮັດແນວໃດໃຫ້ກົດໝາຍກ້າວເຂົ້າສູ່ຊີວິດຕົວຈິງ, ຕອບສະໜອງຄວາມຮຽກຮ້ອງຕ້ອງການຕົວຈິງທີ່ໄດ້ວາງອອກ. ທ່ານ ດີງວັນມີງ, ຮອງຫົວໜ້າສະຖາບັນວິທະຍາສາດກວດກາ, ໃຫ້ຮູ້ວ່າ:
“ໃນກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ, ພວກເຮົາເຮັດສິ່ງທີ່ດີໄດ້ຈຳນວນໜຶ່ງ, ສິ່ງທີ່ບໍ່ດີຈຳນວນໜຶ່ງ. ຕົວຢ່າງຄື: ຕ້ອງມີອົງການທີ່ມີຄວາມແຂງແຮງຢ່າງພຽງພໍ ເພື່ອແກ້ໄຂບັນດາບັນຫາສໍ້ລາດບັງຫຼວງໃຫຍ່, ເສີມຂະຫຍາຍບົດບາດຂອງສັງຄົມ, ຂອງປະຊາຊົນ… ຈາກນັ້ນ, ພວກເຮົາຈະຕີລາຄາໄດ້ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງຢ່າງແທດຈິງທີ່ສຸດ. ຕ້ອງເປີດເຜີຍ, ໂປ່ງໃສ, ມີຄວາມສະເໝີພາບຢ່າງພາວະວິໄສເມື່ອຕີລາຄາປະສິດທິຜົນຂອງກົດໝາຍ. ບັນດາປະກົດການບໍ່ປອດໃສຕ້ອງສືບຕໍ່ດຳເນີນການຕໍ່ສູ້.”
ການປ້ອງກັນ, ຕ້ານການສໍ້ລາດບັງຫຼວງຢ່າງມີປະສິດທິຜົນແມ່ນບັນຫາຫຍຸ້ງຍາກ, ສັບສົນ, ແມ່ນໜ້າທີ່ທັງຮີບດ່ວນ, ທັງຍາວນານ, ຕ້ອງໄດ້ຮັບການປະຕິບັດຢ່າງເດັດຂາດ, ຢຶດໝັ້ນຕໍ່ເນື່ອງ, ຖືກຕ້ອງກັບກົດໝາຍດ້ວຍການເຂົ້າຮ່ວມຂອງທັງລະບົບການເມືອງ ແລະ ທົ່ວສັງຄົມ. ທ່ານ ດີງວັນມີງ, ຊີ້ແຈ້ງວ່າ:
“ກ່ອນນີ້, ລັດຖະບັນຍັດຂອງພວກເຮົາແມ່ນຕ້ານການສໍ້ລາດບັງຫຼວງ, ແຕ່ກົດໝາຍຂອງພວກເຮົາໃນປະຈຸບັນແມ່ນການປ້ອງກັນ, ຕ້ານການສໍ້ລາດບັງຫຼວງ ແມ່ນຄົບຖ້ວນຮອບດ້ານ, ພິເສດແມ່ນການປ້ອງກັນ, ສະກັດກັ້ນການສໍ້ລາດບັງຫຼວງ, ເໝາະສົມກັບນຳ້ໃຈຂອງສະຫະປະຊາຊາດປ້ອງກັນຕ້ານ, ປ້ອງກັນການສໍ້ລາດບັງຫຼວງ. ປະຈຸບັນ, ມີບັນດາບັນຫາຮີບດ່ວນ, ແຕ່ນັບທັງບັນດາມະຕິຂອງພັກ, ຍຸດທະສາດແຫ່ງຊາດກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ພວກເຮົາຍັງຄົງກຳນົດການປ້ອງກັນ, ສະກັດກັ້ນແມ່ນມາດຕະການພື້ນຖານ ແລະ ຍາວນານ.”
ເປີດກ້ວາງຂອບເຂດການປັບປຸງຂອງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງຕາມທິດຮອບດ້ານ
ໃນສະພາບການປະຈຸບັນ, ການປັບປຸງ ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງຢ່າງຮອບດ້ານ ໄດ້ຮັບຄວາມເອົາໃຈໃສ່, ຕິດຕາມຈາກຫາງສຽງທີ່ສຸດ. ໝາກຜົນແຫ່ງການສຳຫຼວດຂອງອົງການກວດກາລັດຖະບານໄລຍະມໍ່ໆມານີ້ສະແດງໃຫ້ເຫັນວ່າ ມີປະຊາຊົນກ່ວາ 87% ຖືວ່າຕ້ອງເພີ່ມເຕີມບັນດາຂໍ້ກຳນົດກ່ຽວກັບການແກ້ໄຂການລະເມີດກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ ເພື່ອແນໃສ່ຍົກສູງປະສິດທິຜົນໃນການປ້ອງກັນ, ຕ້ານ. ກົດໝາຍກໍ່ຕ້ອງການມີກົນໄກຮັບປະກັນການປະຕິບັດ, ຕິດຕາມກວດກາວິວັດການປະຕິບັດ. ມີຫຼາຍຄຳເຫັນຖືວ່າ: ກົດໝາຍນີ້ຕ້ອງໄດ້ຮັບການພິຈາລະນະ ແລະ ປັບປຸງ, ເອົາໃຈໃສ່ເຖິງບັນດາມາດຕະການປ້ອງກັນ, ຕ້ານໃນຫົວທີເພື່ອແນໃສ່ສ້າງພື້ນຖານດ້ານນິຕິກຳສຳຄັນເພື່ອໃຫ້ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງເສີມຂະຫຍາຍປະສິດທິຜົນໃນພືດຕິກຳຕົວຈິງ ກໍ່ຄືເໝາະສົມກັບສົນທິສັນຍາຂອງ ສປຊ ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ.
