ກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ (ສະບັບປັບປຸງ) ທີ່ໄດ້ເພີ່ມເຕີ່ມສິດມີສ່ວນຮ່ວມຂອງເດັກໃນບັນດາບັນຫາກ່ຽວຂ້ອງເຖິງເດັກຈະໄດ້ຮັບການພິຈາລະນາຈາກຄະນະປະຈຳສະພາແຫ່ງຊາດ ໃນວາລະປະຊຸມທີ່ພວມດຳເນີນຢູ່ຮ່າໂນ້ຍ. ການພິຈາລະນາເພື່ອກ້າວໄປເຖິງການຮັບຮອງເອົາຮ່າງກົດໝາຍນີ້ ໃນປີ 2015, ແມ່ນມີຄວາມໝາຍອັນໃຫຍ່ຫລວງ.
(ພາບປະກອບ) |
ຮ່າງກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ (ສະບັບປັບປຸງ) ທີ່ໄດ້ເພີ່ມເຕີ່ມສິດມີສ່ວນຮ່ວມຂອງເດັກໄດ້ເວົ້າເຖິງຄຳເຫັນ, ຄວາມມຸ່ງຫວັງຂອງເກັ່ນອາຍຸເດັກ ເພື່ອໃຫ້ບັນດາອົງການສຳນັກງານທາບທາມກ່ຽວກັບບັນຫາທີ່ກ່ຽວຂ້ອງເຖິງເດັກ. ກົດໝາຍນີ້ ຍັງກຳນົດລະອຽດກ່ວາກ່ຽວກັບຄວາມຮັບຜິດຊອບ, ສິດອຳນາດຂອງບັນດາສຳນັກງານ ແລະ ສ່ວນບຸດຄົນໃນລະບົບຄຸ້ມຄອງລັດ, ອົງການການເມືອງສັງຄົມ, ອົງການຈັດຕັ້ງມະຫາຊົນ ເມື່ອເຂົ້າຮ່ວມໃນຂົງເຂດປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ. ເພື່ອກ້າວໄປເຖິງການສ້າງຮ່າງກົດໝາຍນີ້, ຫວຽດນາມໄດ້ສະແດງໃຫ້ເຫັນວ່າ: ໄດ້ປະຕິບັດວຽກງານ ປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ ໃນຊຸມປີທີ່ຜ່ານມາ.
ບາດກ້າວເດີນໃນວຽກງານຊຸກຍູ້ ແລະ ຮັບປະກັນສິດທິເດັກ.
25 ປີທີ່ຜ່ານມາ ຫວຽດນາມ ໄດ້ມີບັນດາຜົນງານ ແລະ ຫຼັກໝາຍທີ່ສຳຄັນກ່ຽວກັບການຊຸກຍູ້ ແລະ ຮັບປະກັນສິດທິເດັກ, ພິເສດແມ່ນການປົວແປ່ງລະບົບກົດໝາຍ. ນັບແຕ່ໃຫ້ສັດຕະຍາບັນ ແລະ ເຂົ້າຮ່ວມສົນທິສັນຍາສາກົນກ່ຽວກັບສິດທິເດັກປີ 1995, ຫວຽດນາມ ໄດ້ສ້າງໂຄງການດຳເນີນງານແຫ່ງຊາດເພື່ອເດັກ ແລະ ມານະພະຍາຍາມຜັນຂະຫຍາຍປະຕິບັດ. ທ່ານ ດ່າວຈ້ອງທີ ຫົວໜ້າກຳມາທິການ ວັດທະນະທຳ ສຶກສາຊາວໜຸ່ມ ເຍົາວະຊົນ ອະນຸຊົນ ຂອງສະພາແຫ່ງຊາດ ໃຫ້ຮູ້ວ່າ:
“ຄວນຢືນຢັນວ່າ ພັກ ແລະ ລັດຍາມໃດກໍເອົາໃຈໃສ່ເບິ່ງແຍງດູແລເດັກ. ພວກເຮົາໄດ້ປະກາດໃຊ້ກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກໂດຍໄວ. ພວກເຮົາໄດ້ມີບັນດາໂຄງການຈຸດສຸມແຫ່ງຊາດ ເພື່ອຜັນຂະຫຍາຍປະຕິບັດສິດທິເດັກ, ຕາມນັ້ນແລ້ວ ເດັກໄດ້ຮັບການປົກປ້ອງ, ເບິ່ງແຍງດູແລ ແລະ ສຶກສາອົບຮົມ ”
ກ່ຽວກັບສິ່ງນີ້ທ່ານ Jesper Moller ຮອງຫົວໜ້າຜູ້ຕາງໜ້າ ຢູນີເຊັບ ປະຈຳ ຫວຽດນາມ ຢືນຢັນວ່າ: ຢູນີເຊັບ ຕີລາຄາສູງຄວາມມານະພະຍາຍາມ ແລະ ຄວາມຕັດສິນໃຈຂອງ ຫວຽດນາມ, ພິເສດແມ່ນການຮັບຮອງເອົານິຕິກຳທີ່ສຳຄັນແມ່ນ ກົດໝາຍວ່າດ້ວນການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກປີ 2004. ນີ້ແມ່ນຄວາມພະຍາຍາມຢ່າງໃຫຍ່ຫລວງຂອງ ຫວຽດນາມ ເພື່ອຮັບປະກັນໃຫ້ເດັກໄດ້ເຕິີບໃຫຍ່ໃນສະພາບແວດລ້ອມທີ່ສົດໃສ ແລະ ປອດໄພ.
