(vovworld)- ວັນທີ 28/3 ໄດ້ເປັນຂີດໝາຍໃນປະຫວັດສາດແຫ່ງການພົວພັນ ລະຫວ່າງ ອັງກິດ ແລະ ອີຢູ (EU) ເມື່ອທ່ານນາຍົກລັດຖະມົນຕີ ອັງກີດ Theresa May ໄດ້ລົງນາມໃນເອກະສານເລີ່ມປະຕິບັດວິວັດການ ອັງກິດ ຖອນອອກຈາກ ອີຢູ ຢ່າງເປັນທາງການ ພາຍຫລັງ 44 ປີສະຫນິດຕິດພັນກັບກຸ່ມນີ້. ເຖິງຢ່າງໃດກໍຕາມ, Brexit ແມ່ນວິວັດທະນາການສັບສົນ ແລະ ອາດຈະແກ່ຍາວເຖິງ 2 ປີ ດ້ວຍການເຈລະຈາຫລາຍຄັ້ງທີ່ຫຍຸ້ງຍາກພວມລໍຖ້າ ອັງກິດ ແລະ ອີຢູ. ສອງຝ່າຍລ້ວນແຕ່ບໍ່ຢາກສິ້ນສຸດບັນດາການເຈລະຈາແຕ່ບໍ່ໄດ້ບັນລຸໝາກຜົນຫຍັງ ແຕ່ສິ່ງນີ້ບໍ່ແມ່ນເລື່ອງງ່າຍດາຍ ເມື່ອທັງ ອັງກິດ ແລະ ອີຢູ ຍັງມີຫລາຍທັດສະນະທີ່ແຕກຕ່າງກັນ.
ທ່ານນາງນາຍົກລັດຖະມົນຕີ ອັງກິດ Theresa May
ພາບ:Reuters
|
ເຖິງວ່າ Brexit ໄດ້ເລີ່ມປະຕິບັດແລ້ວ, ແຕ່ການເຈລະຈາຢ່າງເປັນທາງການ ຄັ້ງທຳອິດລະຫວ່າງ ອັງກິດ ແລະ ອີຢູ ພຽງດຳເນີນໄປພາຍຫລັງ 27 ປະເທດສະມາຊິກ ອີຢູ ມີຄວາມເປັນເອກະພາບບຸລິມະສິດບັນດາບັນຫາເຈລະຈາ, ບັນດາຫລັກການ ແລະ ໂຄງຮ່າງຂອງບັນດາການເຈລະຈາ ຕາມລຳດັບ. ຄາດວ່າ: ອີຢູ ຈະປະກາດທິດທາງການຊີ້ນຳ ກ່ຽວກັບເລື່ອງ ອັງກິດ ອອກຈາກ ອີຢູ ໃນວັນທີ 31/3. ການເຈລະຈາຄັ້ງທຳອິດຈະດຳເນີນໃນເດືອນ 5 ຫລື ເດືອນ 6/2017.
ຫວັງວ່າ Brexit ຈະດຳເນີນໄປຢ່າງສະດວກ
ກ່າວຄຳເຫັນຕໍ່ສະພາແຫ່ງຊາດ ອັງກິດ ໃນວັນທີ 29/3, ທ່ານນາງນາຍົກລັດຖະມົນຕີ ອັງກິດ Theresa May ສະແດງທັດສະນະວ່າ ອັງກິດ ຢາກການເຈລະຈາ Brexit ດຳເນີນໄປຢ່າງສະດວກ ແລະ ມີຄວາມເປັນລະບຽບຮຽບຮ້ອຍ. ເພື່ອສ້າງຄວາມສະດວກເບື້ອງຕົ້ນໃຫ້ແກ່ວິວັດການເຈລະຈາ, ພາຍຫລັງລົງນາມໃນເອກະສານປະຫວັດສາດນີ້, ທ່ານນາງນາຍົກລັດຖະມົນຕີ ອັງກິດ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີ ເຢຍລະມັນ Angela Merkel, ປະທານສະພາເອີລົບ Donald Tusk ແລະ ປະທານຄະນະກຳມະການເອີລົບ Jean – Claude Juncker. ບັນດາການນຳເຫັນດີວ່າ ອີຢູ ເຂັ້ມແຂງເພື່ອຜົນປະໂຫຍດຂອງແຕ່ລະປະເທດ ແລະ ອັງກິດ ຈະສືບຕໍ່ແມ່ນປະເທດພັນທະມິດທີ່ໃກ້ຊິດສະຫນິດສະຫນົມ ແລະ ສຸດຈິດສຸດໃຈຂອງ ອີຢູ. ບັນດາຝ່າຍກໍ່ເນັ້ນຫນັກເຖິງຄວາມສຳຄັນຂອງເລື່ອງດຳເນີນການເຈລະຈາບົນຈິດໃຈສ້າງສັນ ແລະ ຕັ້ງຫນ້າ, ພ້ອມທັງຮັບປະກັນໃຫ້ Brexit ດຳເນີນໄປຢ່າງສະດວກ ແລະ ມີຄວາມເປັນລະບຽບຮຽບຮ້ອຍ.
