(vovworld)- ຫວຽດນາມ ແລະ ຈີນ ຫາກໍລົງນາມໃນສັນຍາຂຸດຄົ້ນຊັບພະຍາກອນ ການທ່ອງທ່ຽວ ນ້ຳຕົກຕາດ ບ້ານຢົກ ແລະ ສັນຍາກ່ຽວກັບຄວາມເສລີໃນການໄປມາຂອງເຮືອກຳປັ່ນ ຢູ່ ປາກແມ່ນ້ຳ ໄຝ່ຫລວນ
ດ້ວຍການລົງນາມໃນເອກະສານນິຕິກຳສຳຄັນ 2 ສະບັບນີ້, ຫວຽດນາມ ແລະ ຈີນ ໄດ້ປິດບັນດາການຂັດແຍ້ງໂດຍປະຫວັດສາດປະໄວ້ຢ່າງເປັນທາງການ, ເປີດໄລຍະຮ່ວມມືໃຫມ່ລະຫວ່າງ ສອງປະເທດ.
ນ້ຳຕົກຕາດ ບ້ານຢົກ
ພາບ:dantri.com
|
ເຂດ ນ້ຳຕົກຕາດ ບ້ານຢົກ ແລະ ປາກແມ່ນ້ຳ ໄຝ່ຫລວນ ແມ່ນບັນດາເຂດທີ່ສະດຸ້ງໄວທີ່ສຸດ, ເກີດການຂັດແຍ້ງມາແຕ່ດົນນານ ແລະ ຫາງສຽງສອງປະເທດ ຫວຽດນາມ ແລະ ຈີນ ມີຄວາມສົນໃຈເປັນພິເສດ. ໃນຫລາຍປີຜ່ານມາ, ບັນດາເຂດນີ້ ຖືກນຳມາປຶກສາຫາລືໃນການເຈລະຈາຫລາຍຄັ້ງຂອງຄະນະກຳມະການປະສົມການຂີດເສັ້ນປັກຫລັກໝາຍຊາຍແດນ ຫວຽດນາມ - ຈີນ ແຕ່ບໍ່ທັນແກ້ໄຂໄດ້. ພາຍຫລັງສຳເລັດການຂີດເສັ້ນປັກຫລັກໝາຍຊາຍແດນທາງບົກປີ 2008, ຫວຽດນາມ ແລະ ຈີນ ເຫັນດີ ແກ້ໄຂສັງລວມບັນດາເຂດທີ່ຍັງຄົງຄ້າງ, ໃນນັ້ນ ມີສອງເຂດດັ່ງກ່າວ ດ້ວຍມາດຕະການອີງໃສ່ຫລັກການຍຸຕິທຳ ແລະ ສົມເຫດສົມຜົນ, ເຄົາລົບບັນດາຮ່ອງຮອຍປະຫວັດສາດ, ບຸລິມະສິດຮັກສາຊີວິດການເປັນຢູ່ຂອງປະຊາຊົນຢູ່ເຂດຊາຍແດນເປັນປົກກະຕິ, ສອດຄອ່ງກັບບັນດາເອກະສານນິຕິກຳໂດຍປະຫວັດສາດປະໄວ້.
ການເຈລະຈາບົນຈິດໃຈສະເໝີພາບ, ເຄົາລົບຜົນປະໂຫຍດຂອງກັນ
ຜ່ານໄລຍະ 7 ປີ ດ້ວຍການເຈລະຈາເປັນຫລາຍຄັ້ງ, ເດືອນ 8/2015, ສອງຝ່າຍ ໄດ້ສິ້ນສຸດການເຈລະຈາຢ່າງເປັນທາງການ ແລະ ວັນທີ 6/11 ຜ່ານມາ, ເນື່ອງໃນໂອກາດການຢ້ຽມຢາມຫວຽດນາມ ຂອງປະທານປະເທດຈີນ ສີຈິ້ນຜິງ, ສອງຝ່າຍໄດ້ລົງນາມໃນສັນຍາເຮືອກຳປັ່ນໄປມາຢ່າງເສລີຢູ່ປາກແມ່ນ້ຳ ໄຝ່ຫລວນ ແລະ ສັນຍາຮ່ວມມື, ຂຸດຄົ້ນ ແລະ ປົກປັກຮັກສາຊັບພະຍາກອນທ່ອງທ່ຽວ ນ້ຳຕົກຕາດບ້ານຢົກ. ສິ່ງດັ່ງກ່າວຢືນຢັນຄວາມຕັດສິນໃຈລວມຂອງສອງປະເທດ ໃນການກໍ່ສ້າງເສັ້ນຊາຍແດນ ຫວຽດນາມ - ຈີນ ກາຍເປັນເສັ້ນຊາຍແດນສັນຕິພາບ, ສະຖຽນລະພາບ, ມິດຕະພາບ ແລະ ການຮ່ວມມື. ດຣ ເຈີນກົງຈຸກ, ອະດີດ ຫົວຫນ້າຄະນະຊາຍແດນລັດຖະບານ ຖືວ່າ:
“ນີ້ແມ່ນໝາກຜົນໃຫຍ່ຫລວງ, ສະແດງໃຫ້ເຫັນເຈດຕະນາດີ ແລະ ການຮ່ວມມືສອງຝ່າຍ, ມີຄວາມໝາຍປະຫວັດສາດໃນການພົວພັນລະຫວ່າງ ຫວຽດນາມ ແລະ ຈີນ ພາຍຫລັງ 65 ປີແຫ່ງວັນສ້າງຕັ້ງສາຍພົວພັນທາງການທູດ. ສັນຍາດັ່ງກ່າວ ມີຄວາມໝາຍສຳຄັນທີ່ສຸດ ແລະ ມີຄວາມຈຳເປັນ ເພື່ອຮັບປະກັນການສືບຕໍ່ສາຍພົວພັນຮ່ວມມື ເພື່ອຜົນປະໂຫຍດລວມຢູ່ເຂດຊາຍແດນ.”
