(vovworld) - ຄະນະເລຂາສູນກາງພັກກອມມູນິດ ຫວຽດນາມ ຫາກໍ່ຈັດຕັ້ງກອງປະຊຸມ ເປັນສອງຄັ້ງ ກ່ຽວກັບການປະຕິບັດຄຳສັ່ງເລກ 03 ຂອງກົມການເມືອງ “ສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈິມີນ ” ຢູ່ບັນດາແຂວງ, ນະຄອນ ໃນເຂດພາກເຫນືອ ແລະ ພາກກາງ ຫວຽດນາມ. ບັນດາກອງປະຊຸມຄືດັ່ງກ່າວຈະໄດ້ຮັບການຈັດຕັ້ງຂຶ້ນໃນອາທິດ ຢູ່ ພາກໃຕ້ ແລະ ເຂດທົ່ງພຽງແມ່ນ້ຳຂອງ ເພື່ອປະຕິບັດແຜນນະໂຍບາຍຂົນຂວາຍຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ຕິດພັນກັບວຽກງານກໍ່ສ້າງພັກປະຈຸບັນ.
ກອງປະຊຸມກ່ຽວກັບການປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ
ຈັດຂຶ້ນຢູ່ພາງກາງ
ພາບ: internet
|
ບັ້ນຂົນຂວາຍຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ໂດຍກົມການເມືອງຄະນະບໍລິຫານງານສູນກາງພັກກອມມູນິດ ຫວຽດນາມ ປຸກລະດົມ ທີ່ພິທີລະນຶກ 77 ປີ ແຫ່ງວັນສ້າງຕັ້ງພັກກອມມູນິດ ຫວຽດນາມ ( ເມື່ອວັນທີ 3/2/2007) ມາຮອດປະຈຸບັນ ພວມຢູ່ໃນໄລຍະທີສອງ. ຈຸດໝາຍຂອງໄລຍະນີ້ແມ່ນສູ້ຊົນສ້າງຄວາມເປັນເອກະພາບການຮັບຮູ້ສູງໃນທົ່ວພັກ ແລະ ສັງຄົມ ກ່ຽວກັບຄວາມໝາຍ, ຄວາມສຳຄັນຂອງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ແລະ ເລື່ອງຮຳ່ຮຽນນີ້ຕ້ອງກາຍເປັນວຽກງານປະຈຳ, ແຕ່ລະວັນ, ແມ່ນຄວາມຮັບຜິດຊອບຕົວຈິງ, ແທດຈິງ ຂອງພະນັກງານ, ສະມາຊິກພັກ ແລະ ປະຊາຊົນທຸກຄົນ. ໃນໄລຍະນີ້ ບັ້ນຂົນຂວາຍແມ່ນມູ້ງໄປເຖິງການສ້າງ ແລະ ຈັດຕັ້ງປະຕິບັດມາດຖານຄຸນສົມບັດຕາມແນວຄິດ ແລະ ແບບຢ່າງປະທານໂຮ່ຈິມີນ ແລະ ເຊີດຊູຄວາມຮັບຜິດຊອບສະຕິຕື່ນຕົວ, ເປັນແບບຢ່າງຂອງພະນັກງານການນຳຫລັກແຫລ່ງ, ຜູ້ນຳຫນ້າຂອງຂັ້ນຕ່າງໆ ຂອງພະນັກງານ, ສະມາຊິກພັກ. ທ່ານ To Huy Rua ກຳມະການກົມການເມືອງ, ຫົວຫນ້າຄະນະຈັດຕັ້ງສູນກາງພັກກອມມູນິດ ຫວຽດນາມ ຊີ້ແຈງຈຸດໝາຍໃນໄລຍະ 2 ຂອງບັ້ນຂົນຂວາຍວ່າ:
“ຄວນສຸມໃສ່ຜັນຂະຫຍາຍບັ້ນຂົນຂວາຍໃນທົ່ວພັກຢ່າງມີປະສິດທິຜົນ, ຈາກນັ້ນ ສົ່ງຜົນກະທົບເຖິງສັງຄົມ ແລະມີການສົມທົບກັນລະຫວ່າງການສ້າງ ແລະ ການປ້ອງກັນ ແລະ ຕ້ານ, ສົມທົບກັນຍູ້ແຮງບັ້ນຂົນຂວາຍມີສະຕິຄວາມຕື່ນຕົວໃນການປະຕິບັດຕາມແບບຢ່າງຄຸນສົມບັດປະທານ ໂຮ່ຈິມີນ, ເສີມຂະຫຍາຍບົດບາດເຊີດຊູ, ເລີ່ມຕົ້ນຈາກພະນັກງານຫລັກແຫລ່ງຂັ້ນຕ່າງໆ ຈາກອົງການຈັດຕັ້ງພັກອອກສູ່ສັງຄົມກັບການປະຕິບັດບັນດາຂໍ້ກຳນົດຂອງການຈັດຕັ້ງພັກ, ກົດໝາຍຂອງລັດຢ່າງເຂັ້ມງວດ.”
