ເຂົ້າຮ່ວມງານລ້ຽງຂຳ່ນັບຊົມເຊີຍເວທີປາໄສລະດູບານໃໝ່ 2017 ໂດຍສະພາທຸລະກິດອາຊີ ຈັດຂຶ້ນໃນຕອນຄ່ຳວັນທີ 23/02 ຢູ່ນະຄອນ ໂຮ່ຈີມິນ, ທ່ານຮອງນາຍົກລັດຖະມົນຕີ ຫວຽດນາມ ເວືອງດີງເຫວ້ ຢືນຢັນວ່າ: ລັດຖະບານ ຫວຽດນາມ ກຳນົດການເຊື່ອມໂຍງເສດຖະກິດເຂົ້າກັບສາກົນແມ່ນໜ້າທີ່ຈຸດສຸມ, ນະໂຍບາຍສະເໝີຕົ້ນສະເໝີປາຍ ຂອງ ຫວຽດນາມ, ຫວຽດນາມ ພວມມານະພະຍາຍາມ ຍົກສູງກຳລັງແກ່ງແຍ້ງຂອງພື້ນຖານເສດຖະກິດ, ຕັ້ງໜ້າຫັນປ່ຽນຮູບແບບພັດທະນາເສດຖະກິດ ໂດຍອີງໃສ່ການປະດິດຄິດສ້າງ, ສະມັດຕະພາບ, ຄຸນນະພາບ ແລະ ປະສິດທິຜົນ ເພື່ອພັດທະນາ.
ເອກອັກຄະລັດຖະທູດຫວຽດນາມປະຈຳເຢຍລະມັນດ່ວານຊວນຮຶງ |
ຫວຽດນາມເຊື່ອມໂຍງເຂົ້າກັບເສດຖະກິດສາກົນດ້ວຍຫຼາຍລະດັບຄືສັນຍາການຄ້າບຸລິມະສິດ, ສັນຍາການຄ້າເສລີ, ສະຫະພັນພາສີ, ຕະຫຼາດຮ່ວມ, ສັນຍາການຄ້າເສລີຮຸ່ນໃໝ່….ປະຈຸບັນຫວຽດນາມໄດ້ສ້າງ ສັນຍາການຄ້າເສລີ FTA ຫຼາຍສະບັບກັບ 56 ປະເທດ ແລະ ພື້ນຖານເສດຖະກິດໃນໂລກຄື WTO, AFTA, ອາຊຽນ-ອົດສະຕາລີ-ນິວຊີແລນ, ອາຊຽນ-ອີນເດຍ, ຫວຽດນາມ-ຍີປຸ່ນ, ຫວຽດນາມ-EU , ຫວຽດນາມ-ສະຫະພັນເສດຖະກິດອາຊີ-ເອີລົບ, ຫວຽດນາມ-ສ.ເກົາຫຼີ…ຫວຽດນາມກໍສຳເລັດການເຈລະຈາເພື່ອລົງນາມສັນຍາ TPP ແລະ ພວມຊຸກຍູ້ເພື່ອຮັບຮອງເອົາ ສັນຍາການຄ້າເສລີລະຫວ່າງ 10 ປະເທດອາຊຽນ ແລະ 6 ປະເທດຊຶ່ງອາຊຽນໄດ້ລົງນາມໃນ ສັນຍາການຄ້າເສລີ RCEP, ຫວຽດນາມ-ອິດສະຣາແອນ.
