(vovworld) - ຕອນບ່າຍວັນທີ 30/06, ຢູ່ຮ່າໂນ້ຍ, ໄດ້ຈັດກອງປະຊຸມຂ່າວຂອງລັດຖະບານສະເພາະປະກາດສາຍເຫດກໍ່ມົນລະພິດຕໍ່ສິ່ງແວດລ້ອມ ເຮັດໃຫ້ສິນໃນນ້ຳຕາຍຢ່າງຜິດປົກກະຕິຢູ່ 4 ແຂວງພາກກາງຫວຽດນາມ ເມື່ອເດືອນ 04 ຜ່ານມາ. ເລື່ອງປະກາດສາຍເຫດ, ຕົວການທີ່ກໍໃຫ້ເກີດເຫດການພາຍຫຼັງທີ່ເຮັດວຽກມາເປັນເວລາ 80 ວັນ, ກໍຄືການໜູນຊ່ວຍໃຫ້ຊາວປະມົງຢ່າງທັນການ ໄດ້ຊີ້ໃຫ້ເຫັນການເຂົ້າຮ່ວມຢ່າງຮີບດ່ວນ, ຂ້ຽວຂາດຂອງລັດກຖະບານຫວຽດນາມ ເພື່ອປົກປ້ອງຜົນປະໂຫຍດອັນຊອບທຳຂອງປະຊາຊົນ.
ທ່ານນາຍົກລັດຖະມົນຕີ ຫງວຽນຊວນຟຸກ
(ພາບປະກອບ: VGP)
ເມື່ອຕົ້ນເດືອນ 04/2016, ປະກົດການມີປາຕາຍຢ່າງຫຼວງຫຼາຍຢູ່ແຄມທະເລບັນດາແຂວງ ຮ່າຕິ້ງ, ກວາງບິ່ງ, ກວາງຈິ້, ເທື່ອທຽນ - ເຫ້ວ. ມີການປະຊຸມນັບຮ້ອຍຄັ້ງໄດ້ດຳເນີນເພື່ອແກ້ໄຂບັນຫານີ້. ມີຫຼາຍມາດຕະການໜູນຊ່ວຍໃຫ້ແກ່ຊາວປະມົງກໍໄດ້ຮັບການປະຕິບັດ.
ການເຂົ້າຮ່ວມຢ່າງຮີບເຮັ່ງ,ຂ້ຽວຂາດ,ທັນການເພື່ອຜົນປະໂຫຍດຂອງປະຊາຊົນ
ພາຍຫຼັງມີຂໍ້ມູນຂ່າວກ່ຽວກັບສິນໃນນ້ຳຖືກຕາຍຢ່າງຜິດປົກກະຕິ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາຮອງນາຍົກລັດຖະມົນຕີ ໄດ້ລົງສຳຫຼວດກວດກາສະພາບການ, ພ້ອມທັງຈັດຕັ້ງກອງປະຊຸມເປັນຫຼາຍຄັ້ງ, ເຮັດວຽກໂດຍກົງກັບບັນດາກະຊວງ, ຂະແໜງການ, ທ້ອງຖິ່ນ, ຊີ້ນຳການສືບສວນສອບສວນ, ແກ້ໄຂບັນດາການລະເມີດຢ່າງເຂັ້ມງວດ. ຕາມທ່ານນາຍົກລັດຖະມົນຕີແລ້ວ, ບັນດາກະຊວງ, ຂະແໜງການ, ທ້ອງຖິ່ນຕ່າງໆທີ່ກ່ຽວຂ້ອງ ຕ້ອງກຳແໜ້ນສະພາບການຢ່າງໃກ້ຊິດ, ຮີບເຮັ່ງນຳຊີວິດການເປັນຢູ່ຂອງປະຊາຊົນເປັນປົກກະຕິ; ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ລະດົມບັນດາອົງການທີ່ມີໜ້າທີ່, ບັນດານັກວິທະຍາສາດຢູ່ພາຍໃນ ແລະ ຕ່າງປະເທດມາຊອກຮູ້ສາຍເຫດ, ຢັ້ງຢືນເປົ້າໝາຍກໍໃຫ້ເກີດສະພາບການດັ່ງກ່າວ. ທຸກວຽກງານໄດ້ຮັບການຜັນຂະຫຍາຍບົນຈິດໃຈພາວະວິໄສ, ມີວິທະຍາສາດ, ແໜ້ນແຟ້ນ, ຖືກຕາມກົດໝາຍ, ແທດເໝາະກັບທຳນຽມສາກົນ. ສິ່ງດັ່ງກ່າວໄດ້ຊີ້ໃຫ້ເຫັນວ່າ, ຄວາມຕັດສິນໃຈຢ່າງສູງຂອງການນຳລັດຖະບານສຳລັບບັນຫາທີ່ພວມດຶງດູດຄວາມສົນໃຈຂອງທັງສັງຄົມ. ທ່ານນາຍົກລັດຖະມົນຕີ ຫງວຽນຊວນຟຸກ ຢືຶນຢັນຄວາມຕັດສິນໃຈແກ້ໄຂເຫດການ.