ຕາມການຕີລາຄາຫລ້າສຸດຈາກບັນດາການປະຊຸມກ່ຽວກັບວຽກງານປະຕິບັດຄຳສັ່ງເລກທີ 03 ຂອງກົມການເມືອງ ກ່ຽວກັບການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈິມີນແລ້ວ, ບັນດາແຂວງ, ນະຄອນທົ່ວປະເທດໄດ້ຜັນຂະຫຍາຍການປະຕິບັດບັ້ນຂົນຂວາຍຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ຢ່າງເຂັ້ມງວດ ຕາມເນື້ອໃນຈິດໃຈຊີ້ນຳຂອງສູນກາງ. ພິເສດ ໃນການຊີ້ນຳນຳພາ ແລະ ຈັດຕັ້ງປະຕິບັດຄຳສັ່ງເລກທີ 03 ໄດ້ຕິດພັນກັບການຄົ້ນຄ້ວາ, ຮຳ່ຮຽນ ແລະ ການຈັດຕັ້ງປະຕິບັດມະຕິຂອງຄະນະບໍລິຫານງານສູນກາງພັກຄັ້ງທີ 4 ຊຸດທີ 11 ຫວ່າງແລ້ວນີ້ ກ່ຽວກັບການກໍ່ສ້າງພັກ. ທ່ານ Phan Cong Tuyen ຫົວຫນ້າຄະນະໂຄສະນາສຶກສາ ແຂວງ Thua Thien Hue ໃຫ້ຮູ້ວ່າ:
“ໃນວິວັດການຜັນຂະຫຍາຍຄຳສັ່ງເລກທີ 03, ດ້ວຍຂະບວນການເຄື່ອນໄຫວຢ່າງລະອຽດນັ້ນແມ່ນ ຕ້ອງເຮັດໃຫ້ຫນ້າທີ່ການເມືອງປະສົບຜົນສຳເລັດ. ສະນັ້ນ ຢູ່ ແຂວງ Thua Thien Hue ມີຫລາຍຮູບແບບ, ມີຫລາຍຕາແສງ ແລະ ນັກຮົບເກົ່າຫລາຍຄົນຢູ່ທ້ອງຖິ່ນຕ່າງໆ ໄດ້ເປັນແບບຢ່າງທີ່ດີເດັ່ນໃນການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ.”