ວິວັດການເຊື່ອມໂຍງເຂົ້າກັບເສດຖະກິດສາກົນໄດ້ເປີດບັນຍາກາດພັດທະນາໃໝ່ໃຫ້ແກ່ພື້ນຖານເສດຖະກິດຫວຽດນາມ, ເປີດກ້ວາງການພົວພັນຮ່ວມມືຢ່າງກ້ວາງເລິກກັບບັນດາປະເທດໃນພາກພື້ນ ແລະ ໃນໂລກ. ອາດຈະເວົ້າວ່າ ການ ເຊື່ອມໂຍງເຂົ້າກັບເສດຖະກິດສາກົນໄດ້ສົ່ງຜົນກະທົບຢ່າງແຂງແຮງເຖິງການເຕີບໂຕ, ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ, ຍົກສູງຄວາມສາມາດຜະລິດ, ເປີດກ້ວາງຕະຫຼາດ, ຊຸກຍູ້ການສ້າງໂຄງປະກອບເສດຖະກິດຄືນໃໝ່, ພິເສດແມ່ນຫັນປ່ຽນໂຄງປະກອບການຜະລິດຕາມທິດຕັ້ງໜ້າ, ສອດຄ່ອງກັບແຜນນະໂຍບາຍຫັນເປັນອຸດສາຫະກຳຕາມທິດທັນສະໄໝ, ດຶງດູດທຶນ FDI ແລະ ເປີດກ້ວາງການຮ່ວມມືພັດທະນາ. ທ່ານເອກອັກຄະລັດຖະທູດ ຫວຽດນາມ ປະຈຳ ເຢຍລະມັນ ດ່ວານຊວນຮຶງ ຢືນຢັນວ່າ:
“ມີເພື່ອນ ເຢຍລະມັນ ຫລາຍຄົນໄດ້ແບ່ງປັນກັບຂ້າພະເຈົ້າວ່າ ເຂົາເຈົ້າເຫັນ ຫວຽດນາມ ແມ່ນປະເທດນຳໜ້າໃນການເປີດປະຕູຕະຫລາດຢ່າງແທ້ຈິງ. ນີ້ແມ່ນກາລະໂອກາດອັນໃຫຍ່ຫລວງ ເພື່ອໃຫ້ເຂົາເຈົ້າແຊກຊຶມເຂົ້າຕະຫລາດ ຫວຽດນາມ ແລະ ພວກເຮົາຕ້ອງຮັບເອົາໂອກາດນັ້ນ, ພ້ອມກັນນັ້ນ ກໍ່ເຊື່ອມຕໍ່ລະຫວ່າງ 2 ຝ່າຍ”.
ສ່ວນເອກອັກຄະລັດຖະທູດ ແດນມາກ ປະຈຳ ຫວຽດນາມ ທ່ານນາງ Laursen ໃຫ້ຂໍ້ສັງເຫດວ່າ:
“ຂ້າພະເຈົ້າເຫັນວ່າ ຫວຽດນາມ ພວມຍູ້ແຮງວິວັດການເຊື່ອມໂຍງສາກົນເທື່ອລະກ້າວ, ພິເສດໃນຂົງເຂດເສດຖະກິດໃນຊຸມປີມໍ່ໆມານີ້. ດ້ວຍບັນດາແຜນການຮ່ວມມືທີ່ມີຄວາມສາມາດບົ່ມຊ້ອນນັ້ນ, ຫວຽດນາມ ໄດ້ຮັບຜົນປະໂຫຍດຫລາຍຢ່າງ ຈາກສັນຍາເຫຼົ່ານີ້ ”.
