(vovworld) - ພ້ອມກັບຜູ້ແທນປະມານ 450 ຄົນເຊີ່ງແມ່ນບັນດາປະມຸດລັດ ນັກການເມືອງຂອງປະເທດຕ່າງໆ, ຜູ້ນຳບັນດາກຸ່ມບໍລິສັດເສດຖະກິດໃຫຍ່, ບັນດາອົງການສາກົນ, ອົງການສັງຄົມພາຍໃນ ແລະ ນອກພາກພື້ນ. ວັນທີ 21/5, ທ່ານນາຍົກລັດຖະມົນຕີ ຫງວຽນເຕີ໋ນຢູ້ງ ເຂົ້າຮ່ວມເວທີປາໄສເສດຖະກິດ ອາຊີຕາເວັນອອກ (WEF ອາຊີຕາວັນອອກ) 2014, ເຊີ່ງໄດ້ຈັດຕັ້ງຂຶ້ນຢູ່ຟີລິບປິນ. ນີ້ແມ່ນໜຶ່ງໃນບັນດາເວທີປາໄສທີ່ມີອິດທິພົນຊື່ສຽງເຊີ່ງຖືກຈັດຕັ້ງແຕ່ລະປີ, WEF ອາຊີຕາເວັນອອກແມ່ນໂອກາດເພື່ອໃຫ້ ຫວຽດນາມ ສືບຕໍ່ສົມທົບກັບບັນດາປະເທດໃນພາກພື້ນຊຸກຍູ້ບັນດາຂໍ້ລິເລີ່ມ, ຂອບເຂດການຮ່ວມມື, ແນໃສ່ຍົກສູງຄຸນນະພາບການເຄື່ອນໄຫວຂອງເວທີປາໄສເສດຖະກິດໂລກ, ກໍ່ຄືຊຸກຍູ້ສາຍພົວພັນລະຫວ່າງ ຫວຽດນາມ ແລະ ບັນດາສະມາຊິກ WEF.
ພິທີຕ້ອນຮັບທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງຢ່າງສົມກຽດ ເນື່ອງໃນໂອກາດທ່ານໄປຢ້ຽມຢາມຟິລິບປິນ ເຂົ້າຮ່ວມ WEF ອາຊີຕາເວັນອອກ 2014
(ພາບ:http://dangcongsan.vn)
|
ໃນສະພາບການເສດຖະກິດໂລກພວມຕ້ອງປະເຊີນໜ້າກັບສິ່ງທ້າທາຍບາງຢ່າງ, ພິເສດແມ່ນລະດັບການຟື້ນຟູເສດຖະກິດຍັງຂາດຄວາມໝັ້ນຄົງ ແລະ ດຸ່ນດ່ຽງ, ບັນດາພື້ນຖານເສດຖະກິດທີ່ຫາກໍ່ພົ້ນເດັ່ນ ແລະ ພວມພັດທະນາເຕີບໂຕຊັກຊ້າລົງຄືນໃໝ່ເມື່ອທຽບໃສ່ກັບໄລຍະກ່ອນວິກິດການ, ຄາດວ່າບັນລຸໄດ້ 4,9% ໃນປີ 2014 ແລະ 5,3% ໃນປີ 2015, ອາຊີຕາເວັນອອກ ພວມໄດ້ຮັບຖືວ່າເປັນພາກພື້ນນຳໜ້າການຟື້ນຟູເສດຖະກິດໂລກ. ດັ່ງນັ້ນ, ເວທີປາໄສເສດຖະກິດໂລກກ່ຽວກັບ ອາຊີຕາເວັນອອກ ປີນີ້ມີຫົວຂໍ້ວ່າ “ຊຸກຍູ້ການເຕີບໂຕເພື່ອຄວາມກ້າວໜ້າຢ່າງສະໝ່ຳສະເໝີ”, ສຸມໃສ່ປຶກສາຫາລືບັນດາຫົວເລື່ອງຫຼັກຄື: ເຕີບໂຕເພື່ອຄວາມກ້າວໜ້າຢ່າງສະໝ່ຳສະເໝີ, ມຸ່ງໄປເຖີງການພັດທະນາແບບຍືນຍົງ ແລະ ເຊື່ອມຈອດພາກພື້ນ.