ທີ່ການປະຊຸມກ່ຽວກັບວຽກງານປະຕິບັດຄຳສັ່ງຂອງກົມການເມືອງກ່ຽວກັບການສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ, ທ່ານ Dinh The Huynh ກຳມະການກົມການເມືອງ, ເລຂາສູນກາງພັກ, ຫົວຫນ້າຄະນະໂຄສະນາສຶກສາສູນກາງ ໄດ້ຮຽກຮ້ອງໃຫ້ອົງຄະນະພັກ ສືບຕໍ່ມີຄວາມຮັບຮູ້ຢ່າງເລິກເຊິ່ງກ່ຽວກັບການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ພ້ອມທັງມີຫົວຄິດປະດິດສ້າງ, ສ້າງມາດຖານຄຸນສົມບັດປະທານໂຮ່ຈິມີນ ໃຫ້ເໝາະສົມກັບແຕ່ລະທ້ອງຖິ່ນ, ອົງການ, ຫົວຫນ່ວຍເພື່ອໃຫ້ພະນັກງານ, ສະມາຊິກພັກສູ້ຊົນປະຕິບັດ. ບັ້ນຂົນຂວາຍ, ການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນໄດ້ນຳເຂົ້າການດຳເນີນຊີວິດຂອງອົງການພັກ, ອຳນາດການປົກຄອງ, ອົງການຈັດຕັ້ງມະຫາຊົນໃນທົ່ວປະເທດເປັນປະຈຳ. ໝາກຜົນແຫ່ງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ໄດ້ຮັບຖືວ່າ: ແມ່ນຫນຶ່ງໃນບັນດາມາດຕະຖານເພື່ອຕີລາຄາ, ພິຈາລະນາຄັດເລືອກ, ຈັດແບ່ງປະເພດສະມາຊິກພັກ, ການຈັດຕັ້ງພັກປະຈຳປີ. ທ່ານ Dinh The Huynh ຊີ້ແຈງວ່າ:
“ຈົ່ງສຸມໃສ່ຊີ້ນຳ, ເຮັດໃຫ້ການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ກາຍເປັນວຽກງານສຳຄັນ, ເປັນປະຈຳຂອງການຈັດຕັ້ງພັກ, ຂອງບັນດາອົງການ, ຫົວຫນ່ວຍ ຂອງພະນັກງານ, ສະມາຊິກພັກແຕ່ລະຄົນກໍຄືຂອງປະຊາຊົນ, ຕິດພັນກັບສະພາບການປະຕິບັດຫນ້າທີ່ການເມືອງ ແລະ ພັດທະນາເສດຖະກິດສັງຄົມຂອງແຕ່ລະທ້ອງຖິ່ນ, ຕິດພັນກັບການຊາບຊືມ, ຜັນຂະຫຍາຍການປະຕິບັດມະຕິຂອງສູນກາງພັກກ່ຽວກັບບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ.”
ທ່ານ Dinh The Huynh ກໍເນັ້ນຫນັກເຖິງລັກສະນະສຳຄັນຂອງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ແມ່ນຮຽກຮ້ອງໃຫ້ພະນັກງານ, ສະມາຊິກພັກແຕ່ລະຄົນ ຕ້ອງສຸດຈິດສຸດໃຈໃຫ້ແກ່ວຽກງານຊີ້ນຳນຳພຳ ແລະ ການຈັດຕັ້ງຜັນຂະຫຍາຍເພື່ອໃຫ້ບັ້ນຂົນຂວາຍ ຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນ ນຳມາຊຶ່ງປະສິດທິຜົນຢ່າງແທດຈິງ. ພ້ອມກັນນັ້ນ ເພື່ອສ້າງບາດກ້າວຫັນປ່ຽນໃນຂັ້ນພື້ນຖານ, ບັ້ນຂົນຂວາຍນີ້ຈຳເປັນຕ້ອງ ເລີ່ມປະຕິບັດຈາກຂັ້ນເທິງລົງຮອດຂັ້ນລຸ່ມ ຈາກຄວາມຮັບຜິດຊອບຂອງຜູ້ນຳ, ການນຳຫລັກແຫລ່ງໃນຂັ້ນຕ່າງໆ ຕະຫລອດຮອດພະນັກງານ, ສະມາຊິກພັກແຕ່ລະຄົນ ແລະ ຕິດພັນກັບການປະຕິບັດມະຕິສູນກາງພັກຄັ້ງທີ 4 ຊຸດທີ 11 ກ່ຽວກັບບາງບັນຫາຮີບດ່ວນໃນການກໍ່ສ້າງພັກ, ເພື່ອສ້າງການຫັນປ່ຽນໂດຍພື້ນຖານໃນພັກ ແລະ ທົ່ວສັງຄົມ ໃນການປະຕິບັດບັ້ນຂົນຂວາຍດັ່ງກ່າວ.
ນັກຂ່າວ Thu Hoa