“ລັດຖະບານເດັດດ່ຽວປົກປ້ອງສິດຜົນປະໂຫຍດອັນຊອບທຳຂອງປະຊາຊົນ. ນີ້ແມ່ນໜ້າທີ່ຂອງພວກຂ້າພະເຈົ້າ ແລະ ກໍ່ແມ່ນຄວາມມຸ່ງຫວັງຂອງປະຊາຊົນ. ບໍ່ວ່າສ່ວນບຸກຄົນ ຫຼື ອົງການໃດກໍ່ໃຫ້ເກີດເຫດການດັ່ງກ່າວກໍ່ຕ້ອງເຮັດແຈ້ງ, ບໍ່ປົກປິດ”.
(ຫາງສຽງເວົ້າລວມ ແລະ ປະຊາຊົນພາກກາງເວົ້າສະເພາະ
ໄດ້ຕີລາຄາສູງຄວາມຮັບຜິດຊອບຂອງລັດຖະບານ)
ຈາກການຊີ້ນຳຢ່າງໃກ້ຊິດນີ້, ບັນດາອົງການທີ່ກ່ຽວຂ້ອງໄດ້ປະຕິບັດຫຼາຍມາດຕະການຢ່າງຄົບຊຸດ. ທ່ານ ເຈືອງມິງຕ໋ວນ, ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ເນັ້ນໜັກວ່າ:
“ເລື່ອງປະກາດສາຍເຫດດັ່ງກ່າວໄດ້ສະແດງໃຫ້ເຫັນວ່າພັກ, ລັດ ມີແຜນນະໂຍບາຍກະຈ່າງແຈ້ງ. ບັນດາການນຳສູງສຸດຂອງພັກ, ລັດ, ລັດຖະບານ ໄດ້ຊີ້ນຳຢ່າງຂ້ຽວຂາດ ແລະ ຈັດຕັ້ງກອງປະຊຸມນັບສິບເທື່ອກ່ຽວກັບບັນຫານີ້. ເລື່ອງປະກາດສາຍເຫດແມ່ນເພື່ອແກ້ໄຂຜົນຮ້າຍຢ້ອນຫຼັງ. ປະກາດຕົວການເພື່ອແກ້ໄຂການກະທຳຜິດ. ຂ້າພະເຈົ້າເນັ້ນໜັກວ່າ ໝາກຜົນແມ່ນພາວະວິໄສ, ອີງໃສ່ບັນດາຫຼັກຖານ, ບໍ່ມີການແຊກແຊງເຮັດໃຫ້ວິວັດການສືບສວນຊັກຊ້າ ຫຼື ເຮັດໃຫ້ໝາກຜົນບໍ່ຊັດເຈນ”
ບໍ່ພຽງແຕ່ປະກາດສາຍເຫດຖືກກັບຈຸດເວລາຄືດັ່ງໄດ້ໝັ້ນໝາຍຕໍ່ປະຊາຊົນເທົ່ານັ້ນ, ຫາກຄວາມສຳຄັນແມ່ນວຽກງານແກ້ໄຂຜົນຮ້າຍຢ້ອນຫຼັງ, ທ່ານນາຍົກລັດຖະມົນຕີກໍ່ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນກ່ຽວຂ້ອງສືບຕໍ່ຜັນຂະຫຍາຍວຽກງານຊົດເຊີຍຄວາມເສຍຫາຍຢ່າງຮີບດ່ວນ ແລະ ຄົບຊຸດ, ໜູນຊ່ວຍການຫັນປ່ຽນອາຊີບໃຫ້ແກ່ຊາວປະມົງທີ່ຖືກຜົນສະທ້ອນ. ວຽກງານນີ້ຕ້ອງໄດ້ຮັບປະກັນລັກສະນະເປີດເຜີຍ, ກະຈ່າງແຈ້ງ, ຕິດແທດກັບສະພາບຕົວຈິງ. ບັນດາທ້ອງຖິ່ນຕ້ອງສືບຕໍ່ສຸມໃສ່ພັດທະນາເສດຖະກິດ, ສ້າງທຸກເງື່ອນໄຂສະດວກໃຫ້ແກ່ການລົງທຶນດຳເນີນທຸລະກິດ, ຮັບປະກັນຜົນປະໂຫຍດອັນຊອບທຳຂອງປະຊາຊົນ ແລະ ວິສາຫະກິດ. ທ່ານ ມາຍຕ໋ຽນຢູ້ງ, ລັດຖະມົນຕີ, ຫົວໜ້າຫ້ອງການສຳນັກງານນາຍົກລັດຖະມົນຕີ ໃຫ້ຮູ້ວ່າ:
“ກ່ອນອື່ນໝົດ, ຕ້ອງສຸມໃສ່ເພື່ອມີມາດຕະການແກ້ໄຂໃນທັນທີ, ສ້າງຊີວິດການເປັນຢູ່ຂອງປະຊາຊົນເຂດແຄມທະເລ, ຊີວິດຂອງຊາວປະມົງເປັນປົກກະຕິ. ນັບທັງບັນຫາໜູນຊ່ວຍອັດຕາດອກເບ້ຍ, ໜູນຊ່ວຍດ້ານວຽກເຮັດງານທຳ, ຈັດຕັ້ງການເກັບຊື້ສິນທະເລທີ່ຊາວປະມົງຫາມາໄດ້, ປະກາດເຂດຫາປາປອດໄພໂດຍໄວ”
ຄວາມເຫັນຈາກຫາງສຽງ
ຫາງສຽງເວົ້າລວມ ແລະ ປະຊາຊົນພາກກາງເວົ້າສະເພາະ ໄດ້ຕີລາຄາສູງຄວາມຮັບຜິດຊອບຂອງລັດຖະບານ, ນາຍົກລັດຖະມົນຕີ ໃນວິວັດການປະຕິບັດການແກ້ໄຂ ສາຍເຫດກໍມົນລະພິດຕໍ່ສິ່ງແວດລ້ອມ, ຊອກຮູ້ແຈ້ງສາຍເຫດ, ຊີ້ອອກໜ້າທີ່ຮັບຜິດຊອບ. ໃນຕະຫຼອດວິວັດທີ່ເຫດການຖືກເກີດຂຶ້ນ, ມາຮອດປະຈຸບັນ ລັດຖະບານໄດ້ຊີ້ນຳຜັນຂະຫຍາຍບັນດາມາດຕະການໜູນຊ່ວຍ, ຮັບປະກັນສະຖຽນລະພາບໃຫ້ປະຊາຊົນເຂດຖືກເຄາະຮ້າຍຢ່າງຂ້ຽວຂາດ. ເລື່ອງລັດຖະບານຫວຽດນາມ ຈັດກອງປະຊຸມຫົວເລື່ອງສະເພາະໂດຍມີການເຂົ້າຮ່ວມຂອງບັນດາອົງການສື່ມວນຊົນຢູ່ພາຍໃນ ແລະ ຕ່າງປະເທດ, ບໍ່ພຽງແຕ່ມີຄວາມໝາຍແກ້ໄຂເຫດການຢ່າງລະອຽດເທົ່ານັ້ນ, ຫາກຍັງສະແດງໃຫ້ເຫັນລັກສະນະກະຈ່າງແຈ້ງໃນການດຶງດູດການລົງທຶນ ບົນຈິດໃຈລົງທຶນເພື່ອພັດທະນາ, ແຕ່ບໍ່ລືມວຽກງານປົກປັກຮັກສາສິ່ງແວດລ້ອມ, ປົກປ້ອງຜົນປະໂຫຍດອັນຊອບທຳຂອງປະຊາຊົນອີກດ້ວຍ.
