ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ
ຟ້າມບີງມິງ ນຳຫນ້າຄະນະຜູ້ແທນຫວຽດນາມເຂົ້າຮ່ວມ
ກອງປະຊຸມ
ພາບ:TTXVN
|
(vovworld)- ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 49 (AMM -49) ແລະ ບັນດາກອງປະຊຸມປີ່ນອ້ອມໄດ້ອັດລົງໃນວັນທີ 26/7 ຢູ່ ວຽງຈັນ ປະເທດລາວ. ບັນດາຜົນງານບັນລຸໄດ້ຈາກບັນດາກອງປະຊຸມຄັ້ງນີ້ ມີຄວາມໝາຍສຳຄັນ, ຢັ້ງຢືນວ່າ ບັນດາປະເທດ ອາຊຽນ ໄດ້ເຫັນດີເປັນເອກະພາບບັນດາມາດຕະການລະອຽດ ເພື່ອຜັນຂະຫຍາຍການປະຕິບັດການພົວພັນຂອງປະຊາຄົມ, ຊ່ວຍໃຫ້ ອາຊຽນ ໄດ້ຮັບການສະຫນັບສະຫນູນນັບທັງດ້ານການເມືອງ ແລະເສດຖະກິດຈາກ ບັນດາປະເທດຄູ່ຮ່ວມມື. ໃນຜົນສຳເລັດນັ້ນ, ມີການປະກອບສ່ວນຢ່າງຕັ້ງຫນ້າຂອງຄະນະຜູ້ແທນຫວຽດນາມ.
ໃນຂອບເຂດ AMM 49 ແລະ ບັນດາກອງປະຊຸມ ປິ່ນອ້ອມ ມີປະມານ 16 ກອງປະຊຸມຂັ້ນລັດຖະມົນຕີ, ຄື ກອງປະຊຸມລັດຖະມົນຕີ ອາຊຽນ, ກອງປະຊຸມລັດຖະມົນຕີ ອາຊຽນ +1 ກັບ 10 ປະເທດຄູ່ຮ່ວມມື, ຄູ່ເຈລະຈາ ແລະ ບັນດາຄູ່ຮ່ວມມືອື່ນໃນຂອບເຂດກອງປະຊຸມຂັ້ນສູງ ອາຊີຕາເວັນອອກ (EAS), ເວທີປາໄສ ພາກພື້ນ ອາຊຽນ (ARF). ມີຫລາຍຫົວເລື່ອງໄດ້ຍົກອອກມາປຶກສາຫາລື, ໃນນັ້ນ ພົ້ນເດັ່ນ ແມ່ນຕີລາຄາກ່ຽວກັບໝາກຜົນແຫ່ງການປະຕິບັດບັນດາແຜນການ ແລະ ວາງອອກແຜນການໃນໄລຍະຈະມາເຖິງ; ແລກປ່ຽນເພື່ອພ້ອມກັນສ້າງບັນດາຂອບເຂດຮ່ວມມືກັບບັນດາຄູ່ຮ່ວມມືພາຍນອກຂອງ ອາຊຽນ; ຕີລາຄາ ແລະ ຮັບຮອງເອົາບັນດາເອກະສານ, ໃນນັ້ນ ມີຖະແຫລງການຮ່ວມສະແດງໃຫ້ເຫັນທັດສະນະຂອງ ອາຊຽນຕໍ່ບັນດາບັນຫາສາກົນ, ພາກພື້ນ ຢ່າງຈະແຈ້ງ.
ບັນດາໝາກຜົນພົ້ນເດັ່ນ
ບັນດາປະເທດ ອາຊຽນ ພ້ອມກັນຕີລາຄາໝາກຜົນການປະຕິບັດບັນດາແຜນການວາງອອກເມື່ອ ອາຊຽນ ກາຍເປັນປະຊາຄົມໃນທ້າຍປີ 2015. ເຖິງວ່າ ພຽງກວ່າເຄິ່ງປີ ນັບແຕ່ເມື່ອສ້າງຕັ້ງປະຊາຄົມອາຊຽນ ຢ່າງເປັນທາງການ ອາຊຽນບັນລຸໄດ້ຄວາມຄືບຫນ້າທີ່ໄດ້ວາງອອກ. ໃນຂົງເຂດເສດຖະກິດ, ອາຊຽນ ພວມປຶກສາຫາລືເພື່ອມີການເຈລະຈາໃຫມ່ກ່ຽວຂ້ອງເຖິງປະຊາຄົມເສດຖະກິດ. ໝາກຜົນບັນລຸໄດ້ໃນບັນດາຄາດໝາຍທີ່ວາງອອກ ແມ່ນດີພໍສົມຄວນ. ບັນດາປະເທດ ກໍເຫັນດີກ່ຽວກັບທຸກແຜນການຜັນຂະຫຍາຍໃນໄລຍະຈະມາເຖິງ ເພື່ອເພີ່ມທະວີປະສິດທິຜົນ ແລະ ບົດບາດຂອງ ປະຊາຄົມ ອາຊຽນ.
ສິ່ງທີ່ເປັນຫນ້າສົນໃຈທີ2 ນັ້ນແມ່ນເພີ່ມທະວີສາຍພົວພັນກັບບັນດາຄູ່ຮ່ວມມື. ຜ່ານກອງປະຊຸມຄັ້ງນີ້, ປະຊາຄົມສາກົນສືບຕໍ່ປາດຖະຫນາຢາກເປີດກວ້າງການພົວພັນກັບ ອາຊຽນ ພ້ອມກັນນັ້ນ ບັນດາປະເທດກໍມີບັນດາຄຳໝັ້ນສັນຍາ ກ່ຽວກັບໂຄງການຮ່ວມມືກັບ ອາຊຽນ ບົນພື້ນຖານຕ່າງຝ່າຍຕ່າງມີຜົນປະໂຫຍດ. ຕົວຢ່າງຄື: ໃນຂອບເຂດ ອາຊຽນ +3 (ອາຊຽນ ກັບຍີ່ປຸ່ນ, ສເກົາຫລີ, ຈີນ), ບັນດາປະເທດເຫັນດີຍົກສູງປະສິດທິຜົນ ແລະ ເປີດກວ້າງຂອບເຂດຂອງກອງທຶນສະສົມສະບຽງອາຫານເພື່ອຮັບມືກັບໄພທຳມະຊາດ ຫລື ການຫນູນຊ່ວຍກັນກ່ຽວກັບກຳລັງຄວາມສາມາດໃນການຜະລິດ. ທີສາມ ບັນດາປະເທດໄດ້ພ້ອມກັນແລກປ່ຽນ, ຕີລາຄາກ່ຽວກັບສະພາບການສາກົນ ແລະ ພາກພື້ນ. ຜ່ານນັ້ນ ຊ່ວຍແບ່ງປັນບັນດາທັດສະນະກ່ຽວກັບບັນດາບັນຫາທີ່ໄດ້ວາງອອກສຳລັບບັນດາປະເທດ ອາຊຽນ ກໍຄືກັບບັນດາຄູ່ຮ່ວມມືຂອງ ອາຊຽນ.
ຜົນສຳເລັດຫນຶ່ງອີກຂອງ AMM 49 ນັ້ນແມ່ນ ອາຊຽນ ໄດ້ອອກຖະແຫລງການຮ່ວມ ຢັ້ງຢືນຫລັກໝັ້ນຂອງ ອາຊຽນ ກ່ຽວກັບບັນດາບັນຫາໃຫຍ່ ເພື່ອພ້ອມກັນຮ່ວມມືພັດທະນາ. ທ່ານຮອງລັດຖະມົນຕີການຕ່າງປະເທດ ຫວຽດນາມ ເລຮວ່າຍຈູງ ເນັ້ນຫນັກວ່າ:
“ເລື່ອງ ອາຊຽນ ອອກຖະແຫລງການຮ່ວມຢັ້ງຢືນຫລັກໝັ້ນສຳຄັນທີ່ສຸດຂອງ ອາຊຽນ ໃນບັນດາບັນຫາໃຫຍ່, ບັນຫາສຳຄັນ, ໃນນັ້ນ ມີບັນຫາທະເລຕາເວັນອອກ ເປັນການສະແດງໃຫ້ເຫັນວ່າ ບັນດາປະເທດສະມາຊິກອາຊຽນ ເຫັນໄດ້ວ່າ ມີ ຜົນປະໂຫຍດຮ່ວມຫລາຍຢ່າງໃນການຮ່ວມມືຂອງ ອາຊຽນ. ນອກຈາກ ອອກຖະແຫລງການຮ່ວມ ແລະ ບັນດາເອກະສານອື່ນທີ່ແຕກຕ່າງກັນ ບັນຫາສຳຄັນ ນັ້ນແມ່ນ ຜ່ານວິວັດການພ້ອມກັນເຮັດວຽກ ເພື່ອບັນລຸໄດ້ສິ່ງນັ້ນ ບັນດາປະເທດ ອາຊຽນ ຍິ່ງເຫັນແຈ້ງກວ່າ ນັ້ນແມ່ນຕ້ອງເຮັດແນວໃດເພື່ອພ້ອມກັນເພີ່ມທະວີບົດບາດໃຈກາງ, ເພີ່ມທະວີຄວາມສາມັກຄີ, ບໍ່ພຽງແຕ່ສະເພາະທີ່ກອງປະຊຸມຄັ້ງນີ້ເທົ່ານັ້ນ ຫາກຢູ່ບັນດາກອງປະຊຸມອື່ນໃນໄລຍະຈະມາເຖິງອີກດ້ວຍ.”
