ທ່ານລັດຖະມົນຕີການຕ່າງປະເທດອາເມລິກາ John Kerry ຫາກໍສິ້ນສຸດການຢ້ຽມຢາມບັນດາປະເທດອາຊີກາງເປັນເວລາ 4 ວັນ. ນີ້ເປັນຄັ້ງທຳອິດ ທີ່ ລັດຖະມົນຕີການຕ່າງປະເທດອາເມລິກາຢ້ຽມຢາມທັງ 5 ປະເທດ ສ. ອາຊີກາງທີ່ຂຶ້ນກັບອະດີດສະຫະພາບໂຊຫວຽດ. ຜົນຂອງການຢ້ຽມຢາມໄດ້ສະແດງໃຫ້ເຫັນວ່າ ອາເມລິກາພວມມານະພະຍາຍາມເພີ່ມທະວີການສົ່ງຜົນສະທ້ອນຢູ່ ພາກພື້ນອາຊີກາງ. ແຕ່ນີ້ບໍ່ແມ່ນໜ້າທີ່ຈະປະຕິບັດໄດ້ຢ່າງງ່າຍດາຍ.
ທ່ານລັດຖະມົນຕີການຕ່າງປະເທດອາເມລິກາ John Kerry ແລະ ປະທານາທິບໍດີກາຊັກສະຖານ Nursultan Nazarbayev |
5 ປະເທດ ສ. ອາຊີກາງຊຶ່ງທ່ານລັດຖະມົນຕີການຕ່າງປະເທດອາເມລິກາ John Kerry ໄປຢ້ຽມຢາມນັ້ນ ລວມມີ: ຕັດກີກິດສຖານ, ອູເບກິດສະຖານ, ກຽກກີສຖານ, ກາຊັກສະຖານ ແລະ ຕວກເມນິດສະຖານ. ການຢ້ຽມຢາມຂອງ ທ່ານລັດຖະມົນຕີການຕ່າງປະເທດອາເມລິກາ John Kerry ໄດ້ດຳເນີນພາຍຫຼັງມີການກ່າວເຕືອນຂອງບັນດາເຈົ້າໜ້າທີ່ລັດເຊຍກ່ຽວກັບໄພອັນຕະລາຍຂອງບັນດາກຸ່ມປະກອບອາວຸດອິດສະລາມຢູ່ອາບການິສະຖານ ທີ່ມີໄພແຜ່ລາມອອກສູ່ທົ່ວພາກພື້ນ. ບັນດາປະເທດທີ່ ທ່ານລັດຖະມົນຕີການຕ່າງປະເທດອາເມລິກາ John Kerry ໄປຢ້ຽມຢາມນັ້ນ ແມ່ນມີຄວາມສຳຄັນສຳລັບອາເມລິກາເພາະສະພາບການຢູ່ອາບການິສະຖານພວມຜັນແປບໍ່ຖືກຕາມຄວາມຫວັງ.
ການຮ່ວມມືດ້ານປ້ອງກັນຄວາມສະຫງົບແມ່ນຈຸດສຸມອັນດັບໜຶ່ງ
ອາເມລິກາ ແລະ ບັນດາປະເທດອາຊີກາງລ້ວນແຕ່ມີຄວາມສົນໃຈຮ່ວມກ່ຽວກັບບາງບັນຫາ, ໃນນັ້ນມີການສູ້ຮົບຕ້ານ ອົງການລັດອິດສະລາມໂດຍຂະໜານນາມເອງ IS , ເພາະສະນັ້ນ ກໍສາມາດເຂົ້າໃຈງ່າຍວ່າ ເມື່ອຫຼາຍບັນຫາໃນໂຄງການດຳເນີນງານຊຶ່ງ ທ່ານລັດຖະມົນຕີການຕ່າງປະເທດອາເມລິກາ John Kerry ໄດ້ເຕື້ອງເຖິງກັບບັນດາປະເທດອາຊີກາງ ລວມມີການປ້ອງກັນຄວາມສະຫງົບທົ່ວໂລກ ແລະ ພາກພື້ນ, ການສູ້ຮົບຕ້ານກໍ່ການຮ້າຍ. ສະເພາະໃນການຢ້ຽມຢາມຕັດກີກິດສຖານເມື່ອວັນທີ 3/11, ທ່ານລັດຖະມົນຕີການຕ່າງປະເທດອາເມລິກາ John Kerry ໄດ້ຊອກຫາວິທີຮັບປະກັນກັບການນຳບັນດາປະເທດອາຊີກາງຕໍ່ໜ້າຄວາມວິຕົກກັງວົນຂອງລັດທິຫົວຮຸນແຮງອິດສະລາມ, ພິເສດແມ່ນເມື່ອອາເມລິກາຫຼຸດຜ່ອນການປະຈຳການຂອງທະຫານໃນພາກພື້ນ. ຢູ່ນະຄອນຫຼວງ Dushanbe , ທ່ານລັດຖະມົນຕີການຕ່າງປະເທດອາເມລິກາ John Kerry ໄດ້ມີການພົບປະກັບປະທານາທິບໍດີຕັດກີກິດສຖານ Rakhmon , ທ່ານໄດ້ຢືນຢັນຄຳໝັ້ນໝາຍຂອງອາເມລິກາທີ່ມີຕໍ່ການປ້ອງກັນຄວາມສະຫງົບຊາຍແດນກັບອາບການິສະຖານ. ທ່ານໄດ້ຮັບປະກັນວ່າ ອາເມລິກາຍັງຄົງຮັກສາບັນດາຄຳໝັ້ນສັນຍາກ່ຽວກັບຕັດກີກິດສຖານທີ່ອະທິປະໄຕ, ຄວາມສະຫງົບ ແລະ ພັດທະນາຢ່າງວັດທະນາຖາວອນ.