ຊາວປະມົງ ຫງວຽນວັນທິ້ງ, ຢູ່ຕາແສງ ເຍີນແຈກ, ເມືອງ ໂບ໋ແຈກ, ແຂວງກວາງບິ່ງ ໃຫ້ຮູ້ວ່າ, ໃນໄລຍະຜ່ານມາ ພໍ່ແມ່ປະຊາຊົນຢູ່ທີ່ນີ້ລໍ້ຄອຍຂໍ້ສະຫຼຸບກ່ຽວກັບສາຍເຫດປາຕາຍ ຈາກບັນດາອົງການທີ່ມີໜ້າທີ່. ພໍ່ແມ່ຊາວປະມົງຂອບໃຈລັດຖະບານທີ່ໄດ້ຊີ້ນຳ, ເຂົ້າຮ່ວມຢ່າງຂ້ຽວຂາດ, ຕັດສິນໃຈຊອກຮູ້ສາຍເຫດປາຕາຍ. ໃນຈຸດເວລາທີ່ຫຍຸ້ງຍາກທິ່ສຸດ, ຊາວປະມົງໄດ້ຮັບຄວາມເອົາໃຈໃສ່, ການລະດົມກຳລັງໃຈ, ການໜູນຊ່ວຍຈາກລັດຖະບານ. ທ່ານ ຫງວຽນແທງບິ່ງ, ຢູ່ຕາແສງ ບາວນິງ, ນະຄອນ ດົ່ງເຮີ໋ຍ, ແຂວງກວາງບິ່ງ, ໃຫ້ຮູ້ວ່າ.
“ລັດ, ບັດດາອົງການທີ່ມີໜ້າທີ່ໄດ້ລະດົມກຳລັງໃຈທາງດ້ານວັດຖຸ ແລະ ຈິດໃຈ ເຮັດໃຫ້ແນວຄວາມຄິດປະຊາຊົນກັບສູ່ຄວາມເປັນປົກກະຕິ”.
ເລື່ອງລັດຖະບານໃຫ້ຄຳໝັ້ນສັນຍາປະກາດສາຍເຫດກໍ່ມົນລະຜິດຕໍ່ສິ່ງແວດລ້ອມ ໃນທ້າຍເດືອນ 06 ແລະ ປະຕິບັດຖືກຕາມຄຳໝັ້ນສັນຍາ ໄດ້ສ້າງຄວາມໄວ້ເນື້ອເຊື່ອໃຈໃຫ້ຊາວປະມົງທາງພາກກາງເວົ້າລວມ ແລະ ປະຊາຊົນທົ່ວປະເທດເວົ້າສະເພາະ. ສິ່ງດັ່ງກ່າວກໍ່ຊີ້ໃຫ້ເຫັນວ່າ, ຍາມໃດລັດ, ລັດຖະບານກໍເອົາໃຈໃສ່, ໃກ້ຊິດຕິດແທດກັບບັນດາບັນຫາໃນຊີວິດການເປັນຢູ່ຂອງປະຊາຊົນ; ມີການກະທຳບົນຈິດໃຈເຄົາລົບກົດໝາຍ, ພາວະວິໄສ, ມີວິທະຍາສາດ; ຄຳເວົ້າໄປຄຽງຄູ່ກັບການກະທຳ; ເຮັດທຸກສິ່ງທຸກຢ່າງເພື່ອຜົນປະໂຫຍດຂອງປະຊາຊົນ, ຂອງປະເທດຊາດ.