ບັນດາຜູ້ສ້າງກົດໝາຍ, ບັນດານັກຊ່ຽວຊານຖືວ່າ: ໜ່ຶງໃນບັນດາເນື້ອໃນຕ້ອງສືບຕໍ່ໄດ້ຮັບການປັບປຸງ, ສ້າງບັນດາມາດຕະການປ້ອງກັນ, ສະກັດກັ້ນການສໍ້ລາດບັງຫຼວງທີ່ໄດ້ຮັບການກຳນົດໃນກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງນັ້ນແມ່ນການປັບປຸງບັນດາຂໍ້ກຳນົດກ່ຽວກັບການແກ້ໄຂລົງໂທດຄວາມຮັບຜິດຊອບຂອງຫົວໜ້າອົງການ, ຫົວໜ່ວຍ. ທ່ານ ຫງວຽນຕ໋ວນແອງ, ຮອງຫົວໜ້າກົມກົດໝາຍອົງການກວດກາລັດຖະບານ, ໄດ້ຍົກຄຳເຫັນວ່າ:
“ໃນວິວັດການປັບປຸງຮອບດ້ານກົດໝາຍຜ່ານໝາກຜົນແຫ່ງການສຳຫຼວດ, ພາກແກ້ໄຂລົງໂທດຄວາມຮັບຜິດຊອບຂອງຜູ້ນຳແກ້ໄຂລົງໂທດດ້ານບໍລິຫານ ແລະ ບັນດາຮູບການແກ້ໄຂລົງໂທດອື່ນໆ ນອກກົດໝາຍອາຍາ ຈະຕ້ອງກຳນົດຢ່າງຈະແຈ້ງ. ກ່ອນນີ້, ການແກ້ໄຂບັນຫານີ້ພວກເຮົາລ້ວນແຕ່ອີງໃສ່ເອກະສານສະບັບອື່ນ. ດັ່ງນັ້ນ, ໃນພາກປ້ອງກັນ, ສະກັດກັ້ນຈະກຳນົດຄວາມຮັບຜິດຊອບຂອງຜູ້ນຳໜ້າໃນການປ້ອງກັນ, ຕ້ານການສໍ້ລາດບັງຫຼວງ. ພາກສ່ວນແກ້ໄຂລົງໂທດມີບັນດາຮູບການແກ້ໄຂເໝາະສົມ ເມ່ືອບໍ່ປະຕິບັດບັນດາມາດຕະການນັ້ນ. ມີທັງກໍລະນີເມື່ອເກີດການສໍ້ລາດບັງຫຼວງແມ່ນຕ້ອງແກ້ໄຂລົງໂທດຄວາມຮັບຜິດຊອບທີ່ຄ້າຍຄືກັນ.”
ສະພາບຕົວຈິງສະແດງໃຫ້ເຫັນວ່າ: ວຽກງານປ້ອງກັນ, ຕ້ານການສໍ້ລາດບັງຫຼວງແມ່ນໜ້າທີ່ທັງຮີບດ່ວນ, ທັງຍາວນານ, ຕ້ອງດຳເນີນບັນດາບາດກ້າວທີ່ໝັ້ນຄົງ. ພາລະກິດປ້ອງກັນ, ຕ້ານການສໍ້ລາດບັງຫຼວງຢ່າງມີປະສິດທິຜົນຫຼືບໍ່ແມ່ນຂຶ້ນກັບຫຼາຍປັດໄຈ ໃນນັ້ນການປັບປຸງກົດໝາຍແມ່ນປັດໄຈຈຸດສຸມ ແລະ ໃນຕໍ່ໜ້າ. ມີພຽງບັນດາຂໍ້ກຳນົດວິທະຍາສາດ, ແໜ້ນແຟ້ນ, ຄົບຖ້ວນ ແລະ ປະຕິບັດງ່າຍດາຍ ຈຶ່ງສາມາດສ້າງບັນດາກົນໄກ ແລະ ມາດຕະກາມີປະສິດທິຜົນເພື່ອແນໃສ່ປ້ອງກັນ, ສະກັດກັ້ນ ແລະ ຕໍ່ສູ້ ປ້ອງກັນ, ຕ້ານການສໍ້ລາດບັງຫຼວງຢ່າງມີປະສິດທິຜົນໄດ້.