ບົດບາດຂອງເສດຖະກິດອາຊີຕາເວັນອອກໃນພື້ນຖານເສດຖະກິດໂລກ.
ຕາມທ່ານດອກເຕີ ຫງວຽນດຶກແທ່ງ, ຜູ້ອຳນວຍການສູນຄົ້ນຄ້ວາ ເສດຖະກິດ ແລະ ນະໂຍບາຍ, ມະຫາວິທະຍາໄລແຫ່ງຊາດຮ່າໂນ້ຍ, ພາກພື້ນອາຊີຕາເວັນອອກສວມບົດບາດສຳຄັນທີ່ສຸດໃນພື້ນຖານເສດຖະກິດໂລກ, ມັນສະແດງໃຫ້ເຫັນຜ່ານລັກສະນະຂອບຂະໜາດ ແລະ ລັກສະນະຂະຫຍັນຂັນເຄື່ອນຂອງພາກພື້ນນີ້. ພິຈາລະນາກ່ຽວກັບຂອບຂະໜາດແລ້ວ, ຍອດປະລິມານຂອງເສດຖະກິດພາກພື້ນອາຊີຕາເວັນອອກກວມເອົາ 30% ປະລິມານເສດຖະກິດໂລກ, ໃນນັ້ນມີຫຼາຍພື້ນຖານເສດຖະກິດໃຫຍ່ກວ່າໝູ່ໃນໂລກປະຈຸບັນຄື: ຍີປຸ່ນ, ຈີນ, ສ.ເກົາຫຼີ. ນອກຈາກນັ້ນຍັງມີບັນດາພື້ນຖານເສດຖະກິດທີ່ຂະຫຍັນຂັ່ນເຄື່ອນອື່ນໆຄື : ໄຕ້ຫວັນ, ຮົງກົງ, ສິງກະໂປ. ສ່ວນພິຈາລະນາກ່ຽວກັບຂອບຂະໜາດການຄ້າແລ້ວ, ອາຊີຕາເວັນອອກກໍກວມເອົາປະມານ 30% ຍອດມູນຄ່າການຄ້າທົ່ວໂລກ. ທ່ານດອກເຕີ ຫງວຽນດຶກແທ່ງ, ຜູ້ອຳນວຍການ ສູນຄົ້ນຄ້ວາເສດຖະກິດ ແລະ ນະໂຍບາຍ, ມະຫາວິທະຍາໄລແຫ່ງຊາດຮ່າໂນ້ຍໃຫ້ຮູ້ວ່າ :
“ ເປັນທີ່ຈະແຈ້ງແລ້ວວ່າ ໃນໄລຍະຍາວນານ, ບໍ່ພຽງແຕ່ໃນໄລຍະເກີດວິກິດການເມື່ອມໍ່ໆມານີ້, ອາຊີຕາເວັນອອກລວມທັງອາຊີຕາເວັນອອກສ່ຽງເໜືອ ແລະ ອາຊີຕາເວັນອອກສ່ຽງໃຕ້ ລ້ວນແຕ່ແມ່ນບັນດາພາກພື້ນທີ່ມີລະດັບການເຕີບໂຕເສດຖະກິດຢ່າງໄວ ແລະ ຕໍ່ເນື່ອງໃນໄລຍະຍາວ. ແລະນີ້ກໍແມ່ນບັນດາພາກພື້ນທີ່ມີຄວາມສາມາດຟື້ນຟູໄວພາຍຫຼັງວິກິດການ ແລະ ການເຕີບໂຕກັບຕ່າວຄືນ. ດັ່ງນັ້ນ, ນີ້ແມ່ນຈຸດທີ່ສະຫວ່າງສະໄຫວຂອງເສດຖະກິດໂລກ ແລະ ພວມດຶງດູດແຫຼ່ງທຶນຫຼັ່ງໄຫຼເຂົ້າມາຢ່າງແຂງແຮງ ”