ໃນຂະນະນັ້ນ, ຢູ່ນະຄອນຫຼວງ Astana, ທ່ານລັດຖະມົນຕີການຕ່າງປະເທດອາເມລິກາ John Kerry ໄດ້ເປັນປະທານຮ່ວມການສົນທະນາຍຸດທະສາດອາເມລິກາ-ກາຊັກສະຖານຄັ້ງທີ 4. ອາເມລິກາເລືອກເອົາ ກາຊັກສະຖານເພື່ອດຳເນີນການສົນທະນາຍຸດທະສາດ ເພາະທາງດ້ານເສດຖະກິດ, ກາຊັກສະຖານໄດ້ປະກອບສ່ວນເຖິງ 2/3 GDP ຂອງພາກພື້ນອາຊີກາງ. ເນື່ອງໃນໂອກາດການຢ້ຽມຢາມຂອງ ທ່ານລັດຖະມົນຕີການຕ່າງປະເທດອາເມລິກາ John Kerry, ອາເມລິກາ ແລະ 5 ປະເທດອາຊີກາງ ໄດ້ມີແນວຄວາມຄິດສ້າງຂອບເຂດການພົວພັນຫຼາຍຝ່າຍໃໝ່ ພ້ອມກັບການພົວພັນ 2 ຝ່າຍ ຊຶ່ງຖືກເອີ້ນວ່າ ແມ່ນ 5+1. ຖ້າຫາກແນວຄວາມຄິດນີ້ໄດ້ຮັບການຜັນຂະຫຍາຍປະຕິບັດນັ້ນ, ອາເມລິກາຈະມີໂອກາດຢ່າງແທ້ຈິງເພື່ອບໍ່ພຽງແຕ່ໄປທັນເທົ່ານັ້ນ, ຫາກຍັງກ້າວເດີນໄວກວ່າບັນດາຄູ່ຮ່ວມມືອື່ນໆໃນການຍົກສູງການສົ່ງຜົນສະທ້ອນຢູ່ພາກພື້ນນີ້.
ແກ່ງແຍ້ງກັບຫຼາຍປະເທດເພື່ອເພີ່ມທະວີການສົ່ງຜົນສະທ້ອນ
ສຳລັບອາເມລິກາແລ້ວ, ອາຊີກາງແມ່ນພາກພື້ນທີ່ສຳຄັນ, ໂດຍສະເພາະແມ່ນໃນການຂົນສົ່ງສິນຄ້າເມື່ອຖອນທະຫານອອກຈາກອາບການິສະຖານ ແລະ ຕິດຕາມກວດກາການພັດທະນາຢ່າງເປັນປົກກະຕິຂອງປະເທດນີ້ໃນອະນາຄົດ. ນອກຈາກນັ້ນ, ບັນດາຜົນປະໂຫຍດຂອງອາເມລິກາໃນພາກພື້ນນີ້ ຍັງອາດຈະຊ່ວຍອາເມລິກາຈັດວາງການສົ່ງຜົນສະທ້ອນເຖິງບາງປະເທດອື່ນ. ເພາະສະນັ້ນ, ນັບແຕ່ປີ 1999, ອາເມລິກາໄດ້ມີເຈດຈຳນົງກໍ່ສ້າງພາກພື້ນອາຊີກາງກາຍເປັນເຂດເສດຖະກິດທີ່ຂະຫຍັນຂັນເຄື່ອນ ແລະ ເຊື່ອມຕໍ່ກັນ ລວມທັງອາບການິສະຖານ ແລະ ບັນດາປະເທດອາຊີກາງ ແລະ ອາຊີໃຕ້.