ໃນຕະຫລອດວິວັດການເຈລະຈາ, ຄຽງຄູ່ກັບການປະຕິບັດຕາມຫລັກການຍຸຕິທຳ, ເໝາະສົມ, ເຄົາລົບບັນດາຫລັກການຊື່ງສອງຝ່າຍໄດ້ປຶກສາຫາລືຕົກລົງນຳກັນ, ພິເສດ ແມ່ນເຄົາລົບເສັ້ນຊາຍແດນທີ່ໄດ້ກຳນົດ ດ້ວຍສົນທິສັນຍາ 1887 ແລະ 1895 ໂດຍລັດຖະບານ ຝລັ່ງ ແລະ ລາດຊະວົງສິງ ໄດ້ລົງນາມ, ຫວຽດນາມ ແລະ ຈີນ ຍັງນຳໃຊ້ກົດໝາຍ ແລະ ພຶດຕິກຳຕົວຈິງຂອງສາກົນ, ວາງມາດຕະການສັງລວມ, ຕ່າງຝ່າຍຕ່າງມີຜົນປະໂຫຍດ, ບຸລິມະສິດເຖິງຄວາມສົນໃຈອັນຊອບທຳຂອງແຕ່ລະຝ່າຍ ເພື່ອຜົນປະໂຫຍດຂອງປະຊາຊົນ. ສັນຍາ 2 ສະບັບດັ່ງກ່າວໄດ້ຮັບການລົງນາມ ເປັນການໃຫ້ຄຳຕອບສ່ວນຫນຶ່ງໃຫ້ບັນດາຂໍ້ມູນຂ່າວທີ່ຂາດພະຍານຫລັກຖານໃນຫາງສຽງໂດຍຖືວ່າ: ນ້ຳຕົກຕາດ ບ້ານຢົກຂອງຫວຽດນາມ ແມ່ນຕົກໃນກຳມືຂອງຈີນ. ດຣ ເຈີນກົງຈຸກ ຢືນຢັນວ່າ:
“ຂ້າພະເຈົ້າຖືວ່າ ໝາກຜົນສຳຄັນທີ່ສຸດ ນັ້ນແມ່ນການເຈລະຈາລະຫວ່າງສອງຝ່າຍແມ່ນສະເຫມີພາບ ແລະ ໝາກຜົນຍາດມາໄດ້ ນັ້ນແມ່ນຮັກສາສະພາບແວດລ້ອມສະຖຽນລະພາບ, ເຄົາລົບເອກະລາດ ອະທິປະໄຕຂອງສອງຝ່າຍ, ເຄົາລົບເສັ້ນຊາຍແດນ ຊື່ງແມ່ນໝາກຜົນຮ່ວມມືຂອງສອງຝ່າຍທີ່ມີຢູ່ແລ້ວໃນໄລຍະຍາວນານ.”