ແຕ່ໜຶ່ງໃນບັນດາສິ່ງທ້າທາຍຂອງອາຊີຕາເວັນອອກປະຈຸບັນ ແມ່ນບັນດາພື້ນຖານເສດຖະກິດອາໄສຫຼາຍທີ່ສຸດຕໍ່ການສົ່ງອອກ. ຄວາມຈິງແລ້ວ, ບັນດາຜົນກະທົບຈາກວິກິດການເສດຖະກິດທົ່ວໂລກ ແມ່ນເລີ່ມມາຈາກອາເມລິກາ, ເອີລົບຕາເວັນຕົກໃນຊຸມປີທີ່ຜ່ານມາ, ອັນໄດ້ສົ່ງຜົນສະທ້ອນບໍ່ໜ້ອຍເຖິງເສດຖະກິດບັນດາປະເທດໃນພາກພື້ນ. ດັ່ງນັ້ນ, ອາຊີຕາເວັນອອກ, ຍິ່ງກ່ວາເວລາໃດໝົດ ພວມຍູ້ແຮງການພິຈາລະນາຄືນກ່ຽວກັບຮູບແບບການພັດທະນາເສດຖະກິດຂອງຕົນ. ພ້ອມກັບການຮັບເອົາແຫຼ່ງເງິນລົງທຶນກ້ອນໃຫຍ່ຈາກບັນດາປະເທດໃນໂລກນັ້ນ, ບັນດາປະເທດອາຊີຕາເວັນອອກພວມມີບັນດາການກຳນົດທິດຈະແຈ້ງຄື ສ້າງໂຄງປະກອບຄືນໃໝ່ພາຍຫຼັງວິກິດການ, ເປີດກ້ວາງຕະຫຼາດພາຍໃນ, ຍົກສູງກຳລັງແກ່ງແຍງຂອງພື້ນຖານເສດຖະກິດ.
ສ້າງກາລະໂອກາດໃນວິວັດການເຊື່ອງໂຍງເຂົ້າກັບສາກົນ
ໃນສະພາວະເສດຖະກິດໂລກທີ່ພວມຄ່ອຍໆຟື້ນຕົວ, ບັນດານັກລົງທຶນຈະຊອກຫາບັນດາຕະຫຼາດເປັນປົກກະຕິ ແລະ ມີຄວາມສາມາດບົມຊ້ອນພັດທະນາເພື່ອເປີດກ້ວາງການລົງທຶນ, ອາຊີຕາເວັນອອກຍັງຄົງພວມພົ້ນເດັ່ນຂຶ້ນແມ່ນ ພາກພື້ນທີ່ມີຄວາມສາມາດບົມຊ້ອນຫຼາຍຢ່າງ, ດຶງດູດການລົງທຶນຢ່າງ ແຂງແຮງ.
ເພື່ອຍາດແຍ່ງກາລະໂອກາດນີ້, ຫວຽດນາມກໍພວມເຊື່ອມໂຍງເຂົ້າພາກພື້ນຢ່ງແຂງແຮງຄວາມມານະພະຍາຍາມພ້ອມກັບອາຊຽນເພື່ອກໍ່ສ້າງປະຊາຄົມເສດຖະກິດຮ່ວມໃຫ້ສຳເລັດຜົນໃນປີ 2015. ໂດຍຜ່ານບັນດາກົນໄກຮ່ວມມືຂອງອາຊຽນກໍຄື WEF ອາຊີຕາເວັນອອກ ຫວຽດນາມຕັ້ງໜ້າໂຄສະນາພາບພົດກ່ຽວກັບປະເທດໜຶ່ງພວມເຊື່ອມໂຍງຢ່າງຮອບດ້ານ ແລະ ພັດທະນາຢ່າງຂະຫຍັນຂັນເຄື່ອນ, ສ້າງເງື່ອນໄຂສະດວກໃຫ້ແກ່ປະຊາຄົມວິສາກະກິດຫວຽດນາມເປີດກ້ວາງກາລະໂອກາດໄດ້ແລກປ່ຽນຄ້າຂາຍ. ພ້ອມກັນນັ້ນ, ຫວຽດນາມກໍພວມຄ່ອຍໆສ້າງຕັ້ງບັນດາວິສາຫະກິດທີ່ມີກຳລັງແຮງ ແລະ ກຳລັງແກ່ງແຍ້ງຢ່າງພຽງພໍໃນວິວັດການເຊື່ອມໂຍງເຂົ້າກັບສາກົນ. ປະຈຸບັນ, ຫວຽດນາມມີ 13 ກຸ່ມບໍລິສັດ, ບໍລິສັດໃຫຍ່ແມ່ນສະມາຊິກຂອງ WEF, ໃນນັ້ນມີ ກຸ່ມບໍລິສັດນ້ຳມັນອາຍແກັສຫວຽດນາມ, ກຸ່ມບໍລິສັດ FPT, ກຸ່ມບໍລິສັດ VinGroup ແລະ VinaCapital... ທ່ານດອກເຕີ ຫງວຽນດຶກແທ່ງ ຖືວ່າ :