ປະເທດເຂດອາຊີກາງ ແລະ ອາຊີໃຕ້. ການປະກົດຕົວຂອງກອງທັບ ອາເມລິກາໃນປີ 2001 ຢູ່ອາບການິດສະຖານ ແລະ ຫລັງຈາກນັ້ນແມ່ນຢູ່ ກຽກກິດສະຖານ ໄດ້ຢືນຢັນເຈດຈຳນົງຂອງ ອາເມລິກາ ຝາກ “ມີບົດບາດສຳຄັນ” ຢູ່ໃນພາກພື້ນອາຊີກາງ. ເຖິງຢ່າງໃດກໍຕາມ ໃນ 10 ກ່ວາປີຜ່ານມາ, ແຜນການຂອງ ອາເມລິກາ ບໍ່ໄດ້ຮັບໝາກຜົນຄືດັ່ງຄວາມຫວັງ ເມື່ອກອງທັບ ອາເມລິກາ ຕ້ອງຖອນທະຫານອອກຈາກ ອາບການິດສະຖານ ໃນສະພາວະທີ່ ອາບການິດສະຖານ ຍັງຄົງຂາດສະຖຽນລະພາບ. ອາເມລິກາ ກໍຖອນອອກຈາກຖານທີ່ໝັ້ນຢູ່ Manas ທີ່ກຽກກິດສະຖານ.
ໃນສະພາວະນັ້ນ, ຫລາຍປະເທດອື່ນໆ ໄດ້ ແລະ ພວມເພີ່ມທະວີການປະກົດຕົວຢູ່ພາກພື້ນນີ້. ຍົກຕົວຢ່າງຄື: ເລື່ອງລັດເຊຍພວມຮັກສາການ ສົ່ງຜົນສະທ້ອນຢູ່ບັນດາປະເທດ ອາຊີກາງ, ດ້ວຍເລື່ອງກອງທັບປະເທດນີ້ ຊ່ວຍເຫຼືອຕັກກີກິດສະຖານ ປົກປັກຮັກສາຊາຍແດນ ແລະ ຮັກສາຖານທີ່ໝັ້ນການທະຫານຢູ່ ຕັກກີກິດສະຖານ ແລະ ກຽກກິດສະຖານບາງປະເທດ ອາຊີກາງ ກໍ່ພວມແມ່ນສະມາຊິກຂອງບັນດາກຸ່ມປ້ອງກັນຄວາມສະຫງົບຕ່າງໆຄື: ອົງການຮ່ວມມືປ້ອງກັນຄວາມສະຫງົບ ຊຽງໄຮ່, ອົງການສົນທິສັນຍາປ້ອງກັນຄວາມສະຫງົບລວມໝູ່…ຍ້ອນເຫດນັ້ນ ຜົນສະທ້ອນຂອງ ລັດເຊຍ ໃນພາກພື້ນຈະນັບມື້ນັບເພີ່ມຂຶ້ນ. ໃນຂະນະນັ້ນ, ຫວ່າງແລ້ວນີ້ ທ່ານນາຍົກລັດຖະມົນຕີ ຍີ່ປຸ່ນ Shizo Abe ກໍມີການຢ້ຽມຢາມ 5 ປະເທດ ອາຊີກາງ ດ້ວຍຈຸດປະສົງຕົ້ນຕໍແມ່ນເພີ່ມທະວີການຮ່ວມມືເສດຖະກິດ.
ອາດຈະເວົ້າໄດ້ວ່າ ການຢ້ຽມຢາມ ອາຊີກາງໃນຄັ້ງນີ້ ຂອງທ່ານລັດຖະມົນຕີການຕ່າງປະເທດ ອາເມລິກາ John Kerry ແມ່ນແຜນນະໂຍບາຍດ້ານການເມືອງ ເມື່ອອາເມລິກາພວມມານະພະຍາຍາມພິສູດໃຫ້ເຫັນປະເທດນີ້ສາມາດຮັກສາການເຄື່ອນໄຫວດ້ານການເມືອງ ແລະ ການທະຫານຢູ່ພາກພື້ນນີ້. ເຖິງຢ່າງໃດກໍຕາມ ເຈດຈຳນົງຂອງ ອາເມລິກາ ຈະສຳເລັດຫຼືບໍ່ນັ້ນ, ແມ່ນຍັງຕ້ອງຂຶ້ນກັບຫລາຍປັດໃຈ.