ການປະກອບສ່ວນຢ່າງຕັ້ງຫນ້າຂອງ ອາຊຽນ
ຄະນະຜູ້ແທນຫວຽດນາມ ໂດຍທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມີງ ນຳຫນ້າຄະນະຜູ້ແທນເຂົ້າຮ່ວມກອງປະຊຸມ, ເພື່ອປະຕິບັດແນວທາງການຕ່າງປະເທດ ພາຍຫລັງກອງປະຊຸມໃຫຍ່ຄັ້ງທີ 12 ຂອງພັກກອມມູນິດຫວຽດນາມ ພ້ອມທັງຜັນຂະຫຍາຍແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫລາຍຮູບຫລາຍແບບຫລາຍຝ່າຍ. ສຳລັບ ອາຊຽນ, ຫວຽດນາມ ປາດຖະຫນາຢາກປະກອບສ່ວນເພື່ອກໍ່ສ້າງປະຊາຄົມ ອາຊຽນ. ທ່ານຮອງລັດຖະມົນຕີ ເລຮ່ວາຍຈູງ ໃຫ້ຮູ້ວ່າ:
“ຢູ່ເວທີປາໄສທັງໝົດຂອງກອງປະຊຸມ, ຫວຽດນາມ ລ້ວນແຕ່ມີບັນດາບົດປະກອບຄຳເຫັນ, ໃນນັ້ນ ຍົກອອກທັດສະນະຂອງຫວຽດນາມ ກ່ຽວກັບສະພາບການສາກົນ ແລະ ພາກພື້ນ ພ້ອມທັງຍົກອອກບັນດາຂໍ້ສະເຫນີແນະກ່ຽວກັບການຮ່ວມມືສອງຝ່າຍ ເພື່ອພ້ອມກັນຮັບມື ພິເສດ ແມ່ນບັນດາມາດຕະການເພື່ອເຮັດແນວໃດເສີມຂະຫຍາຍບົດບາດຂອງ ອາຊຽນໄດ້. ທີສອງ ນັ້ນແມ່ນ ຫວຽດນາມ ກໍປະກອບສ່ວນເຂົ້າໃນການສ້າງບັນດາຄຳຕັດສິນ, ຖະແຫລງການ ເພື່ອຍົກສູງປະສິດທິຜົນການເຄື່ອນໄຫວຂອງບັນດາກົນໄກຂອງ ອາຊຽນ ຫລື ເພື່ອແນໃສ່ປະຕິບັດບັນດາແຜນການຂອງ ອາຊຽນໃຫ້ດີກວ່າ ແລະ ມີປະສິດທິຜົນກວ່າ. ນີ້ກໍແມ່ນໂອກາດເພື່ອໃຫ້ຫວຽດນາມ ຍົກອອກທັດສະນະກ່ຽວກັບບັນດາບັນຫາ ຊື່ງພວກເຮົາມີຄວາມສົນໃຈ, ໃນນັ້ນ ມີບັນດາບັນຫາກ່ຽວກັບການພັດທະນາ, ບັນຫາກ່ຽວກັບການຮັກສາສັນຕິພາບ, ຄວາມໝັ້ນຄົງ. ບັນດາການປະກອບສ່ວນຂອງຫວຽດນາມ ແມ່ນປະກອບສ່ວນເຂົ້າໃນບັນດາກອງປະຊຸມດ້ວຍຫລາຍຮູບການແຕກຕ່າງກັນ.”
ອາຊຽນ ເຂັ້ມແຂງ ຈະມີຜົນປະໂຫຍດໃຫ້ແກ່ສັນຕິພາບ, ການຮ່ວມມືຂອງພາກພື້ນ ແລະ ໃນໂລກ. ການປະກອບສ່ວນຢ່າງຕັ້ງຫນ້າຂອງຫວຽດນາມ ເຂົ້າໃນຜົນສຳເລັດຂອງ ກອງປະຊຸມ AMM 49 ແລະ ບັນດາກອງປະຊຸມ ປິ່ນອ້ອມ ໄດ້ປະກອບສ່ວນສຳຄັນເຂົ້າໃນການສ້າງ ອາຊຽນ ເຂັ້ມແຂງ ແລະ ປະສິດທິຜົນ, ປະກອບສ່ວນປັບປຸງການພົວພັນລະຫວ່າງ ອາຊຽນ ກັບບັນດາຄູ່ຮ່ວມມື.