ເພີ່ມສິດໃຫ້ເດັກ.
ຍ້ອນມີຄວາມເອົາໃຈໃສ່ທາງດ້ານນະໂຍບາຍກໍຄືໃນຕົວຈິງນັ້ນ, ນັນມື້ນັບມີເດັກ ຫວຽດນາມ ຫລາຍຄົນໄດ້ມີຊີວິດທີ່ດີກ່ວາ ເມື່ອທຽບໃສ່ກ່ອນນີ້ ແຕ່ກໍຍັງມີຄວາມແຕກຕ່າງກັນຢ່າງໃຫຍ່ຫລວງລະຫວ່າງເດັກເຂດຕົວເມືອງ ແລະ ຊົນນະບົດ ໃນການຊົມໃຊ້ການບໍລິການການແພດ, ກ່ຽວກັບໂພສະນາການ ແລະ ການສຶກສາ. ໂຄງການ “ ເຊື່ອໝັ້ນຕໍ່ເລກ 0 ” ພວມໄດ້ຮັບການສົມທົບລະຫວ່າງ ຫວຽດນາມ ແລະ ຢູນີເຊັບ ເພື່ອຜັນຂະຫຍາຍຢູ່ 8 ແຂວງ ແນໃສ່ສຳເລັດເປົ້າໝາຍສະຫັດສະວັດ ແລະ ຮັດແຄບຄວາມແຕກໂຕນກັນທີ່ພວມຄົງຕົວດ້ວຍຈຸດໝາຍແມ່ນເດັກ ຫວຽດນາມ ທຸກຄົນມີຄວາມສະເໝີພາບ ໃນການຊົມໃຊ້ການບໍລິການການແພດ ແລະ ສຶກສາ, ຫລຸດຜ່ອນອັດຕາການຕາຍໃນໄວເດັກຕ່ຳກ່ວາ 5 ປີ ແລະ ອັດຕາເດັກຂາດທາດບຳລຸງລົງເຫຼືອພຽງ 0%. ທ່ານ ດ່າວຈ້ອງທີ ຫົວໜ້າກຳມາທິການ ວັດທະນະທຳ ສຶກສາຊາວໜຸ່ມ ເຍົາວະຊົນ ອະນຸຊົນ ຂອງສະພາແຫ່ງຊາດ ໃຫ້ຮູ້ວ່າ:
“ລັດຖະທຳມະນູນໄດ້ເຕື້ອງເຖິງສິດທິເດັກໃນລັດຖະທຳມະນູນພ້ອມກັບສິດອື່ນໆ. ເປັນອັນວ່າກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ ທີ່ພວກຂ້າພະເຈົ້ານຳເຂົ້າໂຄງການເຄື່ອນໄຫວຂອງສະພາແຫ່ງຊາດ ເພື່ອກະກຽມປັບປຸງ, ຂາດວ່າ ຈະໃສ່ຊື່ວ່າ: ກົດໝາຍຂອງເດັກ. ຫົວຂໍ້ໜຶ່ງທີ່ສຳຄັນທີ່ສຸດ ແມ່ນເຕືອງເຖິງຢ່າງຄົບຖ້ວນກ່ຽວກັບສິດທິເດັກ, ໃນນັ້ນລວມມີ 4 ສິດໄດ້ລະບຸໃນສົນທິສັນຍາສາກົນກ່ຽວກັບສິດທິເດັກ ຊຶ່ງພວກເຮົາໄດ້ເຂົ້າຮ່ວມ. ນັ້ນແມ່ນສິດມີຊີວິດ, ສິດຂະຫຍາຍຕົວ, ສິດໄດ້ຮັບການປົກປ້ອງ ແລະ ສິດມີສ່ວນຮ່ວມ. ກົດໝາຍວ່າດ້ວຍເດັກ ຊຶ່ງ ຫວຽດນາມ ຈະປະກາດໃຊ້ໃນມໍ່ໆນີ້ຈະເນັ້ນໜັກເຖິງການປະຕິບັດຢ່າງຄົບຖ້ວນ 4 ສິດດັ່ງກ່າວ ໃນນັ້ນສິດມີສ່ວນຮ່ວມແມ່ນສິດທີ່ໃໝ່ອຽມ. ກ່ອນນີ້ ພວດເຮົາຍັງບໍ່ທັນເຕື້ອງເຖິງ, ດັ່ງນັ້ນຈະເຕື້ອງເຖິງໃນປະຈຸບັນ ”.
ເດັກມີສິດສະແດງຄຳເຫັນ, ສະແດງຄວາມຮຽກຮ້ອງຕ້ອງການ ແລະ ບັນດາບັນຫາທີ່ກ່ຽວຂ້ອງເຖິງອະນາຄົດຂອງຕົນ. ແລ້ວຄຳເຫັນຂອງເດັກຈະໄດ້ຮັບການຊັງຊາໃນຂະບວນວິວັດວາງນະໂຍບາຍ ແລະ ບັນດາໂຄງການພັດທະນາຂອງຫວຽດນາມ. ການເພີ່ມສິດໃຫ້ເດັກໃນຮ່າງກົດໝາຍສະບັບຕ່າງໆແມ່ນການກ້າວຂຶ້ນຕື່ມອີກບາດກ້າວໜຶ່ງໃນການສ້າງບັນດານະໂຍບາຍຮັບປະກັນສິດທິມະນຸດຢູ່ ຫວຽດນາມ ໃຫ້ສົມບຸນແບບ.