ໃນຂະນະນັ້ນ, ບັນດາສະມາຊິກ ລັດຖະບານ ອັງກິດ ກໍສົ່ງສັນຍານພ້ອມແລ້ວຍົກອອກຫລັກໝັ້ນມີຄວາມສະດວກກວ່າໃນບັນດາບັນຫາຄື: ບົດບາດຂອງສານຍຸຕິທຳ ເອີລົບ, ສິ້ນເປືອງອອກຈາກ ອີຢູແມ່ນປະມານ 50 ຕື້ປອນ, ສິດຂອງບັນດາພົນລະເມືອງ ອີຢູ ທີ່ຫາກໍເຂົ້າມາອັງກິດ ກໍຄືບັນດາບັນຫາເພີ່ມທະວີການພົວພັນດ້ານປ້ອງກັນຄວາມສະຫງົບລະຫວ່າງ ອັງກິດ ແລະ ອີຢູ ເພື່ອຫລີກລ້ຽງການລົ້ມລະລາຍຂອງການພົວພັນທີ່ແກ່ຍາວໃນໄລຍະ 44 ປີລະຫວ່າງ ອັງກິດ ແລະ ອີຢູ.
ຄວາມບໍ່ລົງລອຍກັນຍາກທີ່ເຈລະຈາໄດ້
ເຖິງວ່າ ສອງຝ່າຍຍົກອອກສານເຈລະຈາ ບົນຈິດໃຈສ້າງສັນ ແລະຕັ້ງຫນ້າ ແຕ່ຄວາມຈິງຍັງມີຄວາມບໍ່ລົງລອຍກັນຫລາຍຢ່າງ. ການນຳ ເອີລົບຈຳນວນຫນຶ່ງ ຍອມຮັບວ່າ ເຂົາເຈົ້າບໍ່ຢາກກໍ່ຄວາມຫຍຸ້ງຍາກຕໍ່ ອັງກິດ ໃນບັນດາການເຈລະຈາ ແຕ່ໃນສະພາບຂະບວນການປະຊານິຍົມແຜ່ລາມອອກຢ່າງກວ້າງຂວາງ ແລະ ມີຫລາຍພັກການເມືອງມີແນວຄິດຕ້ານ ອີຢູ ພວມຢູ່ໃນທ່າຊະນະຢູ່ຫລາຍປະເທດ, ອີຢູ ບໍ່ອາດຍົກອອກບັນດາເງື່ອນໄຂງ່າຍດ່າຍສ້າງທຳນຽມບໍ່ດີເພື່ອໃຫ້ຫລາຍປະເທດສະມາຊິກອື່ນເດີນຕາມອັງກິດ ອອກຈາກກຸ່ມນີ້.
ການເຈລະຈາລະຫວ່າງ ອັງກິດ ແລະ ອີຢູ ຍັງປະສົບກັບຄວາມຫຍຸ້ງຍາກ ເມື່ອ ອັງກິດ ຍົກອອກເງື່ອນໄຂວ່າ ອັງກິດ ຕ້ອງມີຄວາມເຫັນດີຕໍ່ບັນດາຫລັກການຖອນອອກຈາກ ອີຢູ ຕາມຂັ້ນຕອນກ່ອນທີ່ເວົ້າເຖິງການເຈລະຈາດ້ານການຄ້າ. ລະອຽດ, ອັງກິດ ຕ້ອງເຫັນດີຕໍ່ພັນທະປະກອບເງິນຂອງຕົນກໍຄືເຮັດແຈ້ງສິດຂອງຊາວອົບພະຍົບ 4 ລ້ານຄົນ, ລວມທັງ ພົນລະເມືອງ ອີຢູ ຢູ່ ອັງກິດ ແລະ ພົນລະເມືອງ ອັງກິດ ຢູ່ ອີຢູ. ກ່າວຄຳເຫັນທີ່ Berlin ໃນວັນທີ 29/3, ທ່ານນາງນາຍົກລັດຖະມົນຕີ ເຢຍລະມັນ Angela Merkel ປະຕິເສດຄວາມປາດຖະຫນາຂອງທ່ານນາງນາຍົກລັດຖະມົນຕີ ອັງກິດ Theresa May ກ່ຽວກັບເລື່ອງ ອັງກິດ ແລະ ອີຢູ ທັງເຈລະຈາ Brexit ທັງປຶກສາຫາລືເຖິງການພົວພັນໃນອະນາຄົດລະຫວ່າງສອງຝ່າຍ. ຕາມທ່ານນາງ Merkel ແລ້ວ, ພຽງແຕ່ເມື່ອໃດແກ້ໄຂເລື່ອງອັງກິດ ຖອນອອກຈາກ ອີຢູ ສຳເລັດ, ເວລານັ້ນ ຈຶ່ງສາມາດປຶກສາຫາລືກ່ຽວກັບອະນາຄົດຂອງການພົວພັນລະຫວ່າງສອງຝ່າຍໄດ້. ວັນທີ 29/3, ທ່ານປະທານສະພາເອີລົບ (EC) Donald Tusk ກໍ່ຢືນຢັນວ່າ: 27 ປະເທດຍັງເຫລືອໃນ ອີຢູ ຈະປົກປ້ອງບັນດາຜົນປະໂຫຍດຂອງເຂົາເຈົ້າໃນບັນດາການເຈລະຈາທີ່ຫຍຸ້ງຍາກ ກ່ອນທີ່ Brexit ມີຜົນສັກສິດໃນປີ 2019. ໃນຂະນະນັ້ນ, ອຳນາດການປົກຄອງ ອັງກິດ ຍັງຄົງຢາກດຳເນີນທັງລະບຽບການອອກຈາກ ອີຢູ ແລະ ການເຈລະຈາກ່ຽວກັບການພົວພັນຄູ່ຮ່ວມມືໃຫມ່ໃນອະນາຄົດ. ຝ່າຍ ອັງກິດ ກໍ່ຢາກຍົກເລີກບັນດາຂໍ້ກຳນົດພວມປະຕິບັດໃນປະຈຸບັນຂອງ ອີຢູ ຊື່ງອັງກິດຖືວ່າແມ່ນສິ່ງຂີດຂວາງດ້ານເສດຖະກິດ ອັງກິດ ພາຍຫລັງສິ້ນສຸດວິວັດການເຈລະຈາ.
ໃນເດືອນ 3/2019 ຫາກບໍ່ຕ້ອງລໍຖ້າເຖິງຈຸດເວລາສິ້ນສຸດການຫັນປ່ຽນ(ຊື່ງປະຈຸບັນບໍ່ອາດຮູ້ວ່າໄລຍະຫັນປ່ຽນນັ້ນຈະແກ່ຍາວເທົ່າໃດ). ໃນກໍລະນີບໍ່ປຶກສາຫາລືໄດ້, ອັງກິດ ຈະຫລຸດຜ່ອນອັດຕາພາສີວິສາຫະກິດຕ່າງປະເທດ ຢູ່ ອັງກິດ ລົງຢູ່ໃນລະດັບຕ່ຳສຸດ, ຫັນບັນດາລະບຽບການ, ຂໍ້ກຳນົດການດຳເນີນທຸລະກິດໃຫ້ແກ່ບັນດາວິສາຫະກິດຢ່າງງ່າຍດ່າຍກວ່າເພື່ອສາມາດແກ້ງແຍ້ງກັບ ອີຢູ.
ຕໍ່ຫນ້າບັນດາການເຈລະຈາມີລັກສະນະຕັດສິນຊີ້ຂາດທິດກ້າວເດີນໃນອະນາຄົດຂອງ ອັງກິດ ແລະ ອີຢູ, ຝ່າຍໃດກໍຢາກຮັບປະກັນຜົນປະໂຫຍດຂອງຕົນ ແຕ່ເປັນທີ່ຈະແຈ້ງແລ້ວວ່າ ທັງສອງຝ່າຍລ້ວນແຕ່ມີຄວາມເຂົ້າໃຈວ່າ ຖ້າຫາກວິວັດການເຈລະຈາຕົກເຂົ້າສູ່ສະພາບຈົນຕາແຈ ຈະບໍ່ມີຝ່າຍໃດຈະໄດ້ຮັບຜົນປະໂຫຍດ.
ຕາມຂັ້ນຕອນ, 2 ປີຈະມາເຖິງ ແມ່ນໄລຍະທົດສອບຄວາມອົດທົນ, ເຈດຕະນາດີຂອງທັງ ອັງກິດ ແລະ ອີຢູ ເພື່ອສ້າງຕັ້ງການພົວພັນຮ່ວມມືໃຫມ່, ນຳມາເຊິ່ງຜົນປະໂຫຍດໃຫ້ທັງສອງຝ່າຍ. ເພື່ອບັນລຸໄດ້ໝາກຜົນທີ່ມີຄວາມເພິ່ງພໍໃຈໃຫ້ທັງ ອັງກິດ ແລະ ອີຢູ, ເຖິງວ່າ ຈະຍາກຫລືງ່າຍ, ໃນພາຍພາກຫນ້າ ສອງຝ່າຍຄວນຊອກວິທີປຶກສາຫາລື ເພື່ອຜ່ານຜ່າບັນດາການເຈລະຈາດັ່ງກ່າວ.