ການຮ່ວມມືເພື່ອຜົນປະໂຫຍດສອງຝ່າຍ
ໄລຍະມໍ່ໆມານີ້ ຫວຽດນາມ ໄດ້ລົງທຶນກໍ່ສ້າງພື້ນຖານໂຄງລ່າງຫລາຍສົມຄວນ, ຊຸກຍູ້ການພັດທະນາທ່ອງທ່ຽວຈິດວີນຍານ, ປະກອບສ່ວນເຮັດໃຫ້ໂສມຫນ້າກ່ຽວກັບເສດຖະກິດສັງຄົມຢູ່ເຂດຊາຍແດນ ໄດ້ມີການປ່ຽນແປງໂດຍພື້ນຖານ. ພາຍຫລັງລົງນາມໃນສັນຍາ, ບັນດາອົງການກ່ຽວຂ້ອງຂອງສອງປະເທດ ພວມດຳເນີນການສ້າງບັນດາປ້ອມກວດກາ, ກວດການສອງຝ່າຍ, ມອບສົ່ງປະຊາຊົນ, ແກ້ໄຂບັນດາບັນຫາເກີດຂຶ້ນໃນວິວັດການຂີດເສັ້ນປັກຫລັກໝາຍຊາຍແດນ, ຮ່ວມມືປ້ອງກັນ, ຄຸ້ມຄອງຫລັກໝາຍ, ຂຸດຄົ້ນຊັບພະຍາກອນນ້ຳ, ສ້າງທິວທັດທຳມະຊາດການທ່ອງທ່ຽວລະຫວ່າງສອງຝ່າຍ. ກໍເຊັນດຽວກັນ, ຢູ່ເຂດ ແມ່ນ້ຳ ໄຝ່ຫລວນ, ຕາມສັນຍາທີ່ຫາກໍໄດ້ລົງນາມ, ສອງປະເທດ ພ້ອມກັນໃຫ້ຄຳໝັ້ນໝາຍຕໍ່ແຜນນະໂຍບາຍແກ້ໄຂໃຫ້ເຮືອກຳປັ່ນໄປມາຢ່າງເສລີ ນີ້ແມ່ນບາດກ້າວສຳຄັນ, ແຕ່ວ່າ ຕ້ອງສົມທົບກັນຄວບຄຸມຢ່າງແຫນ້ນແຟ້ນ, ບໍ່ປະໃຫ້ເກີດສະພາບສວຍໃຊ້ຄວາມເສລີໃນແລກປ່ຽນຄ້າຂາຍສິນຄ້າ ເພື່ອມີການເຄື່ອນໄຫວສົ່ງຜົນສະທ້ອນເຖິງຄວາມສະຫງົບປອດໄພ ປ້ອງກັນຊາດຂອງແຕ່ລະຝ່າຍ.
ອາດຈະຢືນຢັນວ່າ:ເລື່ອງລົງນາມໃນເອກະສານນິຕິກຳສຳຄັນ 2 ສະບັບນີ້, ຫວຽດນາມ ແລະ ຈີນ ໄດ້ສິ້ນສຸດໄລຍະເຈລະຈາເຂດຊາຍແດນທາງບົກຢ່າງເປັນທາງການ. ນີ້ກໍແມ່ນບັນດາບົດຮຽນໃຫຍ່ ເພື່ອໃຫ້ສອງຝ່າຍສືບຕໍ່ເຈລະຈາແກ້ໄຂບັນດາການຂັດແຍ້ງໃນໄລຍະຈະມາເຖິງ. ທ່ານສີຈຽນກົວ, ອະດີດ ເອກອັກຄະລັດຖະທູດ ຈີນ ປະຈຳຫວຽດນາມ, ອະດີດ ຮອງປະທານສະມາຄົມມິດຕະພາບ ຈີນ -ຫວຽດນາມ ຖືວ່າ:
“ສອງບັນຫາໂດຍປະຫວັດສາດປະໄວ້ ປະຈຸບັນ ໄດ້ກາຍເປັນຊາຍແດນສັນຕິພາບ, ມິດຕະພາບ ແລະ ພັດທະນາ. ການພົວພັນລະຫວ່າງ ຫວຽດນາມ ແລະ ຈີນ ເຖິງວ່າໄດ້ເກີດບາງບັນຫາກໍຕາມ, ແຕ່ກໍມີຄວາມຄືບຫນ້າໃຫມ່. ຕາມຂ້າພະເຈົ້າແລ້ວ, ເພື່ອໃຫ້ການພົວພັນລະຫວ່າງສອງປະເທດສືບຕໍ່ພັດທະນາ, ກ່ອນອື່ນໝົດ ສອງຝ່າຍຕ້ອງເພີ່ມທະວີການພົວພັນແລກປ່ຽນຂັ້ນສູງ, ເພີ່ມຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະກັນ”
ພາຍຫລັງ 65 ປີແຫ່ງວັນສ້າງຕັ້ງສາຍພົວພັນທາງການທູດ, ການພົວພັນລະຫວ່າງ ຫວຽດນາມ ແລະ ຈີນ ພວມກ້າວເຂົ້າສູ່ໄລຍະໃຫມ່. ຍູ້ແຮງການປະຕິບັດບັນດາມາດຕະການສ້າງຄວາມໄວ້ເນື້ອເຊື່ອໃຈ, ຫລຸດຜ່ອນຄວາມເຄັ່ງຕຶງ, ສະກັດກັ້ນການປະທະກັນ, ມີຄວາມຈິງໃຈ, ເຈດຕະນາດີ ຄືດັ່ງທັດສະນະຂອງທ່ານນາຍົກລັດຖະມົນຕີ ຫງວຽນເຕີນຢູງ ກ່າວມາທີ່ກອງປະຊຸມຂັ້ນສູງ ອາຊຽນ ຄັ້ງທີ 27 ຜ່ານມາ ແມ່ນທິດນຳການຮ່ວມມື ຊື່ງການນຳສອງປະເທດ ຫວຽດນາມ - ຈີນ ມຸ່ງໄປເຖິງ.