ການຄ້າມະນຸດແມ່ນໂທດກຳທີ່ຮ້າຍແຮງ ແລະ ລະເມີດສິດທິມະນຸດຫວຽດນາມ ຊຶ່ງໄດ້ ແລະ ພວມພ້ອມກັບປະຊາຄົມໂລກຊຸກຍູ້ການຕໍ່ສູ້ເພື່ອປ້ອງກັນ ແລະ ຕ້ານສະພາບການຄ້າມະນຸດ, ແນໃສ່ຍົກສູງ ສິດທິມະນຸດເວົ້າລວມ .
ແມ່ຍິງ ແລະ ເດັກຍິງຢູ່ເຂດຫ່າງໄກສອກຫຼີກ ອາດຈະຕົກເປັນເຍື່ອຂອງການຄ້າມະນຸດ |
ໃນຂອບເຂດກອງປະຊຸມຄັ້ງທີ 33 ສະພາ ສິດທິມະນຸດແຫ່ງສະຫະປະຊາຊາດຊຶ່ງພວມດຳເນີນຢູ່ເຊີແນວປະເທດສະວິດ, ຫວຽດນາມໄດ້ສົມທົບກັບ 7 ປະເທດທີ່ມາຈາກ 4 ທະວີບຊຶ່ງລວມມີ ຟີລິບປີນ, ອິນໂດເນເຊຍ, ຈີນ, ອາເມລິກາ, ກົດສຕາ ຣີກາ, ອົດສະຕາລີ, ເຢຍລະມັນ ແລະ ອົງການອົບພະຍົບສາກົນ ຈັດຕັ້ງການໂອ້ລົມສົນທະນາສາກົນວ່າດ້ວຍຫົວຂໍ້ : “ ສຶກສາອົບຮົມແມ່ຍິງ ແລະ ເດັກຍິງແນໃສ່ປ້ອງກັນ ແລະ ຕ້ານສະພາບການຄ້າມະນຸດ ”. ນີ້ແມ່ນໜຶ່ງໃນບັນດາການເຄື່ອນໄຫວທີ່ແທດຈິງຂອງຫວຽດນາມແນໃສ່ຕອບສະໜອງການສະຫຼຸບ 10 ປີແຫ່ງການປະຕິບັດມະຕິຂອງສະຫະປະຊາຊາດກ່ຽວກັບການສຶກສາອົບຮົມສິດທິມະນຸດ.
ຂໍ້ລິເລີ່ມຂອງຫວຽດນາມ
ໃນຄວາມຈິງທີ່ ແມ່ຍິງ ແລະ ເດັກຍິງແມ່ນເປົ້າໝາຍຮັບເຄາະຮ້າຍຈາກການຄ້າມະນຸດ, ທ່ານ ເຢືອງຈີ້ຢຸງ ຜູ້ຊ່ວຍວຽກລັດຖະມົນຕີການຕ່າງປະເທດຫວຽດນາມຢືນຢັນທີ່ການໂອ້ລົມສົນທະນານີ້ວ່າ ການສຶກສາອົບຮົມ ກໍແມ່ນຂໍ້ກຸນແຈເພາະຜ່ານນັ້ນ, ແມ່ຍິງ ແລະ ເດັກຍິງໄດ້ຮັບການແນະນຳບັນດາມາດຕະການ ແລະ ເຄື່ອງມືແນໃສ່ປົກປ້ອງຕົວເອງ, ໃນນັ້ນມີການໄດ້ຮັບການກໍ່ສ້າງດ້ານທັກສະທີ່ຈຳເປັນເພື່ອອາດສາມາດເພິ່ງຕົນເອງ,ກຸ້ມຕົນເອງດ້ານການເງິນໄດ້. ທ່ານ ເຢືອງຈີ້ຢຸງແບ່ງປັນກັບເພື່ອນມິດສາກົນກ່ຽວກັບຄວາມມານະພະຍາຍາມຂອງຫວຽດນາມໃນວຽກງານປ້ອງກັນ ແລະ ຕ້ານສະພາບການຄ້າມະນຸດຄື ເຂົ້າຮ່ວມບັນດາສົນທິສັນຍາສາກົນ, ບັນດາຂໍ້ລິເລີ່ມໃນພາກພື້ນ, ອະນຸພາກພື້ນ ແລະ ການພົວພັນ 2 ຝ່າຍຄື ສົນທິສັນຍາສາກົນກ່ຽວກັບການປ້ອງກັນ ແລະ ຕ້ານອາດຊະຍາກຳທີີ່ມີການຈັດຕັ້ງຂ້າມຊາດ, ຖະແຫຼງການອາຊຽນກ່ຽວກັບຕ້ານສະພາບການຄ້າມະນຸດ, ພິເສດແມ່ນ ແມ່ຍິງ ແລະ ເດັກຍິງ. ວິວັດທະນາການ ບາລີ, ຂໍ້ລິເລີ່ມສົມທົບຂັ້ນລັດຖະມົນຕີກ່ຽວກັບການປ້ອງກັນ ແລະ ຕ້ານສະພາບການຄ້າມະນຸດໃນອະນຸພາກພື້ນແມ່ນ້ຳຂອງ….ປະກາດໃຊ້ບັນດາກົດໝາຍ ແລະ ໂຄງການດຳເນີນງານແຫ່ງຊາດກ່ຽວກັບການຕ້ານສະພາບການຄ້າມະນຸດ. ພິເສດ, ທ່ານ ເຢືອງຈີ້ຢຸງໄດ້ເນັ້ນໜັກເຖິງລັກສະນະປະສິດທິຜົນຂອງບັນດາຮູບແບບຕາມຂໍ້ລິເລີ່ມຂອງສະຫະພັນແມ່ຍິງຫວຽດນາມຄືດັ່ງຊາຍຄາແຫ່ງຄວາມອົບອຸ່ນ, ລະບົບໂທລະສັບສາຍດ່ວນກ່ຽວກັບການປ້ອງກັນ ແລະ ຕ້ານສະພາບການຄ້າມະນຸດໃນການກອບກູ້ເອົາຊີວິດ ແລະ ສະໜອງບ່ອນຫຼົບລີ້ທີ່ປອດໄພໃຫ້ແກ້ບັນດາຜູ້ຮັບເຄາະຮ້າຍ, ຫນູນຊ່ວຍຟື້ນຟູດ້ານຈິດຕະ ແລະ ສຸຂະພາບຮ່າງກາຍກໍຄືດ້ານທັກສະ ເພື່ອອາດຈະເຊື່ອມຕົວເຂົ້າກັບການດຳລົງຊີວິດໂດຍໄວ.
ແລະ ກໍໃນຂອບເຂດກອງປະຊຸມຄັ້ງທີ 33 ສະພາ ສິດທິມະນຸດແຫ່ງສະຫະປະຊາຊາດ, ທ່ານເອກອັກຄະລັດຖະທູດຫວຽດນາມ ຫງວຽນຈຸງແທ່ງ, ຫົວໜ້າຄະນະຜູ້ຕາງໜ້າຫວຽດນາມປະຈຳສະຫະປະຊາຊາດ, ອົງການການຄ້າໂລກ ແລະ ບັນດາອົງການອື່ນໆຢູ່ເຊີແນວ, ໄດ້ກ່າວປາໄສຢູ່ທີ່ວາລະປຶກສາຫາລືລະດັບສູງສະເຫຼີມສະຫຼອງ 5 ປີແຫ່ງວັນຮັບຮອງເອົາຖະແຫຼງການສະຫະປະຊາຊາດກ່ຽວກັບການສຶກສາອົບຮົມ ແລະບຳລຸງສ້າງດ້ານສິດທິມະນຸດ ກໍໄດ້ຢືນຢັນວາ່ ຫວຽດນາມຮັບຮູ້ໄດ້ເຖິງຄວາມສຳຄັນຂອງການສຶກສາ, ພິເສດແມ່ນການສຶກສາອົບຮົມສິດທິມະນຸດ. ຫວຽດນາມໄດ້ນຳ ການສຶກສາອົບຮົມສິດທິມະນຸດສອດເຂົ້າຫຼັກສູດການຮຽນກໍຄືບັນດາຊອງສື່ສານ ແລະ ການເຄື່ອນໄຫວວົງຄະນະຍາດ. ກ່ອນໜ້ານັ້ນ, ຫວຽດນາມກໍໄດ້ຮຽນຮຽງມະຕິກ່ຽວກັບ “ ການປ່ຽນແປງຂອງດິນຟ້າອາກາດ ແລະ ສິດທິເດັກ” ຊຶ່ງໄດ້ຮັບການຮັບຮອງເອົາທີ່ວາລະປະຊຸມຂອງສະພາ ສິດທິມະນຸດແຫ່ງສະຫະປະຊາຊາດເມື່ອເດືອນ 6/2016.