“ ຫວຽດນາມມີທີ່ຕັ້ງສະດວກໃນການເຊື່ອມຈອດອາຊຽນ ແລະ ອາຊີຕາເວັນອອກສ່ຽງເໜືອ. ເມື່ອເຊື່ອມໂຍງເຂົ້າກັບສາກົນ, ຮົ້ວກີດຂວາງດ້ານການຄ້າ ແລະ ການລົງທຶນ, ການຕິດຕໍ່ພົວພັນແລກປ່ຽນຂອງມະນຸດກໍຫຼຸດລົງ, ອະນຸຍາດໃຫ້ເຊື່ອມຈອດບັນດາແຫ່ງທີ່ຢູ່ໄກກັນໄດ້ຢ່າງງາຍດາຍ. ການຜະລິດ, ການສົ່ງອອກຂອງວິສາຫະກິດຄວມຕ້ອງການມີລັກສະນະລົງເລິກຕ່າງຫາກ. ຖ້າຫາກເຮົາໄປສູ່ບັນດາຂະແໜງເກົ່າ, ແລ້ວກໍສ້າງເຄືອຂ່າຍຜະລິດ ກໍເປັນການຍາກທີ່ຫວຽດນາມຕ້ອງການມີບັນດາຜະລິດຕະພັນທີ່ເປັນທ່າໄດ້ປຽບຂອງຕົນ”
ຕັ້ງໜ້າປະກອບສ່ວນເຂົ້າໃນຜົນສຳເລັດຂອງເວທີປາໄສເສດຖະກິດອາຊີ ຕາເວັນອອກ
ຊຸມປີມໍ່ມານີ້, ຫວຽດນາມຕັ້ງໜ້າເຂົ້າຮ່ວມ WEF ອາຊີຕາເວັນອອກ, ຖືນີ້ແມ່ນກົນໄກຮ່ວມມືສຳຄັນໃນວິວັດການປະຕິບັດແຜນນະໂຍບາຍເຊື່ອມໂຍງເຂົ້າກັບສາກົນ. ປີ 2010, ໄດ້ຈັດຕັ້ງ WEF ອາຊີຕາເວັນອອກຢູ່ນະຄອນໂຮ່ຈິມິນຢ່າງສຳເລັດຜົນ. ປີ 2012-2013 ນາຍົກລັດຖະມົນຕີຫວຽດນາມ ຫງວຽນເຕີ້ນຢຸງເຂົ້າຮ່ວມ WEF ອາຊີຕາເວັນອອກຢູ່ໄທ ແລະ ມຽນມາ. ທີ່ບັນດາເວທີ່ປາໄສນີ້, ຫວຽດນາມຍາມໃດກໍຢືນຢັນຄວາມຕັ້ງຕັ້ງໜ້າຮ່ວມມືຢ່າງແໜ້ນແຟ້ນ ແລະ ຊຸກຍູ້ຂໍ້ລິເລີ່ມປ່ຽນໃໝ່ເສດຖະກິດ, ເຊື່ອມໂຍງ ແລະ ຮ່ວມສຳພັນ, ຮັບມືກັບສິ່ງທ້າທາຍຕໍ່ການພັດທະນາ. ຕາມການກຳນົດທິດດັ່ງກ່າວ, ການເຂົ້າຮ່ວມ WEF ອາຊີຕາເວັນອອກ 2014 ຢູ່ຟີລິບປີນ ຂອງທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງຄັ້ງນີ້ ອີກເທື່ອໜຶ່ງເປັນການຢັ້ງຢືນແຜນນະໂຍບາຍເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຂອງຫວຽດນາມ, ຍົກສູງທີ່ຕັ້ງບົດບາດ ແລະ ພາບພົດຂອງຫວຽດນາມໃນພາກພື້ນ.