ຍາດແຍ່ງກາລະໂອກາດພັດທະນາຍ້ອນການເຊື່ອມໂຍງເສດຖະກິດນຳມາໃຫ້
ຫວຽດນາມເປັນເຈົ້າການເຊື່ອມໂຍງເຂົ້າກັບເສດຖະກິດສາກົນເພື່ອ ຍາດແຍ່ງກາລະໂອກາດພັດທະນາຍ້ອນການເຊື່ອມໂຍງເສດຖະກິດນຳມາໃຫ້ ພ້ອມທັງຍູ້ແຮງການປະຕິຮູບຢູ່ພາຍໃນປະເທດ, ຍົກສູງຄຸນະພາບການເຕີບໂຕ ແລະ ກຳລັງແກ່ງແຍ້ງຂອງພື້ນຖານເສດຖະກິດແມ່ນແຜນນະໂຍບາຍສະເໝີຕົ້ນສະເໝີປາຍ ແລະ ທະລຸລົງ. ເນັ້ນໜັກເຖິງປັດໄຈມະນຸດທີ່ມີລັກສະນະຕັດສິນຕໍ່ການພັດທະນາຂອງປະເທດຊາດ, ທ່ານຮອງນາຍົກລັດຖະມົນຕີຫວຽດນາມ ເວືອງດິງເຫ້ວ ໄດ້ຢ້ຳຄືນເຖິງທັດສະນະເລືອກເອົາຜູ້ທີ່ມີຄວາມເກັ່ງກ້າສາມາດເພື່ອນູນຊ່ວຍແກ່ການເຄື່ອນໄຫວລົງທຶນ, ຜະລິດ, ດຳເນີນທຸລະກິດ… ເພື່ອປົວແປງສະພາບແວລ້ອມແຫ່ງການ ດຳເນີນທຸລະກິດ, ຍົກສູງກຳລັງແກ່ງແຍ້ງແຫ່ງຊາດ, ຍາດແຍ່ງກາລະໂອກາດພັດທະນາຍ້ອນການເຊື່ອມໂຍງເສດຖະກິດນຳມາໃຫ້, ຕົ້ນເດືອນ 2/2017, ລັດຖະບານຫວຽດນາມໄດ້ປະກາດໃຊ້ມະຕິ 19 ປີ 2017, ເຕື້ອງເຖິງບັນດາໜ້າທີ່, ວິທີການແກ້ໄຂຕົ້ນຕໍ່ຊຶ່ງຫວຽດນາມຈະປະຕິບັດ. ກ່ຽວກັບບັນຫານີ້, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ໃຫ້ຮູ້ວ່າ:
“ມະຕິຖືກສ້າງຕາມມາດຖານສາກົນ, ດ້ວຍບັນດາຕົວເລກ, ຄາດໝາຍ, ດັດຊະນີຖືກຍົກອອກມາໃນບົດລາຍງານກ່ຽວກັບສະພາບແວດລ້ອມແຫ່ງການດຳເນີນທຸລະກິດຂອງທະນາ ຄານ ໂລກ,ບົດລາຍງານຄວາມສາມາດແກ່ງແຍ້ງທົ່ວໂລກຂອງເວທີປາໄສເສດຖະກິດໂລກ (WEF) ອັນໄດ້ວາງອອກວິທີສັງເກດທີ່ສອດຄ່ອງກັບຄວາມຮຽກຮ້ອງຕ້ອງການ, ຄວາມມຸ່ງຫວັງຂອງປະຊາຄົມວິສາຫະກິດ. ນີ້ບໍ່ພຽງແຕ່ແມ່ນຮູບພາບ, ທີ່ຕັ້ງບົດບາດຂອງປະເທດຊາດເທົ່ານັ້ນ ຫາກຍັງແມ່ນທ່າແຮງໃນການດຶງດູດເງິນລົງທຶນ, ການແກ່ງແຍ້ງຂອງພື້ນຖານເສດຖະກິດ, ໃນການເຈລະຈາບັນດາຄຳໝັ້ນສັນຍາການຄ້າສາກົນ .”
ການເຊື່ອມໂຍງເຂົ້າກັບເສດຖະກິດສາກົນແມ່ນແຜນນະໂຍບາຍສະເໝີຕົ້ນສະເໝີປາຍ ແລະ ແມ່ນເນື້ອໃນຈຸດສຸມໃນນະໂຍບາຍການຕ່າງປະເທດ ແລະ ຮ່ວມມືເສດຖະກິດສາກົນຂອງຫວຽດນາມໃນວິວັດການປ່ຽນແປງໃໝ່ປະເທດຊາດ. ການຍາດແຍ່ງກາລະໂອກາດພັດທະນາຍ້ອນການເຊື່ອມໂຍງເສດຖະກິດນຳມາໃຫ້ ໄດ້, ພວມ ແລະ ຈະປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດ, ຍົກສູງທີ່ຕັ້ງບົດບາດຂອງຫວຽດນາມໃນເວທີສາກົນ