ຄວາມມານະພະຍາຍາມຕໍ່ສູ້ເພື່ອປ້ອງກັນ ແລະ ຕ້ານອາດຊະຍາກຳຄ້າມະນຸດ
ວຽກງານຕໍ່ສູ້ເພື່ອປ້ອງກັນ ແລະ ຕ້ານອາດຊະຍາກຳຄ້າມະນຸດແມ່ນໜຶ່ງໃນບັນດາໜ້າທີ່ທີ່ສຳຄັນໃນວຽກງານຕໍ່ສູ້, ປ້ອງກັນ ແລະ ຕ້ານອາດຊະຍາກຳຢູ່ຫວຽດນາມໃນໄລຍະທີ່ຜ່ານມາ. ຫວຽດນາມໄດ້ສ້າງຕັ້ງອົງການປະຈຳໂຄງການເຄື່ອນໄຫວປ້ອງກັນ ແລະ ອາດຊະຍາກຳຄ້າມະນຸດ, ເປັນເຈົ້າການສະກັດກັ້ນການເຄື່ອນໄຫວຊື້ຂາຍ ແມ່ຍິງ ແລະ ເດັກຍິງ, ຜົນຂະຫຍາຍບັນດາບັ້ນເຄື່ອນໄຫວຈຸດສູງເພື່ອປາບປາມອາຊະຍາກຳຄ້າມະນຸດ. ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມ ກໍໄດ້ເພີ່ມທະວີການຮ່ວມມືສາກົນກັບບັນດາອົງການປະຕິບັດກົດໝາຍ, ກຳລັງຕຳຫຼວດປະເທດຕ່າງໆ ໃນນັ້ນເລັ່ງໃສ່ຊອງຮ່ວມມື ອິນເຕີປົນ, ອາຊຽນປົນ, ໃນວຽກງານວຽກງານປ້ອງກັນ ແລະ ຕ້ານອາດຊະຍາກຳຄ້າມະນຸດ. ບັນດາທ້ອງຖິ່ນໄດ້ປະຕິບັດໂຄງການເຄື່ອນໄຫວປ້ອງກັນ ແລະ ຕ້ານອາດຊະຍາກຳຄ້າມະນຸດໄລຍະ 2011-2015 ຂອງນາຍົກລັດຖະມົນຕີ, ເພີ່ມທະວີບັນດາການເຄື່ອນໄຫວໂຄສະນາ, ສຶກສາອົບຮົມກ່ຽວກັບວຽກງານຕໍ່ສູ້ເພື່ອປ້ອງກັນ ແລະ ຕ້ານອາດຊະຍາກຳຄ້າມະນຸດ. ອຳນາດການປົກຄອງຂັ້ນຕ່າງໆ, ບັນດາອົງການຈັກຕັ້ງມະຫາຊົນ, ສັງຄົມໄດ້ປະຕິບັດນະໂຍບາຍເປັນຢ່າງດີ, ໜູນຊ່ວຍແມ່ຍິງ ແລະ ເດັກນ້ອຍທີ່ຮັບເຄາະຮ້າຍ, ປະສານສົມທົບວຽກງານໜູນຊ່ວຍແມ່ຍິງ ແລະ ເດັກນ້ອຍທີ່ຮັບເຄາະຮ້າຍກັບການປະຕິບັດແຜນຮ່າງອື່ນໆຂອງໂຄງການປ້ອງກັນ ແລະ ຕ້ານອາດຊະຍາກຳຄ້າຂາຍແມ່ຍິງ ແລະ ເດັກນ້ອຍ ແລະ ພ້ອມກັບບັນດາໂຄງການເສດຖະກິດ-ສັງຄົມອື່ນໆທີ່ກ່ຽວຂ້ອງເຊັ່ນ ການປ້ອງກັນ ແລະ ຕ້ານໄພສັງຄົມ, ສອນວິຊາຊີບ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ສ້າງວຽກເຮັດງານທຳ.